V: Maximum Tune Arcade Cabinet

[boergi]

Sehr schöns Cab. Esch nie enere Arcade gschtande und gseht dem entsprächend guet us.
Originau japanischi version. 100% funktionsbereit inkl. Force Feedback und Card-Reader zum speichere.
s'Artwork esch vu de Version 3. Ibout esch aber es Sega Chihiro met Maximum Tune 2 (uf englisch)
De Monitor esch e Toshiba real flat met eme sehr guete Böud. Es esch es custom remote board iboue das me ed extended settings cha.
Cards zum speichere send ou debi.

Abhole oder Leferig nach Absproch.
Besichtigung esch natürli möglech.

VHB: 3'000.-



































Auternativi games wo uf dem cab loufe und was es brucht defür.
Maximum Tune 1 (GD-Rom und chip ine) louft inkl. FFB und Card Save
Maximum Tune 3 (Namco N2 board met game) louft inkl. FFB und Card Save
Mariokart Arcade GP 1 + 2 (Triforce met game, Eprom fürs FFB) louft inkl. FFB und Card Save
Aui andere Naomi oder Chihiro racer, loufe aber ohni FFB

[Tatsujin]

crazy

[Master(G)]

wunderschön!

[mastercello]

Für was neus bruchsch de Platz?

[boergi]

https://www.olx.ch/de/Article/Details/2 ... r=EPR-61-2

[Zoran]

chaufed...isch es super Cab

[boergi]

niemer inträsse?

süscht mues er es usland..

[Elk]

würd ja gern han aber nid so viel

[boergi]

esch VHB

[Elk]

ich kann zur zeit von glück reden wen ich ende Monat noch 200.- habe.

[damian]

im moment für mich au grad chli unpassend. dä hyun soo hät unbedingt en mario kart cab welä, aber es isch au für nöd gad dä richtig ziitpunkt...

[turntablism]

Isch da eigentlich en flat-crt drin ?
das ding gseht us als obs en bombastische sound macht

[boergi]

ja toshiba real flat. absolute top monitor.

dä esch es:
http://forum.arcadeotaku.com/viewtopic.php?f=4&t=19001

Mario Kart louft ou uf dem Cab. Triforce ine, Eprom uf em FFB board tusche, ei dip umschaute, fertig.
s'Eprom geb i uf wunsch dezue.

[meyerli]

es Mario kart wäri scho super, aber solo racing cabs findi chli langwilig. mindestens twin söteds scho si, besser aber 4 Player

[boergi]

I hät no e zwöite met Maximum Tune 3 denne.

De Card Reader funktioniert übrigens ou met em Mario Kart. Me cha aso ou dert de Spöustand speichere..

[meyerli]

hör uf, wot im Moment nöd so vil Geld für arcades usgeh...
hetsch gschider na en virtua racing twin

[boergi]

de zwöit hani damals müesse schlachte zum de ander flicke..

ha no e sega rally twin und e initial d3 twin woni evt. würd abgä.

[damian]

a dene hetti eher interesse. meldsch di falls...

[boergi]

machsch es agebot

[Goran]

ja toshiba real flat. absolute top monitor.

dä esch es:
http://forum.arcadeotaku.com/viewtopic.php?f=4&t=19001

Mario Kart louft ou uf dem Cab. Triforce ine, Eprom uf em FFB board tusche, ei dip umschaute, fertig.
s'Eprom geb i uf wunsch dezue.

Hoi marco

Lauft au sf-zero druf?

Wellis racing games suscht no?

Was wötsch für das racing cab?

Gruess

Goran

[boergi]

met force feedback loufe:
Maxtune 1, 2 + 3
Mario Kart GP 1 + 2
de cardreader funktioniert ou be au dene usser Maxtune 3
für Mario Kart bruchts es anders FFB Rom, das esch aber debi

ohni FFB und ohni card reader loufe:
aues uf naomi/chihiro basis, eifach ohni gangschautig

F-Zero AX brucht zuesätzlechi analog controls. got aso ned.