Xinobrax2 hat geschrieben:Die hemer bi üs i de Primarschuel gha...ich hans ghasst
Ich glaub die Dinger sind au de Grund warum ich bis hüt kei Interesse a Macs han...
det händs aber no mac os 9 gha wo eifach scheisse gsi isch. ich hans au ghasst!
nachher händs s'unix gno und det ä neui benutzeroberflächi druf ta. sither isches s'beste betriebssystem wos git.
mac os classic und mac os x chasch nöd vergliiche.
Ich weiss dass s OS mittlerwile vil besser isch, au d Hardware...mir fallt spontan au kein rationale Grund i warum ichs nid mag. Ich weiss nur dass die iMacs vo damals de Grund defür sind.
D'90er Jahr (und die früehne 00er-Jahr bis zum Jaguar-Release) sind grässlich gsi für Mac-User. Es grauehafts und vor allem altersschwachs Betriebssystem und nöd viel besseri Hardware. Me chan vom Jobs ja halte was me will, aber de radikali Umbau i de erschte 5 Jahr nach sinere Rückkehr hätt er verdammt guet gmacht. Die beschti Ziit isch im Grund gno dänn so ca. 2006-08 gsi: s'Mac OS X absolut usgriift, d'Hardware dank Wächsel uf x86 uf em aktuelle Stand vo de Technik und vor allem: es hätt die ganzi iOS/iPhone/iPad-Scheisse nonig gäh.
"de hund isch uhuere super. aber ich han en mit de axt abeprüglet." (c) 2011 lakritz
So, es gitt wieder mal Azeiche, dass sich Apple doch no dezue bequemt, ihres iPod-Sortiment chli z'überarbeite. Entweder bringeds dasmal *endlich* en 128Gbyte iPod-Touch (de Classic händ's ja killt, die Arschlöcher!) oder ich gib's definitiv uf und chauf mer das Sony-Dings mit 64Gbyte, wo me chan mit ere 128Gbyte SD micro ufpimpe
Nöd dass ich gross Grund dezue han optimistisch z'si. Apple isch im Grund gno zueztraue, dass sie wäg ihrere ganze Streamingscheisse sogar de 64Gbyte iPod Touch striiched und nüüt meh mit meh als 32Gbyte abüüted
"de hund isch uhuere super. aber ich han en mit de axt abeprüglet." (c) 2011 lakritz
Für mich ischs Problem au chli bi de Dateiformat... finds no cool wemer chan flac und so druf rüere, aber ich glaub das chamer bi Appel eh vergässä. Guet, das chöntmer jo villicht in Apple dingens umwandlä.
Han letschti mol en Fiio X1 kauft. Und es isch halt vo de Gebrucherfründlichkeit scho rächt letscht Johrtuusig... muesch z.B. nid welä en Podcast afangä, und nochher irgendwenn spöter det witerlosä wo ufghört hesch lol.
D I-Tunes Synchro und so isch jo aber bi denä Speichergrössene eh kei Vorteil vom I Pod, will schlussendlich jo doch alles Manuell muesch machä.
450 Euro für en MP3 Player mit 128GB...? Echt ez? :typej:
Es billigs Android Phone kriegsch für ca. 50.-, e 128GB MicroSD für ca. 100.-....ich gsene aber i dass das im Apple Topic niemert interessiert...bin weg.
Zuletzt geändert von Xinobrax2 am 16 Jul 2015 16:34, insgesamt 1-mal geändert.
Ich will das Ding nöd nume als mp3-Player, sondern au als iOS-Grät (anstatt eme iPhone wo mit 128Gbyte meh als s'Dopplete choschtet). Android chunt nöd i Frag, will ich ohnehin mit OS X schaffe. Für mich isch das ideal: En mp3-Player mit gnueg Speicher + es iOS-Grät, wo mit mine Macs chan "harmoniere", aber weder es iPhone (wo ich nöd bruche und mer z'tüür isch) no es iPad (wo ich ebefalls nöd bruche und mer z'gross isch) isch.
Usnahmswiis mal es neus Apple-Produkt, wo würklich exakt e Lugge i minere Usrüschtig chan fülle. Lang gnueg han ich druf gwartet.
"de hund isch uhuere super. aber ich han en mit de axt abeprüglet." (c) 2011 lakritz
Grad gseh, daser in Dollar nume 399.- choschted...interessante Wechselkurs
Mal 90$ für di tumme Europäer druff schlah und hoffe dases niemert merkt? Murica!
Das macheds bi allnä Produkt. Früehner isches no chli andersch gsi, aber sit de Dollar im Verglich zum Frankä so nohloh hed (also ich mein nid erscht grad chürzlich diä Frankästärchi, sondern scho sit längerem) händses nid würklich nach unä apasst. Ich glaub aber nid dass hoffed dasses niemert merkt, sondern dasses trotzdem chaufed lol
Xinobrax2 hat geschrieben:Grad gseh, daser in Dollar nume 399.- choschted...interessante Wechselkurs
Mal 90$ für di tumme Europäer druff schlah und hoffe dases niemert merkt? Murica!
I de CH entspricht de Nettopriis meh oder weniger exakt am Dollar-Wächselkurs (383.-). Aber sie verrächnet der no 30.- Urheberrächtsabgab (was bim Chauf sehr dütlich usgwiese wird, was ich jetzt also im Fall no fair finde) und dänn halt MwSt. und dänn bisch bi 450.-. Und i de Euro-Länder händs halt näbed em zur Ziit sehr schwache Euro e MwSt. vo um die 20%. Chunnt also underem Strich au öppe ane (bin mer jetzt nöd sicher, aber im US-Store sind d'Priise doch höchstwahrschinlich alli ohni Sales Tax, also am US-Äquivalent vo de MwSt., will die vo Staat zu Staat und entsprächend vo Lieferadrässe zu Lieferadrässe variiert).
"de hund isch uhuere super. aber ich han en mit de axt abeprüglet." (c) 2011 lakritz
Xinobrax2 hat geschrieben:Grad gseh, daser in Dollar nume 399.- choschted...interessante Wechselkurs
Mal 90$ für di tumme Europäer druff schlah und hoffe dases niemert merkt? Murica!
I de CH entspricht de Nettopriis meh oder weniger exakt am Dollar-Wächselkurs (383.-). Aber sie verrächnet der no 30.- Urheberrächtsabgab (was bim Chauf sehr dütlich usgwiese wird, was ich jetzt also im Fall no fair finde) und dänn halt MwSt. und dänn bisch bi 450.-. Und i de Euro-Länder händs halt näbed em zur Ziit sehr schwache Euro e MwSt. vo um die 20%. Chunnt also underem Strich au öppe ane (bin mer jetzt nöd sicher, aber im US-Store sind d'Priise doch höchstwahrschinlich alli ohni Sales Tax, also am US-Äquivalent vo de MwSt., will die vo Staat zu Staat und entsprächend vo Lieferadrässe zu Lieferadrässe variiert).
Vorsicht! Ds «Murica» chönnt es Indiz drfür sii, dass es am Xino nüd um e ernsti Konversation gaht, sondern er lieber echli trollt, so we mes i dem Forum irgendwie macht, oder so
In my dream, I am the president.
When I awake, I am the beggar of the world.
Nope, i dem Fall isches en ernst gmeinte Iwand gsi...klar chamer alles irgendwie begründe, rechtfertige und schönrede...aber bi Produkt vo anderne Hersteller isch d Diskrepanz nid so krass.
De "Murica" Teil isch aber tatsächlich getrolle gsi, scharfsinnig erkennt!