Sega Naomi Universal chopped oder nöd chopped?

[sirarthur]

würded ihr es Naomi Upright choppe oder nöd. Isch es schwierig, chamers übel verkacke? laht sich es chopped Naomi au no guet ver chaufe? Vieli Frage, evtl. händ er ja erfahrige gmacht...

[meyerli]

schwirig isches glaubs nöd, aber ha keis vo mine chopped. tues gern so original wie möglich la und hamer paar barhocker bsorgt.

[turntablism]

Bei absage. Hani bi mine beide au gmacht.
Die händ eifach nöd zu de anderne cab's passt und drum han ichs gstutzt. Es isch relativ eifach wenn alli kabel aschribsch und evtl. no paar Föteli machsch. Muesch eifach z'zweite si, zum d röhre usenäh - ussert wotsch en hexesschuss


Quelle

Find es hät nachher meh japan charakter

[sirarthur]

bin no am überlege, hetts grad sölle bim erschte Usenandnäh mache...jetzt müäss i wieder alles usenandrschrube...

[calanda]

i kriege nächst Wuche 2 choppti...... han no 1 normale. i denke mischig machts

[sirarthur]

Han mis jetzt chopped, mir gfallts so au besser. Isch aber scho chli pain in the ass gsi, vor allem will ich nöd so Profi Werkzüüg han und mer muäss gnau schaffe susch häsch dänn irgendwo en gap. Huere müäsam sind bi mir immer eifach die beide Aluabdeckige vo de Bei, chlemmed immer und bringsch fasch nömme rächt herä...

[meyerli]

ich tues amigs über de höchi vom control panel ifädle und de abestosse. brucht zum teil au biz chraft, aber isch bisher am beste gange.

[fifi]

ich tues amigs über de höchi vom control panel ifädle und de abestosse. brucht zum teil au biz chraft, aber isch bisher am beste gange.

Isch das würkli so, die müend igfädled werde?
Mir händ en rechte Kampf gha wommers ussenand gno händ, ich bi eigentlich devo usgange das d'Schrube vo hinne die 2 Teil fixiered.
Ich ha inzwüsche mal eis paar Bei greinigt und die händ e schöni bruuni sauce druff gha, vlt coca cola hani dänkt.
Ich bi den devo usgange dasses es weg dem gsi isch, das die huere profil nöd vonenand gange sind ohni komplet ussezfahre geg obe.

S'einte CRT Backcover wohni vom einte au schomal greinigt han, d'Speaker Box döt hani nöd ussebracht, kei Chance.
Erscht nachdem ichs id de Badwanne gha han und 1 mal grobgspüelt han inne und bruni sauce gloffe isch, hani nacher d'Box eifach chönne usse zieh mit null Chraftufwand.

Choppe tueni den au, aber erscht mal reinige, fixe und den neu lackiere.
S'gröscht Abentüür nebed em choppe (gnau schaffe) wird wohl TV's ummzügle id Cabs, hoffe die ganz Elektronik bringi under vo de TV's.

[meyerli]

wen di ganz control panel box weg nimsch chasch d abdeckige au so druf tue.

grundsätzlich muesch nur de hinder teil über di ganz längi uf d site use drucke, aber die cp box isch chli im weg.

[fifi]

Jaso lauft de Haas, merci für d'Info! Wird d'reassembly demfall entsprechend mache.
Mir händ mit de Abdeckige agfange gha, keis Wunder demfalls...