The(G)Forum

google bard (basierend uf lamda) wird morn präsentiert vo google.

chatgpt haet en code red usglöst und google will jetzt schnell wie möglich das teil usebringe.

hüt 14.30


Quelle

Alles wird künstlich


Quelle

google präsi isch enttüschend gsi. lustigerwiis isch plötzlich google sehr vorsichtig und microsoft prescht ohni rücksicht uf verlust vor in sache AI. google git sich eher "staatstragend" und seit sie waend das teil erst usegeh, wenns au guet isch. wenn was blöds passiert mit chatgpt chan microsoft den immer na sege OpenAI isch schuld. bi google isch das schwieriger.

haet den au ne en bock a de demo geh, drum isch d aktie abgruuuscht. die wo jetzt aber s "endi" vo google verkündet, sind au falsch gwicklet.

sneue google maps isch aber no cool

geil

Jetzt hani ändlich mol gsigned bi Midjourney. Scho de Hammer wie schön die Bilder sind teiwis.

Midjourney 5 isch duss

Entwicklig vo Version 1 bis 5 am Bischpil "Alien":
Alli Versione händ de glich prompt becho: "Xenomorph"
Version 1-3 sind ähnlich schlächt. sie verstönd de Giger Style nur marginal.
Version 4 gseht scho einigermasse wienes Alien us, aber d'Schlüch wärde no als Tentakel begriffe unds Gebiss stimmt au nit. Erscht Version 5 chunnt wirklich noch ans Original ane. vor allem Kopfform, Materialie und Zähn sind sehr guet glunge.
oder am Bischpil Indy;
De prompt isch gseh "Indiana Jones LEGO set"
Version 1-3 befasse sich fascht nur mit der Figur. Sie händ en Idee was Lego isch und versueche d''Figur entsprächend abzschtrahiere. Version 4 weiss bereits witgehend was e Lego Figur usmacht. Details wie Händ sind aber no fehlerhaft. De Zuesatz "Set" wird berücksichtigt und Midjourney versuecht e Szene wo usme Indy Film chönnt stamme darzstelle. die typische Lego Noppe chöme ins Spiel, wirke aber no inkonsischtänt in Grössi und Position. Version 5 zeigt witgehend realistischi Figure und Noppe, und d'Szene wirkt durchus reproduzierbar. Natürlich sinmer nonig sowit, dass die adütete Bauteil au tatsächlich exischtiere.

Händ, bzw Finger sind bsunders schwierig zbegriffe für AI, will sie uf vielne Bilder wo sie zum lerne bechöme, nit komplett sichtbar sind. Version 5 het das Problem aber offebar scho ziemlich guet in Griff becho.

Me merkt natürlich dass wemer Bilder generiert wos in ähnlicher Form scho irgendwo git, d'Chance viel höcher isch es überzügends Resultat zbecho, als wemer öppis völlig neuartigs verlangt. Trotzdäm isches nit so, dass d'AI bi somene Prompt eifach mehr source material verbaut. Denn wenn das so wäri, hätts für e simple "Xenomorph" nit 5 Versione brucht, demit s'Alien ebe wie s'Alien usgseht.

Nachfolgend e Midjourney 5 Kreation vom Donald Trump als Pandora Bewohnr "Na'vi" (Avatar Film). Das gits als Vorlag vermuetlich niene im Netz. An däm gsehtmer was öppe der Stand voder AI Technik isch, öppis völlig neus zerschaffe. Da simer sicher nonig am Ziel acho, aber ich finds dennoch beidruckend:
bim Obama isch das no besser usecho:

Wär derfür dass das am Cameron schicksch! Er söll doch dr Trump iboue im nöchschte Teil!