It's Storytime

Trash-Talk pur! Alles andere als Videogames...

Moderator: Avenger

Antworten
Benutzeravatar
Buccaneer
VIP-Member
VIP-Member
Beiträge: 8076
Registriert: 19 Okt 2010 14:32
Kontaktdaten:

It's Storytime

Beitrag von Buccaneer »

Gester hani huere lang nid chönne Ischlafe.... und de sind mir - inspiriert vom Kaffee OLÉ und de 1. Augustgschicht - jensti Eskapade und Ankdote i Sinn cho. Bi fast chli nostalgisch worde...

Drum fänd ichs no unterhaltsam, wenn mer eus hie würed Zyt näh, das jede so chli en churzi und am beste amüsanti Episode chönnt zum beschte gäh.

Wie gester i irgend eme Topic versproche mach ich mal de Afang mit eme Gschichtli:


Der Green Express und die Farbe blau

I de graue Vorzyt, wo ich no jung und knackig gsi bin, heds en Graskurier gäh, wo uf de Name Green Express glost hed. Egal ob Räge oder Schnee, Sturm oder Näbel, de Green Express isch unufhaltsam dur d Nacht gritte zum de Teenies us de Region s Ganja z liefere.
De Pris isch sicher nid de bescht gsi, aber wenn churzfristig was hesch welle bezieh, hesch nid chönne wählerisch si. Hie bi eus i de Gmeind heds vorwiegend zwei Plätz gha, wo de Green Express agfahre hed. Eine isch n Parkplatz am See gsi und de ander isch de Parkplatz bim Tierkpark gsi. Ich hoffe, dass jetzt nid Chindheitsilusione zerstört wärded, aber ja, zur Nachtzyt isch de Parkplatz vor em Tierpark Goldau zum Umschlagplatz für Hanf worde!

Zur gliche Zyt isch die lokali Kifferszene vome illustre Duo berichred worde, wo en lustige Kontrascht bilded hend. De eint chli chliner, dicklich und liecht doof. De ander grösser, dünn und au licht doof.
Innerlich han ich sie immer Dick & Doof gnännt, well Doof & Doof nid so igängig isch… wahrschindli han ich sie nid nur innerlich so gnännt, aber das wömer hie nid erwähne, damit ich biz nätter dastah.

Irgendwenn hend Dick & Doof afa Gschäftssinn entwickle und hend ihre Unternehmergeist entdeckt. Natürlich hend sie gmerkt, dass sich i de Wält alles um Gäld dreiht und mer s süesse Marijuana äbefalls nur mit Gäld bechunnt. Zumindest als Ma isch das damals die einzig Option gsi. Hanffälder abrume wär au no en Möglichkeit gsi*.

Dick & Doof sind sich also einig: Geld muss her!
Da mir zu dem Zytpunkt all no Schuelpflichtig gsi sind isch en Job nid in Frag cho. Eigentlich au sust nid, well so schaffe, vor allem als Agstellte Lohnsklav (danke Vyse für de Begriff) isch ja nid grad de Usrudck vo Unternehmertum. Also muss was besser häre…
Us was bestaht eigentlich Gäld? Dick & Doof hend das sehr schnell durchschaut. Eigentlich Gäld ja nur Papier mit chli Farb druff. Also bruchts zum a meh Gäld cho nur: Papier und en Farbdrucker.
Gesagt getan! Dick & Doof bedrucked paar Blätter Papier beidsitig mit blaue Nöteli. Passt halt guet, da mer Dope meistens gad i dere Einheit chauft.
Nach genauerer Betrachtig stelled Dick & Doof fest, dass wenn mer s richtige Papier verwändet, s Ergäbnis gar nid mal so übel isch. Klar mer merkts, wenn mer chli aneluegt und so. Aber hey, mer chönnts ja bim Green Express probiere. De chunnt des Nachts womer eh nix gseht und heds meistens relativ pressant, da er no anderi Umschlagplätz muss astüre.

De Green Express isch schnell bstellt und zu mim erstune hed das astrein klapped. Für paar blaui Nötli hend Dick & Doof erfolgrich de Greeni über de Tisch zoge und defür Chrütli kauft. Dick & Doof sälber sind nid überrascht gsi, da sie vo ihrem Plan vo Afang überzügt gsi sind.
Getreu em unternehmerische Motto: Never change a winning Team, hend sich die zwei Genies vorgno, bereits am nöggste Wucheend wieder die glich Nummere, am gliche Ort, mit em gliche Kurier dure z zieh.
Uf Iwänd und Warninge hend sie nid welle igah, total beruscht vo ihrem kapitalischte Erfolg sind gad ufeme Höheflug gsi. Hettis damals de Film Wolf of Wallstreet scho gäh, hetted sie sich wahrschindli mit de Fust uf d Bruscht gschlage und gsummt: «hmmmm hmmm hmmmm» zum aschlüssend säge:

Bild


S Wuchenend isch endlich da und Dick & Doof hend wie akündet, en Termin mit em Greeni veribart zum wieder Cannabis mit blaue Blüete chaufe. Grüeni Blüete gäg blaubi Blüete.
Die Heinis bim Green Express hend natürli i de Zwüschzyt spitz kriegt, dass i ihrem Kässeli paar blaui Nötli sind, wo nid us de Druckerpässi vo de Nationalbank stammed, sondern Ihre Urschprung ime Heimdrucker hend. Daher sind die uf de Huet und lueged ab jetzt die 100er bitz genauer a.
Es chunnt wies hed müsse cho.
Dick & Doof sind ufgfloge und die beide Herre vom Kurier hend als Dankeschön abfälls defür gsorgt, dass Dick & Doof paar blaui Adänke a das chline kapitalistische Abentür chönnd Hei näh.
De beide Protagonischte isch s Unternähmertum denn schnell wieder vergange und das isch s Endi vo dere Gschicht.

Moral vo de Gschicht:
Kapitalismus tud weh. Bis lieber en Kommunischt und rauch bi de andere mit wos hend..

*Da dezue gitts natürli au en Gschicht.

Leave a like and subscribe
:yoberry: Lüt wo mich kennend bezeichned mich als Neo Woke :yoberry:
Benutzeravatar
Vyse
VIP-Member
VIP-Member
Beiträge: 5391
Registriert: 07 Okt 2010 09:27
Kontaktdaten:

Re: It's Storytime

Beitrag von Vyse »

Egal ob Räge oder Schnee, Sturm oder Näbel, de Green Express isch unufhaltsam dur d Nacht gritte...
Es richtigs literarischs Erläbnis :groel:

dStory über dOffebarig in Frankrich und em Kaffi Olé muesch au da innepaste, die isch super.
Wäre unsere Zivilisation ein Pferd, hätte man es schon lange erschossen.
Benutzeravatar
Master(G)
Administrator
Administrator
Beiträge: 71877
Registriert: 05 Mär 2002 18:34
Wohnort: Game-Chäller
Kontaktdaten:

Re: It's Storytime

Beitrag von Master(G) »

wtf :lol: :lol:
BildBildBildBildBildBildBild
Besucht auch unsere Social-Media Kanäle!
Benutzeravatar
Buccaneer
VIP-Member
VIP-Member
Beiträge: 8076
Registriert: 19 Okt 2010 14:32
Kontaktdaten:

Re: It's Storytime

Beitrag von Buccaneer »

Ja bö in Frankrich sind mer zwe drü lustigi Sache passiert. Hani de mal churz zum beschtäh gäh.
Für vor em Firabig hani no en Story! Heds sogar id Zytig gschafft.

Erläbed ihr amigs au öppis lustigs womer chönnti da verzehle?
:yoberry: Lüt wo mich kennend bezeichned mich als Neo Woke :yoberry:
Benutzeravatar
Herr Rossi
Hardcore Gamer
Hardcore Gamer
Beiträge: 11601
Registriert: 30 Aug 2011 16:44
Kontaktdaten:

Re: It's Storytime

Beitrag von Herr Rossi »

Viel meh als dasi Ziit hätt das alles da inezschribe. Zumene Bier sehr gärn.

Männer hend kei Beckebode, Honga (en garde), Buxe oder Flasche, somalisches Flüchtlingsboot uf de Aare, Titelsite vom Blick etc.
Benutzeravatar
Buccaneer
VIP-Member
VIP-Member
Beiträge: 8076
Registriert: 19 Okt 2010 14:32
Kontaktdaten:

Re: It's Storytime

Beitrag von Buccaneer »

Musch ja nid all ufs mal... eini langet. fürs erste.
:yoberry: Lüt wo mich kennend bezeichned mich als Neo Woke :yoberry:
Benutzeravatar
Buccaneer
VIP-Member
VIP-Member
Beiträge: 8076
Registriert: 19 Okt 2010 14:32
Kontaktdaten:

Re: It's Storytime

Beitrag von Buccaneer »

Wenn der Luchs nächtens zubeisst!

I dere Gschicht begäbed mir eus zrugg zum Afang vo dem Jahrtusig. Genauer gseit hed das animalische Abentür sin Afang im Jahr 2005 gno, was de Astoss für en durchus interessanti Entwicklig worde isch.
Es handlet sich hie um en mündlichi Überlieferig wo i eusem Kulturchreis vo Generation zu Generation witergäht wird. Dadurch chas durchus si, dass die Darstellige mit de Zyt läbhafter worde sind, als sie sich tatsächlich zuetreit hend.
Um z Belege das es sich jedoch um wahrhaft vorgfallni Ereignis handelt, wärded am Ändi vo dere urbane Legände es paar Bewis glieferd. Us bekannte Gründ –Lügenpresse- und so, tünd die Bricht natürli au ihri eiget Version vo dene schicksalhafte Moment darstelle.

Au i dem Epos stönd zwei Protagoniste im Mittelpunkt wo dörfed es ufregends Abentür erläbe. Obwohls zwei anderi Hauptcharaktere sind, als i de vorangegange Überlieferig, chan mer au hie ame gwüsse Punkt i de Story en Bezug zu de Farb blau härstelle.

Wie vieli guet Gschichte, faht au die mit enere usglassene Partynacht a. Üsi zwei Helde sind ein zwei Dörfer witer am fire und das ime Lokal wo sich Jugend für Tanzlustbarkeiten regelmässig a de Wucheende versammled.
Nach etliche Stunde Amüsement wird’s Zyt für zum de Heiwäg aträtte. Um das Ziel zerreiche bemanned die zwei ihre fahrbari Untersatz. Höchstwahrschindlich handlets sich dadebi um en BMW M-Tresch. D Überlieferig isch i dem Zämehang nüme genau herzleite.
De geneigti Leser sei gwarnt, dass de witer Verlauf vo de Gschicht i de Qualitätsmedie andersch usformuliert wird, als i de mündliche Stammesüberlieferige.

Bereits als de BWM M-Tresch vo vom chauffierende Protagonischt us em Parkplatz manövriert wird, bemerked die beide Insasse, dass zur gliche Zyt en nidbeschriftete Chastewage äbefalls gad ufbricht. Bereits nach wenige hundert Meter und handvoll Abzwieger wird klar: De Chastewage schient de BMW z verfolge.
Wenn mer spat nächtens Hei fahrt und glaubt verfolgt z wärde, spornt das d Fantasie nid unwesentlich a und die beide heldehafte Helde maled sich bereits schreckhafti Szenarie us.
Aber wie jede weiss: I de Not chasch du uf din Freund und Helfer verlah! Also wird umgehend d Polizei benachrichted und über die Verfolgigsjagd informiert.
Gemeinsam mit de Polizei veribared die beide en Träffpunkt wo sie sich sölled ifinde und d Polizei sich denn dene unbekannt Verfolger chan sach- und fachgerächt anäh. En raffinierti Falle isch gstellt worde! D Frag isch nur für wen!?

Die Verfolgte uf de Flucht vo de Verfolger folged de Awisig vo de Polizei und begäbed sich schnuerstraks zum Träffpunkt! Dete im Schatte lured scho de Freund und Helfer während de BMW uf de Platz rollt und ahalted. Ändlich in Sicherheit!
Unmittelbar hinter em BWM chunnt de unkänntlichi Chastewage mit quitschende Reife zum stah und alli Türene wärend scheppernd ufgschletzt und vermumti Gstalte springed kampfbereit use!
Sofort umringend sie de BMW, während sich jedoch d Polizei nachwievor im Schatte vorborge haltet. D Protagonischte sind total igschüchtered und wundered, warum de Freund und Helfer nid igrifft.
Scho im nöggste Moment wärded d Autoschiebe uf beidne site mit em Griff vonere Handfürwaffe igschlage und die beide Opfer us em Wage zerrt, vermöbled, gfessled und ne en Sack übere Grind gstülpt.
Nach sich ewig aführelnde Minute stellt sich use, bi de Verfolger handlet sichs um Mitglieder vo de Sondereinheit Luchs wo hie grad en üsserscht unzimperlichi festnahm durefüehred.
Was chönnted die beide Partygänger übels verbroche ha, um so en Behandlig z verdien und das sogar de Luchs hed müsse usrücke zum die Fange?
Tja, normalerwis seid mer ja «Serben bringen Glück». Aber nid i dem Fall… De Luchs hed die falsche bisse! Die beide BMW Enthusiaschte sind mit eme international gsuechte Schwärverbrächer verwächsled worde. Glück hend weder sie beide Serbe gha wo wäg nüt und wiedr nüt dur d Mangle gno worde sind, no de Luchs wo es dicks Verfahre an Hals becho hed, no die lokal Polizei wo au nid gad die Hellschte sind. Die hend ja nid igriffe, well sie gwüsst hend, dass das en Luchs Isatz isch. Aber es hed ne nid gschalte, dass en internationale gsuechte Delinquent eventuell nid de Polizi alüted… aber naja…

Wer jetzt dänkt, dass die Gschicht usgstande isch, hed sich gschnitte.
Natürli heds en Aklag wäg Körperverletzig und de üblichi juristischi Karsumpel isch gfolged. Inere Zytig heds sogar es Foti vo eim vo dene gäh und er hed würkli rächt übel usgseh. De eint Schmierlappe heig sich au nid chönn erchläre woher die Verletzige wohl stammed.
Egal.
Au hie hemmer wieder en Fall vo ufblüehendem Unternehmertum wo en junge Ma sini Chance gseht! Uf Grund vo sine Verletzige und dem psychische Horror wo er heigi müsse duremache, sig er jetzt arbetsunfähig.
Relativ unkompliziert isch er so ane IV Ränte cho. Mer munkled, mer hed nid no welle es grössers Büro ufmache und d Blamage für de Luchs nid au no meh ufespeile und darum sig das alles relativ hurtig vo statte gange.
De junig Ma wo ändlich hed chönne d Chette vo de Lohnsklaverei spränge und fortan hed chönne in süesser Freiheit läbe und schwelge hed das voll uskoschted.
Uf em Schuelhusplatz zmitzt im Dorf isch er fast täglich go plegere und Basketball spiele. Verwunderlicherwis isch das mehreri Jahr guet gange und ich han ihn oft dete gseh und mich längstens gfraged: Wie lang gahts ächt, bis mer dich Holzöpfer höch nimmt.
Mehreri Jahr hed er chönnde das Spieli spiele aber igendwenn isch d Chatz usem Sack und jetzt wird’s tür…


Moral vo de Gschicht:
1. Wäg Tierbiss sött mer Starrchrampf gimpft ha!
2. Usgang isch gföhrlich, blib lieber dehei!

Quellen:
https://www.luzernerzeitung.ch/zentrals ... en-ld.4392

https://www.bote.ch/nachrichten/schwyz/ ... 988,632842

https://www.srf.ch/news/regional/zentra ... gesprochen

Wenn chli googlisch findsch no jenstes meh zu dem tierische Erläbnis.
:yoberry: Lüt wo mich kennend bezeichned mich als Neo Woke :yoberry:
Benutzeravatar
Doraemon
VIP-Member
VIP-Member
Beiträge: 646
Registriert: 25 Jul 2018 07:02
Kontaktdaten:

Re: It's Storytime

Beitrag von Doraemon »

Cools topic, cooli Stories. Darfsch gern no me verzeue. I lise gern so züg. Vilech schribi de o mau öpis nieder :)
22nd century robot cat

Doraemon loves Dorayaki!
Benutzeravatar
kingcaid
Trashtalker
Beiträge: 1281
Registriert: 03 Jan 2021 16:49
Kontaktdaten:

Re: It's Storytime

Beitrag von kingcaid »

Short Story:

S Blüämli

Au ich bin us schuelische Gründ z Frongreisch gewes än. Super ischs gsi. Ha es herzigs gschidnigs Gastmameli verwütscht, die bis anhin anschiinend nur sozialbehinderte Abschuum gha hät oder kommunistischs Chinesepack. Bereits am 2te Tag hätt sie mir bim Znachtschmaus gstande, dass no nie sone höfliche Mensch i irne 4 Wänd gwandlet isch. Sie isch sich anschinend kei Eigeinitiative und Dankbarkeit gwohnt gsi.

However, dur das han ich viel Freiheite gha. Sie hättmer mal herzlich de Schlüssl zu de Wohnig id Hand druckt und gmeint, ich cha cho und gah we ich luschtig bi. Somit isch fascht täglich jede Abig Partyhard ufm Program gstandä. Ob Solo oder mit Ahang.
Oisi Klass isch zämmä mitre Parallelklass im gliiche Städdli gsi. Amne Abig händ sich de es paar luschtigi Ladies zu mir gsellt, wobii eini us de andere Klass eh Betaamuur brucht hätt. Sone Müürli isch praktisch, dänn demit hätt sie sich erhofft, dass automatisch jede Pusserich sich nöd ah sie härrätraut, da er glaubt, sie ghöri zu mir. Miin Fall isch sie nöd gsi, aber so Fraue im Schlepper si halt no praktisch zum wiedrum anderi kennezlerne. Bsunders z Franzenosie hättmer das gholfe. Aber das isch äh anderi Gschicht.
We au immer, chömmed mir halbtorklend us de letschte Location ah dem Abig. Natürlich bini wie immer graduus nüechtern gsi, was sich i gwüsse Situatione als riese Vorteil ussegstellt hät. Bewährts System. Plötzlich spaltet sich au en nüüd unnüächterne Burscht usere andere Gruppe use, diräkt uf miich zue. Mir isch grad dä Ahschiss uä, dänn us minere Erfahrig endet so öppis meischtens mitre Fuschtverteilerei. Also hani mich meditativ uf Schlegle ihgstellt. Da dä Bro immer langsämer worde isch, aber stetig im Gang, hättr Ufmerksamkeit uf sich zogä. D Fraue sind ebefalls stiller worde und hei sich uf das ihgstellt wos am beschte chönd; dumm ummestah, ahstachlä und anderi für sich selber dä Shit lösä lo. Mir isch de das chli zdumm worde und drum han ich mich zu dem Typ härräbewegt. Dä luegter siitlich, aber nöd mir is Gsicht, de vo und ufe und zmal Augekontakt und fraagt mich imne schüüche Franz: "C'est ta fleur?" also ob das miis Blüemli isch. Da s befragte Objekt raucht, was ich, wiä Fraue diä Bier suufed, als abstossend und widerlich empfinde, han ich ihm gseit die dörfer ha. Und de han ich ihm graate, wenner mitre eis smoke würd, er sie villicht am Abig no bestäube dörf. S hätt de chli Diskussione wäg mim Comment geh, mir si de abr i de Gruppe wiiter und hei. Er hätt Sie de allerdings tatsächlich dörfe Hei begleite.

Am nögschte Tag bi mir dihei bim Zmittag, lächled miis Gastmameli herzig i miis Gsicht und fragt nüechtern graduus(übersetzt): "Und häsch eini mit hei gnoh? Häsch eini kehrt?" - Mitme Schmunzle hani ihre de zrugg gäh: "Nei aber eine hätt welle a minere Blueme schmöckerle."
Life is a delicious drink that you have to suck deep
Benutzeravatar
Buccaneer
VIP-Member
VIP-Member
Beiträge: 8076
Registriert: 19 Okt 2010 14:32
Kontaktdaten:

Re: It's Storytime

Beitrag von Buccaneer »

:groel:
De güt!
Betamuur isch en neue! :1thumb:
:yoberry: Lüt wo mich kennend bezeichned mich als Neo Woke :yoberry:
Benutzeravatar
Buccaneer
VIP-Member
VIP-Member
Beiträge: 8076
Registriert: 19 Okt 2010 14:32
Kontaktdaten:

Re: It's Storytime

Beitrag von Buccaneer »

Stay tuned for more shit next week!
:yoberry: Lüt wo mich kennend bezeichned mich als Neo Woke :yoberry:
Benutzeravatar
kingcaid
Trashtalker
Beiträge: 1281
Registriert: 03 Jan 2021 16:49
Kontaktdaten:

Re: It's Storytime

Beitrag von kingcaid »

D Legende vom 20er Nötli

S isch mal ä holdi Maid gsi, die hätt mitmä Troll zämmägwohnt. Teils ischs günstiger gsi, teils us Geilheit vom Troll. D Saag verzellt, dass di zwei sich zämmä gar erotischi Rollbilder ahglueget und debii jedes für sich d Körper entdeckt hettet. Immer i de unerfüllte Hoffnig, dä Troll chönd sich mal garstig güetlich mitre Vergnüägä.
D Maid isch äh chliises ahständigs Knallfröschli gsi, gueti Chlöpfer, guet Proportioniert, Okkular verstärcht. Dä Typ Sekretärin, vo dere viel gärn mal s paar Kopie gmacht hette. S isch halt leider chli eh weichs gsi und als d Nachrichte so uftaucht si, mit was für unghoblet, unpflegtem Volch sich di Maid so s Lager teilt hätt und au mal d Kund vo fremdkultiviertem Fungi dur dä Biischlaaf vo ihre im Ruusch ufcho sind, da ischs dä sehr schnäll abstossend worde. Ob sie au öppis hätt chönne, mer weisses nöd.
Nichtsdestotrotz, das isch sicher wies Amen i dä chilä, würd dä Eint oder Anderi, au vo dem Forum, mal drüberrütscherle.

Innere lauschigä Summernacht, dä Mond isch fascht am Zenith gstandä, isch wiedr wüchentlichi Paarsuechi gsi. D Maid, chli Ahang und mini Wenigkeit händ sich zämmä i dä gliiche Stadt vo Lokation zu Lokation bewegt und alli chli für sich eigne Ziel gwidmet. Während Einigi sich rhytmisch am Paartanz bewegt händ, Anderi im soziale Interaktionestrom gschwumme si, händ es paar sich imne Fluss us vergärtem Trunk güätlich tue. Bevors bi mir wiiter gange isch, hani d Maid gseh und we sie äs Aug ufen nöd unintressierte, liecht unsicher würkende Nachtmensch gworfä hätt.

Paar Stunde als au 2 Örtlichkeite wiiter, isch das gsellige Triibe z End gange. Sehr intressanti Underhaltige und neui Bekanntschafte händ dä Abig abgrundet. Während dä Usfahrt usm Parkhuus, chunnt eh Nachricht vom Troll inne. Ob ich no i dä Stadt bi, er würdi sich suscht mir Ahschlüsse oder bim hei cho & obs i dä Möglichkeit ligg, d Maid mit Ahang mit i di heimatlichi Gefilde mitzkutschiere. Mini Ussag isch gsi, entweder jetzt oder selber luege. So ischs de cho, dass 3 wiiteri Passagier debii gsi sind, mitm gliichä Ziel. D Stimmig isch ruhig gsi. Bim Usstiege hät mir dänn dä Nachtbueb verzellt, dasser nonie vonere Frau ahgsproche worde isch. Vor allem nie mit; hey bi mir esch mini Muschi füecht und chrüsled, chundsch mit zu mir hei? Er isch völlig usm Hüsli gsi. Im Ahschluss händ mir üs am Ziel verabschiedet, d Nacht hät am Morge dä Wäg frei gmacht.

Am nöchschte Namitag bim Troll, isch d Nacht resümiert worde. D Maid hätt dä schüchi Burscht ih ihräs Näscht glockt und mit ihrere Wiiblichkeit welle zumne usschgschweifte Triebe verlockä. S hätt sich allerdings so zuetreit, dass de usicheri Yo-Bro sonere Situation ebe doch nöd gwachse gsi isch. Alles probiere und mache hätt nüüt gnützt. Die lauchigi Männlichkeit hätt sich nöd chönne entfalte. Viel Rauch um Nüüt.
Zum folgende Morge hätt d Maid ihre Ufriss de inere peinliche Stilli zum Bahnhof begleitet. Dur sini nöd gwollti unfunktionelli Erfahrig, isch no eh grösseri Unsicherheit da gsi. D Maid hätt ihm de versicheret, dass seg wahrschindlich vom Alkohol und sie sötted sich innes paar Tag zunere ruhige Stund namal träffe, um das alles z wiederhole. Dä Lauchior, unsicher vo de vergangene Stunde, hätt bi dä Ahfahrt vom Zug in Bahnhof, däm liechte Meitli äh Kuss ufd Bagge gäh, sich für alles bedankt und ihre zum Abschluss no äs 20er Nötli id Hand druckt.
Life is a delicious drink that you have to suck deep
Benutzeravatar
Buccaneer
VIP-Member
VIP-Member
Beiträge: 8076
Registriert: 19 Okt 2010 14:32
Kontaktdaten:

Re: It's Storytime

Beitrag von Buccaneer »

Aaaahahaha! Herrlich!
Ich frag mich:
1. hend die sich de glich nomal troffe?
2. wie viel hett er ihre ächt gäh, wenn er cho wär? looooool ich stirb so guet!
3. hed sis no läss gfunde?

:groel: :groel: :groel:
:yoberry: Lüt wo mich kennend bezeichned mich als Neo Woke :yoberry:
Benutzeravatar
Buccaneer
VIP-Member
VIP-Member
Beiträge: 8076
Registriert: 19 Okt 2010 14:32
Kontaktdaten:

Re: It's Storytime

Beitrag von Buccaneer »

Doraemon hat geschrieben: 23 Mär 2022 15:21 Cools topic, cooli Stories. Darfsch gern no me verzeue. I lise gern so züg. Vilech schribi de o mau öpis nieder :)
We are waiting... 8-)
:yoberry: Lüt wo mich kennend bezeichned mich als Neo Woke :yoberry:
Benutzeravatar
Buccaneer
VIP-Member
VIP-Member
Beiträge: 8076
Registriert: 19 Okt 2010 14:32
Kontaktdaten:

Re: It's Storytime

Beitrag von Buccaneer »

Chli sozial musch si! Mindestens für en Wuche.


Im 10 Schueljahr hemmer müesse n «Sozialwuche» mache. Eifach irgendwas wo hälbwägs «sozial» isch. Z.B. ime Tierheim oder –park go ushälfe. Ime Altersheim mit de alte Lüt Zytverbringe, Au Pair mache, Güsel isammle what ever…
De Event wo eigentlich niemmer Bock druff gha hed isch vollmundig vom Schuelleiter höchstpersönlich akünded worde!
«Es isch egal was ihr wähled! Hauptsach es sich «sozial»! Das isch guet für euri Perönlichkeitsentwicklig! Sueched eu egal was, egal wo, vo mir us au im Usland z.B. in Amerika, hauptsach es isch «sozial»!»
- ??? Warum macht min Computer eigenltich «» anstatt Gänsefüessli ??? -

Ez isch es eso, das ich immer chli en Querulant gsi bi i de Schuel und mini Lehrer gärn zu wissgluet und zum verzwifle bracht han. Bsunders tricky isch äbe gsi, das ich das immer im Rahme vo de Regle gmacht han. Das hed mini Lehrer immer bsunders gfreut, well di degäge kei Hanhabe gha hend.

Wie chan ich ez dem Schuelleiter eis inewürge und das innerhalb vo de gsetzte Gränze? Natürli, er hed Gränze sälber ja zimli genau und relativ wiit zoge: 1. Sozial 2. Usland au möglich 3. Sogar Amerika.
Zu dem Zytpunkt hend Verwandti vo mir i de Staate gwohnt. Wenigi Autostunde nördlich vom Grosse Öpfel. Die Verwandte sind damals mit ihrem erste Chind gsägnet gsi, eventuell scho mit em zweite… weiss i nüm. Aber hey, ich gseh mich voll als Au Pair in the U S and A.

De Herr Schuellehrer isch zimli a d Decki gange wo ich ihm mini Plän bezütlich Sozialwuche eröffned han. Aber da er sini Ussag vor über zwei Dutzend Züge tätigt hed, hed er sich fast nüm chönne usewinde. Nach viel hind und här hemmer üs druff geiniged: En chline «Ufsatz» schriebe, das i dete würki «sozial» underwägs bin und nid eifach gang go Ferie mache. – Keis Problem, sowas schreib ich i 15 Minute.

Us de Zyt dete weiss i eigentlich nüm viel usser 5 Details:

1. Die hend e junge Hund gha. Voll de Plausch gsi.

2. De Zoll:
Am Zoll hend mi d Amis usegno well ich verdächtig usgseh oder. Chleider und Koffer hends dursuecht und nähr hed de Mongo welle min Koffer afa zersäble. Hed sones riese Mässer gha wie de Crocodil Döndi. Ich wirde andersch bleich und er meint scho wäg shit und so. Denn säg ich ihm so: Alte de Koffer ghört minere Muetter! Die killt mich, wenn du jetzt verhackstücklisch. De muss i gar nüm Hei gah und cha gad da blibe. (Eigentli wärs miner Mär rächt am Arsch verbi gange…)
Komischerwis hed er inneghalte und denn sin Vorgsetzte gholt.
Min Vater hed jahrelang für d Swissair gschaffed und darum hemmer natürli jenste Swissairscheiss deheime gha. Und mis Züg isch ime Swissarikoffer dinne gsi.
De Vorgsetzt eifach de geilscht: «There is no Problem. This is Swissair. They are clean.”
Und damit isch es guet gsi… lol. Klar, Swissair isch super gsi, aber trotzdem chan mer i some Koffer es Kilo Drögis ineverbaschtle…
What ever… bin froh gsi, ändlich chönne mit mine Ferie afange… äh «soziale» Wuche

3. Han d CDs Sammling vo minere Tante durstöbered und mir denn en Gipsy Kings CD brännt.

4. Uf em Word Trade Center bini gsi. Ca. 6 Mönet bevors die umlah hed… Irgendwie no krass.

5. Scho wieder de Zoll.
Im Amiland hani andersch fett ikauft. Hends natürli am Zoll i de CH welle wüsse.
«Neinei ich ha nüt». «Aber ich gseh doch, dass sie en neue Rucksack und realtiv neui Chleider a hend».
«Neinei, das tüscht, ich han nur Sorg zu mine Sache».
«Sind sie sich ganz sicher?»
«Jaja, ich bin mir sicher».
«Losed si, wenn mir jetzt i ihre Koffer inelueged und öppis finded, denn füehrt das zunere Azeig. Ich tun sie darum nomal Frage: Sind sie sich sicher, dass sie nid überem Warewärt liged»
«Jaja, ich bin mir immer no sicher».
Ehrlich gseid ich han kei blasse gha was de Warewärt isch…
«Ok, sie chönnd witergah».
*Shiiiiiiiit*

Eiafch am Zoll so scheiss mache und ich ha kei Ahnig was mich da gritte hed. Ich han so Züg mängisch easy durezieh ohni das mer was wür merke und erst nachher check ich, das es meh Ärger gäh hetti, als paar Fränkli für de Zoll zahle…
Aber ich machs au nid bewusst, es passiert eifach… Ich hett sölle Drogeesel wärde… leider heds nür für Esel glanged bis jetzt…


EDIT: Was i no vergässe han:
D Lehrer hend kontrolliert, wer so was macht und öb die dete uftauched. Bi mir chli schwierig.
Also hed en ganz hohli Lehrin aglüte zum Frage wies mit mier so lauft. Mine Unkel hed die grausam zämegschisse am Telefon abr glich no churz chönen afüege, das ich da bin und das es lauft.
Warum er sie zämeschisst? Naja die hohl Nuss hed nid bedänt, dass zwüsche USA und CH en nid unehrhebliche Zytunterschied bestaht und min Unkel wo en workoholic isch, isch nid gad happy gsi, hed mer ihm am drü ir Nacht zum Näscht us gschälled.
Er hed s Telefon äbe Nachts müsse aha wäge Piket und so... lol
Zuletzt geändert von Buccaneer am 04 Apr 2022 14:30, insgesamt 2-mal geändert.
:yoberry: Lüt wo mich kennend bezeichned mich als Neo Woke :yoberry:
Benutzeravatar
Buccaneer
VIP-Member
VIP-Member
Beiträge: 8076
Registriert: 19 Okt 2010 14:32
Kontaktdaten:

Re: It's Storytime

Beitrag von Buccaneer »

Disclaimer: Die Churzgschicht isch weder en «Sozialkritik» no süst öppis. Es isch nur es lustigs* Gschichtli über en Mongo.


De schwarz Peter aka Arschkarte statt Fahkarte

Es isch verdammt lang här, well eigentli Miid i de ÖV wie de Tüfel s Weihwasser… Ich fahre mit em Bus dur euses malaerische Dorf und versänk min Blick i die pitoresk und rurali Landschft. Es Träumli.
A de nöggste Haltestell stiged zwei Kontrolleur ih. Das passiert bi eus nid gad viel. Zumindest dazumal. Wies Hüt isch, chani nid beurteile. Sie fönd ganz vore a und schaffed sich Fahrgast für Fahrgast, Reihe für Reihe dure. Ich als vorblichliche Bürger han natürli mis Bigletto ruckzuck zur Hand.
Nach dem sie mini Reihe passiert hend, verlür ich mich wieder im Ablick vo eusne wite Fälder und schroffe Bärge…
Plötzli ghör i, dass ganz hine im Bus d Tonlag biz nervöser wird. Ganz hinne sind die beide mit eim ins Gspräch verwickled… anschienend hed er keis Billet und naja, uf das wird halt de Uswis kontrolliert und en Buess usgstellt.
De gueti Maa voller empörig: Ich wirde nur schickaniert, well ich schwarz bin.
Ich möchte da afüege, das er kein Chämifäger isch.
De Herr Kontrolleur hed natürli super reagiert und uf die nahelingendi Tatsach higwiese, dass de Herr Schwarzfahrer a) die einzig Person isch wo en Buess bechunnt und B) au die einzig Person ohni gültigem Fahruswis isch und da en direkte Zämehang bestaht.

Ich hab gelolt und bin bester Lune a minere Station usgstiege.


*relativ
:yoberry: Lüt wo mich kennend bezeichned mich als Neo Woke :yoberry:
Benutzeravatar
Jones
VIP-Member
VIP-Member
Beiträge: 22435
Registriert: 23 Jan 2003 09:03
Kontaktdaten:

Re: It's Storytime

Beitrag von Jones »

ke riese gschicht aber was mi geschter grad "bewegt " het... :lol:

mim mami isch ihres xiaomi mi9T is WC gheit. natürlech kaputt...
ha ihre denn es neus phone bstellt und us jux das "alte" grät igschickt, wo no 2 mönet garantie het gha..

und siehe da: es isch gratis repariert worde mitem hinwies: kundenverschulden: NEIN!

:groel: :groel: :herzli: :herzli:

alles guet sowiiit...

aaaaaaaaaaaaaber:

wft!?

woni das grät bechume, isch es google konto vonere wildfrömde person igrichtet. inkl. allne cloud fotos (sogar die usem whatsapp ordner)

i meine, was isch das füre idiote firma?

weiss nid, ob die was zum "teste" igrichtet hei und vergesse z'lösche oder eifach es occassions mainboard igsetzt hei und ob das date si, wo uf dere platine scho druf gsi si...

es churzes factory reset wär gloub nid z'viu verlangt!

:head2wall: :head2wall:
Benutzeravatar
Scarface
Galactic Empire
Galactic Empire
Beiträge: 4241
Registriert: 03 Nov 2006 22:16
Kontaktdaten:

Re: It's Storytime

Beitrag von Scarface »

fingi rächt fräch :lol:
CODE: 1-4-5 ALBATROS

Auktionen Ricardo
Benutzeravatar
zeromeier
The(G)net - Redakteurrrrr
The(G)net - Redakteurrrrr
Beiträge: 17310
Registriert: 06 Dez 2007 09:55
Kontaktdaten:

Re: It's Storytime

Beitrag von zeromeier »

Scarface hat geschrieben: 05 Apr 2022 16:33 fingi rächt fräch :lol:
Wüki, übel :lol:
Antworten

Wer ist online?

Mitglieder in diesem Forum: 0 Mitglieder und 32 Gäste