Tami - Ricardo isch sooooo scheisse.....

[agestuffer]

Shit es isch no schlimmre als ich dänkt han....
Ricardo fögglet jetzt Power Seller so richtig...

Es sisch so. Adrässä isch nümä im Mail, die muesch jetzt vo de Page go holä.... D.h. erst erscht mal iilogä
Problem isch, Du gsesch nur Rächnigsadrääs. Lieferadrässä gsesch erscht wenns Züügs zahlt isch.
D.h. die wend doch tatsächlich vo mir, das ich jedi Auktion denn nomal nach de Zahlig gang go uufruefä und denn dLiefadrässä gang go holä.....
Weisch was da has heisst. jede Tag 10-20 so Kackautkion nomal uufruefä und alles go quitterä und so.... Für das hani doch kei Ziit..
Wenn 3 Sachä im Monet verchaufsch isch das ja no luschtig, aber nid 300...

Klar, jetzt chömed denn wieder es paar Glön wo meinded.. Ja denn verchauf doch nid 300... Haha.. Bis jetzt hetsmer no spass gmacht Zeugs über Ricardo zverchaufä,
aber de Spass nimmt ab.... Sie vermiised de Power Seller ächt zGsschäft. So chundmer immer meh vor... Als wett Ricarod lieber die Huusfrauä wo bitz Grümpel usem Schrank verchaufed..

Das ich ca. 1000 x so viil Züügs verchaufe im Jahr wie en Durschschnittlichä CH Bürger interessiert die Deppä glaubs nid.....Bring Traffic uf Ricardo und so. Das zellt nid...

Shit wie mich Ricardo aktuell grad uufregt....

[DeftOne]

Bring Traffic uf Ricardo und so. Das zellt nid...

Shit wie mich Ricardo aktuell grad uufregt....

Also mit dem Punkt ha i scho vor 1.5 Jahr nüm chönne punkte be ricardo.

Het Ziite ge wo i mit Gamecet 70% be Saturn, MasterSystem, Neo Geo und PC Engine usgmacht ha. Aber ricardo het denn druf higwiise, dass da dene egal isch, wenns niemert will bzw. es nöd verchauft wird. I has eher so gseh, dass mer froh söt si, wenn gwüssi Konsole überhaupt no ufere Plattform abote werdet.

[agestuffer]

Ricardo isch dumm. Sorry, dett schaffed en huuerä tummi Lüüt... Chans nid anders sägä
Macheds ständig umffragä und wenn vo mir als Powerseller Inputs was guet und was schlächt isch. Alles was schächt isch macheds no schechter und die guetä Sachä tönds abschaffä.
Sorry, wie Tumm isch das denn.....
Chundäfründlich isch das absolut nid. Viilicht für Käufer, das die bi jederä Scheiss Aktion es Mail bechömed und so.
Aber für die wo de Cholä bringed und War iistelled (nämlich Verkäufer) sindnä so richtig Scheissegal...

Darum nomal - en ganz tummi firma!

agestuffer

[Lowerman]

Gitts denn vill User, wo unterschiedlichi Rächnigs- und Lieferadressi händ?

[agestuffer]

Gitts denn vill User, wo unterschiedlichi Rächnigs- und Lieferadressi händ?

Würd sägä 1 vo 500 würdi mal meinä.... Die Option vo Rächnigs und Liieferadrääss het Ricardo vor ca. 1-2 Jahr iigfuert....
Es sind wenig, ich weiss, und ich wird das Risiko nä und aktuell eifach alles ad Rächnig Adrässä lieferä.... Chunds de Chaufäer halts
nid isch Gschäft oder so über, sondern denn halt hei....
Gangä devo uus es wärdet immer meh. Will äbä die Option amigs no gärn gnutzt wird.

Was viil han, sind amigs E-mail das die Lüütlis das Zeugs amänä anderä Ort wenn anägschikt ha (zur Mueter, Fründin, Gschäft etc. etc)


Ich würd denn wohl nümmä bewärtä. Will de Ziitufwand isch riisig.

Bzw. eventuell richti mini Frau oder chind ab das die das für mich mached... (isch jetzt kei Witz... Die hend meh Ziit als ich

[DeftOne]

Naja, de Witz a de Sach isch ja au, dass d Chäufer au nöd selte de Kontakt mitm Verchäufer no gern hent, zumindest isch da be mir meist de Fall gsi. Aber joa, ricardo macht viel komischi Sache und die komische Sache machets für all eher schlimmer.

[gio]

Pitsch, bisch Du Beta-Täschter bi Ricardo ? bi mir stönd no all infos im Mail (au bi artikel wo hüt noch 12.00 am mittag verchauft worde sind)

[Herr Rossi]

Schrib doch eifach bi dine Auktione dass d Lieferadressi mues d Rechnigsadressi sii. Wo isch s Problem? Tue nid dumm!

[agestuffer]

Schrib doch eifach bi dine Auktione dass d Lieferadressi mues d Rechnigsadressi sii. Wo isch s Problem? Tue nid dumm!

Glaubmers.. Genau a das hani au scho dänkt..... Mal luegä was jetzt Ricardo uf mis Mail antwortet.. Viil wird nid cho usser da Standard Satz

O-Text Ricardo "Vielen Dank für die Rückmeldung. Diese habe ich der zuständigen Abteilung weitergeleitet."

Sowas i de art... Haha
agestuffer

[agestuffer]

Pitsch, bisch Du Beta-Täschter bi Ricardo ? bi mir stönd no all infos im Mail (au bi artikel wo hüt noch 12.00 am mittag verchauft worde sind)

Nei, ich bin eifach einä vo de erschtä.. Bis am 18.01 stelleds alles um.. Freudi und wart nur - au Du chunsch no in Gnuss!
agsestuffer

[thaeye]

ricardo isch kein werbeplattform wo mit traffic geld verdient. businessmodell und so.

[DeftOne]

Gar nöd gwüsst, dass mer meh verdient, wemmer weniger online het. Em beste söt de Pitsch und all andere nur no öpis amel online ha.

Wenn da jede so mache wör, wärs doch viel besser und ricardo verdient sicher s 100 fache.

[agestuffer]

ricardo isch kein werbeplattform wo mit traffic geld verdient. businessmodell und so.

Ich bringä mit minä viil geilä Aagebot logisch meh Traffic.. Viili Lüüt göng go luegä was de agestuffer wird geils im Aagebot het. Logisch bringi traffic....
Und wenni nix im Aaagebot hät würd Riardo a. 10'000 Frankä Gebührä im Jahr nid kassierä!!
agestuffer

[Mastler(P)]

was er gmeint hät, isch das am traffic allei, also vom ufrüefe vom ne agebot nonig verdient wird.

[agestuffer]

was er gmeint hät, isch das am traffic allei, also vom ufrüefe vom ne agebot nonig verdient wird.

Klar, das verstahni... aber umso Traffic = umsome Lüüt und umso Verkäuf = Umsomeh Gebührä vo Ricardo

und wie überall, wenn kei geili aagbot uf Ricardo sind, hets au kei Lüüt also au kei Umsatz für Ricardo und mich......

Punkt, Aus, Amen
agestuffer

[agestuffer]

was er gmeint hät, isch das am traffic allei, also vom ufrüefe vom ne agebot nonig verdient wird.

Klar, das verstahni... aber umso Traffic = umsome Lüüt und umso Verkäuf = Umsomeh Gebührä vo Ricardo

und wie überall, wenn kei geili aagbot uf Ricardo sind, hets au kei Lüüt also au kei Umsatz für Ricardo und mich......

Punkt, Aus, Amen
agestuffer

[Jones]

mi dünkts nid, dass ricardo powerseller vergrault und "normali" verchäufer bevorzugt...

i ha z.b. ke istellgebühr, derfür massiv höheri verchoufsgebühr als früher.
das bevorzugt doch genau powerseller, da's ke rolle spielt, ständig 1000 auktion offe z'ha, wovon 95% nid zum abschluss chöme.

aber weeeeheee, du verchoufsch z.b. e alte TV für paar hundert franke. denn wirsch massiv zur kasse bätte...

[Herr Rossi]

En alte TV für paar hundert Franke?

[agestuffer]

mi dünkts nid, dass ricardo powerseller vergrault und "normali" verchäufer bevorzugt...
i ha z.b. ke istellgebühr, derfür massiv höheri verchoufsgebühr als früher.
das bevorzugt doch genau powerseller, da's ke rolle spielt, ständig 1000 auktion offe z'ha, wovon 95% nid zum abschluss chöme.
aber weeeeheee, du verchoufsch z.b. e alte TV für paar hundert franke. denn wirsch massiv zur kasse bätte...

Also eifach so als Info - ich zahlä genau die gliiichä Gebührä wie Du au. Han kei Spez Priisä bi Ricardo (frühner sells das angäblich ghä ha. Hans aber nid sälber becho... Haha)
Das jetzt kei Iistellgebührä mit ghit defür höcheri Abschlussgebürä isch fakt, isch aber en Entscheid vo Ricardo gsii.
Und das isch nid daemit Powerseller Mongis mit überhöhtä Priisä alles chönd iistellä, sondern aus 08/15 Grosmueti...

Nomal, wenn 3 Sachä im Monet verchaufsch gmerksch de Mehuufwand woni jetzt hani nid....Wenn 300 verchaufsch scho. Glaubmers.. Denn närvts nur no..

Bis am 18.01 hends denn wohl alli andeä Powerseller au umgestellt. Bin ja gspannt öb denn es paar ander au no bitz uusruefed..
Eventuell mömmer mal Ricardo stürmä wie die Spinner gesters Capitol

agestuffer

[DeftOne]

Also so extrem isch de Spezial-Rabatt nöd gsi, i ha en ja gha. Es isch eher de Bonus gsi, dass mer halt meh het chönne inestelle als anderi.

Und i denk jede Gamesverchäufer ussert dir Pitsch, het au e eigene Online-Shop sit mehrere Jahre. Ob die meh uf ricardo oder i ihrem Shop verchaufet, weiss i logischerwiis au nöd.

[Herr Rossi]

Es wird Ziit dass de Pitsch wieder ein geiler Siech wird, mit eigetem Onlineshop.

Ich chauf öpis am Day one, versproche!

[agestuffer]

Also so extrem isch de Spezial-Rabatt nöd gsi, i ha en ja gha. Es isch eher de Bonus gsi, dass mer halt meh het chönne inestelle als anderi.
Und i denk jede Gamesverchäufer ussert dir Pitsch, het au e eigene Online-Shop sit mehrere Jahre. Ob die meh uf ricardo oder i ihrem Shop verchaufet, weiss i logischerwiis au nöd.

Sorry. Die meinschä Online Game Shops i de Schwiiz sind eifach für nix... Classicgamesstore, Bitgames und wie die alli heissed.. Sind ja alli extre übertüüred, schächt bebildert und und und...
WEiss ja nid was die dettä (bzw. au Du) über de Shop verchaufed. Anschiinend ghits immer no gnueg Lüüt wo dettä poschtet..

Und ja, ich wett gärn en Online Shop. Han aber ehrlicherwiis aktuell kei Kapazität mich um das kümmerä.... Muess 2021 wieder meh Ziit id Uusbildig investierä und Ricardo wieder bitz zruggfahrä

agestuffer

[DeftOne]

Also i wör mal behaupte, dass i scho de bi mit de meiste und beste Bilder, vor allem sit mer de Kolleg natürli mis Brett gmacht het. Du machsch vo de Bilder her ähnlich wie de Gameparadise. Wa Priise agaht, ha i eifach de Aspruch dass i mindestens 5 Fr. ha wöt, für de Ufwand wo i mach. Rest sind i de Regel erfahrigswert über d Jahr hinweg. Dass Lüt döte immer no postet, liit au zum Teil a de Werbig wo die so machet, de Classicgamestore über Google Adwords, de Bitgames über Anibis und Tutti etc. Und joa, i ha da halt au mini eigeni Methode, i ha vermuetli weniger Innahme als mini Konkurrenz, aber für mi ischs halt immer no nur e Hobby wo i gern mach und d Lüt da schätzet, wie ichs mache.

Und joa i cha der au säge, so en Online Shop ufbaue brucht sehr viel Ziit bis überhaupt mal e ernstzunehmendi Grundbasis hesch bisch sicher 2-3 Mönet dra.

[thaeye]

Und joa i cha der au säge, so en Online Shop ufbaue brucht sehr viel Ziit bis überhaupt mal e ernstzunehmendi Grundbasis hesch bisch sicher 2-3 Mönet dra.

isch nömm so eifach hützutags, vill ufwand. waen na en newsletterverteiler wottsch ufbaue und chli adwords und affiliates am laufe häsch, vill z tue.

[DeftOne]

isch nömm so eifach hützutags, vill ufwand. waen na en newsletterverteiler wottsch ufbaue und chli adwords und affiliates am laufe häsch, vill z tue.

Joa, i nutz ja au nöd alles ideal, wil mer Basis vom Shop immer no am wichtigste gsi isch. S guete isch halt eifach denn, das mer was eiges het und halt nüm so extrem vonere Siite wie ricardo abhängig isch. Aber isch halt alles e Frag vo de Arbet womer investiere cha und wöt.