The(G)Forum

Logo...so all paar Mönet schriibi scho öppis...vom Sundam hani aber scho paar Jöörli nüd me gseh, gläse, ghört...
Und i de Stadt inne so, laufts?

mastercello hat geschrieben: ↑17 Sep 2021 11:55 Logo...so all paar Mönet schriibi scho öppis...vom Sundam hani aber scho paar Jöörli nüd me gseh, gläse, ghört...
Und i de Stadt inne so, laufts?

Dä lätscht Arcade am Bundesplatz häds i de Corona-Ziit endgültig botzt, aber häd eh nüt meh zbiete gha.
Deför hämmer jo jetzt s'Game-Museum a de Obergrundstross ond ech muss säge, das häd mi no rächt ahgnehm öberrascht: es häd öppe 20 Einheite Cabs ond Konsole ond es esch au rächt uusgwogge. För 9 Fränkli pro Stond zocke esch au fair. (ech ha i de 90er meh inä gloh inere Stond )

ond mer sälber gohts öbrigens au guet (ha jetzt total 4 cabs fangs)

Du so? Wo wonsch jetzt?

mastercello hat geschrieben: ↑17 Sep 2021 11:55 Logo...so all paar Mönet schriibi scho öppis...vom Sundam hani aber scho paar Jöörli nüd me gseh, gläse, ghört...
Und i de Stadt inne so, laufts?

Yep i läbe no
>>> mini Jungs si langsam aber sicher erwachse u i ha somit wieder me Ziit für mis ArcadiaLand het megaviel zum mache :typej:

Wer kann sich noch an die Zeit vor den Handy-Games erinnern?

DFrag isch eher, warum isch din Name Sundam so huerä Dunkel hi im Forum?

agestuffer hat geschrieben: ↑06 Okt 2021 05:56 DFrag isch eher, warum isch din Name Sundam so huerä Dunkel hi im Forum?

Legende: Administratoren, Fake email user, Globale Moderatoren

er isch abr glaubs nid fake

Before:
After:

Cool!

Kretinou hat geschrieben: ↑23 Okt 2021 21:18 Before:

IMG_20200212_150107_000.jpg

After:

IMG_20211023_170317.jpg

Awesome! Uni isch mis lieblings fighting game! Kumm mol ans weekly in Basel https://fgcbasel.club

Woher heschs cab?

Mini Frau hät grad Tele M1 News glueget und denn hani was vo illegale Glücksspielautomate in Zeiningen ghört.
Churz an TV go luege und ja das Gebäude kenni......

Hoffe es gaht am Sheep guet, weiss leider sin richtige Name nümm.

https://www.telem1.ch/aktuell/illegale- ... -144300531

Schints hets scho vor 10 Johr emol e Razzia ghe (und gemäss Text im 2000 au scho):

https://www.20min.ch/story/razzia-bei-s ... 5379100205

Es wär scho no interessant, wenn d'Präss nid nume so Effekthascherei würd betribe sondern denn au es Fazit würd zieh was würklich drus worde isch. Bzw. würklich d'Gsetzesgrundlage studiere und kommuniziere würd.

Ich ha z.B. uf Ahieb nüt im Geldspielgsetz gfunde, wo d'Ussag vo dere üsserscht sympatische "Leiterin Strafuntersuchungen" bestätigt, dass dr Verchauf vo so Grät verbote wär. Es isch immer nume vo "betriebe" oder "verastalte" d'Red:

https://www.fedlex.admin.ch/eli/cc/2018/795/de

Oder chammer do eine uf d'Sprüng hälfe ?

Wenn ich mir vorstell, dass mir dauernd au in andere Bereich so oberflächlich und unfundiert "informiert" wärded, denn isch doch das nüt anders als Meinigsmachi ...

öberräscht mi jetzt au.
Will of de "Konsumente-Siite", wenn mer irgend sones lokal als "Verein" betriibt esch mer doch sowieso SAVE, oder? So wie d'FREAKERS das (hoffentli) machid oder? oder de OUTLANE gmacht häd.

m.o.terra kaesi hat geschrieben: ↑10 Nov 2021 08:10 öberräscht mi jetzt au.
Will of de "Konsumente-Siite", wenn mer irgend sones lokal als "Verein" betriibt esch mer doch sowieso SAVE, oder? So wie d'FREAKERS das (hoffentli) machid oder? oder de OUTLANE gmacht häd.

Das werd kes Problem si. Be de Strafbestimmige unter Artikel 130 vo dem Gsetzt stoht, was strafrechtlich relevant esch:

1 Mit Freiheitsstrafe bis zu drei Jahren oder mit Geldstrafe wird bestraft, wer vorsätzlich:

a.
ohne die dafür nötigen Konzessionen oder Bewilligungen Spielbankenspiele oder Grossspiele durchführt, organisiert oder zur Verfügung stellt;
b.
im Wissen um den geplanten Verwendungszweck die technischen Mittel zur Ver­anstaltung von Spielbanken- oder Grossspielen Personen zur Verfügung stellt, die nicht über die nötigen Konzessionen oder Bewilligungen verfügen.
2 Wird die Tat gewerbs- oder bandenmässig begangen, so ist die Strafe Freiheits­strafe bis zu fünf Jahren oder Geldstrafe nicht unter 180 Tagessätzen.

3 Mit Geldstrafe bis zu 180 Tagessätzen wird bestraft, wer vorsätzlich durch unwah­re Angaben oder auf andere Weise die Erteilung einer Konzession oder Bewilligung erschleicht.

Grossspiele werdets ned si. Den bliibe no die Spielbankenspiele. Ond den esch d'Frog nach der Konzession resp. öb si das öperem ohni Konzession zur Verfüegig stelle.

Arcade Games händ nüt med dem z'tue.

philsublime hat geschrieben: ↑10 Nov 2021 09:05 Grossspiele werdets ned si. Den bliibe no die Spielbankenspiele. Ond den esch d'Frog nach der Konzession resp. öb si das öperem ohni Konzession zur Verfüegig stelle.

Denn isch d'Frog was "zur Verfügung stellen" genau will heisse. Isch das dr letschti in dr Chetti wo die Grät denn tatsächlich au ufstellt und s'Glücksspiel am Ändkonsumänt ermöglicht oder fangt das scho vorhär bim Hersteller a ?

Das isch ebe alles Definitionssach, schwammig formuliert und die "Leiterin Strafuntersuchungen" tuet jetzt aber so als öb es klipp und klar sig und vo däm Provinzsender wird das au so witervermittelt. Wär das aber würklech so, denn würds das Unternehme in Zeinige jo scho lang nüm geh und es wäred alli Mitarbeiter im Knascht.

Wie gseit - mir fehlt do total d'Sälbschtreflexion und die neutrali Brichterstattig vo söttig Medie ...

Und denn isches natürlich au notwändig und völlig verhältnismässig, dass dört es Grossufgebot vo Polizischte mit schusssichere Weschte und Pischtole uftauched. Es Wunder, fahred si nid no mit dr Eliteeinheit vo dr GSG9 und mit ufgsetzter Gasmaske vor. Es chönt jo eine e Ladig Tränegas als Willkomensgschenk in d'Rundi wärfe ...

esbk sötsch abschaffe. die mached ja genau das wos nöd wend

https://youtu.be/WDsuOHou5Yw🤩
https://youtu.be/Ar9JP_OnBhI

Jungs welle Stick (Sanwa, Seimitsu,…) chönnt ihr für Shmups empfehle? Ha momentan en Sanwa JFL und be ned so richtig zfriede. Präzis stüüre goht gar ned. Merki vorallem be Last Resort.

Isch gwöhnigssach.
Aber probier de seimitsu ls-56.

Yep, LS-56 oder LS-32, jewiils mittem okto gate.

Geils projekt. Chaufe grad paar wenns möglich wird
https://vimeo.com/591387422

Nummer 2 isch acho.
Merci dene wo mer debi gholfe hend



Gesendet von iPhone mit Tapatalk

Nice !
Gnüss es. Geils gfühl gell ?

turntablism hat geschrieben: ↑05 Jan 2022 20:42 Nice !
Gnüss es. Geils gfühl gell ?

Ja isch cool
Vorallem chömend no 2

jetzt no zomene sit-down "abecutte" ond perfekt esch
Hani vor 7 Johr mittem FADE zäme bi 2 Stk gmacht. Esch no rächt müehsam gsi.