Arcade Cabs

Hier geht's um Classics!

Moderatoren: Master(G), mr.raw

Benutzeravatar
turntablism
VIP-Member
VIP-Member
Beiträge: 11785
Registriert: 14 Feb 2011 12:20
Wohnort: Zürcher Unterländer Dräcksloch
Kontaktdaten:

Re: Arcade Cabs

Beitrag von turntablism »

Ich push da mal..
Also..es isch ja eigentlich au es arcade cab, oder doch ehnder en automat wo in e kontaktbar ghört ? :kicher:
Ha vor jahre mal en stand-at photoplay gha. Hät eigentlich no spass gmacht aber denn han en wider verkauft. Irgendswie isch mer letschti langwiilig gsi und han chli ume gsurft uf ricardo, etc. Es gitt ganz hübschi touchscreen grät ala jvl aber die sind mer z'tüür. So höchi photoplay hani au nöd welle, denn han ich so en merit megatouch i de nöchi gseh. 130.-
Es isch nöd grad s schönschte design :lol: aber er isch relativ handlich. Screen schiint ok z'sii aber schlüssel fehled und bim boote angeblich verzögerig aber er lauft.
Also wiso nöd ? Chli baschtle, luege, putze...guete ziitvertrieb. Hey dä hät sogar erotik spiel :sabber: strip poker und so.
Also das isch er:
20220913_212253_copy_1843x1382.jpg
20220913_212312_copy_1843x1382.jpg
Eigentlich grässlich - oder ?

Fritig abig nach em schaffe gholt und ab nachhause go begutachten. Also schlüssel hani nöd, und grad kei passends werkzüüg zur hand. Ihstecke, starte und game...ha eh sturmfrei, wiso nöd grad sex spieli spile ?
Hät no paar anderi cooli sache druff. So es tennis, basketball und was halt susch no so uf dene grät chasch spile.
De monitor macht für das alter no en recht guete idruck. Aber ha de siech denn mal desinfiziert. Merksch grad dass früehner überall graucht worde isch wie bürschtebinder. Scheusslich bruun hät s'putzpapier usgseh.
Aso er het 3 schlösser, aber ebbe kein einzige schlüssel.
:idea: ich ha doch e huufe schlüssel am schlüsselbund und 3 candys mit schlüssel dihei 8-)
20220914_161246_copy_1382x1843.jpg
Geil !!! En briefkasteschlüssel passt zum einte schloss. Ha denn gmeint es sig es cd laufwerk drin...chasch denke ! Sogar e Harddisk steckt da dahinter.

Coindoor...jetzt wirds interessant ..das het es schloss wie a de candys...wooohoooo vo dene hani mindestens 3 schlüssel dihei.
Keine passt. Oha lätz.

S beschte schloss isch natürli das hinte, zum de automat ufmache um zur elektronik / motherboard z'glange.
Öppe 20 schlüssel probiert. Hoffnigslos. Warten bis morn und nachli gamen.

So, neue tag neui idee :idea:
Bohrmaschine fürenäh, im gschäft es paar hss bohrer gholt und...irgendswo han ich doch no en stuufebohrer. Besser sueche und au grad mitneh.
Also wider dihei ahchoo häts gratteret und tschädderet. Nach öppe 20 minute han isch das schloss ufbohret gha.
Tadaa !
20220914_160438_copy_1843x1382.jpg
(Uf dem foto hani de staub scho chli entfernt - es hät schlimm usgseh !)

De Automat hät in betrieb en ziemliche krach gmacht. So wie es flugzüüg. Es hät drüü luftusläss obe aber nur zwei grossi, luuti lüfter drin. Die hend recht verruesset usgseh. Also grad usegno und i de chuchi im spüelbecki gwäsche. Ha scho gwüsst dass es natürli nöd ruhiger werdet aber de dreck wo da drah gsi isch - fasch cm dick :lol:
Guet, mal ohni die abluft lüfter laufe lah. Es ratteret und knatteret immer no. Wie wenn es auto ohni pneu uf de felge fahrt.
Ha denn de cpu lüfter entlarvt. Dä blöd chaib. Das muss ich glaub rasch erledige.
Ha chli ghirnet....bin ja en halbe messi und ha no jenschti alti compis im gschaft umeligge. Egal, zerscht mal es kafi näh.
Ohalätz :idea: neui idee...ha doch für min dreamcast zwei oder drü silent fans kauft gha. Die sind glaub sogar dihei. Gfunde !
Dä siech hani denn ganz schnell ersetzt gha. Und widder....uf de chüelrippe hani soooooo viel dreck mit em zahstocher usekratzt dass der d'haar z'berg stönd.

So, etzt ghörsch mal richtig de sound vom game und das isch richtig ahgnehm ohni fluglärm.
.......gaht bald wiiter.....
:vortex:
Benutzeravatar
sirarthur
VIP-Member
VIP-Member
Beiträge: 2887
Registriert: 23 Okt 2002 18:26
Kontaktdaten:

Re: Arcade Cabs

Beitrag von sirarthur »

coole Bricht...mach wiiter...
Benutzeravatar
turntablism
VIP-Member
VIP-Member
Beiträge: 11785
Registriert: 14 Feb 2011 12:20
Wohnort: Zürcher Unterländer Dräcksloch
Kontaktdaten:

Re: Arcade Cabs

Beitrag von turntablism »

Aso jetzt...ganz grob greinigt, de lüfter ersetzt.
Was chan i eigentlich no mache ? Mal chli is netz go läse über das grät.
Hät no viel posts da drüber. Vorallem händs am ahfang die automate mit cd laufwerk gmacht und lüüt hend problem gha. Easy chasch schnell en ersatz finde.
Mini hät ja scho vo öpperem es upgrade uf hdd überchoo :herzli: aber hey ! Was isch das für e hdd ? Die chan ja au bald de geischt ufgäh ! Panik..
Ich ha ja de briefchaschte schlüssel zum das fach ufmache, chume aber nöd ad hdd rücksiite ahne. Was isch es für e harddisk ? Aha ! Ich gsehn da es fetts kabel. Also e IDE. Ich tubel hätti das ja au uf em motherboard chöne checke :typej:
Mir gaht da de gedanke durch de grind dass ich die hdd muss clone, nur falls sie mal absärblet. Chasch ja nöd eifach e neui poschte. En Dongle / security key isch ja au uf em motherboard. Mal es image, es so genannts abbild mache schadet ja nüt. Aber die blöd hdd steckt unter em monitor und da muss ich ziemlich schrüübeli löse zum dran ane choo. ...und de dreck denn wider.
Mal pause mache, en espresso näh und chli im internet umesurfe.

Zum glück gits forum und so verruckti lüüt wo sich mit so elektroschrott umeschlönd.

Cd laufwerk defekt.
Hdd kaputt
....
Wow was isch da für en post im ne forum ? Hä ?
Keyless image für en megatouch. (Aso ohni dongle ?) Geil ! Dass muss ich ha. Wiiter läse...und läse und läse...
Whooohooo was isch da für en post im ne forum...IDE to CF Card :1thumb:

Ich ha doch no en adapter irgendswo umeligge.
Nöd lang und ich han en gfunde. Aber kei cf karte.
Kaffi näh und online das keyless image sueche. Ich bin en held wenn ich öppis will finde im netz 8-)

Nach kurzer ziit hani denn no gmerkt dass am beschte e 1 oder 2GB cf karte nimsch. Und die muss fat16 si.
Wo findsch hüt no so e chliini cf karte ? Fuck, ich ha kei geduld zum uf eini im internet büüte oder vo china importiere. Ab in interdiscount, dä hät aber keini gha i dere filiale. Hmmm was machi jetzt ? Schnell uf dietike in mediamarkt (so schnell isch es denn au nöd gange weg dem blööde verkehr)
Mediamärt hät ! 32gb :shock: viel z'gross !
Egal, obwohl ich nöd viell han welle is dä automat investiere. Zum glück kenn ich mich ganz wenig mit computer us und weiss dass ich es programm han zum cf karte partitioniere. D.h. us 32gb mach ich e partition vo 1 oder 2gb. Denn chan ich fat16 mache und min megatouch chan vilicht vo de cf karte das räuber image boote. (s' image selber hät nur knapp 1gb). Aso hani 30gb für nüt kauft :typej: egal. Wenn ich was im chopf han ziehn ichs (fast immer) dure.

Wart mal...de automat isch alt. Sehr alt. kennsch USB ?
Ich au. Kennsch PS2 ? Ich au.
Nei nöd playstation. Denk de ps2 keyboard ahschluss.
Wenn ich vo cf karte will boote, muss ich wahrschinlich im bios menü was umstelle.
Cool bliibe. Ich rüer nöd so schnell alles in abfall was no lauft. Also ab isch gschäft is messi rüümli das go hole:
20220914_165556_copy_1382x1843.jpg
Nach bitzli ziitvertrieb am pc mit em AOMEI partitions Manager han ich denn cf karte parat.
Isch scho no geil was für gueti tools dass es gitt. Ha no en adapter zum IDE oder Sata Harddisks mit usb am pc ahschlüsse. :1thumb:

Kafi näh und wiiter gahts. Ide-cf adapter ab in automat. Ischalte und game. Chasch denke ! Gaht nöd. Hmmmm
Gaht nöd....hmm leds am cf adapter lüchtet au nöd. Wtf. Dä brucht ja no strom :kicher: im automat han ich aber kein 5v stecker vorig wo us em netzteil chunnt.
Hmmm...überlegge....bevor ich de siteschniider und de lötkolbe hol, nimmi lieber no es alts pc netzteil füre, nur so zum schnell teschte. Han i ja au ghamsteret und nie furt gschmisse.
Aso nomal, jetzt lüchtet au led's bim cf adapter.
.....jetzt seid mer de automat irgendwas "boot failure"
Neiiiin. Gaht nöd -oder ?
De adapter kaputt ? Cf karte falsch partitioniert ? ???
Ich ha doch no en zweite adapter irgendswo ?
Aha genau ! Im ne candycab coinbox. Und de isch vom taito type x gsi wo ich nümm bruche.
Unverhofft chunnt oft. Und denn muss mer no an grind lange :typej: da steckt ja no e 16gb cf karte drin.
Und ich löli han e neui im mediamärt kauft.
20220914_165526_copy_1382x1843.jpg
So wiit so guet. Namal an pc und karte probiert partitioniere. Denn han ich no irgend e ihstellig gfunde wo gstande isch win10, winxp win 98.
De megatouch isch ja alt und denn hani glaubs xp ihstellig gmacht.
So, wider alles im automat ihgsteckt. Chli im bios umepröblet und siehe da.... das image lauft ! Aber ohni sound. Vorerscht egal.

Also wenn harddisk de geischt ufgitt, chan ich vo cf karte boote. Das mit em sound wirdi denn au no anebringe.

Ha denn no en 5v stecker us me alte netzteil abgschnitte und eifach parallell an 5v vom cpu lüfter aneglötet :-D funktioniert. De adapter het jetzt strom us em automat.

So, hüt han ich de automat mal chli meh usgschlachtet und ha endlich chöne d harddisk usenäh.

Pfuitüüfel
20220914_160446_copy_1843x1382.jpg
20220914_160416_copy_1843x1382.jpg
Übrigens han ich denn no de coindoor schlüssel vo paar andere automate teschtet und siehe da ! Eine passt !
20220914_161258_copy_1382x1843.jpg
Hah, kasse leer :( aber das hani scho gwüsst, susch hätti ja bim transport d'münze klimpere ghört.
Ein 2-fränkler hani denn aber no gfunde under em monitor :-D

Hinter de coinbox isch no en service taster und en taschter für touchscreen ihstellige.

So, jetzt will ich eu fröge wie oder mit wellem pc programm dass ich die alti gruusigi harddisk chan klone? Ich will es 1:1 image mache. Well das räuber image isch version titanium und mini hdd isch platinum. Kei ahnig was da de unterschied isch, aber ich will beidi, je, uf cf karte ha.

Zudem will ich em automat no neui farb gäh. Söll ich en farblich ändere ? Wie würd er optisch besser usgseh ?
Farb chan ich verpasse an:

-seite links/rechts
-monitor bezel
-und abdeckig in mitte

T-molding bini am sueche. Diä farb isch mer eigentlich egal.
20220913_212741_copy_1843x1382.jpg
:vortex:
Benutzeravatar
Master(G)
Administrator
Administrator
Beiträge: 71878
Registriert: 05 Mär 2002 18:34
Wohnort: Game-Chäller
Kontaktdaten:

Re: Arcade Cabs

Beitrag von Master(G) »

witzige bricht. me like :1thumb:
BildBildBildBildBildBildBild
Besucht auch unsere Social-Media Kanäle!
Benutzeravatar
turntablism
VIP-Member
VIP-Member
Beiträge: 11785
Registriert: 14 Feb 2011 12:20
Wohnort: Zürcher Unterländer Dräcksloch
Kontaktdaten:

Re: Arcade Cabs

Beitrag von turntablism »

So, da bin ich wider...
Das Projekt isch unterdesse chli wiiter. Oder besser gseit zu 99% fertig.
Wo bini stah blibbe....ah ja, T-Molding (das bedütet in arcade fachsprach uf dütsch übersetzt so öppe "kantenschutz") nur so nebbed bii für dä wo das nöd kennt.

Und neulackierig umsprütze han mer au überleit gha.

Fang mer mal mit em letschtere ah. Da gitts nöd vill z säge. Ich has schlicht und eifach nöd gmacht. Defür hani de grusigi sideart chläbber entfernt. Dä wo de chläbber dazumal druff kläbbt hät, hät i mine auge tomate uf sine auge gha. De chläbber isch irgendswie exzentrisch gsi. Egal...wäg mit dem. Ha denn mini spray füregno und extra d fingernägel nöd gschnitte für es paar täg.
De siech (besser gseit die beide sieche - sind ja zwei druff gsi, links und rechts a de siitewänd) hani abknüüblet. Das isch no relativ guet gange aber....de klebstoff, fuck ! Grauehaft. Spray nützt nüt. Guet...denn Aceton. Hmmmm vilicht doch nöd, das isch glaubs ziemlich effektiv aber chönt no anders entferne. Oder ?
Hirne, hirne...nitro häts doch no wo. Okay, denn probier ich nitro. Nach 15 minute hano soooo grindweh gha vom gstank und aber scho es rechts stuck entfernt. Ufhöre susch bruch ich keis bier meh am abig.
Whats next ? Bremsreiniger han ich no in e sogenante spraydose. Das hät denn am beschte funktioniert. Stinkt zwar au wie sau aber was sölls. Ich has blitzeblank putzt überchoo. :-D

T molding: ich has gfunde aber hätti bi dere grossverkäufer buude nur chöne in gross mengi bstelle. Spinner ! Ich chauf doch nöd 'zig meter für min chline megatouch. Denked die ich ha en restaurationsbetrieb und bruch t molding wie am förderband ???
Ha denn am ne bekannte schriiner mis problem gschilderet und ghofft dass er in siner werkstatt no was umeligge hät. Ganz en tolle typ ! Han em die alte gruusige zeigt. Er het mass gno und hät gseit er luegt was er chan uftriibe.

Nöd mal e wuche spöter bringt er mir denn voll es päckli mit ere ganze rolle kanteschutz. Vo wo hett ers ???
No comment :kicher: er seit ich söll näh, bruche und de rescht denn zrugg gäh. Tolle typ - würklich.

Also hei und gas gäh...
20220921_192153_copy_1382x1843.jpg
Sie sind zwar schwarz, defür nöd so versifft wie die alte graue.
Isch denn no e rechti herusforderig gsi das z'montiere. Di alte sind easy wegchoo und di neue hend denn recht klemmt (besser sie klemmet, denn hebbets natürli au besser und muss es nöd ine liime).
Werkzüügkiste muss ane ! Hammer muss ane ! Wenn ich aber mit em Hammer direkt ufs molding schlah, gsehts natürli denn schnell nümm so suuber und neu us. Was machi da ? Wie mach i das ? Bin natürli nöd so blöd wie ich mängisch tue und hol mer es alts frotte tuech. Das dämpft schön. Es frotte tuech nimsch eigentlich zum di nach em dusche oder bade abtröchne. Ich bruchs zum mit em hammer druff schlah 8-)
Paar minute spöter isch's ergebnis sichtbar.
20220921_192129_copy_1382x1843.jpg
Lueg mal wie das schön glänzt ! Würkli wie neu ! Ah es isch ja neu. Findi no cool.

Paar tag vorher hani artwork gsuecht. Also wider so chläbber wo ich chan uf de siitewänd anechläbbe.
Im ebay hani gseh aber vo amerika bstelle schiist mi ah.

Min zweite vorname isch ja google....und ich finde alles. Sogar passendi artwork für en merit megatouch.
Chuum han ichs gfunde, bini uf so e mysticker homepage go ufeladde und has bstellt. Ha ja nöd gwüsst was da usechunnt aber es isch schneller und günschtiger als das vom ebay bstelle.

Hüt bini ganz nervös zum briefchaschte go güxle. Hey ! Da lamped doch voll so es kartoncouvert use ! Das musssss es si. Und siehe da es sind würkli mini sidearts. Judihui !
Uspacke und...whoaaaa...gseht guet us. Schnell mal churz anehebbe zum luege ob grössi au öppe passt - passt !
20220922_202431_copy_1843x1382.jpg
Bevor ich vergiss z'schriibe...ha ja no zwei gwind löcher obe uf em automat. Für was sind die ? Das chan nur für es marquee si. Oder seit mer topper ? Kei ahnig. Ich ha denn doch no was im ebay bstellt...und zwar so en plexiglas topper.
Dä hani bim ne franzos gfunde. Relativ günschtig aber mit em falsche artwork drin. Es isch es artwork für en megatouch maxx. Ich han aber jetzt en titanium. Scheissegal. Das gitt chli farb und macht sich trotzdem guet.

Also chläbber ane und topper druff...et voila
20220922_203258_copy_1843x1382.jpg
20220922_203735_copy_1843x1382.jpg
Ja ja. Ihr gsehnd scho was ich gern spile :oops:
Bin en chliine glüschtler :sabber:
20220922_203612_copy_1843x1382.jpg
Dä automat isch sogar - wie sägeds hüt ? - genderfründlich oder so. Ich meine ich spile photo hunt mit heisse schnitte fötteli. Mini frau chönti photo hunt mit männer spile (zum glück spiellt sie nöd videospieli susch müssti das no ahluege ) und chind chönntet au no spile.

Im menü chasch zum bispiel erotik spiel usschalte.

So und jetzt zum abschluss no öppis gaaanz lässigs !
Das isch sooo geil dass ich das da zeige muss.
Wo ich das usegfunde han, häts mi fascht gschellt...
20220922_205318_copy_1305x979.jpg

REKLAME

da chasch dini eigni werbig mache. Das isch sowas vo oberaffegeil !
Chasch natürli au irgend en chabis schriibe und gstalte.

So, das wärs gsi mit mim projekt. Ebbe 99% fertig. D.h. ich muss nur no es neus schloss ha für de münzschacht und eis schloss no apasse dass es schlüsst. Und vilicht no e neui coin frontpanel in chrom. Das wär no schön.

Hesch au es projekt ? Wär nett wenn das da im forum presentiersch.

Also tschau zäme und vilicht uf bald wider mal....
20220922_204946_copy_1843x1382.jpg
20220922_205330_copy_1305x979.jpg
:vortex:
Benutzeravatar
Marco_in_motion
Joystick-Kampfsau
Joystick-Kampfsau
Beiträge: 7935
Registriert: 02 Feb 2011 22:52
Wohnort: Züri Oberland wills super isch
Kontaktdaten:

Re: Arcade Cabs

Beitrag von Marco_in_motion »

häsch au scho geilere shit posted :vortex:
geosnow hat geschrieben:du bisch eifach en guete mensch.
Mastler(P) hat geschrieben:du bisch eifach en guete mensch.
Benutzeravatar
m.o.terra kaesi
Arcade God
Arcade God
Beiträge: 7450
Registriert: 09 Mär 2002 12:36
Wohnort: Luzern
Kontaktdaten:

Re: Arcade Cabs

Beitrag von m.o.terra kaesi »

Of däne Touch-Screen-Röhrene häd mer doch immer wie en hohle starch ond gnau müsse drucke, dass es ahgä häd, oder nid? :mrgreen:
HAVE YOU PLAYED ATARI TODAY? :winkewinke:
Benutzeravatar
turntablism
VIP-Member
VIP-Member
Beiträge: 11785
Registriert: 14 Feb 2011 12:20
Wohnort: Zürcher Unterländer Dräcksloch
Kontaktdaten:

Re: Arcade Cabs

Beitrag von turntablism »

Marco_in_motion hat geschrieben: 22 Sep 2022 22:37 häsch au scho geilere shit posted :vortex:
Wie meinsch das jetzt ?
Postet uf dütsch einkaufen oder postet uf englisch en bricht schriibe ?
Etzt bin ich ganz verwirrt...scheisse. chume grad depressione über :briegge:
m.o.terra kaesi hat geschrieben: 23 Sep 2022 08:04 Of däne Touch-Screen-Röhrene häd mer doch immer wie en hohle starch ond gnau müsse drucke, dass es ahgä häd, oder nid? :mrgreen:
Es lauft ganz guet. Aber wenn trockni händ hesch, isch chli müehsam hani gmerkt. Wenn pflaster a de finger hesch gahts wahrschinlich nöd. Kei ahnig wie so e touch folie uf em monitor funktioniert ? Bi de händys laufts scho bitz besser. Vo wege gnau drucke...chasch ja kalibriere im menü.
:vortex:
Benutzeravatar
Mr. Heli
VIP-Member
VIP-Member
Beiträge: 1849
Registriert: 05 Mär 2016 16:52
Kontaktdaten:

Re: Arcade Cabs

Beitrag von Mr. Heli »

ok fürd g forum werbig cha meh dir scho es chränzli binde
Benutzeravatar
Marco_in_motion
Joystick-Kampfsau
Joystick-Kampfsau
Beiträge: 7935
Registriert: 02 Feb 2011 22:52
Wohnort: Züri Oberland wills super isch
Kontaktdaten:

Re: Arcade Cabs

Beitrag von Marco_in_motion »

turntablism hat geschrieben: 23 Sep 2022 10:33
Marco_in_motion hat geschrieben: 22 Sep 2022 22:37 häsch au scho geilere shit posted :vortex:
Wie meinsch das jetzt ?
Postet uf dütsch einkaufen oder postet uf englisch en bricht schriibe ?
Etzt bin ich ganz verwirrt...scheisse. chume grad depressione über :briegge:
Bricht schriibe :lol:
geosnow hat geschrieben:du bisch eifach en guete mensch.
Mastler(P) hat geschrieben:du bisch eifach en guete mensch.
Benutzeravatar
turntablism
VIP-Member
VIP-Member
Beiträge: 11785
Registriert: 14 Feb 2011 12:20
Wohnort: Zürcher Unterländer Dräcksloch
Kontaktdaten:

Re: Arcade Cabs

Beitrag von turntablism »

nice !
aber sold out
:vortex:
alperen
Gamer
Gamer
Beiträge: 53
Registriert: 12 Mär 2015 20:54
Kontaktdaten:

Re: Arcade Cabs

Beitrag von alperen »

Salü zäme
De Monitor vo mim E2 flackert für ca. 1 min nachem ufstarte. Nachher wirds besser. Würd en CapKit helfe? Cha das öpper vo eu?
Benutzeravatar
m.o.terra kaesi
Arcade God
Arcade God
Beiträge: 7450
Registriert: 09 Mär 2002 12:36
Wohnort: Luzern
Kontaktdaten:

Re: Arcade Cabs

Beitrag von m.o.terra kaesi »

Alert! Alert!

Sueche öppert im Raum Baden AG wo bimene technische Problem mitere "60-in-1 Platine" cha go hälfte amene Midway Cocktail Cab! Ufwand wird entschädigt! (Froge för en Kolleg).

im Detail: De Kolleg häd es Midway Cab (1980) kauft mitere Ghouls'n'Ghosts Bootleg Platine. Funktioniert tipptopp.
Hanem of Aliexpress zusätzlich en "60-in-1 Vertikal Platine" kauft. Ha die genau glich am gliche Cab. Bi mer fonzt sie au. Bi im gihts immer es Flimmerbild womer nix erchännt. Mir sind beid technisch zwenig begabt, zom de Fehler finde. Help!
HAVE YOU PLAYED ATARI TODAY? :winkewinke:
Benutzeravatar
Fade
VIP-Member
VIP-Member
Beiträge: 3387
Registriert: 30 Okt 2006 17:34
Wohnort: Southtown
Kontaktdaten:

Re: Arcade Cabs

Beitrag von Fade »

m.o.terra kaesi hat geschrieben: 08 Jan 2023 14:35 Alert! Alert!

Sueche öppert im Raum Baden AG wo bimene technische Problem mitere "60-in-1 Platine" cha go hälfte amene Midway Cocktail Cab! Ufwand wird entschädigt! (Froge för en Kolleg).

im Detail: De Kolleg häd es Midway Cab (1980) kauft mitere Ghouls'n'Ghosts Bootleg Platine. Funktioniert tipptopp.
Hanem of Aliexpress zusätzlich en "60-in-1 Vertikal Platine" kauft. Ha die genau glich am gliche Cab. Bi mer fonzt sie au. Bi im gihts immer es Flimmerbild womer nix erchännt. Mir sind beid technisch zwenig begabt, zom de Fehler finde. Help!
Oh no! Good luck …
F B S
Benutzeravatar
Rtron
NEOGEO Addict
NEOGEO Addict
Beiträge: 607
Registriert: 22 Jun 2009 11:39
Wohnort: Bünzen
Kontaktdaten:

Re: Arcade Cabs

Beitrag von Rtron »

Bi nöd grad all zu technisch beschlage was Cabs abelangt. Aber müesst mer das echt nöd am V.Hold oder H.Hold Poti am Chassis istelle?
Benutzeravatar
m.o.terra kaesi
Arcade God
Arcade God
Beiträge: 7450
Registriert: 09 Mär 2002 12:36
Wohnort: Luzern
Kontaktdaten:

Re: Arcade Cabs

Beitrag von m.o.terra kaesi »

Rtron hat geschrieben: 08 Jan 2023 17:42 Bi nöd grad all zu technisch beschlage was Cabs abelangt. Aber müesst mer das echt nöd am V.Hold oder H.Hold Poti am Chassis istelle?
Das cha bi jedere Platine wo ahänksch so krassi Ondersched gä?
HAVE YOU PLAYED ATARI TODAY? :winkewinke:
Benutzeravatar
Rtron
NEOGEO Addict
NEOGEO Addict
Beiträge: 607
Registriert: 22 Jun 2009 11:39
Wohnort: Bünzen
Kontaktdaten:

Re: Arcade Cabs

Beitrag von Rtron »

Je nach dem scho. Ha au mal eini gha, det häts flimmerndi längs- oder querstreiffe gha. Has dä immer am V. Hold müesse istelle.
Benutzeravatar
m.o.terra kaesi
Arcade God
Arcade God
Beiträge: 7450
Registriert: 09 Mär 2002 12:36
Wohnort: Luzern
Kontaktdaten:

Re: Arcade Cabs

Beitrag von m.o.terra kaesi »

Rtron hat geschrieben: 08 Jan 2023 18:13 Je nach dem scho. Ha au mal eini gha, det häts flimmerndi längs- oder querstreiffe gha. Has dä immer am V. Hold müesse istelle.
Bi mim identische Midway cab hani d'Platine au scho mehrmals gwächslet ond ha niä mösse de Screen verändere, komisch.

Muss mer logischerwiis mache wenns lauft oder?
Cocktail Cabs händ en Sicherigschnopf dass de Strom abgschtellt wird sobald mer sCab öffnet.
HAVE YOU PLAYED ATARI TODAY? :winkewinke:
Benutzeravatar
Rtron
NEOGEO Addict
NEOGEO Addict
Beiträge: 607
Registriert: 22 Jun 2009 11:39
Wohnort: Bünzen
Kontaktdaten:

Re: Arcade Cabs

Beitrag von Rtron »

Häsch dänn dim Kolleg siini Ghouls and Ghosts Platine au mal bi dir aghänkt?

Müesstischs scho mache, wänn s Cab lauft.
Benutzeravatar
m.o.terra kaesi
Arcade God
Arcade God
Beiträge: 7450
Registriert: 09 Mär 2002 12:36
Wohnort: Luzern
Kontaktdaten:

Re: Arcade Cabs

Beitrag von m.o.terra kaesi »

Rtron hat geschrieben: 08 Jan 2023 18:59 Häsch dänn dim Kolleg siini Ghouls and Ghosts Platine au mal bi dir aghänkt?.
Di Lauft jo. Die ander au, bi mer. Nor bi sim identische Cab ned. Er wird probiere, hanem grad gseid wiä mache. Danke!
Wenns nüüt bringt meld mi weder do.
HAVE YOU PLAYED ATARI TODAY? :winkewinke:
Benutzeravatar
Rtron
NEOGEO Addict
NEOGEO Addict
Beiträge: 607
Registriert: 22 Jun 2009 11:39
Wohnort: Bünzen
Kontaktdaten:

Re: Arcade Cabs

Beitrag von Rtron »

m.o.terra kaesi hat geschrieben: 08 Jan 2023 19:15
Rtron hat geschrieben: 08 Jan 2023 18:59 Häsch dänn dim Kolleg siini Ghouls and Ghosts Platine au mal bi dir aghänkt?.
Di Lauft jo. Die ander au, bi mer. Nor bi sim identische Cab ned. Er wird probiere, hanem grad gseid wiä mache. Danke!
Wenns nüüt bringt meld mi weder do.
Ha nur dänkt, dass wänns an dem liit wo ich dänke, d Ghouls and Ghost Platine bi dim Cab wohl nöd uf anhieb gloffe wär. Sondern du au istellige hätsch sölle mache.
Benutzeravatar
m.o.terra kaesi
Arcade God
Arcade God
Beiträge: 7450
Registriert: 09 Mär 2002 12:36
Wohnort: Luzern
Kontaktdaten:

Re: Arcade Cabs

Beitrag von m.o.terra kaesi »

Update:
also, de Kollega häd jetzt a allne Regler im Cab omegschrubed ond au of Dip-Switches glueget. Es häd sich bi däre Platine nix veränderet. Immer no Flimmerbild. Wie gseid, bi mer esch sie no gange (ha s'identische Midway Cocktail)
HAVE YOU PLAYED ATARI TODAY? :winkewinke:
Benutzeravatar
turntablism
VIP-Member
VIP-Member
Beiträge: 11785
Registriert: 14 Feb 2011 12:20
Wohnort: Zürcher Unterländer Dräcksloch
Kontaktdaten:

Re: Arcade Cabs

Beitrag von turntablism »

Hend ihr s gliiche monitor chassis in eure cabs ?
Was isch für eis ?
:vortex:
Benutzeravatar
m.o.terra kaesi
Arcade God
Arcade God
Beiträge: 7450
Registriert: 09 Mär 2002 12:36
Wohnort: Luzern
Kontaktdaten:

Re: Arcade Cabs

Beitrag von m.o.terra kaesi »

turntablism hat geschrieben: 09 Jan 2023 23:09 Hend ihr s gliiche monitor chassis in eure cabs ?
Was isch für eis ?
Ha scho sGfühl. Be ned sicher.
Ha grad diä fetteli vo ihm do no....

Mer tüschled jetzt mol eusi Platine ond luegid.
Dateianhänge
FDD9D2A0-D0EC-4196-B9E8-1E26716F5686.jpeg
1E2DC34A-A330-4E1A-836B-35EF74EC6BE7.jpeg
HAVE YOU PLAYED ATARI TODAY? :winkewinke:
Antworten

Wer ist online?

Mitglieder in diesem Forum: 0 Mitglieder und 48 Gäste