Was spielsch grad retrigs?

[turntablism]

geschter mal wider sim city uf em amiga 1000
bis s erdbebe choo isch, denn hani chase hq special criminal inv. und stunt car racer zockt.
hät spass gmacht

[Mr. Heli]

Gunblaze S uf SS azockt, zweimal nacheinander bim erste gegner gstorbe. ohni speichere, muesch dich wieder durch de ganz text klicke, was sehr lang gat. grad wieder ufd siite gleit

[damian]

Ich spiele grad Mr. Heli (Arcade). Das Spiel isch viel besser als ich gmeint han...

[calanda]

Ich spiele grad Mr. Heli (Arcade). Das Spiel isch viel besser als ich gmeint han...

es isch super guet

[m.o.terra kaesi]

geschter häd eusi jöhrlichi GAME SESSION zom 28. mol (!!) stattgfonde. damol mit dene games do (check Pic) plus 3 sogenannti "extra games" im Näbemodus als Single-Player Game: Virtua Cop 2, Excite Bike ond Sega Bass Fishing Duel.

Damol verzichti druuf, alli Games nomol do z'bewerte (hani scho ziig mol gmacht, bi de meischte).
Nor MASHED (PS2) möchti hervorhäbe, wills zersch total underschätzt worde esch vo de Gruppe ond mers fasch häd wälle oss loh. Debi esch das es Hammergame! Vo de gliiche Programmierer wie d'Micromachines-Serie, aber mer muss säge, Welte besser (au wenn das i Reviews im Internet ned so wörkt)!
V.a. viel übersichtlicher und au löschtiger. Gröschts Manko: es häd enorm langi Ladeziite ond esch bi de einte Strecki leider mehrmals abgschtörzt. Ond 2-3 Streckine sind chli lame (vo ingesamt 13). Drom eschs au käs 10/10 Game, aber ned wiit weg devo. Ech gib em es sehr solids 8/10! En fantastische Multiplayer auf Augehöchi mit Mariokart ond Motoroader M.C!

Min persönliche Tagesfavorit esch aber TOWER OF RUBBLE (ATARI 2600) eimol meh gsi. Ond OLYMPICS ATHEN 2004 (PS2) esch för Multiplayer-Gschpass au immer wieder grandios muss mer säge

De FADE esch au debi gsi.

Nägscht Johr spieled mer dä Bass Fishing weder mol im Versus Mode!

[Fade]

Bomberman ofem Saturn hed gfägt

Wohl eini vode beschte u usglechnigschte (Spass & Spiel) Sessions so long!

[m.o.terra kaesi]

Bomberman ofem Saturn hed gfägt

Wohl eini vode beschte u usglechnigschte (Spass & Spiel) Sessions so long!

Klar häsch du Bomberman guet gfonde. Häsch jo au locker gwonne

Uusgliche aber ned im Score: de Sieger esch mit Abstand worde. Aber ich weiss was dmeinsch.
Nägscht Johr tendier i of nomol es Game weniger im "Challenge" (för meh relaxing time), devör vellecht 4 "Extra Games".

[Fade]

Mer händ io sozäge "eis" weniger zockt, nämmli 7 vo 8. I wörd ned 4 Extra Games inetue, werd nome no onöbnersechtlecher …

[m.o.terra kaesi]

Mer händ io sozäge "eis" weniger zockt, nämmli 7 vo 8. I wörd ned 4 Extra Games inetue, werd nome no onöbnersechtlecher …

Sind vorlätscht Johr au 7 gsi...
8 wär Optimismus gsi wie immer.
Meh als 7 bringt mer ned äne. Früehner hämer mol 9 inädröckt

[Fade]

7 em 22? Ok, den esch de 8i offesechtlech Optimismus gsi …

[m.o.terra kaesi]

Virtua Cop 2 (Sega Saturn)

Mir händs a de Game Session uusgiebig gschpillt. Mer häd anduurend d'Gun müsse neu kalibriere ond doch häds niä ganz gschtomme. Äntwäder simmer z'tumm gsi oder das esch en chline Bug im Game.
Au sosch es es ned verrockt guet g'altered findi. S'esch sicher einiges besser als Teil 1, aber Time Crisis (nor scho wägem Fuesspedal) ond House of the Dead (ofem DC) hani besser in erinnerig. Gib em drom en Wertig vo 6/10.

Excite Bike (NES)

Geils Game. Häd vell meh spieltüüfi als mer em zuetrout. Sogar en Steckeeditor häd das Ding dazomal scho gha! Ziitlos guet, en Classic. Wertig 9/10!

[rebornkid]

Gunbird / Saturn

Churzi Levels, geili Bossfights, faire Schwierigkeitsgrad.
Macht immer wieder Spass en Alauf znaeh.

[sirarthur]

Virtua Cop 2 (Sega Saturn)

Mir händs a de Game Session uusgiebig gschpillt. Mer häd anduurend d'Gun müsse neu kalibriere ond doch häds niä ganz gschtomme. Äntwäder simmer z'tumm gsi oder das esch en chline Bug im Game.
Au sosch es es ned verrockt guet g'altered findi. S'esch sicher einiges besser als Teil 1, aber Time Crisis (nor scho wägem Fuesspedal) ond House of the Dead (ofem DC) hani besser in erinnerig. Gib em drom en Wertig vo 6/10.

Excite Bike (NES)

Geils Game. Häd vell meh spieltüüfi als mer em zuetrout. Sogar en Steckeeditor häd das Ding dazomal scho gha! Ziitlos guet, en Classic. Wertig 9/10!

De Saturn Port isch au nöd grad die bescht Version vo VC2, ufem DC wärs Game besser, dött isch au d'Gun iwandfrei. Wobii das au chli en trugschluss isch, dass alli Lightgun Games uf CRT präziser gsii sind als z.B. Wiimote. Guncon und Guncon 2 sind dur die speziell Technik würkli sehr präzis gsii, aber es gitt viil Lightgun Games uf PSX , Saturn, DC wo nöd bsunders präzis gsii sind...
VC2 isch halt scho sehr simpel, meh muäss sich scho vergegewärtige, dass das us de Ziit vo Virtua Fighter 1 etc. chunnt...Virtua Cop Rebirth game ich ab und zue mal. Cool ich aber scho, dass 2 Player uf eim Bildschirm chasch game, das gaht bi Time Crisis nöd, nur mit Splitscreen oder evtl. 2 Screens und iLink...

[fifi]

Metroid Prime uf de Wii, Kolleg hät mer Prime Collection usglehnt, bi grad am erschte drah. Aber mit Walkthrough, ha zwenig nerve für sone riisigi Welt.

Überraschend guet, ich hans mal ufem GC back then aporbiert gha und nach ca 5min ufghört. Für mich isch Metroid 2D!
Meh mues Prime halt als eigeds aluege, wasi damals nöd han, evtl au am Controller vom GC gläge dasi nach 3min abgstellt han.

Ich denk bi de Scanner funktion die ganz Ziit a Aliens, wär geil mit dere stürig es game im Alien uUniversum. Gihts aber nöd, gihts irgendwas was anders was e ändlichi stüürig hät?

[zeromeier]

New Super Mario Bros (ja, isch scho retro), super Spiel, kei Ahnig wieso ich dem nie e Chance geh han.

[TheRzarector]

Xenogears

[evo]

Xenogears

Best story imene videospiel woni bishär erläbt ha, mit fettem abstand. Philosophisch, thologisch, komplex.

Biz theories und wiki iträg dezue läse hilft zum alles im kopf strukturiere was so passiert. Isch def. E herusforderig bim erste mol spiele.

Aber e absolute megakracher das spiel. Schad häns am änd s pacing so hert müesse ufetrülle. Aber besser so als dass mer gar kei änd verzellt beko häte, s budget ischne us.

[TheRzarector]

Bin gerade 20 Stunden drin. Habe schon gehört, dass die Story voll mit Anspielungen auf Nietzsche und Jung sein soll. Habe mir extra vorm spielen nen Podcast zu Nietzsche reingezogen und man kann definitiv Parallelen zwischen den Figuren in Xenogears, vor allem Fei, und Nietzsches Werk sehen.

Dir Kamera im Spiel ist aber schon so ein kleines Verbrechen: wie oft haben Objekte im Vordergrund die Sicht auf den Charakter blockiert. :typej:

[Mr. Heli]

Fire Emblem Blazing Balde Switch GBA

[Doraemon]

Die Wuche hani Octopath Traveller 2 agfange. Es isch fantastisch guet.

[TheRzarector]

Ist das schon retro?

[Mr. Heli]

Final Fantasy VI Pixel Remaster Switch

sind FF überbewerteti spiel? irgendwie machts null bock. han vor x jahr teil 1 und 2 ufdr PSP gspielt, s 2 bis churz vor em endboss und eigentlich guet in erinnerig. s 6i söll ja guet si, aber weiss ja nid so recht. finds recht müehsam, chasch nid us de kämpf flüchte, muesch ständig mega krass heile, sehr item lastig bim heile.

teil 7 remake hani defür super gfunde.

[Doraemon]

Ist das schon retro?

Ha nume grad nid gwüsst wonis süsch söu poste. Aber ja passt glich ganz guet.

@Mr. Heli: Ig fröie mi eigentlech no uf die Remaster. Ha 1-4 bis jetz nur ufem NES gspielt und dert hei si mir aui sehr guet gfaue. Ds 5 hani no gar nie gspielt. Ds 6 hani früecher wos isch usecho mau agfange aber das het mir im Gägesatz zum Chrono Trigger denn gar nid zuegseit. Has müehsam ir Erinnerig. Wirdes aber im Ramen vo däre Collection sicher mau spile.
Was mi überbewärtet dünkt isch Teil 7. Aus nächhär hani gar nie gspielt.

[m.o.terra kaesi]

Ha jetzt endlich mol 'Turtles in Time" mit 'Hyperstone' chönne vergliche.
Fazit: dSNES Variante esch scho en Zacke fröscher im Spielerlebnis. D'Mega Drive Version esch schweriger (sowohl Gegner KI wie au wäg dä längere Levels), esch chli linearer ond weniger abwechslichsrich (au i de Gegner)
Loschtigerwiis häd SNES Variante Moves wo sMD ned häd ond umgekehrt (Fun fact: dMD Version häd meh Charakter animatione)
Grafisch ond akustisch beid topp (au wenn dSprochuusgab bim MD schlechter esch).
Gäbs 'Turtles in Time' ned, wär dMD Version es 9/10... so esch es halt es 8/10.

Mer muss generell feschhalte: beid ghörid zo de beschte Brawler öberhaupt. Sackstarch ond guet galtered! Völlig nohvollziehbar sinds Kultgames!

[m.o.terra kaesi]

Gleylancer:
No niä gschpillt bis do äne....Shit...esch das en Perle! Käs wonder esch sMD Modul astronomisch tüür. Näbscht Thunderforce 4 eine vo de schönste Shooter ofem MD. Ond das scho 1992!
Mer gfallts sogar einiges besser als TF4 wills eher en tactical shooter wie R-Type esch. Finds mega uusgwoge ond stylisch.... för mech es 10/10 game!!

Comic Zone:
Au no niä gschpillt. Es Hammerkonzept! En Brawler mit Tüüfgang ond Kniffelelement...wow! Grafisch en Augeweid! Nor de Sound esch biz monoton mit de Ziit, aber eidüütig au en Classic! 9/10

sMega Drive esch soooo cool hei!