Nintendo Wii

Hier geht's um Classics!

Moderatoren: Tatsujin, mr.raw

Benutzeravatar
sirarthur
Hardcore Gamer
Hardcore Gamer
Beiträge: 2533
Registriert: 23 Okt 2002 18:26
Kontaktdaten:

Re: Nintendo Wii

Beitrag von sirarthur »

Yep, wür säge die Ziitä wo i de Brockis und Flohmis no Schnäppli gfunde häsch sind eher verbii, gitt sicher ab und zu mal öppis, müäsch dänn aber au mega viil go luägä, isch ja au ufwand. Die Händler orientiered sich wahrschinlich hütt rächt strach a ricardo. In Züri findsch i de Brockis und Flohmis nütt meh, evtl. chli ländlicher no eher. Schad, isch immer cool gsii, wenn irgendwo öppis gfunde häsch....
Benutzeravatar
m.o.terra kaesi
VIP-Member
VIP-Member
Beiträge: 6622
Registriert: 09 Mär 2002 12:36
Wohnort: Neo Kobe City
Kontaktdaten:

Re: Nintendo Wii

Beitrag von m.o.terra kaesi »

sirarthur hat geschrieben:Yep, wür säge die Ziitä wo i de Brockis und Flohmis no Schnäppli gfunde häsch sind eher verbii, gitt sicher ab und zu mal öppis, müäsch dänn aber au mega viil go luägä, isch ja au ufwand. Die Händler orientiered sich wahrschinlich hütt rächt strach a ricardo. In Züri findsch i de Brockis und Flohmis nütt meh, evtl. chli ländlicher no eher. Schad, isch immer cool gsii, wenn irgendwo öppis gfunde häsch....
gange sit 1 1/2 jetzt regelmässig i alli mögliche Brockis i de ganze Schwiiz. Han no niä öpis gschiihts gfonde: 70% esch ps3/ps2 stuff (ond vo däne 70% sind de nomol 70% alli tumme FIFAs) .... 20% xbox360 ond 10% no ps1..... ab ond zue mol es mega-drive game oder en wüeschte Nintendo DS...thats it.
Ims Schwiiz in Brockis oder Flohmis nach Retro-Games sueche esch wie in Japan nach Raclette-Öfeli sueche.
16-Bit forever! :sabber:
Benutzeravatar
sirarthur
Hardcore Gamer
Hardcore Gamer
Beiträge: 2533
Registriert: 23 Okt 2002 18:26
Kontaktdaten:

Re: Nintendo Wii

Beitrag von sirarthur »

Isch us minere Sicht erscht siit ca. 5 Jahr so...vor paar jahr hani z.B. ime Brocki in Züri 3 Dreamcast für 10.- oder Gameboy Pocket gfunde etc., wahrschinlich hät i dem Bereich d'Verlagerig uf online eifach spöter igsetzt.
camelot
Rookie
Beiträge: 145
Registriert: 13 Dez 2013 06:38
Kontaktdaten:

Re: Nintendo Wii

Beitrag von camelot »

Brocki kasch ächt vergässe, das probier ich scho gar nümme. Uf gwüsse Flohmis findisch aber scho immer mol wieder öpis guets. Wie ebe z.B. am Sunntig in Prattele wo eine (leider nid ich) e Gamecube mit OVP für 20 Stutz mitgnoh het. Gameboys findisch au no vieli für 10 - 20 Frangge. Vor einige Mönet hanni e N64 Konsole in orange transparänt mit OVP in schönem Zustand mitgnoh. Ha zwar 150 Stutz zahlt, aber das isch immer no günschtig. Oder bim gliche Händler e Neo Geo Pocket in OVP mit Metal Slug in dr Schachtle und no e Spiel au für 150. Es goht also scho no, de muesch aber jedi Wuche frieh am Morge dört stoh und di mit de andere Konsole- und Gamekäufer um die wenige Sache prügle wo's no het.

Raclette isch in Japan kei Problem: https://www.fromjapan.co.jp/en/auction/ ... l675057721" onclick="window.open(this.href);return false; oder sogar so https://www.fromjapan.co.jp/en/auction/ ... l500101126" onclick="window.open(this.href);return false;
Benutzeravatar
mr.raw
VIP-Member
VIP-Member
Beiträge: 10210
Registriert: 05 Mär 2002 23:37
Wohnort: Basel Stadt
Kontaktdaten:

Re: Nintendo Wii

Beitrag von mr.raw »

camelot hat geschrieben:Oder bim gliche Händler e Neo Geo Pocket in OVP mit Metal Slug in dr Schachtle und no e Spiel au für 150.-
? Dä z Prattele hett es NeoGeo Pocket kha?! Wenn hesch du denn das gfunde? Ich bin jo scho praktisch dörte bevor sie alles uffbaue tüed, da ich für 2 tue sache hi und her transportiere.
Guet, ich hätt eh kei inträsse kha. Isch nur, will ichs nid gseh ha.
De Orangi N64 isch mr aber uffgfalle...jedoch hett de viel meh koschtet kha denne.
En Orange Cube hann i au scho gseh, aber ha nid inträsse kha 400.- aahnezblättere.

Was ufffallend isch, sin die viele GBA und GB Games. Vor allem GB findsch au bi dene wo nur Gschirr oder Kleider tüend verkaufe.
camelot
Rookie
Beiträge: 145
Registriert: 13 Dez 2013 06:38
Kontaktdaten:

Re: Nintendo Wii

Beitrag von camelot »

mr.raw hat geschrieben:
camelot hat geschrieben:Oder bim gliche Händler e Neo Geo Pocket in OVP mit Metal Slug in dr Schachtle und no e Spiel au für 150.-
? Dä z Prattele hett es NeoGeo Pocket kha?! Wenn hesch du denn das gfunde? Ich bin jo scho praktisch dörte bevor sie alles uffbaue tüed, da ich für 2 tue sache hi und her transportiere.
Guet, ich hätt eh kei inträsse kha. Isch nur, will ichs nid gseh ha.
De Orangi N64 isch mr aber uffgfalle...jedoch hett de viel meh koschtet kha denne.
En Orange Cube hann i au scho gseh, aber ha nid inträsse kha 400.- aahnezblättere.

Was ufffallend isch, sin die viele GBA und GB Games. Vor allem GB findsch au bi dene wo nur Gschirr oder Kleider tüend verkaufe.
Dä Typ isch scho länger nümm in Prattele, isch immer im Parterre unter d'Träppe gsi. Är het emol in Basel ä Gamelade gha und probiert jetzt immer no nach 20 Johr sini Räschtposchte z'verkaufe. Leider alles zu viel z'tüüre Priise. Nur zwüschedure han ich ihn könne überschnure, mir öpis vo sine wärtvolle Schätz abzgäh. Ich glaub ich ha die Sache den emol kauft, won är uf em Petersplatz gsi isch in Basel. S'Neo Geo Pocket het är unterem Tisch gha und und mir denn emol abote.
Benutzeravatar
mr.raw
VIP-Member
VIP-Member
Beiträge: 10210
Registriert: 05 Mär 2002 23:37
Wohnort: Basel Stadt
Kontaktdaten:

Re: Nintendo Wii

Beitrag von mr.raw »

Ah, denn weiss i wehle...hett praktisch uss sim Wisse Lieferwage verkauft. Und d Broki isch hinterem Klaraplatz richtig Wettsteiplatz gsi. Bini oft dinne gsi für Laserdiscs.
Antworten

Wer ist online?

Mitglieder in diesem Forum: 0 Mitglieder und 9 Gäste