Bi was bisch hangeblibbe?

[Marco_in_motion]

Nach villne Jahr Retrozocke und ständige Releases vo neue Sache merkt jede welli System & Library eim am meiste Spass mached, welli sinds bi dir? und warum?

Bi mir isches MD, Wägem Sound und de Arcadige games, Sache wiä Elemental Master, Gleylancer und Contra chani eifach immer spiele aber au shining Force, grad wills so simpel und gradlinig isch.

Game Boy, us de gliiche Gründ, mit de limitierte Möglichkeite händ doch rächt villi Entwickler Games usebracht wo mir hüt no richtig Spass mached und ich immer wieder füre nimme.
Double Dragon 2, Tekkyu Fight, Parodius, Batman2, Shadow Warriors uvm.

Dänn no Gba, im 2001 usecho Handheld mit 32bit Power hät sich mir für immer inebrännt und mit de hüttige mod's zocki immer meh Sache, d'Library hät sooo vill z'büte.
Invader, Golden Sun, Double Dragon, Onimusha Tactics, Riviera, alli Castlevanias und no ganz villi meh.

[zeromeier]

Sitm snes/ng nie so viel gamet wie mit de xb1.

[sirarthur]

Bi mir isches klar PS2, obwohl ich scho recht früh agfange ha game (Master System wos aktuell gsii isch) und praktisch all Konsole nachher mal gha han, isch es doch PS2. Ich find hütt s'Design vo de Konsole (die fett) und s'Menü recht cool. Letztlich hätts aber klar mit de Games z'tue und ich han sehr viil Ziit mit Time Crisis und Konsorten, Battle Gear, Sega Rally 1995 und Initial D, aber au Ico, ZoE etc. verbracht und ghöred zu de Games woni immer no viel füre nimm. Einzig throwback bi de PS2 isch, dass de Grossteil von dem Games 480i und eigentlich nur uf CRT oder mit viel Ufwand uf LCD no akzeptabel usgseht...
aktuell zieht mich Switch rächt ah, isch eifach eher Oldschool Feeling bim game (ok technisch au)...

[damian]

Laseractive

[rebornkid]

Sega Nomad.

Weiss noed wieviel Stunde ich dazumals mit dem Teil uf em Sofa verbracht han. X Saisons vo Fifa, NBA und NHL zocket.

[abyss]

N64.

Eifach nume crazy was RARE da useghaue hett...

[Lone Wolf]

neo geo + arcade allgemein

[Herr Rossi]

MD und SNES. Shoot em ups, fighting games, adventures, sound, lifestyle zu dere zyt. Unerreicht und das isch guet so

[soulshin]

Gueti Frag... da Zit mit Job und Kids rächt knapp isch vor allem churzwiligi, arcadigi Sache. Das gaht immer!

Am liebschte Shmups, sidescrollig Beat 'em ups und Run 'n' Guns. Vo de Plattforme här bruchi am meischte SFC, MD und PCE.

Manchmal ufem Sofa bitz GBA oder GB zocke isch ou fun.

Ab und zue mit Kumpels uf aktuelle Generation. Aber wie gseit Zit isch wärtvoll und rar gsät.

Gesendet von meinem FRD-L19 mit Tapatalk

[joe_higashi]

han leider au nuem soooo viel ziet amigs zum game..wenn aber..den packet mich halt immerna die alte games us d jugend..

spiel sehr oft s gliche ..ps1 und ps2 hani am meischte gamet allei und mit fruende..hani bi vielne games gueti erinnerige dra

immer gaht au e rundi neogeo (turf master, kof, garou) und ufm saturn spieli au sehr gern paar shmups.

[Doraemon]

Hangebliebe isch ds richtige Wort, wüu ig spile sit eh und je geng nur die gliche Konsole, mit paarne usnahme.Switch isch ja o toll, aber bruchene vorauem aus Handheld zum Retro spile. Aber süsch spileni gern und regelmässig GB, GBC, NES, SNES, GBA, MD, PCE (inkl. CD), Neo Geo (CD!), Arcade und DOS PC bis ca. 1996 und PS1 bzw. PSP, und N64!
Bitzeli seltener aber ono gern spileni ab und zue Amiga CD32, 3DO, Gamecube, Dreamcast, Saturn, und PS2 aber die hei bi mir scho 2. Priorität und dert bini nid würkli blibe hange. Vilech am erste no bim Amiga CD32, dä het scho glich e spezielle Platz i mim Herz

[Mastler(P)]

ich bi zwar mit nes und snes ufgwachse, (au es bitz atari, aber das hani sitt denn nüm wükli gspillt) aber mit dä ps2 verbind ich vill meh und die sache spill ich hüt no eher mal als älters ninteno züg.

näbscht nostalgie hani eh gwaltigi game library, wo ich nöd lang luege muen bis ich was guets zum spille find.
dank abwärtskompatibilität chani mini lieblings ps1 games au na inehebe und ha somit 3000+ games meh zum spille. mit dä ps2 library hani also eh uswahl vo über 7500 games.
was mir persönlich au na freud debi bringt, sind di ville liecht alberne, aber oft recht kreative japse releases wos deht amel so geh hät.

vo games muess ich eu gar nüht verzelle, bis uf 1-2 vereinzelti da inne kännts jedä glaub guet.

ha zwar au amel box oder cube gspillt, natürli au vill 64, die han ich mer no wiit vor dä ps zuegleiht, aber deht gitz au ehnder s paar einzelni games wo mi no chli interessieret, aber gross bock das züg wieder zgame hani eich nöd. villicht all paar jahr mal f-zero-x, oder gx.

nintendo verbind ich mit minere chindheit und playstation mit minere jugend.
ps2 isch eifach rächt legendä gsi scho damals. immer wieder sind must have releases cho wie mgs, ff, gta, oder für so lüht wie mich au na sh und tekken.

LEGENDÄ

[Mr. Heli]

nintendo, und spiele viel SNES (mini erst konsole), N64 (primarschuelziit) und gamecube (am intensivste gspielt).

[geosnow]

ich bi generell hänge bliebe.

[Mastler(P)]

ich bi generell hänge bliebe.

känni.

dä ribit au:

[turntablism]

hange eigentli nur a de kringelbox well das di einzig konsole isch wo ich mir defür e sammlig agleit ha.
äähhmmm, arcade au no bitzli.

[geosnow]

besser was hani nöd gspielt, oder usgiebig:

c64, wills disklaufwerk ztür gxi isch
Amiga, will ich glichziitig de MD kauft han und den isch de Amiga nur no Güsel gxi
SNES, will ich en SFC gah ha und denn en GBA
PS1, will ich en Saturn gah ha, han denn die exklusive games nachgholt
n64, will ich nur mario gspielt ha, und die zwei zeldas gits ja als remake
xbox1, will ps2 geiler gxi isch
WiiU, komisches es teil, aber glich 5 Games durrespielt, devor 1 nöd nintendo
xbox Series irgendwas, kei ahnig, gits da es must have?

[turntablism]

hey de amiga isch en compi und kei güsel

[geosnow]

hey de amiga isch en compi und kei güsel

Thunderforce III und Super Shinobi i RGB uf 60hz ufeme ne 29zoll gspielt häsch, rührsch de Amiga nümme ah.

[Mastler(P)]

xbox Series irgendwas, kei ahnig, gits da es must have?

es gitt lüht die würded zb. halo säge. aber ich find es gitt keis einzigs. ego shooter gitz hundert besseri ufm pc.
ich würd zersch s goldeneye zocke bevor ich halo spill.

[onion]

[Mastler(P)]

ok, dä isch guet. was spillsch am liebschte? laggy tomb raider?

[Marco_in_motion]

xbox Series irgendwas, kei ahnig, gits da es must have?

es gitt lüht die würded zb. halo säge. aber ich find es gitt keis einzigs. ego shooter gitz hundert besseri ufm pc.
ich würd zersch s goldeneye zocke bevor ich halo spill.

Wort, s'beste Halo find ich s'Halo Wars lol

[Mastler(P)]

ich cha wükli ah keis einzigs xbox/360 exclusive dänke wo ich au richtig interessant fänd. nüht.
handkehrum bi sony gitz einigi japse titel wo ich sehr cool fänd. aber au die serie wo no laufed chömmed jetz immer meh uf multiplatform. zb. yakuza.

[sirarthur]

bin zwar au kein XBOX Fan, aber z.B. Panzer Dragoon Orta isch scho guet. Ich weiss no, ich bi 2005 imene Praktikum gsi und dött häts PC mit schneller Internetverbindig geh und ich han immer wieder en Trailer von Outrun 2 glueget und wos usecho isch, hanis mega de hammer gfunde. Hammer extra en neyoa vga box kauft für xbox, demit han i chöne 480p ufeme PC Monitor game, isch für mich es absoluts novum gsi damals.
Irgendwie bin ich eifach au bi SEGA hangeblibbe, wänn ich luege, was ich uf wellne Konsole hütt no game, denn isch de ahteil SEGA Games rächt gross. Obwohl die Games i de Ziit wos usecho sind, sich nöd unbedingt guet verchauft händ und au nöd immer guet bewertet worde sind (und ich damals villicht auch nöd alles guet gfunde han), sinds hüt doch irgendwie Classics.