Welles game häsch grad fertig gspielt?

[Mr. Heli]

Seiken Densestu 3 ufde Mana Collection Switch
ca. 26h

bud spencer & terence hill slaps & beans
sehr churz, aber nostalgie pur und de sound

[Herr Rossi]

Hüt wieder mal e Gametag miteme guete Fründ gmacht inkl Pizza bschtelle, kiffe etc. Herrlich gsii

Leisure Suit Larry - wet dreams don't dry
Thunderforce 4
Super Mario Kart

14 Stund am Stück zocke... Morn gangi mindestens 4 Stund use

[Marco_in_motion]

Krass Thunderforce 4 ischmer scho immer z'hert gsi zum durezocke

[hanf]

Thunderforce IV weissi au nöd wie mer das ohni cheate söll durespiele...

[agestuffer]

Glaub de Rossi hets gspiilt. eher nid durägspiilt
agestuffer

PS: er hett kiffed, eventuell denn mit Superreflex

[Herr Rossi]

Nur der Larry hemmer düregschpilt. De Sönderforss fier leider no nie.

[Mastler(P)]

ha mer all larry games uf steam zogge. aber usser das unds verschissene cum laude hani eh alles scho durre.
hoff dserie bliebt no chli am läbe.

[Marco_in_motion]

Gits en Hack wo mer de Larry dur de Nerv chan ersetze?

[Mr. Heli]

The Legend of Zelda Skyward Sword Switch:

eis vode schwächere spiel us de zelda reihe. was extrem gnervt het, sind die prüefige wo meh die seele träne muess sammle. au 3x de glich boss immer wieder mache isch doof. s umegefuchtle wär eigentlich innovativ, mich hets aber gstört. vorallem, will schwert gege himmel richte und stoss attacke nie richtig funktioniert het.

jez mal abwarte ob das jahr es ocarina of time remake chunt

[Mastler(P)]

Gits en Hack wo mer de Larry dur de Nerv chan ersetze?

müsst mal d'game files ahluege. chasch wahrschinli scho sin skin ersetze.

[Herr Rossi]

The Last Guardian

Sones fantastisches Spiel, so trurig und schön de Schluss.
Immer im Winter muesis schpile...

[kingcaid]

Shantae und siebä Sirenä... würd sägä d Luft isch etzt de duss

[STeFF]

The Last of Us Part II mir hets guet gfalle, nur mitem Schluss hani chli müeh...
Spider-Man: Miles Morales hani super gfunde

[Doraemon]

Dragon Quest 4 - düre nach ca. 50 Stund. Ha aues gholt und grindet bis zum abwinke. Ha bim Endboss nid einisch müesse heile Isch ganz es tolls Game, aber ds 3 hetmer no bitz besser gfaue. Im 4 chami ir Ur-Version (NES) die angere Partymitglieder nid stüüre ide Kämpf und das machts bitzeli eitönig. Isch aber jammere uf ganz höchem Niveau. Ganz sicher zäme mitem 3 eis vo de beschte NES Games wos git. 9/10

Godzilla: Domination (GBA) Finges es cools Prügelgame, jedoch häts chlei me content möge verlide. Aber für zwüschine e Rundi no e guete Zock. 7/10

[Buccaneer]

Shadow Warrior 1 & 2

Rächt unterem Radar, wenn mers mit em Erfolg vo Doom verglicht. Im 2 findi aber das "prozedural" generierte Züg nid so cool. Aber d Stürig und s Gameplay!!

[Vyse]

Ha nur mal Shadow Warrior 2 gamed. Has au erstuunlich underhaltsam gfunde. sGsamt Design isch cool und dMusig stimmig. Ab me gwüsse Punkt wirds halt sehr repetitiv.

Far Cry 3
Isch no witzig gsi, huere Trash-Story aber hät mi beschtens underhalte.

[Mr. Heli]

Donkey Kong Country Switch Online

zum glück chasch zruggspuehle

[Mr. Heli]

The Legend of Zelda: A Link to the Past, Switch Online

Panzer Dragoon Remake, Switch

[Master(G)]

Spider-Man Miles Morales uf PS5

obwohl ich en totale Fan vo 60fps-Modi bi, hani das im Fidelity-Mode gspielt und ich muess säge, Huet ab, wie geil gseht das bitte schön uus? Richtig NextGen!
En geile Ride gsi... und vode längi her für es Open World Spiel eigentlich voll genügend!

9/10 und eis vode beschte Spiel 2020

[kingcaid]

Spider-Man Miles Morales uf PS5

obwohl ich en totale Fan vo 60fps-Modi bi, hani das im Fidelity-Mode gspielt und ich muess säge, Huet ab, wie geil gseht das bitte schön uus? Richtig NextGen!
En geile Ride gsi... und vode längi her für es Open World Spiel eigentlich voll genügend!

9/10 und eis vode beschte Spiel 2020

häsch dich schwarz und swag gfühlt?


Grad Hotline Miami 1 und 2 fertig. Dä Sound pusht die Games rächt härt.

[Mr. Heli]

Donkey Kong Country 3 Switch Online. Lost World muess ich no mache. vo dem luuter zruggspuehle chum ich scho de idruck über, dass ich au im richtige lebe cha zrugg spuehle. usrutsche ufem iis, nöd so schlimm, eifach zrugg spuehle

Aladdin Switch, d Sega Version.

[kingcaid]

Duck Tales NES ih 17 Minutä

[abyss]

Donkey Kong Country 3 Switch Online....

Si itz egentlich aui SNES Donkey Kongs dusse? Uf dr Switch meini? Und was söu das mitem zrügspuele???

[Mr. Heli]

Donkey Kong Country 3 Switch Online....

Si itz egentlich aui SNES Donkey Kongs dusse? Uf dr Switch meini? Und was söu das mitem zrügspuele???

Ja. Wenn ines loch gheisch oder dich en gegner verwütscht, chasch zruggspuehle. So mueschs level nid wieder vo vorne afange. Isch so en anti flügendi controller massnahm.

Macht glaubs im sekundetakt en save state, chasch aber nid unendlich zrugg. Wenn lang im menu bisch oder e charte aluegsch, hesch pech und chasch nümm zrugg. Muesch also ziitnah reagiere.

[Reinforced]

has DKC 2 im SwitchOnline Coop ahgfange aber dr eint wott nüm spile will er nid mag warte ds 3 wetti eigentli onomal dürezocke. Aber Save State isch halt immer sone sach klar es spart zyyt und närve.