Rise of the Ronin

[Master(G)]

Action RPG
Team Ninja
2024 für PS5

Info, Trailer, Screens: https://www.thegnet.org/post/sony-und-t ... -the-ronin

jetzt gahts ja grad voll ab mit feudal japan games

[Mr. Heli]

glaub jez scho s meist erwarteste spiel 2024 für mich

[Master(G)]

und mich!

und AC Codename Red!

chunt beides im gliiche jahr dänki...

[Bejita]

GOTG ( nach Ragnarok )

[Master(G)]

neue Trailer und Release Date bekannt:

https://www.thegnet.org/post/rise-of-ro ... s-gameplay

[Bejita]

Schad gseh die Team Ninja Games immer us aus wäre si e Generation hinger dri. Aber glich HYPE!!!

[Master(G)]

neus gameplay:
https://www.thegnet.org/post/neuer-game ... -the-ronin

wird glaub super, au wenns technisch immerno ned ganz so super usgeht, wie ichs mir wünsche würd.
ich glaub es wird definitiv en mix zwische tsushima und eme assassins creed game... mit koop modus halt.

vorbstellt hanis uf jede fall mal scho

[Master(G)]

"Story-Mode" (Easy) bestätigt vo Sony.
Es isch keis Soulslike, hett aber au en Hard-Modus, für alli Masochischte da dusse.

[Mr. Heli]

Gester abig agspielt. Nach de vermeintlich vollständig installation hets nach 5min gameplay grad wieder müesse installiere. wtf?
Mit de stürig chumi nonid so recht z gang, v.a. wenn mehreri gegner chömed. finds no recht schwierig, obwohl ich uf easy spiele. bin erst ufem erste gebiet, isch chli wie bi ghost of tsushima. charte ufdecke, chatze streichle, side quests mache. han z spaht gmerkt, dass ich vode gegner immer usrüstig becho han. chasch di also recht schnell upgrade. eimal hani am ross pfiffe wo ich imne huus gstande bin, isch grad s ganze huus usenandgno worde

bis jez machts mega spass, v.a. da sehr viel optione mit verschiedene waffe inkl. gwehr. chasch au chli eine uf ninja mache. dass es grafisch nid so de hammer isch hämer ja gwüsst. mich störts nöd. grafik-modus hani au gar nonid usprobiert.

[Mr. Heli]

das spiel isch richtig guet und macht süchtig. dass d grafik nid ganz am standard entspricht wo meh erwarte wür (u.a. hets au no flüügendi bäum und stei ), wird sofort durchs gameplay weg gmacht. cool find ich au, dass über d beziehig wo meh zu andere charaktere ufbaut so neui kampfstil chan lerne. au lässig, dass meh sich bide missione zwüsche pro oder contra shogunat chan entscheide und dadurch d gschicht beiflusst.

es het für mich goty potenzial.

[Mr. Heli]

no zwei tipps:

- im menu chasch auto collect für items istelle
- d tascheuhr wo meh bechunt chan für wechsel vode tagesziit gnutzt werde

[Master(G)]

ha au sganze weekend praktisch durezockt. 3/4 vode gebiet 100% gmacht. macht würkli süchtig. die viele kampfstil und waffe findis grosse highlight und natürli skampfsystem, voll team-ninja. spiele natürli als ninja (breaker-class) hauptsächlich mit doppel-klinge. schusswaffe bruchi eigentlich nie, nur wurfsternli gern au mit hayabus-ryu kampfstil. dass mer sini usrüschtig selber chan style über redisgn im long-house findi au geil. spiele jetzt als typ und mache uf contra-shogunate. de unuswiichli 2. druchgang dänn als frau mit pro-shogunate.

ps: ich will en beziehig mit de chatze-lady

einzige was mi bitz fuxt isch dperformance. es isch ned framerate sondern sframe-pacing. spiele im performance mode. bi dere durchschnittsgrafik hätti scho en suuberi performance erwartet. lueg mal tsushima.... jänu. geil findis trotzdem.

[Master(G)]

Scho heftig mängisch...

ha grad de execute-move freigschalte. Y druckt bhalte, wenn de gägner dizzy isch... holymoly. jedi waffe hett en eigete voll brutale finisher

[thaeye]

bin scho am erste boss schwer gscheiteret, oh mann scho widr sones block sekiro style spieli und ich bin widr drigfloge

[Master(G)]

also Sekiro isch gfühlt 700x schwerer als das, chum etz!

wichtig isch, dass du de richtig kampfstil uswählsch für de gägner. gsehsch am rote oder grüene pfiili. wenns rot isch, isch din kampfstil scheisse gäg de. de muesch umstelle, suscht isch kontere schwer. isches grüen, isch kontere eifach, sprich ziitfänschter isch viel grösser! isch es grau mit pfil ufe und abe, isch es usgliche...

aso ich han mit Sekiro ächt mega müeh gha. da laufts mir super! finds also gar ned schwer...

[Master(G)]

Armin und min Testbricht:
https://www.thegnet.org/post/the-g-net- ... -the-ronin

[Mr. Heli]

mittlerwiele findis au nüme schwierig (guet spiele uf liecht mit istellige wie meh heilig durch items usw. ), isch für mich hauptsächlich ade stürig glege. gwüssi button arrangements findi chli komisch, aber zwüscheziitlich han ich mich demit arrangiert. Wie gross isch die map eigentlich. eifach all das wo meh ufde dunkle flächi mit em cursor abfahre chan? oder chunt no meh?

die zuesätzliche waffefähigkeite (R1 + drüüeg oder quadrat) werdet döt automatisch mit höhere waffeklasse neui moves freigschaltet? im menu sind die z.T. dunkel hinterleit.

zuesätzlichi kampfstil muesi au no freischalte, han erst 3 oder 4.

[Master(G)]

map isch ned so gross. das wo dunkel isch plus no 1 secret map ame andere ort, wo aber sehr chli isch.

du chunsch 4 moves pro waffe über, 2 devo hesch vo afang ah (R1 + Drückegg / Quadrat) und die andere beide (R1 + Chreis / X) richtet sich nach em waffe-level. muesch aber sehr viel mit de gliiche waffe spiele zum uf stufe 4 cho. ich han nur 1 gschafft uf 4 moves ufe haue und ha überall 100% uf de map. balancing fail.

es gitt en charm wo usrüschte chasch, demit de waffe-level schneller astiegt, falls das willsch. weiss aber nüme, woni de gfunde ha.

[Master(G)]

scho über 40 stund gspielt... wenn nur hauptmissione machsch, hesch glaub keini 50% vom spiel gseh. es gitt soooooo viel versteckti missions, gheimi optionali boss-fights und collectables... total bekloppt! zum glück chamer alles nahole, womer verpasst hett mit de testament of soul im long-house.

[Bejita]

Söui äch grad uf d Pro Patchti Version warte?

[Mr. Heli]

scho über 40 stund gspielt...

Bisch du stufe 37?
Bi 57 und es git 3 plus 1 mini map bis jez, dürfti aber au alles si.

Trotz allne fehler,

[Mr. Heli]

43h und dure
alles gholt ussert post game sache.

das spiel macht so viel richtig und glichziitig so viel falsch bzw. die gliche fehler wie ghost of tsushima:

+ diverse kampfstil
+ Bindige zu persone
+ diversi waffe (fast scho zu viel)
+ waffe/kleider/charakter design
+ kampfsystem
+ unterschiedlichi maps
+ links zu japanischer gschicht

- grafik nid ziitgemäss, aber stört nöd
- sidequests mit chatze usw. zu monoton, isch wie in ghost of tsushima zu viel wiederholig
- zu viel potenzial verschenkt, meh interaktion mit de welt, betretbari gebäude, usw. wär schön gsi

han mich für de pro shogunat weg entschiede. zerst zwar weli anti shogunat mache, aber wo de kondo isami cho isch han ich scho müese de weg vo dem samurai neh, wo namensgeber für min sohn isch