[Mobile] T3 Arena

Game-News, neueste Gerüchte, Spiele-Talk!

Moderatoren: Master(G), zeromeier

Antworten
Benutzeravatar
mr.raw
VIP-Member
VIP-Member
Beiträge: 10752
Registriert: 05 Mär 2002 23:37
Wohnort: Basel Stadt
Kontaktdaten:

[Mobile] T3 Arena

Beitrag von mr.raw »

Hett nüt mit Terminator ztue (remember MegaDrive Cover?)

Isch en Mobile Shooter wo erscht vor es paar Täg greleased worde isch und wohl d E-SPorts Szene mächtig wird dominiere.
E mischig vo Brawl Stars, Overwatch und Splatoon. Ich bi eigentlich nid so de Mobili Zocker, jedoch hett mi das Game extrem mitgrisse und dorum ha ich dänggt, ich verzell euch mol es bitts drüber.


Quelle

Me zockt 3 gege 3 in dr Third-Person-Perspektive. E rundi goht bis zu 3 Min - ich ha en Sieg scho in 70 sek gholt - also perfekt zum zwüscheduure mol chli szöckle.
Verschiedeni Modis gitts (Team Deathmatch, Crystal Assault, Control, Free For All usw.) und es isch eifach extrem guet gmacht. d Charaktere (me fangt mit 1 a und 13 witteri löhnt sich frei schalte - entwäder durch vieles zocke oder durch Powerboxene wie bi Brawl Stars) sind sehr unterschiedlich gstaltet und spielet sich au sehr unterschiedlich. Gwüssi sind overpoweret , jedoch isch nid d power s wichtigschte, sondern d Taktik wo me tuet wähle.

Voice acting isch sensationell und verleiht de Charaktere e extremi Persönlichkeit. Isch vom gliiche Studio (PCB Productions Los Angeles) wo für Call of Duty und Yakuza verantwortlich gsi isch. De Keith Arem hett d Leitig kha :sabber: . Dr Sound isch au sehr rockig und zieht eim richtig ins Game iihne.

dGrafik isch sehr früsch und modern und hett en Overwatch Art-Stil. Erinnert ebefalls stark a Splatoon, da Arenamässig dargstellt.

d Benutzeroberflächi isch suuber aagordnet und passt perfekt zum Game. Me hett vieli iistelligsmöglichkeitene und sogar Gyro Stüürig isch vorhande. Was mi gstört hett isch, dass me d Y Achse nid kha uff e Kopf stelle. I hoff, das wird no gmacht.
s Game loht sich sehr guet stüüre und nach es paar Minute iigwöhnigszitt bisch voll im gscheh inne.
Was guet isch...autofire und teils automatischi Zielfunktion isch i dem Spiel ständig aktiviert. Tönt im erschte Augeblick seltsam, isch jedoch sehr hilfriich im Game. Me muess es gamet ha um zverstoh wieso das aktiviert isch.

Unterem Strich isch T3 Arena für mi de wohl bescht actiongladene Shooter wo ich je gspielt ha. Isch Koschtelos erhältilich und hett au kei Wärbig. Me kha wie bi Brawl Stars en Brawl Pass löse oder au die Powerboxe kaufe. Aber bis jetzt isch das für mi nid nötig gsi.
Momentan uff Android no via Tap Tap als early access erhältlich, ios normal im app store zfinde.
Grafik: 9
Sound: 8
Spielbarkeit: 9
Optimierigsmöglichkeitete: 8


Chliine tipp a d Eltere unter uns. Da erscht grad greleased ... zocket und überraschet euri Kids, wenn sie denn aafangete stüürme (und das wärde sii)...und ihr scho könnet mitrede :roll: :mrgreen:
Dateianhänge
t306.jpg
t306.jpg (56.47 KiB) 398 mal betrachtet
t305.jpg
t305.jpg (87.19 KiB) 398 mal betrachtet
t304.jpg
t304.jpg (99.6 KiB) 398 mal betrachtet
t303.jpg
t303.jpg (68.35 KiB) 398 mal betrachtet
t301.jpg
t301.jpg (75.57 KiB) 398 mal betrachtet
t307.jpg
t307.jpg (68.27 KiB) 398 mal betrachtet
t302.jpg
t302.jpg (84.38 KiB) 398 mal betrachtet
Antworten

Wer ist online?

Mitglieder in diesem Forum: Ahrefs [Bot] und 50 Gäste