Yakuza Like a Dragon [PS4, Xbox One, Xbox Series X, PS5]

[Mr. Heli]

Neuste Teil us de Ryu ga Gotoku aka Yakuza Serie.

S game isch losglöst vode bisherige story um de Kiryu Kazuma und dreiht sich um de Ichiban Kasuga, wo für sind Yakuza Patriarch 18 Jahr in knast gange isch. D story isch bis jez solid, wenn au nid überragend. s chunt nid a di beste teil us de serie (m.E. Kiwami 1+2 sowie Zero) ane.

Komplett neu isch au s kampfsystem, rundebasierts RPG. de main charakter schwärmt s spiel dure immer wieder chli vo dragon quest. so verwandled d gegner sich au in monster und s chömed dragon quest jingles vor bim ufelevle etc. Zerst han ichs neue kampfsystem richtig doof gfune. jez gfallts mir mega. es git verschiedeni jobs oder klasse, wo d charakter chönd lerne. je nach job händs anderi waffe und attacke. d waffe und rüstig chan meh chaufe und ufelevle. je nach gegner bruchts e unterschiedlichi strategie. gwüssi gegner sind schwach geg messer, anderi gege magie (wasser, füür, elektrizität, heilung, etc.).

zudem spielts s erst mal in yokohama. kenne yokohama leider zwenig guet, aber git durchus parallele zum reale yokohama. so gseht de hafe und china town wirklich us wie echt.

bin jez bi chapter 12 vo insgesamt 15, nach ca. 35h spielziit. es git no sehr viel a sidequests etc. zum mache. bi zwei mal im spiel stah bliebe. einmal muess meh 3 mio. yen ha, das gat es ziitli. jez bin ich am 10 lvl ufelevle damit ich en boss besiege chan, wenn denn das langet. so sache nerved mich a rpgs immer. es guets rpg isch so balanciert, damits ka überrisses grinde brucht.

spiels ufere ps4 slim. grafisch machts jez kann sprung zu kiwami & co. nimmt mich wunder, wies denn uf de next gen usgseht.

[zeromeier]

Das mitm Grinde hani wo andersch au gläse, abschreckend.

[Mr. Heli]

56h mitem grossteil vode side quests, fertig

[onion]

super game und bi sehr froh über de frischi wind für serie mit em rundebasiert.
bisher chunnts aber nid a teil 6 häre wo eifach nume fantastisch isch gsi.
han aktuell öppe glich vell fun wie mit em judgement.

wasi aber sehr schad finde isch das alti rpgler wien ich nid uf hard dörfe spiele.
isch halt scho bitz easy eso.

[Mr. Heli]

also abgseh vo gwüssne boss fights wo eifach ewig gange sind ischs natürlich scho nid so e wahnsinns herusforderig. aber mich hets gnervt, dass meh soviel ziit fürs grinde brucht het. di richtige jobs uswelä isch halt au no wichtig gsi, ich han am afang mal en job gnoh und när nüme gwechslet gha. je nach boss bruchts aber gwüssi jobs, damit meh eifach dure chunt.

[Mastler(P)]

www.ryu-ga-gotoku.com/studio/en/

da verlöhnd es paar grad s studio. sogar dä nagoshi.


Quelle