The(G)Forum

da karl franz.


Quelle

thaeye hat geschrieben:es chunt immer chli druff a mit was fürere fraktion du spielsch, aber ja ich han amigs schnell en 2ti armee gmacht nach de erste erobrige und die han ich den im afangsgebiet patroulliere la.
du weisch das au diplomatie chasch etc? es isch doch na recht komplex imfall. jedi fraktion anderi stärchene bzgl truppene etc. ich han amigs d vampirfürste gna.

S kämpfe isch nonig s Problem. D Schlachte gwünn i bis ez no. Ich chume eifach nid us em reagiere use... wür gärn agiere und nid nur hin und här seckle zum de Agriffer z bekämpfe.
Mit zweine hani bereits en NAP und mit eim devo en Handelsbeziehig igrichtet...
Ich glaube min Fähler isch au: Ganz am Afang bechunnsch ja en "Startfeind". Ich ha de nachem em Sieg lah devo laufe und defür en Siedlig agriffe und jetzt närvt er die ganz Zyt. Hett dem glaubs gad sölle nachesetzte und ne kab0tt mache!


Danke für s Video. Campaign Hilf isch glaubs was ich bruche. S fighte isch no nid so schwer... Lanze/ Speer gäg grosses Zügs und Kavallerie... En schöni Fronlinie mache und zerst alles wo cha ballere vore anestelle. Paar Einheite uf de Flanke zum denn de Feind vo de Site agriffe. Ein Einheit im Wald verstecke... mit de Kavallerie de Feind umgah und denn sini Bogeschütze etc. agriffe... Easy peasy. Nur amigs chli chaotisch. Ohni Pausechnopf wäri total am Arsch

ALTDORF! nöd schlecht.

Das isch natürli gad ufgalle. Schad chan mer Städt nid umbenänne... sust wäred die rundume Erstfelt, Flüele, etc...

So ez gester nomal agfange uf easy. Lauf ez es Mü besser. Was i andersch gmacht han:
Versuche i jedere Schlacht de Afüehrer z kille. Wenn er chan fliehe, setz i gad nache und starte en witeri Schlacht bis er Tod isch! Well sust erholed die sich amigs huere schnell. Besiegsch eine und lahsch ne zieh, staht er ein bis zwei Runde wieder mit enere volle Armee da...
Han mit vielen Rich rund ume en NAP und teilweis no en Handelsroute. Versueche gwüssi als "Fründe" anezüchte und sie als Pufferstaate z verwände.
Gad no die ersti Provinz voll under Kontrolle bracht. Mal luege, öb is chan halte und ab wenn i chan erwitere.

Immer no sehr holprig. Hoffe es macht gli Klick bi mir.

Wie tusch dini Dörfer Schütze?

Han da mini Provinz erobered und bin jetzt mit de Hauptarmee chli wieder wäg am chriege. I de Provinz hani en mittleri Armee zur Verteidgung. Aber i de Provinz heds ja 1 Stadt und 3 Dörfer. Mini Armee chan nid bi allne glichzytig si.
De Feind taucht plötzlich uf, mer gseht ne nid cho (fog of war) überfallt eis Dorf und machts sofort kabutt. Wenn i Glück han isch d Vertidigungsarmee so nach a dem Dorf, so das i no chan Vergeltig üebe. Aber meistens langeds gad nid und de Feind isch shco wieder weg.
Söll i eifach jedem Dorf Verteidigung baue? De chunnt de aber öppe zwenig Cash, Wachstum etc, ine…
De Feind hed bereits ab Runde 15 krassi huere Einheite am Start…

Oder isch das gar nid so wichtig? Eifach mit de Arme is kabutte Dorf und das wieder ufbaue?

schwierigkeitsgrad abestelle oder aber mehreri armee ufzieh. das aber gwüssi "verlüst" häsch, isch normal.

Ich spiel glaubs uf easy

Mich regts eifach, das oft nid chasch reagiere... taucht us em Fog of War uf und macht d Sidlig kabut und isch im nöggste Zug wieder verschwunde... Tiermenschen Guerilla... regt uf. Bi eim Dorf hani Garnison ufbaut... das löhnds jetzt in Rueh.. Aber wenn i das bi jedem mache, isch d Wirschaft im Arsch...
Und en dritti Armee chan mer nonig leischte

ja tiermensche sind rechti schlingl. aber das spiel isch so gross und jedi fraktion spielt sich anderst. es "gheimrezept" gits fast nöd.
mitem vampir bini zum biespiel huere expansiv gsi wegem sklavesystem.

Humankind erschint am 17. August! Hoffe das wird guet. Civ-Klon, eifach weniger komplex. Fänd i no guet.

Sogar gratis für die wo de XBox Gamepass hend.

Ez paar Rundene Humankind gspielt. Mach würkli no Spass. Vor allem wells biz simpler isch als ander 4x Games.
Und das mer i jeder Epoche en anderi Kultur chan wähle, machts no rächt abwächsligsrich.

Spellforce Conquest of EO chunnt i ein zwei Täg use. Isch en Art 4x aber nid ganz. Gseht huere spannend us!
Was es anderschmacht: d Basis isch n Zauberturm und versetzt mer vo Zyt zu Zyt i de Wält. Du bausch also nid ein oder mehreri Städt us sondern din Turm. Und de Turm nimmt denn Ressource und Zügs vo de Umgäbig, womer de gad platziert hed.


Quelle

Spellforce hüt erschine. Mehreri "influencer" büted 30% rabatt codes.

has ou gseh, wärds wohl i de nöschte paar täg mal teschte.

gshet wie die alti spellforce interessant us. schad gibts vo sacrifice keis rmk oder nachfolger mehr.

Will mir mal Star Wars Empire at War aluege. Macht mi irgendwie a. Has für 3.05 Stutz gschosse lol.
Hed / kennt das öpper vo euch?

Empire at War isch hüere geil. Das das so viel Jahr a mir verbi isch... unglaublich.
Isch halt scho chli alt und agstaubt. Aber es fühlt sich halt geil a, mehreri Stärnzerstörer id Schlacht füere und de feindliche Planet mit em Todesstärn id Luft z jage. Grosses Kino.
Ez nochli vanilla spiele und de gli mal mods usprobiere.