Hätt's wieder en Moment gä, wo de Huang uf de Bühni hässig worde isch und agfange hätt irgend en arme Mitarbeiter zämmezschiise, will irgend es Video nöd funktioniert hätt?
Re: Nvidia Porn
Verfasst: 22 Sep 2014 18:37
von Xinobrax2
Nope
Wenn heter da gmacht? Hani leider verpasst...
Re: Nvidia Porn
Verfasst: 23 Sep 2014 08:55
von Gurgelhals
Irgend a sonere Keynote (wahrschinlich ca. 2012) händ z'erscht glaubs es paar Powerpoint-Slides gstockt und im wiitere Verlauf isch dänn emal es Demo-Video eifach nöd cho. Und druf abe hätt er dann zwar nöd agfange umetobe, aber doch sichtlich gnärvt gfrögt, was da eigentlich lauft und werum so öppis banals nöd uf d'Reihe bringt. Botschaft: "Ihr chönd druf gah, dass nach däre Keynote es paar Chöpf wärded rolle!" Wiit ewäg vo ere Ballmer-mässige Performance, aber doch nöd unbedingt das, was me professionell würd nänne. D'Temperatur im Saal isch i dem Moment jedefalls fühlbar um es paar Grad gsunke
De Huang isch glaubs sowieso rächt en härte Hund...
I möcht i de nächste 2 Mönet e 970er choufe, we's vom Budget her drin liegt. Was ig mi immer scho gfragt ha: Uf was söu me luege bim Uswähle vom GK-Hersteller?
Also i hätt ize mau uf Garantieduur gluegt primär, oder gits da no angeri wichtigi Parameter? Gits e Hersteller wo blind empfehlenswert isch oder muess me sech dür aui Tests düreläse? Angers gfragt: Weli 970er wär z'empfehle?
Takk für jedi Hiuf.
Re: Nvidia Porn
Verfasst: 29 Sep 2014 21:39
von Gurgelhals
Spielt nöd würklich e grossi Rolle - also zmindescht under de verbreitete Hersteller (Asus, Gigabyte, Gainward, Zotac, EVGA, usw.), bi irgendwelche chline Billigmarke wär ich vorsichtiger.
Mit dene Modell, wo eifach 1:1 am Referenzdesign entspräched, machsch sicher nüt falsch. nVidia hätt da sitt em GeForceFX-Lüfterdebakel einiges dezue glärnt und leit da immer sehr solidi Designs vor (das afaik im Gägesatz zu AMD, wo dezue tendiert, ehner chli luuti Lüfter z'verbaue und me drum det viellicht ehner es alternativs Modell is Aug fasse sött).
Und dänn gitt's halt die Hersteller, wo vom Referenzdesign abwiiched, zum sich vo de Konkurrenz abzhebe. S'Board-Layout isch da i.d.R. zum Referenzdesign absolut identisch, aber sie verbaued anderi Lüfter, wo am Verspräche nah liisliger und/oder leischtigsfähiger sötted si oder si verchaufed ab Werk liecht übertakteti Modell oder s'Software-Bundle isch bsunders grosszügig, usw. Bezüglich de erschte beide Pünkt laht sich jedefalls nume über Teschtbricht ermittle, öb das würklich was bringt oder nume Kosmetik & Marketing isch. Mini letschti Grafikcharte isch z.B. ab Werk übertaktet gsi. 20.- Ufpriis für im Schnitt 2% meh Performance, da han ich gfunde: Fallt priislich nüme is Gwicht, mached mer! Aber ebe: D'Underschiid sind effektiv dänn doch sehr chli und alternativi Designs sind nume würklich dänn unverzichtbar, wänn S'Referenzdesign irgendwelchi gröberi Mängel hätt.
Re: Nvidia Porn
Verfasst: 30 Sep 2014 10:52
von TypeJ
asus und gainward hani immer NUR positivi erfahrige gmacht, chame, nix falsch mache!
Re: Nvidia Porn
Verfasst: 01 Okt 2014 02:51
von Xinobrax2
Bim Mining-Rig woni baut han sind 4 Charte direkt nebetenand...die sind 24/7 übertaktet über mehreri Monet hinweg stabil am Limit gloffe. I somene Spezialfall machts tatsächlich Sinn wenter über d Lüfter Gedanke machsch...
...und i allne andere Fäll isches zimllich scheiss egal. Nim irgend eis Modell, ine demit und guet isch. Mit Asus, Gigabyte und MSI hani bisher na nie Problem gha.
Re: Nvidia Porn
Verfasst: 01 Okt 2014 06:19
von TypeJ
s'asus direct CUII Modell sind sicher namal es stuck liesliger als es referenzdesign...
aber ja, es nimmt sich ned viel!
hau ine!
chauf glaub au e neui, huere super :typej:
Re: Nvidia Porn
Verfasst: 05 Okt 2014 06:57
von geosnow
yeah, graka.
Re: Nvidia Porn
Verfasst: 06 Okt 2014 10:52
von Astroboy
Merci für öiier Biiträg! Git äuä e Asus Strix, wäge 36 Mönet Garantie & fairem Priis (bi brack mit Studenterabatt & 10% no öppe 350 Stutz), aber muess no luege, bzw. ds Budget abwarte.
Re: Nvidia Porn
Verfasst: 06 Okt 2014 11:40
von TypeJ
GEIL!
ich het sust na e gtx770 zverchaufe
Re: Nvidia Porn
Verfasst: 05 Feb 2015 05:24
von LeviathanX
Astroboy hat geschrieben:I möcht i de nächste 2 Mönet e 970er choufe, we's vom Budget her drin liegt. Was ig mi immer scho gfragt ha: Uf was söu me luege bim Uswähle vom GK-Hersteller?
Also i hätt ize mau uf Garantieduur gluegt primär, oder gits da no angeri wichtigi Parameter? Gits e Hersteller wo blind empfehlenswert isch oder muess me sech dür aui Tests düreläse? Angers gfragt: Weli 970er wär z'empfehle?
Takk für jedi Hiuf.
Zimlich übel vo Nvidia...mer set aber ev. na dezue sege, dass d Problem nur uftretted, wemer tatsächlich di ganze 4 Gigs wot bruche. Mit anderne Wort, mer merkts nur bi 4K...und au det nur bi manche Games. Priis/Leischtig isch nach wie vor ziemlich fair. Aber ja, Nvidia suckt...
Re: Nvidia Porn
Verfasst: 05 Feb 2015 05:56
von LeviathanX
"Ausrutscher" hat jeder mal... Bei meinen Spielen am PC wäre es mir aber wohl auch nie aufgefallen.