The(G)Forum

Hoi zäme,

i ha dänkt i nime widermou öires grossartige Tech-Fachwüsse in Aspruch.

Mi PT-AE2000E hets tätscht. Wemene aloht stöuter diräkt nach es par Sekunde wider ab. Und wiu die 2ti Lampe fasch z Änd brucht isch gsi und der Polarisierigsfiuter (i nime ah dä ischs) übli Verfärbige ufwiist (grosse gälbe Fläck ir Mitti vom Biud) überleggimer jetz gad e Nöie zuecheztue. Bis jetz bini immer rächt guet gfahre mit Panasonic, aber i ha dänkt i lose mi mau chli ume was aktuell so der Bleeding Edge vor Beamertechnologie isch

Het sech öpper vo öich gad ir letschti diesbezüglech informiert oder süsch Tipps a Lager?

Merci scho mou

https://www.digitec.ch/ProdukteVergleic ... 103,251195" onclick="window.open(this.href);return false;

Epson EH-TW9200W mit LED backlight, sprich 4000-5000 lampestunge

Panasonic PT-AT6000E

Isch das wo i im moment wür chaufe.

Nimmt mi au wunder, evt hets jo no besseri, vorallem au priis/leischtig

Merci schomou! Die beide chöme gad ufd Shortlist!

Leck, die Panas chosted ja nüüt meh! Ich han für de PT-AE 3000E damals no 4'500 aneblättered

ja war, i für de 4000er au na knapp 4mille
krass abecho das zeugs...

Zimlich interessant sind mittlerwile au Pico Beamer. Isch zwar nid das was du suechsch aber ich erwähns jetzt trotzdem mal
En 720p Pico Beamer für in Hosesack gits mittlerwile unter 400.-....de Nachteil bi dene Grät sind halt d Lume, bzw. d Qualität vom Bild allgemein. Mit stationäre High-End Grät chönd si selbstverständlich nid mithalte....aber wenns um Priis/Leistig gat findis schono erwähnenswert.

Ich han momentan grad de Qumi Q5 is Aug gfasst.

Grössi: 0.16 * 0.1 * 0.03
Lume: 500
Kontrast: 10000:1
Uflösig: 1280 x 800
Priis: ~ 600.-

Praktisch als mobile Beamer für Laptop und Handy, isch aber au stationär ganz nett. Aber ebe. qualitativ kein Verglich zu dem was du suechsch.

Het öpper dä epson mit led backlight??? Nähm mi scho no wunger wi de so isch @ edge, we di 2 mau wo geisch go vergliche odr so gib bscheid, chumi au mit

Sephi hat geschrieben:Merci schomou! Die beide chöme gad ufd Shortlist!

Ich find ke grossi Alternative zu de beide erwähnte. Es git no eine vo Optoma (De HD83) Der han ich mal is Aug gfasst gha, aber ich merk grad, dass der 1. scho älter isch und 2. d Reviews zimli inkonsistent sind. Er wär au liechtschwächer als dr Pana.

Same here. Wede d'Batzeli hesch, go for it.

Merci aune für Tipps u Vorschläg:

@Mischu, i luege mau wome die gad live chönnt go vergliche u gibder när Bscheid

Langsam gohts rechtig ab mit LED beamers!
http://www.heimkinoraum.de/news/neu-lg- ... -markt-726" onclick="window.open(this.href);return false;

sehr geil!
endlich chli und glich leischtig

Han mol so en panasonic fw430 ähnlichä oder genau de gmietet gha. Hedmi also rächt überzügt panasonic. Han allerdings was neui beamer betrifft nid würklich de Verglich.


Was diä chlinä betrifft muemer chli ufpassä... Hed mol en Regiesseur ein brocht,v also ender echli so im Stil vo denä wo de Xino meint... De huere Lüfter hed so hochtuurig dreht, hanem grad gseit das chönger vergässä mit dem huere Lärm. Und Film luege würi so also au nid welä, sälbscht wenn d Bildquali do wär.

De LG isch aber wohl andersch dänkt.

Bi de ganz chline gits halt rechti Unterschied i de Qualität. S isch ja nid so, dases hütsotags kei Lüfter git wo nahezu grüschlos sind....mumer halt druf achte. Grundsätzlich isch s Priis-Leischtigs-Verhältnis fair....aber wemer kein mobile Beamer brucht machts au kei Sinn sowas z chaufe...

Das LG Dings gset na frisch us

bim panasonic isch geil dasser huere liislig isch, aber negativ dass d'3D Brülle Aschtürig in infrarot isch, aber bruche 3D eh nöd... ich würd also definitiv de Panasonic näh, han de 2000er immer no im Betrieb. nach X Jahre laufter immer no tiptop.

Pana isch absolut geil, ich han de 4000er ka, hammer bild!
aber wenn namal en beamer, denn genau sowas wie de LG, chli und geil!
na 1-2 jahr und die chline dinger sind de "alte" grosse me als ebebürtig!

Dä erschti LED- Beamer mit RECHTIG PFOPF!
LG PF1500

Teschts schlönd öberall ih:
http://www.cine4home.de/tests/projektor ... pf1500.htm" onclick="window.open(this.href);return false;
http://www.cine4home.de/tests/projektor ... 1500_2.htm" onclick="window.open(this.href);return false;

sehr geili Info. Chunnt genau richtig. Min Sharp ischmer vor 3 Wuche abgläge

Was aber es bitz verwirrend isch. Uf vielne Site heisst der Beamer PF1500 und wird mit 3D Fähigkeit beschriebe, obwohl keine nächer beschriebt was er genau unterstützt. Und wemer s'Manual vom PF1500 abeladet findet mer dine Null Erwähnig dass es überhaupt en 3D Beamer söll si ...
http://www.lg.com/us/support-product/lg-PF1500" onclick="window.open(this.href);return false;

Wemer allerdings uf der LG Schwiiz Website isch und nach aktuelle Beamer suecht, findet mer de PF1500G. Wemer vo däm s'Manual abeladet stellt mer fescht: da gits es ganzes Kapitel über sini 3D Features.
http://www.lg.com/de/service-produkt/lg-PF1500G" onclick="window.open(this.href);return false;

Gits also 2 verschiedni Modäll (PF1500 und PF1500G) was möglicherwis einigi Händler/Reviewer nid gschnallt hän ?

edit:
gseht so us dass Korea & US Versione (PF1500) scho dusse sind, und dass der Beamer für Europa (gemäss Digitec in 3 Wuche lieferbar) überearbeitet worde isch. Das isch denn wahrschinlich s'Modäll PF1500G

i freu mi. Ändlich en Beamer womer Konsole Games chan spiele mit, ohni dauernd uf d'Lampe Abnutzig müesse luege. LED Lampe läbet bis 30'000 bis 50'000 Stund !!

es giht anschined no es paar Ungereimtheite bezüglich Underschied US/Korea/EU Version. Ech wörd no warte bis das klar esch ond dä evtl. anderi Version bschtelle.
LG häd glaubs chli en Murx gmacht. siehe z.B. do: http://www.hifi-forum.de/viewthread-94-13845-12.html" onclick="window.open(this.href);return false;

Klingt es bitz ernüechternd. Aber ich han mer trotzdäm mol eine bschtellt. Isch ja nid sonen riesige Betrag.

Hät öpper vo eu Erfahrige gmacht mit dene: http://www.beamerlampen-guenstiger.ch/index.php" onclick="window.open(this.href);return false;

Wennd ihri Lüüchmittel nimmsch sinds bis zu 50% günstiger als d Originallampe. Cha das öppis sii oder isch es zu schön um wahr zsi? Ha jetzt scho 2 Pana Lampe drin gha wo nach relativ churzer Ziit händ afange flackere vo dem her würs mi no reize die zprobiere.

Pandemonium hat geschrieben:Hät öpper vo eu Erfahrige gmacht mit dene: http://www.beamerlampen-guenstiger.ch/index.php" onclick="window.open(this.href);return false;

Wennd ihri Lüüchmittel nimmsch sinds bis zu 50% günstiger als d Originallampe. Cha das öppis sii oder isch es zu schön um wahr zsi? Ha jetzt scho 2 Pana Lampe drin gha wo nach relativ churzer Ziit händ afange flackere vo dem her würs mi no reize die zprobiere.

Es sind zum Teil chinesischi Kopie.
Han aber gueti Erfahrige gmacht mit dene.

ich han au Erfahrige gmacht mit sonere Firma. (weiss nüm ob genau die) D'Website het en dütschi oder en schwizer domain gha. Im Impressum isch aber en amerikanischi Adräss gstande, und d'War isch diräkt us Hong Kong verschickt worde.

d'Lampe isch nid original gseh, und vor Ablauf vo der Garantiezit kaputt gange. Der Service hingege isch top gseh. Ich han die kaputt Lampe zwar müesse zruckschicke, han aber scho vorhär per DHL Express choschtelose Ersatz becho. Die zweiti Lampe het denn au länger ghebt.

Kopie sind halt scho dütlich günschtiger als Originallampe, und nach miner Erfahrig au nid weniger hell oder so. Aber d'Läbensduur isch es bitz glücksach.

Ich lueg immer be ebay (früener fürs Gschäft au, 5-10 Lampe im Jahr) und chauf jewils die günschtigscht Lampe. Bis jetzt no immer gueti Lampe becho.

The Sheep hat geschrieben:Klingt es bitz ernüechternd. Aber ich han mer trotzdäm mol eine bschtellt. Isch ja nid sonen riesige Betrag.

pf1500: ech warte. äntwäder getz bald en "fixed version" in europa oder ech importier dä os dä USA es grät.