Password Manager

[Jones]

an alli techfuzzis

wär brucht irgend e art vo password manager? wenn ja wele?

bi hüt ime yt video uf lastpass gstosse. hami bishär nie würklech mit däm beschäftigt aber es würd ja gloub scho sinn mache, dass meh für alli website/accounts es eigets, sichers passwort het. aber hand ufs härz: die meiste wärde es passwort a mehrere orte bruche und nid jedes mau es anders wähle...

passwort im browser spichere isch ja nid unbedingt das mass der dinge. de wirds (wohlmüglech no klartext) irgendwo abgspicheret.
die password managers mache das offebar verschlüsslet. die einte lokal, anderi (wie lastpass) ir cloud. also, gemäss beschrieb wird lokal verschlüsslet und denn uf dr cloud gspicheret. so chame das ding ufem PC oder o ufem phone bruche.

erfahrige?

[Mastler(P)]

ha da 2-3 wörtli wo ich zämme mit verschidene zahle kombis verwende.
langed super und susch chasch eh überall passwort resette.

aber natürlich chammer für alles es total eigets pw ha, wieso nöd.

[thaeye]

HACK

[Astroboy]

Bruche Lastpass sit Jahre (zäme mit Xmarks) und ha nid z'Bedürfnis nach was anderem.

[Acid]

Ich han 1Password sit churzem...

Git jo au de Opensource KeePass...

Und ufem mac eigentlich de Schlüsselbund.

[Shadow]

Keepass, hämmer au i de firma

aber han ja überall s'gliche passwort 1234

[Jones]

Also keepass isch opensource right? Lokal only oder o mit cloud?

[Avenger]

Bruche Lastpass sit Jahre (zäme mit Xmarks)

+1

[Xinobrax2]

Ich speichere mini Passwörter nid gern....und ich glaube jede chan sich ca. 30 Passwörter merke.
Mer chan sich ja es System usdenke wie die Passwörter ufbaut sind und wie mer sich uf de jewilige Website wider dra mag erinnere. Natürlich so, dasmer vo eim Passwort nid grad uf alli andere chan schlüsse. Quasi en simple Hash Algorithmus im Chopf...wemer sich mal sones System usdenkt und sich dra gwönt het, hetmer au nie me Problem mit Passwörter und chan trotzdem überall es anders verwende.

[Mastler(P)]

mmh, hasch im chopf.

[Acid]

Also vo denä Passwörter wi ich mit dem Tool chan verwändä, chönt ich mir glaub nid mol eis merkä, ohni dassis weis ich wiä lang uswändig lern und 100 mol igibä. Und näb de Passwörter sälber mueschder denn jo au no merkä welläs wo hesch, und gwüssi LogIns bruchsch vielicht au nid so regelmässig.
Aber ja, müsst mol luege wiä das isch mit dem Hash im Chopf. Evtl. chöntmers denn no ehnder vorstellä. S Bescht isch natürlich sicher wenns niened muesch speichere...

Edith: Ja isch echli en Offäsichtlichä gsi natürlich.

[Xinobrax2]

Bispiel: Mer chan d Ort womer d Passwörter brucht grob i Kategorie iteile...z.B. Kommunikation, Finanze, Shops usw..für di jewilig Kategorie chamer sich denn Wörter usdenke. Bi Kommunikation z.B. Hermes, de Götterbote wo d Nachrichte übermittlet het, chamer sich easy merke. Denn chamer au na n Teil vo de URL verwende...bim G Forum z.B. di letzte 3 Buechstabe vo de 2nd Level Domain, also "rum". Au s Land vo de Toplevel Domain chamer dri nä....i dem Fall also d Schwiz. Oder chli schwiriger, s erste wo eim bi dem Land in Sinn chunt...z.B. Banke. Demits na Zahle drin het chamer z.B. au na de Port ibaue. Bi https z.B. 443....de chamer au nochli umrechne...z.B. 443 * 2 - 7.....denn di einzelne Bestandteil na durch Sonderzeiche trenne und fertig: hermes?rum?bank?879

Bevor jetzt öpert naluegt ob das mis Passwort isch....nei, das isch nur es spontans Bispiel gsi...sowas chamer endlos witer usbaue bis d Passwörter so komplex sind dasmer si sich selber fasch nüm chan merke. Falls mer si aber mal vergisst chamer si sich eifach wider zemesetze...

[damian]

ich han eis passwort für alles. git eh nüt z'chlaue bi mir...

[Tatsujin]

ich han au eis sehr komplexes PW für alles, wo alli mögliche charakters involviert. isch das den trotzdem irgendwie unsicher?

[Acid]

Isch halt eifach blöd wenns öper denn mol usäfinded... wenn denn überal irgendwiä de Login diä glich E-Mail Adressä hesch und s glichä Passwort, heder den halt statt uf eis Konto uf alli Zuegriff.

[Xinobrax2]

ich han au eis sehr komplexes PW für alles, wo alli mögliche charakters involviert. isch das den trotzdem irgendwie unsicher?

Unsicher isch relativ....

S Passwort chan no so komplex si....wenn en einzelne Dienst wot verwendisch d Passwörter als Klatext speicheret, oder wenn mal e Verbindig us irgend emne Grund abgfange wird, denn isch dis Passwort bekannt. De bringts au nüt wenn all di andere Dienst di höchste Sicherheitsstandards verwended.

Demit irgendwelchi Unbefugti a dis Passwort chömed bruchsch aber au na zimlich vil Pech....insofern...wayne. Eigentlich spills kei Rolle. Zumindest nid bimene Forum. Aber wennt z.B. bi Shops agmolde bisch und det d Date vo de Kreditcharte hinterleit hesch, oder wennt Bitcoins ufem Rechner hesch, oder wennt heikli Firme Mails hesch....was au immer...bi so Sache wärs ev. scho nid s tümmscht es anders Passwort z verwende. Au für d Mail Adresse würdi es anders Passwort verwende....a die Adresse werded ja oft d Passwörter gschickt wennt di noimeds ameldisch. Wer det dri chunt weiss nid nur dis Passwort, sondern au na wo du dich überall agmeldet hesch = Doppel Fail.

[Acid]

Wer det dri chunt weiss nid nur dis Passwort, sondern au na wo du dich überall agmeldet hesch = Doppel Fail.

Guet, wenn das passiert muesch eh eifach hofää dasses sofort merksch. Dank de praktischä Funktion Passwärter zrugzsetzä z chönä, was jo eigentlich denn meischtens über das Mailkonto ohni witeres möglich isch, nützts au wiederum nüt wenn det anderi Passwörter hesch.

[Xinobrax2]

Eh, wie gseit...demit überhaupt irgend öpis passiert bruchsch au na zimlich vil Pech....

[Tatsujin]

ja für gäld und kommerzielli aaglägeheite hani sälbschtverständlich es anders PW

aber ebe für so forums und FB ghüdder gsehni nöd ii, werum ich 100 verschiedeni PWs brüchti.

[The Sheep]

Mini Passwörter sind alli inere Textdatei vomene verschlüsslete Folder. So chani sie easy per copy/paste verwände. Und Zuegriff uf de Ordner hani per Fingerprint Scanner.

[emP]

Keepass, hämmer au i de firma

aber han ja überall s'gliche passwort 1234

Dieses!

[Asskicker]

Han LastPass für web zügs und KeePass für non-web sache wie SAP Pws usw.

[feeshlee]

han lastpass und pwsafe, aber sittem open-ssl witz bruchi lastpass immer wie weniger.