The(G)Forum

Xinobrax2 hat geschrieben:S isch ja guet, dass mir verlässlichi Modell hend...s Problem isch nur, das si blind für anders mached, wemer zu sehr devo überzoge isch. Das gilt genauso für esoterischi oder religiöse Weltbilder...

stimm der zue und danke.

da no chli eso scheiss vom ne wüsseschaftler. uiuiuiii.

Ja guet, was het de scho erfunde...abgseh vo de Taslaspuele....und em Wechselstrommotor...und Blitzableiter...und Radio...und Teslaturbine...und.........

immer wenn de begriff gott oder glaube allgemein is schpil chund wirds afo langwilig wärde. astronomie und teilwiis au astrologie sind witab vo de esoterik. nur scho de mond hed e diräkti uswirkig ufs empfinde vo vilne mönsche, drum bini au devo überzägt das da no meh ume isch. die meischte mönsche hend de sibti sinn im verlauf vo de chindheit oder jugend "wegtrainiert". das hed i üsere schnellläbige gsellschaft au gar kei platz, drum isches au für vili nid nachvollziehbar.

es isch statistisch widerleit, dass mer bi vollmond meh scheisse baued.

Challenge für dä Schlaumeier. Bau mier em Tesla siin Stromgenerator, das Teil, wo uus dä Luft Energie empfangt und zu Strom umwandlet. Fang eifach mal ah, jetzt.
Hop, gah in Baumärt, chauf dier die Teili, wod bruuchsch, pack miinetwäge irgend en Antänne und en Kristall mit dä "richtige" Frequänze obedurf. Mal luege, ob diini Ahnahme Strom erzüüged.
Du schaffsch es nöd! Wieso? Will diini Ahnahme, kei Grundlag gäbed, zum nur im Ahsatz ahfah das Teil zbaue.
Du muesch zerscht luege, was dNatur zbüüte hät, wie dass ihri Beschaffeheit isch, wie sie funktioniert und dänn wiiter nahdänke, wies möglich wär, diis Ziel zerrreiche.

Bitte em Tesla sini super Erfindige nid verwechsle mit dem Zügs woner angeblich erfunde het...

Isch aber na luschtig will das wo du seisch chented genau em Tesla sini Wort si...oder die vom Schauberger.

„In der Natur geschieht nichts zufällig. Wir Menschen haben es in der Hand, die Natur zu kopieren, aber vorher müssen wir sie kapieren, um die guten Geister zu rufen.“

Herr Rossi hat geschrieben:die meischte mönsche hend de sibti sinn im verlauf vo de chindheit oder jugend "wegtrainiert". das hed i üsere schnellläbige gsellschaft au gar kei platz, drum isches au für vili nid nachvollziehbar.

das wird ja au explizit vom schuelsystem wegtrainiert.

geosnow hat geschrieben:es isch statistisch widerleit, dass mer bi vollmond meh scheisse baued.

das hät niemer da behauptet. es isch nur gseid worde das dä mond en ihfluss uf eus hät. das chasch du nöd verneine.

Vyse hat geschrieben:Du schaffsch es nöd! Wieso?

wieso behauptisch das ichs nöd schaffe wür? häsch es versuecht?

lug, ich muess es dir gar nöd bewiese(aso einewäg), aber da isch mer scho mindestens eine zuvor cho.


Quelle

Ich gib uf, nei echt, es macht kei Spass meh...
Du chönntsch es schaffe, wänn dich mit Elektronik, mit Naturwüsseschafte und Physik usw. uusenandsetzisch und nöd mit em Mayakaländer. Genauso müend sich Geologe, Umwältwüsseschaftler usw. mit em Wätter und anderne Bedingige usenandsetze, wo en Iifluss uuf sKlima händ und nöd mit irgendwelche Wällebewegige vo dä Erde, wo sie nöd hät.

Oder anderscht: Es git Mänsche, wo 60 Jahr lang dä Erforschig vomene bestimmte Gägestand widmet und sDestilat vo däm isch e ganz chliini, aber sehr gfeschtigti und drum wertvolli Erchänntnis, so gfeschtigt, dass wiiteri Generatione uf däm uufbauet. Was mi huere uufregt isch, wänn so e Esogruppe dahärchonnt und sich bitz übers Universum und so underhalte händ und voll Energie gspüred und sGfühl händ, sie chönntet zur Wälterchlärig öppis biiträge.
Evtl. chönnts das, aber nöd i däm Berich, wo dWüsseschaft scho zur Rächt für sich beasprucht.
Meine demit, dass z.B. irgend es Liebi-Prinzip nöd in e Wältumfassendi Theorie chann übersetzt werde, will die eh nöd prüefbar isch, sondern setzt sie lieber in e Lebänsfüehrig um, wo sResultat mässbar isch, indems en positive Effäkt uuf sWohlbefinde vom einzelne Mänsch hät.

Mastler(P) hat geschrieben:

geosnow hat geschrieben:es isch statistisch widerleit, dass mer bi vollmond meh scheisse baued.

das hät niemer da behauptet. es isch nur gseid worde das dä mond en ihfluss uf eus hät. das chasch du nöd verneine.

eh nöd, alles hät irgendwiä uf eim ifluss. mer merkts idR aber nöd.

Vyse hat geschrieben:Du chönntsch es schaffe, wänn dich mit Elektronik, mit Naturwüsseschafte und Physik usw. uusenandsetzisch und nöd mit em Mayakaländer. Genauso müend sich Geologe, Umwältwüsseschaftler usw. mit em Wätter und anderne Bedingige usenandsetze, wo en Iifluss uuf sKlima händ und nöd mit irgendwelche Wällebewegige vo dä Erde, wo sie nöd hät.

aso meinsch.

ja aber euse punkt im weltall zur relation mit em rescht hät sicher en ihfluss uf eus.
ums wetter zum ne gwüsse grad chönne vorherzgseh, aso s wetter wo natürlich entstaht, hilfts under anderem scho öppe zwüsse zb. wievill sunne mir zu welem ziitpunkt wo abbechömed.

oder anderi frag: wie chan ich eh sunnefinsterniss hervorsäge.
antwort: dur astrologie. aso dur "die Deutung von astronomischen Ereignissen und Gestirnskonstellationen in Bezug auf irdische Verhältnisse und Vorgänge."

so, alles won ich vorher erwähnt han isch das zb. s astrologische wüsse vo dä mayas immens gsi zsi schient.
also es wüsse vo vorgang und bewegige vo stern und planete und di direkt realtion desse zu eus.

wieter han ich gseid das dur es wüsse im ne gebiet, glichzitig sache lernsch wo das gebiet tangieret.
ahdühtet han ich au das wüsse über dä makrokosmos glichzittig wüsse über dä mikrokosmos preisgitt. da dä ja nur s übergordnete system wiederspieglet und denne übergordnete gsetzt underliegt.

ich weiss jetz aso ehrlichgseit nöd wo dis problem isch. ich has gfühl du beschränksch dis dänke oder aber mir verstöhnd eus gegesitig liecht falsch. verzell.

vyse, du seisch es eigentlich scho richtig. es isch nid mässbar. aber es isch schpürbar. vom einte meh als vom andere. luut studie gäbed 40% vo de dütsche ah, dass bi vollmond schlechter schlafed. es isch us wüsseschaftlicher sicht humbug, es gid kei bewiis dass de mond uf irgend e art e ifluss ufd schlafqualität hed. trotzdem EMPFINDETS d mönsche so. kei einzelne vo dene cha demit irgend öpis beiflusse, keine. aber dur das dases e selektivi wahrnämig vo vilne isch hets äbe glich e ifluss. nid e physische, aber das schpilt gar kei rolle. wenn d helfti (oder 1% länget scho) vo de mönschheit itz also de innere wandel spürt (wo dür d wüsseschaft hüt nid mässbar isch), a de abruch vonere nöie ära, denn veränderets d wält nur scho dür iri ischtellig. mir sind so krass manipulierbar, warum sel ich mich also vo so vil negativem scheiss la manipuliere wenns doch so vil gid wo mir es positivs gfühl gid? nid physisches isch glich real wie öpis wo e form hed, mer cha sich für das öffne, de gset mers au. und nei, ich nime kei droge und ich find religion scheisse

Vyse hat geschrieben:Meine demit, dass z.B. irgend es Liebi-Prinzip nöd in e Wältumfassendi Theorie chann übersetzt werde, will die eh nöd prüefbar isch, sondern setzt sie lieber in e Lebänsfüehrig um, wo sResultat mässbar isch, indems en positive Effäkt uuf sWohlbefinde vom einzelne Mänsch hät.

du reagiersch eifach allergisch uf esoterik, will du sie under anderem nöd wükli kännsch und verstasch.
isch bitz wie alchemischte und anderi wo mer us angscht und unwüsse uf dä schiterhuufe tah hät.
befass dich doch mit dem thema bevor es verspottisch. und nei, mike shiva luege zellt definitiv nöd dazue. so lüht chasch generell spüehle.

das mit dä liebi sind eigeni gedankegäng gsi.
jedoch chasch ja dä tescht mache und ab hüt nurno positiv und bewusst mit voller liebi uf dini mitmensche zuegah und dis läbe läbe.
und denn verzellsch mer mal ih 10 oder 20 jahr ob en positive effekt häsch chönne feststelle.

Ich chan mit so 08/15 Esoterik au nid vil afange...zum Glück isch das aber keis Eso Topic...zrugg zum Thema.

shit ja le drift

danke rossi. wie du gsesch chan ich mich da schinbar nöd gnueg verständlich usdrucke. dis bispiel isch super.

dä tesla isch übrigens als bueb vom blitz troffe worde und hät sitt deht schinbar mit nöd physisch existänte wäse und glaub au tote chönne kommuniziere.
vill vo sim wüsse hät er schiins vo so andere wese becho und häts nurno müesse nahbaue.
genau so wie ich ohni vill wüsse im ne technische fachgebiet en elektrogenerator dur eh ahleitig chan nahbaue.
um nomal uf das bispiel vom vyse zruggzcho.

De David Icke isch der Meinig, dass d Aliens scho längst unter üs sind. Lut sinere Theorie sinds Reptil, wo iri Form chönd verändere.

En Vortrag vo ihm:

Quelle

Da hets au recht vil Esoterik drin. Und nei, ich glaue das Zügs nöd. Ich finds eifach geil dasmer imene Ziitalter lebed, wo jede sini Meinig frei chan üssere, seg si au no so abstrus. Ich lose so Lüt gern zue. Weltbilder, wo em eigne widerspreched sind meistens e Bericherig.

so jetzt wüssed ers. internet sei dank.

endlich wieder reptilianer

Moff hat geschrieben:endlich wieder reptilianer

Master(G) hat geschrieben:

so jetzt wüssed ers. internet sei dank.

Merci!

Xinobrax2 hat geschrieben: Ich erkläre gar nüt....ich wirfe lediglich ei Hypothese unter tusige id Rundi demits e spannendi Diskussion git.

Xinobrax2 hat geschrieben:Da bis hüt na nie e Mumie inere Pyramide gfunde worde isch sind Zwifel durchus berechtigt.

Nei, isches ebe nid. Das isch bi allne Weltverschwörigtheoretiker ebe leider dr Fall.