The(G)Forum

Shit... Geschter Abig bini so friedlich am Espgaluda zocke a de PS2 uf em Sony PVM in Tate. Plötzlich macht er sones "sirrends" Grüsch und s'Bild fangt a zflimmere und zwabere... Siehe Video.

http://www.youtube.com/watch?v=E5cHqngqVYs" onclick="window.open(this.href);return false;

Irgend öppis hät's wohl putzt im Innere, aber kei Ahnig was. Hät echt öpperd en Idee, was das sii chönti?

Maaaann, das chan's eifach nöd sii, jetzt woni denn kei Cab meh han würd's mi gröber aaschiisse, wenn de PVM sin Geischt ufgäh würdi, ohni dass i öppis chan mache.

chan natürli extrem viel sii..und ohni experte check wirds schwierig was zfinde und erscht rächt ds behebe

ziletrafo kabutt oder chli scheps
chalti lötstell uf de platine (hani früener viel gha, grad bi ältere grät -> temperatur schwankige plus alter)
oder nur scho es loses poti für de bildabgliich

hesch en trafo / stromwandler i de nöchi vom monitor ?
stell de moni mal wo anders hi und probier nomal

Jap, ich weiss dass e Fehlerdiagnose alles anderi als eifach isch, grad so uf d'distanz.

Trafo/Stromumwandler hani nöd i dä nöchi, aber en andere Fernseher grad danebed. Und zwei chlini Böxli stönd uf em Monitor druf, aber im hindere bereich und nöd grad vorne bim schirm selber (s'magnetfeld beiflusst s'bild uf jede fall nöd - s'git kei veränderig vom Bild.)

Und de PVM staht vertikal, also chan's guet sii, dass es bim zügle letschti und manövriere jetzt intern öppis versieched hät. Puh, weiss gar nöd, ob ich mich an es gebastel a dem grät söll here wage oder nöd - han kei Ahnig vo de materie, drum eher nöd.

Ich probiers aber glich mal mit umstelle und mal mit dä böxli luege, ob ich da en anderi lösig finde müesst.

Drachenherz hat geschrieben: Puh, weiss gar nöd, ob ich mich an es gebastel a dem grät söll here wage oder nöd - han kei Ahnig vo de materie, drum eher nöd.

genau, wiel ungföhrli ischs nämli nöd. sälbscht im uusgschaltne zuestand..also lieber finger devo wenn mers nöd kännt

hesch eventuell en kolleg im elektroniker berich?

wenns en chalti/brochni löstell ishc han mer teils na easy mit chältespray de fehler finde. suscht chli a de pots rütle, platine chli i die eint oder ander richtig büüge.

was mängisch, wenn au nur tämporär chlie hilft isch de moni chli ds drülle oder chli dra haue. eifach zum luege obs was veränderet.
-> wenns verändered, wie vermuetet ebe wohl en lötstell oder susch was locker.

Also, han jetzt d'böxli weg gno, und es bitzeli d'lag veränderet vom monitor, und liecht dra gschlage (LIECHT! hehe) -> unverändert.

Und ich kenn d'gfahre ebe scho, z.b. im innere ad bildröhre lange... d'restspanning dört dinne langed, um im beschte fall gröber eis gfizt z'becho, im schlimmste fall chan's au tödlich sii.

Elektriker hani grad mehreri im Bekannte/verwandte/ und fründes chreis, aber leider kein Elektroniker.

Hrmpf... Mal luege, wani mache...

Danke für d'inputs sowiit.

ja en elektriker langet eventuell au scho

Supi, min huselektrikerin meint, dass er's wohl nüme lang macht... :/

wotsch mis SNK 19 cab chaufe?

Nope, han momentan es usgabe-verbot für grösseri uusgabe... :typej:

häsch es guets meitli^^

Meitli, Frau und ab spätischtens aafang november es söhnli.

hei hert..da giz es meitli zum söhnli afangs november

es chalberet !