Fallout: New Vegas

Game-News, neueste Gerüchte, Spiele-Talk!

Moderatoren: Master(G), zeromeier

Antworten
Benutzeravatar
Skeletor
VIP-Member
VIP-Member
Beiträge: 45987
Registriert: 17 Dez 2002 17:02
Kontaktdaten:

Fallout: New Vegas

Beitrag von Skeletor »

Wär freut sich au? Diä wuchä chunnts :wixer:

nach demon's souls (für mich 2010 erscht) s'beschte spieli das jahr.

:wixer:
Benutzeravatar
Master(G)
Administrator
Administrator
Beiträge: 71877
Registriert: 05 Mär 2002 18:34
Wohnort: Game-Chäller
Kontaktdaten:

Re: Fallout: New Vegas

Beitrag von Master(G) »

:!: wenn sölli denn all das zeugs spiele? :typej:
BildBildBildBildBildBildBild
Besucht auch unsere Social-Media Kanäle!
Benutzeravatar
sidusson
Zelda Lover
Zelda Lover
Beiträge: 51593
Registriert: 05 Mär 2002 20:43
Wohnort: börn
Kontaktdaten:

Re: Fallout: New Vegas

Beitrag von sidusson »

argh, würklech no time.. aber i fröie mi druf..
shubidu
Benutzeravatar
O_O
Hardcore Gamer
Hardcore Gamer
Beiträge: 7004
Registriert: 05 Mär 2002 19:23

Re: Fallout: New Vegas

Beitrag von O_O »

Ich wart mal s gurgelhals review ab.
I don't believe in orange
Benutzeravatar
Tatsujin
PC Engine Lover!
PC Engine Lover!
Beiträge: 80220
Registriert: 05 Mär 2002 17:28
Kontaktdaten:

Re: Fallout: New Vegas

Beitrag von Tatsujin »

Master(G) hat geschrieben::!: wenn sölli denn all das zeugs spiele? :typej:
am beschte gar nöd :)
Bild www.pcedaisakusen.netBild
PCE Games countdown: 695/738 (44 to go or 95% clear)
PCE Shmups countdown: 111/111 (all clear!!)
PCエンジン - シューティングゲーム読み秒:111/111枚 (クリア!!)
Intuitive improvisation is the secret of genius.
Benutzeravatar
Gurgelhals
PC Gaming Master Race
PC Gaming Master Race
Beiträge: 22903
Registriert: 06 Mär 2002 22:58
Kontaktdaten:

Re: Fallout: New Vegas

Beitrag von Gurgelhals »

PIMMEL!! hat geschrieben:Ich wart mal s gurgelhals review ab.
S'neue chönnt im Pfall würklich guet wärde. S'grundlegende Gameplay isch ja bim Vorgänger eigentlich ok gsi. S'Problem isch det ja hauptsächlich gsi, dass es halt die Bethesda-typischi Seelelosigkeit gha hätt: Langwiiligi NPCs, e unlogischi und tummi Story, flachi, unluschtigi Versüech a Humor, kei einzigi gueti Idee, wo nöd irgendwie scho i de Vorgänger scho besser umgsetzt worde wär, kei grossi, wahnsinnigi, allumfassendi Vision, defür durchgehend das Gfühl vo lauwarmer Durchschnittlichkeit. Also die gliche Problem wie scho bim Oblivion und em Morrowind mit dene ihrne sterilisierte Roboter-Fantasywälte.

Bim New Vegas schaffed jetzt aber Lüüt dra, wo i däre Beziehig durchus öppis druf händ. Ex-Black Isle-Lüüt, wo damals d'Icewind Dale-Serie und s'Planescape: Torment gmacht gha händ und u am "richtige" Fallout 3 gschaffed händ (bevor Black Isle dänn bankrott gange isch). Die händ Ahnig vo RPGs, Ahnig vo de Fallout-Wält und da sozsäge au no e Rächnig offe. Und d'Interviews lönd au hoffe, dass sie würklich begriffe händ, um was es gaht. S'New Vegas spielt ja au wieder wie s'FO1 & 2 im Weschte vo de USA und jeenschti Sache, wo eigentlich i s'richtige Fallout 3 hetted sölle, händ's wieder usgrabe und implementiert. Das chönnt also wännscho s'richtige Fallout 3 wärde. Super. Usserdem: Hardcore-Mode :sabber:

Ich mach mir meh chli Sorge wäge de Bugs. Die sind ja bekanntlich wiederum d'Schwachstell vo Obsidian-Spieli. Aber für das gitt's Patches und wänn s'Interface au wieder z'wünsche übrig laht, gaht's wie scho bim Oblivion und em FO3 nöd lang, bis es entsprächendi Mods defür gitt. S'wichtige isch: Das was me mit Mods nachträglich nöd chan korrigiere - Story, NPCs, Atmosphäre, Quests, fählendi Originalität & mangelnde Ideeäriichtum - wird dasmal wahrschinlich keis Problem si.
"de hund isch uhuere super. aber ich han en mit de axt abeprüglet." (c) 2011 lakritz
Benutzeravatar
O_O
Hardcore Gamer
Hardcore Gamer
Beiträge: 7004
Registriert: 05 Mär 2002 19:23

Re: Fallout: New Vegas

Beitrag von O_O »

Jaja, preaching to the choir.
Ich wart trotzdem mal ab.
I don't believe in orange
Benutzeravatar
Flatliner
VIP-Member
VIP-Member
Beiträge: 2714
Registriert: 16 Sep 2002 13:52
Kontaktdaten:

Re: Fallout: New Vegas

Beitrag von Flatliner »

Fallout New Vegas

Wird siche wieder mega geil! Wie Fallout 3.

Freu mich mega uf de titel!!! :-D
Benutzeravatar
Gurgelhals
PC Gaming Master Race
PC Gaming Master Race
Beiträge: 22903
Registriert: 06 Mär 2002 22:58
Kontaktdaten:

Re: Fallout: New Vegas

Beitrag von Gurgelhals »

PIMMEL!! hat geschrieben:Jaja, preaching to the choir.
Nei, preaching to the choir isch das da:
Wird siche wieder mega geil! Wie Fallout 3.
:LULZ:
"de hund isch uhuere super. aber ich han en mit de axt abeprüglet." (c) 2011 lakritz
Benutzeravatar
Jehuty
Something of a writer
Something of a writer
Beiträge: 17569
Registriert: 01 Mai 2004 23:34
Kontaktdaten:

Re: Fallout: New Vegas

Beitrag von Jehuty »

:lol:

Ich kaufs übrigens nicht, da es auf mich einen Missions-Disc-Charakter hat. Fallout 3 fand ich nach anfänglichen rumnörgeln dann doch noch ganz nett, stimme dem Gurgelhals mit seinen Kritikpunkten aber vollkommen zu!
Benutzeravatar
O_O
Hardcore Gamer
Hardcore Gamer
Beiträge: 7004
Registriert: 05 Mär 2002 19:23

Re: Fallout: New Vegas

Beitrag von O_O »

Gurgelhals hat geschrieben:
PIMMEL!! hat geschrieben:Jaja, preaching to the choir.
Nei, preaching to the choir isch das da:
Wird siche wieder mega geil! Wie Fallout 3.
:LULZ:

:boehme:
I don't believe in orange
Benutzeravatar
Skeletor
VIP-Member
VIP-Member
Beiträge: 45987
Registriert: 17 Dez 2002 17:02
Kontaktdaten:

Re: Fallout: New Vegas

Beitrag von Skeletor »

ihr nervet. fallout 3 isch super gsi.

villicht nöd euere gschmack. villicht entüschend, wenn mä was wiä d'vorgänger erwartet hät. aber fallout 3 nöd guät? nöd super?

lol. aber ganz fescht.
Benutzeravatar
Uriel
OpenBSD Acolyte
OpenBSD Acolyte
Beiträge: 4301
Registriert: 05 Mär 2002 19:30
Kontaktdaten:

Re: Fallout: New Vegas

Beitrag von Uriel »

Ich han damals Fallout 3 schu sehr guet gfunde. Au de Humor: es hät überraschend vieli Bezüüg gää zu Literatur und Film us de 50ger Jahr. Der Anchorage DLC als mise-en abyme vom Game sälber hani absolut grandios gfunde. (Was det würklich Fail gsi isch, isch d Reaktion vo de Jurnalischte, essegi ja nur e reins Geballere. Ja um genau das isches ja gange, genau das isch der Witz gsi: me spielt e Militärsimulation vo genau dem Ereignis, wo d Grundsituation in Fallout erscht erzüügt hät.)
Dass d Hauptstory schwach gsi isch, isch m.E. nach fascht schu notwendig, wenn willsch es Sandbox Game mache. narrativi Strukture laufed a offene Spielprinzipie per se zuwider. Damit sind die offesichtliche Versüümnis natürlich nüd entschuldigt, aber doch begründet.
Sandbox -Games händ halt d Tendenz, dass als Spieler es biz "uf dich sälber zrugggworfe" wirsch. Denn isches halt im ne gwüsse Sinn au e eher individuelli Sach, we viel Freud me us dem Ding chan usehole. Dur d Genregränze isch daher en Vergliich mit de alte Teil absolut müssig gsi: so als Ob enere Tragödie würdisch vorwärfe, sie heg kei Charakterentwicklig, oder am ne Roman, er hegi kei klari Grundstruktur. Also Sache als defizitär beschriebe, wo eigentlich ebe dur ihri Struktur notwendig sich ergänd.
Als Chäufer vo de Collector's Edition, hani z.B. rächt müesse lache, wo ich einere het sölle d Nuka Cola Sammlig vervollständige. Oder mich denn eine, wo ufd Sammlerin scharf gsi isch, fascht het welle umbringe, damit er die fählende Fläschene ihre chan bringe. I dem Sidequest steckt so viel drin, zwar uf ne zuegegebenermasse subtili Art, aber trotzdem: Es Kommerzprodukt, wo zum Sammlerobjekt wird. Die damit verbundeni Obsession. Zwei Lüüt, wo mitte ider Öödi nebenand wohned, und dur ds Uftauche vo ere Drittperson ds Beziehugsgefüge plötzlich beweglich wird. Der Typ wohnt ja schu sit Jahre bi dere Frau, aber glaubt, dass jetzt dur der Spieler d Sache verändered wärdet. Der kritischi Kommentar ad Sammler. etc. etc. das isch doch alles würklich sehr guet gmacht gsi, me hets halt müesse "entdecke". Und genau a dem Prozess han ich richtig Freud gha.
In my dream, I am the president.
When I awake, I am the beggar of the world.
Benutzeravatar
Skeletor
VIP-Member
VIP-Member
Beiträge: 45987
Registriert: 17 Dez 2002 17:02
Kontaktdaten:

Re: Fallout: New Vegas

Beitrag von Skeletor »

ich han halt geil gfunde, dass bluet gsprützt hät und mä hät chönne radio lose.
Benutzeravatar
sidusson
Zelda Lover
Zelda Lover
Beiträge: 51593
Registriert: 05 Mär 2002 20:43
Wohnort: börn
Kontaktdaten:

Re: Fallout: New Vegas

Beitrag von sidusson »

bingo bango bongo i dont wanna leave the congo lalalalallaaa
shubidu
Benutzeravatar
Jehuty
Something of a writer
Something of a writer
Beiträge: 17569
Registriert: 01 Mai 2004 23:34
Kontaktdaten:

Re: Fallout: New Vegas

Beitrag von Jehuty »

sidusson hat geschrieben:bingo bango bongo i dont wanna leave the congo lalalalallaaa
Das war das Beste am gesamten Spiel. :wixer:
Benutzeravatar
BrainBug
VIP-Member
VIP-Member
Beiträge: 4385
Registriert: 07 Okt 2010 13:39
Kontaktdaten:

Re: Fallout: New Vegas

Beitrag von BrainBug »

fands oblivion jetzt noch super, das da jetzt nid so
Bild
Benutzeravatar
Bejita
Maskenmann
Maskenmann
Beiträge: 16075
Registriert: 24 Mär 2002 21:46
Wohnort: Houbtstadt
Kontaktdaten:

Re: Fallout: New Vegas

Beitrag von Bejita »

Skeletor hat geschrieben:ihr nervet. fallout 3 isch super gsi.

villicht nöd euere gschmack. villicht entüschend, wenn mä was wiä d'vorgänger erwartet hät. aber fallout 3 nöd guät? nöd super?

lol. aber ganz fescht.
Dr Skelen het absolut rächt!
Fuck Neil Druckmann & Jim Ryan
Bild
Benutzeravatar
Skeletor
VIP-Member
VIP-Member
Beiträge: 45987
Registriert: 17 Dez 2002 17:02
Kontaktdaten:

Re: Fallout: New Vegas

Beitrag von Skeletor »

ich bin eifach gstrickt und bin eifach z'unterhalte.
Benutzeravatar
Moff
PC Gaming Master Race
PC Gaming Master Race
Beiträge: 12839
Registriert: 05 Mär 2002 18:03
Kontaktdaten:

Re: Fallout: New Vegas

Beitrag von Moff »

Gurgelhals hat geschrieben: Bim New Vegas schaffed jetzt aber Lüüt dra, wo i däre Beziehig durchus öppis druf händ. Ex-Black Isle-Lüüt, wo damals d'Icewind Dale-Serie und s'Planescape: Torment gmacht gha händ und u am "richtige" Fallout 3 gschaffed händ (bevor Black Isle dänn bankrott gange isch). Die händ Ahnig vo RPGs, Ahnig vo de Fallout-Wält und da sozsäge au no e Rächnig offe. Und d'Interviews lönd au hoffe, dass sie würklich begriffe händ, um was es gaht. S'New Vegas spielt ja au wieder wie s'FO1 & 2 im Weschte vo de USA und jeenschti Sache, wo eigentlich i s'richtige Fallout 3 hetted sölle, händ's wieder usgrabe und implementiert. Das chönnt also wännscho s'richtige Fallout 3 wärde. Super. Usserdem: Hardcore-Mode :sabber:
hani gar ned gwüsst, iets hani doch na schnell d'uk pc version bstellt.
als obsidian hends zwar na keis einzigs richtig guets spiel gmacht, aber was sölls, ich weiss zwar nüt über new vegas aber iets hetsi mi dochna interessiert, wer weiss. besser als fallout 3 müessts scho werde und das längtmer eigentlich.
Benutzeravatar
Gurgelhals
PC Gaming Master Race
PC Gaming Master Race
Beiträge: 22903
Registriert: 06 Mär 2002 22:58
Kontaktdaten:

Re: Fallout: New Vegas

Beitrag von Gurgelhals »

Uriel hat geschrieben:Ich han damals Fallout 3 schu sehr guet gfunde. Au de Humor: es hät überraschend vieli Bezüüg gää zu Literatur und Film us de 50ger Jahr. Der Anchorage DLC als mise-en abyme vom Game sälber hani absolut grandios gfunde. (Was det würklich Fail gsi isch, isch d Reaktion vo de Jurnalischte, essegi ja nur e reins Geballere. Ja um genau das isches ja gange, genau das isch der Witz gsi: me spielt e Militärsimulation vo genau dem Ereignis, wo d Grundsituation in Fallout erscht erzüügt hät.)
Dass d Hauptstory schwach gsi isch, isch m.E. nach fascht schu notwendig, wenn willsch es Sandbox Game mache. narrativi Strukture laufed a offene Spielprinzipie per se zuwider. Damit sind die offesichtliche Versüümnis natürlich nüd entschuldigt, aber doch begründet.
Sandbox -Games händ halt d Tendenz, dass als Spieler es biz "uf dich sälber zrugggworfe" wirsch. Denn isches halt im ne gwüsse Sinn au e eher individuelli Sach, we viel Freud me us dem Ding chan usehole. Dur d Genregränze isch daher en Vergliich mit de alte Teil absolut müssig gsi: so als Ob enere Tragödie würdisch vorwärfe, sie heg kei Charakterentwicklig, oder am ne Roman, er hegi kei klari Grundstruktur. Also Sache als defizitär beschriebe, wo eigentlich ebe dur ihri Struktur notwendig sich ergänd.
Als Chäufer vo de Collector's Edition, hani z.B. rächt müesse lache, wo ich einere het sölle d Nuka Cola Sammlig vervollständige. Oder mich denn eine, wo ufd Sammlerin scharf gsi isch, fascht het welle umbringe, damit er die fählende Fläschene ihre chan bringe. I dem Sidequest steckt so viel drin, zwar uf ne zuegegebenermasse subtili Art, aber trotzdem: Es Kommerzprodukt, wo zum Sammlerobjekt wird. Die damit verbundeni Obsession. Zwei Lüüt, wo mitte ider Öödi nebenand wohned, und dur ds Uftauche vo ere Drittperson ds Beziehugsgefüge plötzlich beweglich wird. Der Typ wohnt ja schu sit Jahre bi dere Frau, aber glaubt, dass jetzt dur der Spieler d Sache verändered wärdet. Der kritischi Kommentar ad Sammler. etc. etc. das isch doch alles würklich sehr guet gmacht gsi, me hets halt müesse "entdecke". Und genau a dem Prozess han ich richtig Freud gha.
Mir isch es eigentlich leid, no gross über s'FO3 z'diskutiere. Han im alte Forum oft gnueg mini Position argumentiert, dass FO3 es seeleloses und drum "nume" es guets Spieli isch. Staht alles det, solang's es no gitt. Lediglich no folgendi Pünkt:

- Sandboxe sind Scheisse. Säg ich scho sitt ere halbe Ewigkeit (gnau gno sitt em GTA3). Unabhängig vo däre Tatsach entschuldiget sie minetwäge en chli "lockerere", weniger stringente Storyverlauf, aber ganz sicher nöd e Story, wo ganz grundsätzlich tumm isch und zum Himmel schreiendi Logiklöcher ufwiist.
- Die angebliche Verwiis uf d'50er-Jahr Ästhetik sind tatsächlich viel banaleri Verwiis uf die beide Vorgänger, wo me die Bezüg alli au scho findet, aber halt viel kreativer und konsequenter demit umgange worde isch (s'Fallout 3 würkt i däre Beziehig wie es Konglomerat vo amateurhafter Fan Fiction). Logischerwiis sind's dänn au genau die Moment, wo Bethesda *eigeni* Ideeä implementiert hätt, wo sich d'Logiklöcher und die allgemeini Tumm- & Flachheit bsunders dütlich bemerkbar mached (z.B. de Brotherhood of Steel Roboter wo antikommunistischi Parole vo sich gitt :typej: Huhuhuhuhihihihihihohohoho, wie unglaublich originell und witzig und *geischtriich*!!! :roll: ).
- Entsprächend isch es, gelinde gseit, ziemlich gwagt, am zentrale Designkomitee vom Bethesda-Planigsbüro Witz und Originalität zuezschriibe. Eidüütig lachhaft (bzw. en gröbere Fall vo déformation professionelle dur d'Literaturwüsseschaft) isch es hingäge, i dem Spieli au no metanarrativi Element erchänne z'welle (usgrächnet bi eme Bethesda-Spieli!!!).
"de hund isch uhuere super. aber ich han en mit de axt abeprüglet." (c) 2011 lakritz
Benutzeravatar
Gurgelhals
PC Gaming Master Race
PC Gaming Master Race
Beiträge: 22903
Registriert: 06 Mär 2002 22:58
Kontaktdaten:

Re: Fallout: New Vegas

Beitrag von Gurgelhals »

Moff hat geschrieben:
Gurgelhals hat geschrieben: Bim New Vegas schaffed jetzt aber Lüüt dra, wo i däre Beziehig durchus öppis druf händ. Ex-Black Isle-Lüüt, wo damals d'Icewind Dale-Serie und s'Planescape: Torment gmacht gha händ und u am "richtige" Fallout 3 gschaffed händ (bevor Black Isle dänn bankrott gange isch). Die händ Ahnig vo RPGs, Ahnig vo de Fallout-Wält und da sozsäge au no e Rächnig offe. Und d'Interviews lönd au hoffe, dass sie würklich begriffe händ, um was es gaht. S'New Vegas spielt ja au wieder wie s'FO1 & 2 im Weschte vo de USA und jeenschti Sache, wo eigentlich i s'richtige Fallout 3 hetted sölle, händ's wieder usgrabe und implementiert. Das chönnt also wännscho s'richtige Fallout 3 wärde. Super. Usserdem: Hardcore-Mode :sabber:
hani gar ned gwüsst, iets hani doch na schnell d'uk pc version bstellt.
als obsidian hends zwar na keis einzigs richtig guets spiel gmacht, aber was sölls, ich weiss zwar nüt über new vegas aber iets hetsi mi dochna interessiert, wer weiss. besser als fallout 3 müessts scho werde und das längtmer eigentlich.
Ebe, das isch au mini Istellig. Obsidian hätt amel chli Müeh mit Bugs und händ amel chli e verchnorzti Bedienig. Das sött aber i dem Fall keis Problem si, will s'Fallout 3 ja immerhin diesbezüglich solidi Vorarbet gleischtet hätt. Defür hocked bi Obsidian Lüüt, wo meh Ahnig vo Quests und Story und Atmosphäre und RPGs händ. Wänn also bi de Entwicklig nöd öppis völlig schief gloffe isch oder d'Holzchöpf vo Bethesda diesbezüglich am Team nöd ständig driigredt händ, dänn chönnt das würklich öppis guets si.

PS, Thema Obsidian: Häsch eigentlich de Alpha Protocol gspielt? Hätt ja ziemlich mässigi Reviews übercho, aber: I dene Diskussionsforene, wo tendentiell gueti Lüüt posted (neogaf & Co.) heisst's vo viele User, dass am Spiel zwar chli de letschti Schliff fählt, aber dass es eigentlich rächt guets und vor allem es gwagts und originells Spieli isch.
"de hund isch uhuere super. aber ich han en mit de axt abeprüglet." (c) 2011 lakritz
Benutzeravatar
Moff
PC Gaming Master Race
PC Gaming Master Race
Beiträge: 12839
Registriert: 05 Mär 2002 18:03
Kontaktdaten:

Re: Fallout: New Vegas

Beitrag von Moff »

nei, du scho?
iets woni weiss dasses obisdian isch luegis velleicht au male a wenn mal wieder chli flaute isch
Benutzeravatar
Skeletor
VIP-Member
VIP-Member
Beiträge: 45987
Registriert: 17 Dez 2002 17:02
Kontaktdaten:

Re: Fallout: New Vegas

Beitrag von Skeletor »

ich bi sehr froh, dass mir so spieli wiä fallout 3 unendlich freud machet. uf dä konsole gits nöd viel bessers.
Benutzeravatar
Moff
PC Gaming Master Race
PC Gaming Master Race
Beiträge: 12839
Registriert: 05 Mär 2002 18:03
Kontaktdaten:

Re: Fallout: New Vegas

Beitrag von Moff »

Uf konsole dörft bioware wohl sgschidschte si, aber fallout3 hani au ned würklich schlecht gfunde, die erschte paar stund amel. Nachher wird je länger je klarer was alles fehlt. Aber wie de gurgler seit: guets grundgrüscht womer einiges hät chönne usehole, was obsidian iets hoffentlich au macht
Antworten

Wer ist online?

Mitglieder in diesem Forum: Ahrefs [Bot] und 51 Gäste