bescht zombie felms

[Mastler(P)]

gitz ueberhaupt epis wo noed vom romero isch wo wuekli no guet isch?
logisch: ich red vo atmosphaere.

[The Sheep]

Ich find de Lucio Fulci het die bessere Zombiefilme gmacht als de Romero:

Zombi 2 (Woodoo - Die Schreckensinsel der Zombies)
Paura nella città dei morti viventi (Ein Zombie hing am Glockenseil)
L'Aldilà (Die Geisterstadt der Zombies)

Aber das hängt sehr devo ab uf was mer Wärt legt bi dene Film. Storymässig sind am Romero sini bestimmt besser gseh. Am Fulci sini Filme händ Plotholes so gross wies Ozonloch kha. Aber mir händs eifach visuell besser gfalle und vor allem au d'Art und wies wie er Gore in Szene gsetzt het.

[Mastler(P)]

geil. weisch ich kenn mich noed so us, drum froeg ich.

[agestuffer]

Hani grad Zombieland gluegt.. nid so de Hit - 04/10 höchstens
De Bill Murray isch natürlich mega
agestuffer

[Mastler(P)]

logisch isch er das.

[zwirrlibatz]

De Romero macht Zombiefilms für Lüüt wo nöd in erschter Linie Zombies gseh wänd. Er macht übrigens au no sehr suprigi zombiefreii Film. Näb ihm und em Fulci gitts aber glaubs würkli nüt meh usser 28 Days Later.

Irgendwänn vor langer Ziit hetts mal gheisse, Zombies ernähred sich vo Hirn. Die Vorschtellig han ich s'Grüsligschte vor allem andere gfunde. Dass die eim packed und sabbernd d'Schädeldecki ufbräched, wie genau au immer. Aber das chunnt i chum eim Film vor.

[Kretinou]

Dead Snow

The Horde (französich film) http://www.youtube.com/watch?v=6kbXTOOFOxU

Eaters (Uwe Boll ) http://www.youtube.com/watch?v=E8ZnKhRa ... re=channel

[Vyse]

Zombieland ghört ganz sicher obe id Lischte.
Er isch einsersiits luschtig, verchonnt aber nöd zu reinem Slapstick sondern vermittled e Situation enorm guet:
Die paar letschte überläbende, wo alles verlore händ, sich zuefällig über dä Wäg laufed und am Ändi jede i dä anderne en Art Ersatzfamilie erchännt. Ich find das schön und rüherend.

[Tatsujin]

han de zombieland au na guet gfunde. sicher eine vo de bessere (orror-) filme i de letschte jahr.

[Sephi]

Zombieland isch fantastisch!! Und momentan lohnt sechs The Walking Dead ( Serie vom Frank Darabont)
im Aug z bhalte, wo Endi Oktober afoht.

[Vyse]

Wie gseit, für mich ischs sogar es neus Subgenre: Zombie-Roadmovie

[agestuffer]

Shaun of the Dead - 04/10

Irgendwie bin ich glaub chli me de Zombie zermetzger Film lueger.. Ich will eifach meh Core gsee, das fählt mir (wie bim Zombieland ja au scho)

Es muess meh Sprützä, me Chuttlä ha, meh Mampfszenä und me Hirn a de Kamera chläbä.... Denn gäbs bi mir au meh Pünggt

Okay, eventuell hani au immer so extremi Cut Versionä gsee, chani jetzt nid sägä - wenn dem so isch, denn würdi natürlich wenns me Fätzt en höcheri Punggtzahl ghä

agestuffer

[BrainBug]

Shaun of the Dead - 04/10

[Sephi]

De Shaun isch natülrech ou rächt super!

Wichtigeri Frog: Darfme 28 Days Later als Zombiefilm bezeichne?

[Acid]

De Romero macht Zombiefilms für Lüüt wo nöd in erschter Linie Zombies gseh wänd. Er macht übrigens au no sehr suprigi zombiefreii Film. Näb ihm und em Fulci gitts aber glaubs würkli nüt meh usser 28 Days Later.

Also es isch scho so das i dä Romeros Zombies meh en Vorwand sind, aber gseh duet mer si zumindescht in Dawn... und Day... doch mindeschtens so intensiv und gorig wiä z.B. bi Voodoo.
Git denn aber scho no paar anderi, grad in Italiä. Eis Bispiel wäri no "Let Sleeping corpses Lie". Oder ehnder au echli luschtig (aber au nid schlächt) Dellamorte Dellamore, oder denn nüm vo Italiä und en eher frühee ulk Zombiesteifä wär Return of the living Dead.

Irgendwänn vor langer Ziit hetts mal gheisse, Zombies ernähred sich vo Hirn. Die Vorschtellig han ich s'Grüsligschte vor allem andere gfunde. Dass die eim packed und sabbernd d'Schädeldecki ufbräched, wie genau au immer. Aber das chunnt i chum eim Film vor.

Git denn natürlich au no viel früeneri Zombiefilm, wo de Zombie denn scho chli en anderi Rollä hed... einä wos jetzt nur s Hirni ässed wüssti aber au nid grad. De Zombie isch halt früener no sehr oft im Zämähang mitem Woodoo Kult gstandä (vo dem her isch de Fulci und au es paar anderi Italiener zumindescht im Asatz nochli traditioneller... aber hald ebä scho nur im Asatz).


Mit dä schnällä Zombies chani nid würklich vil Afangä, aber es isch halt en logischi Entwicklig im Zämähang mitem sit einigä Johrä sehr gfrögtä Schockeffekt Kino... wil langsami Zombies überrasched eim hald nid so wahnsinnig, det gots um ganz anderi Sachä.

Okay, eventuell hani au immer so extremi Cut Versionä gsee, chani jetzt nid sägä - wenn dem so isch, denn würdi natürlich wenns me Fätzt en höcheri Punggtzahl ghä

Das isch scho nid so... diä Film sind ehnder nid uf de Gore usgrichtet, und du hesch sicherlich en Uncut Version gseh.

[Tatsujin]

[quote="Acid"]
einä wos jetzt nur s Hirni ässed wüssti aber au nid grad. quote]
Sind nöd d Rot Living Dead uf em hirni ässle basierend?

[Vyse]

Eigentlich wäred ja Zombies wos nur uuf de 'Irni abgseh händ no logisch, uuf dä andere Siite wärs unlogisch ohni tüchtigem Hirn, würeds logisch agiere. Insofern gilt beides als berächtigts Zombieverhalte.

[Mastler(P)]

Und momentan lohnt sechs The Walking Dead ( Serie vom Frank Darabont)
im Aug z bhalte, wo Endi Oktober afoht.

oh ja

Ich will eifach meh Core gsee, das fählt mir (wie bim Zombieland ja au scho)

meh core

dae dellamorte muessi au na luege. ich find zombie komoedie na guet.
han geschter zombie anime serie highschool of the dead mal agfange luege. gseht au na fruesch us.

[The Sheep]

Stimmt, am Soavi sin "Dellamorte Dellamore" isch auch en guete Zombiefilm. Wenn au e bitz speziellere.

[Mastler(P)]

speziell, ja so gseht er us: http://www.youtube.com/watch?v=komuV6HbaGc

[Acid]

einä wos jetzt nur s Hirni ässed wüssti aber au nid grad. quote]
Sind nöd d Rot Living Dead uf em hirni ässle basierend?

Guet, das chan sogar si... weissi jetzt nüm so gnau. Ich han au nur de erscht gluegt (sind diä anderä überhaupt au i dem Stil, oder hends eifach de Namä übernoh?), und weiss eifach no dasen nid so schlecht bzw. no relativ witzig gfundä han... isch aber scho zimlich lang her.

[Tatsujin]

Guet, das chan sogar si... weissi jetzt nüm so gnau. Ich han au nur de erscht gluegt (sind diä anderä überhaupt au i dem Stil, oder hends eifach de Namä übernoh?), und weiss eifach no dasen nid so schlecht bzw. no relativ witzig gfundä han... isch aber scho zimlich lang her.

ds 1 und 2 isch aehnlich. ds 3 den nume na uf gore und nix mer witzig.

oepe so 1 > 2 >>>>> 3

[Mastler(P)]

lol http://www.youtube.com/watch?v=Vqq_cAz_PPY

[Sephi]

WTF Nid okay!

[zwirrlibatz]

De Romero macht Zombiefilms für Lüüt wo nöd in erschter Linie Zombies gseh wänd. Er macht übrigens au no sehr suprigi zombiefreii Film. Näb ihm und em Fulci gitts aber glaubs würkli nüt meh usser 28 Days Later.

Also es isch scho so das i dä Romeros Zombies meh en Vorwand sind, aber gseh duet mer si zumindescht in Dawn... und Day... doch mindeschtens so intensiv und gorig wiä z.B. bi Voodoo.
Git denn aber scho no paar anderi, grad in Italiä. Eis Bispiel wäri no "Let Sleeping corpses Lie". Oder ehnder au echli luschtig (aber au nid schlächt) Dellamorte Dellamore, oder denn nüm vo Italiä und en eher frühee ulk Zombiesteifä wär Return of the living Dead.

Ulk Zombiestreife händ mich nie intressiert bis zum grandiose Shaun of teh Dead. Und dä Undead http://www.youtube.com/watch?v=Ok8J-xyS4H0 und dä Fido http://www.youtube.com/watch?v=8Mo6C6up1Qo sind sehr guet. Sind die ROTLD würkli luschtig oder sinds eifach Parodie? Find ich immer langwiilig.

Git denn natürlich au no viel früeneri Zombiefilm, wo de Zombie denn scho chli en anderi Rollä hed... einä wos jetzt nur s Hirni ässed wüssti aber au nid grad. De Zombie isch halt früener no sehr oft im Zämähang mitem Woodoo Kult gstandä (vo dem her isch de Fulci und au es paar anderi Italiener zumindescht im Asatz nochli traditioneller... aber hald ebä scho nur im Asatz).

I walked with a Zombie, mal gseh han en, weiss aber nüme viel. De Woodoo Asatz isch ebe intressant. Zombies nöd eifach als Terrorfleischgieractionmonschter sondern als e labili, willelosi, schwer iischätzbari Bedrohig. Das hett de Romero verstande. Und s'Shaun Team. Em Fulci sin Züg känn ich chuum.

Mit dä schnällä Zombies chani nid würklich vil Afangä, aber es isch halt en logischi Entwicklig im Zämähang mitem sit einigä Johrä sehr gfrögtä Schockeffekt Kino... wil langsami Zombies überrasched eim hald nid so wahnsinnig, det gots um ganz anderi Sachä.

Es isch sehr ok wie's im 28 Days/Weeks Later isch gmacht worde. Will sie d'Tempi immer wieder i de richtige Momänt usenähmed. De "modern" Zombiefilm find ich au meh gähn als öppis anders, wo eim eifach ei absehbari Hektikszene nach de andere um d'Ohre grüehrt wird. Wennmögli no mit Mönginumettelmusig. Spannend am Füdli.