Mir erschlüsst sich nid so ganz was das Theater überhaupt söll. Jede Staat schickt en Vertretter wonen vorbereitete Text vorlist. Super. Es gat also nid drum mitenand z rede. Mer sizt det eifach chli id Rundi und jede rechtfertigt di eigni Position. Denn gönd alli wieder hei und mached witer wie bisher :typej:
Isch ez halt chli blöd dases nur russischi Quelle defür git Ich fänds übrigens super, wenn da ine mal na öpert en anderi Meinig würd vertrette. S isch chli langwilig weni da eifach nur Videos poste und niemert widerspricht...
Re: [OT]Generelles Politik-Topic
Verfasst: 19 Apr 2018 16:34
von thaeye
isch nah schwierig widerred z leiste imene propagandachrieg vo allne siite. am beste seit meh dezue nix. ich plan uf jede fall scho mal min wegzug us europa fürs alter, da bahnt sich eh was aaa. muess im chaos ende da.
Re: [OT]Generelles Politik-Topic
Verfasst: 19 Apr 2018 16:38
von Xinobrax2
Ich han grad na es Video gfunde wo di "westlich" Perspektive vertritt. Die hend ebefalls Interviews mit Züge gfüert...de Unterschied isch nur, dasmer die Lüt nieneds i dene Wiishelm-Videos gset.
Ich finds guet postisch die videos, xino. Luege vili devo und bin au ehner uf de us kritische siite. Aber videos tauged für mich ned als diskussionsgrundlag.
Re: [OT]Generelles Politik-Topic
Verfasst: 19 Apr 2018 18:23
von Xinobrax2
Schoso...aber me als die Videos gits halt nid. Die "Bewis" wo d Nikki Haley bi de UN als Grundlag für de Agriff gnennt het sind gheim...und d OPCW Lüt stönd schinbar grad unter beschuss. Ich bin halt amigs eifach froh wenn na öpert en anderi Perspektive vertritt will ich mit de Ziit amigs chli en Tunnelblick krieg und manchi Sache übersehe oder sogar unbewusst usblende. Weni mir so Talkshows aluege wie Illner, Maischberger, phoenix Rundi, Presseclub, Hart aber fair oder was au immer denn ghöri det immer nur das offizielle Narrativ usem Weste vowege Assad de Schlächter und bla bla bla aber ich ghöre nüt mit Hand und Fuess wo die Story irgendwie chenti bestätige. Ich finde das ziemlich bedenklich...
Es paar vo euch lueged und lesed doch sicher au d Schwizer Medie. Nachrichte im SRF, NZZ, 20min und so Zügs. Wie wird det drüber berichted?
Re: [OT]Generelles Politik-Topic
Verfasst: 20 Apr 2018 08:58
von Herr Rossi
Vorweg; ich luege ab und zue Videos vo dir oder Usschnitt devo.
Xinobrax2 hat geschrieben:Es paar vo euch lueged und lesed doch sicher au d Schwizer Medie. Nachrichte im SRF, NZZ, 20min und so Zügs. Wie wird det drüber berichted?
Die Frag isch nid eifach z beantworte, will selbscht die ufzellte Medie nid immer konsequent weschtlich propagiered. Ich lise zwüschetine NZZ, NLZ... Aber vorwiegend informier ich mich gezielt über es Ereignis oder es Thema uf verschidne Portal, mit ere Tendenz zum Tunnelblick. Schlussendlich landi aber immer am Punkt wo mer sälber säge: Itz längets, chas nümm luege suscht wirdi trurig. Es bitz wiit isches Ignoranz, dür die extrem negativ beiflussig vo de Medie fühlt sichs aber meh wie Selbstschutz ah.
thaeye hat geschrieben:...ich plan uf jede fall scho mal min wegzug us europa fürs alter...
Ich au, Mitti nöchscht Johr hani alles parat für de Visa-Atrag.
Re: [OT]Generelles Politik-Topic
Verfasst: 20 Apr 2018 20:00
von Moff
Wohi
Re: [OT]Generelles Politik-Topic
Verfasst: 21 Apr 2018 10:47
von Herr Rossi
Nach riifer Überlegig und eme super Jobagebot, uf Melbourne
De Schawinski isch bi SWR1 Leute gsi. Scho krass wie de Typ d Tatsache chan verdreie. Ich nime dem aber sogar na ab daser das selber glaubt. Ich finds erstunlich wiemer es ganzes Buech chan schribe oni z merke dasmer völlig ufem Holzweg isch...
Ab Minute 23 rededs über Verschwörigstheorie und de Ganser. Er regt sich über die Lüt i de Filterblase uf wo ihn kritisiered. Ironischerwis kritisiered si ihn ja bi sine Interviews was wohl bedüted, dass sich die Lüt sini Biträg alueged. Da stellt sich doch d Frag, wer da würklich inere Filterblase isch, will er kennt d Biträg vom Ganser schinbar nid