The(G)Forum

Avenger hat geschrieben:Wer nid geit go wähle isch mit allem iverstange

falsch

O_O hat geschrieben:
passt zu dim neue auto

sgwüsse

es söttet alli go wähle gah...wer stimmt bestimmt!
reg mi amigs uf über die hornochse wo numme reklamieret über di ganz politik und meinet alles besser z`wüsse, und wen so eine frögsch "hesch gstumme / gasch go stimme?" heissts: nei, machi nöd :typej:

ehrlich gseit sindmer lüt na lieber wo gar ned stimme/wähle als die wo das unüberleit/ohni ahning mached oder eifach enere partei nahplappered.

drum säg au du, wie bestimmsch wer du wählsch?

Moff hat geschrieben:drum säg au du, wie bestimmsch wer du wählsch?

Bi jedere Abstimmig chli gügsle welli Partei so wür stimme wie ich, ab und zue chli en Arena oder so isch au nöd schlächt.
Jetzt no chli smartvötle und denn ergit sich doch es relativ eidüütigs Bild.

Ischmer aber recht verleidet underdesse.

zerscht überleg mer mal was scho abgstumme worde isch, welli partei welche senf derzue gäh het und wies hüt dermit usechoo isch, z.bsp. jah nöd id EU zum glück und au in zuekunft nöd....lsva nei danke ! jede reklamier über laschtwäge und denkt mit de lsva hets nachher meh platz uf de strasse.....aber wenn den mit em laschtwage e liferig berchunsch und e huuuufe derfür dogge muesch denn wird wider reklamiert...ähä

ok, öppedie schnallis au nöd wasi söll stimme wells mängisch so zwilichtig isch denn gangi mal uf de homepage vo de parteie go lese und probier mi chli schlauer z`mache,
arena findi au guet zum verschideni meinige / argument lose und sich denn di eignig meinig drus z`mache
ich interessier mi nöd mega für politik aber ich stimme ab, vorallem wenn ich unternehmer bin und mis gschäft chönnti beiiträchtigt werde oder wenn ich chan profitiere

ok, ihr wähled also nach parteie, je nachdem was die für empfehlige zude abstimmige usegeh händ?
was isch mit parteie wo nöd svp heissed und die einzelne vertreter tatsächlich unterschiedlichi meinige zude verschiednigste theme händ?
mer wählt ja persone, nöd parteie

Moff hat geschrieben:drum säg au du, wie bestimmsch wer du wählsch?

I.d.R. entscheid ich am Änd eifach anhand vo banale taktische Überlegige. Bi mir sind uf Smartvote natürlich au irgendwelchi Randständigi resp. Lüüt uf de hindere Lischteplätz wiit vorne, wo e Wahl relativ sinnlos isch. Dasmal wird ich wohl eifach d'SP-Lischte ineschmeisse. Sicher nöd mit Begeischterig, aber im Hinblick uf d'Bundesratswahl schiint's mer am Vernünftigschte z'si, dene nach Möglichkeit de Rugge z'stärche - nöd das gwüssi Parlamentarier bi de Wahl vo de Nachfolg Calmy-Rey no uf komischi Gedanke chömed

turntablism hat geschrieben:es söttet alli go wähle gah...wer stimmt bestimmt!
reg mi amigs uf über die hornochse wo numme reklamieret über di ganz politik und meinet alles besser z`wüsse, und wen so eine frögsch "hesch gstumme / gasch go stimme?" heissts: nei, machi nöd :typej:

ja do wird mer gad richtig stigelisinig. motze und denn nid go wähle gaht denn gar nöd.

Gurgelhals hat geschrieben:Dasmal wird ich wohl eifach d'SP-Lischte ineschmeisse.

bi mir chunds am endi au immer uf das use. mängisch schisst mich das denn aber grüseligscht ah und ich machs doch nid. dasmal muessi na luege.

ha itz ou grad smartvote gmacht. meine güte, ir top 10 nume so jungi Linggi, der eint sogar mit jahrgang 93 :typej:

aber wähle tueni dasmau eifach grad d SP, aber i gheie nid d lischte abe (der roland näf isch nämlech dert druf, dä huere nazi), sondern due chli die sümpatische druf. us de gliche gründ wie der gurgel gschribe het.

1. René Moser
1961, LS

2. Philipp Schärf
1982, glp

3. Sven Widmer
1987, Piraten

4. Marco Pagani
1989, jf

5. Georg Max (Jorgo) Ananiadis
1969, Piraten

vllicht söttemer eifach alli die wähle wos bi smartvote azeigt und dänn wärded die au gwählt au wennmers ned denkt

ich wird übrigens garantiert kein einzige spler wähle und vo parteilistene inerüehre halti na viel weniger

turntablism hat geschrieben:es söttet alli go wähle gah...wer stimmt bestimmt!
reg mi amigs uf über die hornochse wo numme reklamieret über di ganz politik und meinet alles besser z`wüsse, und wen so eine frögsch "hesch gstumme / gasch go stimme?" heissts: nei, machi nöd :typej:

Du bringsch öpis duränand... es gid es abstimmä, und denn gits es wählä.

Ich stimm immer ab, wenns um e Frog gohd wonich s Gfühl han dass mini Stimm tatsächlich gfrögt isch, und ich mich gnueg han chönä drüber informiere zum mir au ä Meinig z bildä. Oder au wennsimi persöndlich betrifft sowieso.
Mit andere Wort, wenns drum gohd öb a de Stross XY woni niä bin jetzt so brämsteiler heräbaut werded oder nid, denn enthalt ich mich derä Stimm, das sölled diä entscheidä wo det woned, und diä abstimmig tatsächlich en Ifluss uf irä Alltag hed, nid ich. Suscht logischerwis scho.

Aber irgendwelchi Lüt wählä wo mir ihres Gsicht in Briefchaschtä werfed und diä ganz Zit für sich werbed wiä währeds es farkling Produkt wo kei Mänsch brucht... ehnder weniger.

Parteipolitik isch eis vo de gröschtä Übel wos gid.

Und mer dörf sehr wohl Kritik üebe und nid wählä... eigentlich isches sogar diä einzig Möglichkeit, wär jo no besser weni wür sägä es siged alles Möngels und am Schluss chund usä ich hansi no sälber i diä Position gstellt und bin also für de ganz Mischt au no verantwortlich.

Acid hat geschrieben:Und mer dörf sehr wohl Kritik üebe und nid wählä... eigentlich isches sogar diä einzig Möglichkeit, wär jo no besser weni wür sägä es siged alles Möngels und am Schluss chund usä ich hansi no sälber i diä Position gstellt und bin also für de ganz Mischt au no verantwortlich.

Me chan ja au wähle ohni allzu viel vo dene Lüüt z'erwarte. Ich chan mich au chum für en Politiker i eusem Land begeistere, würklich brillianti Lüüt bringt euses System da wohl nöd ane (anderersiits: bisher sind mer mit em unspektakuläre Mittelmass ja trotz alle Unkerüef ja immer no sehr guet gfahre, wänn me so mit andere Länder vergliicht). Aber me chan ja au mit de Istellig wähle gah, dass es i jedem Fall die besser Lösig isch, go wähle z'gah und so z.B. öpperem is Bundeshuus z'verhälfe, vo zwar viellicht nöd de grossi Jahrhundertpolitiker isch, aber wo me sich wenigschtens sicher chan si, dass er/sie mit absoluter Zueverlässigkeit immer d'Stimm vo eim vo de würklich üble Gstalte det (Mörgeli, Schlüer, usw.) wird neutralisiere. Isch emal besser als die eigeni Stimm gar nöd z'nutze

Ja das chan scho au en Istellig si... nur chundmer so ebä au niä dezuä dass diä Lüt wo a das System glaubed, bzw. i dem System mitmisched und evtl. au devo profitiered gsehd dass si vo de Lüt kei Unterstützig erfahred, und dass das Cabaret wos astelled niemert will ussert si. Ich halt nüt vo Regierig, vo Macht oder vo all denä anderä Spili, ich mach si sogar zumene grossä Teil fürs Elend vo derä Wält verantwortlich. Drum will ich gar nid erscht druf igoh und diä Spili mitmachä und ich find dasmer das durchus au so gseh dörf (und drum ebä diä Sätz alla wer nid wählt söll eh grad d schnorrä hebä und nid wählä sig kei Ussag und alli münd wählä suscht sinds Idiotä schlicht falsch sind - s nid Teilneh chan sehr wohl au es dütlichs Zeichä si. Dass das diä wo gwählt werded nid gross beidruckt ischmer scho au klar, aber bi denä hani eh scho fascht alli Hoffnig verlorä, diä sindmer eigentlich zimlich glich).

Allerdings ischs bi mir au zuäsätzlich no so, sälbscht weni dis Muschter würd welä Umsetzä, es gäbt schlicht kei Partei woni chönt unterstützä, wills alli i wichtigä Pünkt für mich grauähaft näb de Gleis fahred.

Moff hat geschrieben:ok, ihr wähled also nach parteie, je nachdem was die für empfehlige zude abstimmige usegeh händ?
was isch mit parteie wo nöd svp heissed und die einzelne vertreter tatsächlich unterschiedlichi meinige zude verschiednigste theme händ?
mer wählt ja persone, nöd parteie

Da hett öper de proporz nid ganz verstande.

nei offebar ned, ischs völlig irrelevant weli person ich wähle, isch nur d'parteizueghörigkeit wichtig?

Das isch zwar es bitz generalisiert gseit, will zu 100% irrelevant isches scho nid unbedingt, aber es god i diä richtig... du chasch durchus Nämä änderä, Reihäfolg änderä, en SVPler uf e SP Lischtä setzä, oder ebä gar kei Partei lischtä verwändä und somit ungwählti stimmä verlorä goh loh, und und und, aber schlussendlich gots ebä glich i erschter Linie um Partei, und erscht in zweiter um d Person. Und zudem isches au viel z kompliziert, so das vili ebä eifach ä Parteilischtä inäschmissed. Es sei den du wonsch i eim vo denä Kantön: Appenzell Ausserrhoden, Appenzell Innerrhoden, Glarus, Nidwalden, Obwalden und Uri, vo denä gits nur ein Nationalrat und es wird im Majorz gwählt.

So wiä du dänkt hesch dases isch, wärs aber viel besser.

was spilts denn jetzt füren rolle was für lüt ich wähle?
ich weiss scho mit striche, kumuliere, panaschiere etc. aber was spielts füren rolle öb ich iets de franz(sp) oder de fritz(sp) wähle?

Ir wüsset tatsächlich nid wie euses system funktioniert?

ich bi de einzigs wos ned weiss offebar

ich nimm immer e grüeni lischte und bhalte die lüüt und kumulierpanaschier se mit paar rote wo positiv uffalle. sprich zbsp nöd mit de galladé.

ah ja en grüene bundesratssitz JETZ!