The(G)Forum

Mal wieder a Frag zu WLAN...

Mit wellem WLAN-Router chame uf eifachi Art und Wiis dr Traffic für einzelni Clients limitiere, also max. DL-/UL-Rate? Chame da eifach a MAC-Adresse festlegge oder isch das chli komplizierter?

Gaht drum, dass i bim Game oder Downloade eifach a fixi Rate ha möcht, au wenn dr Nachbar (Bruader vor Fründin) z.B. mit sim iPhone uf üses Netz zuagrift...
Wenn das a riisa Sach isch, möchti aber doch zumindest d' Möglichkeit ha wia z.B. bim Airport extreme a "Gastnetzwerk" izrichte.

Bim Airport extreme vo Apple chamer ja Gastnetzwerk irichte aber das nützt mir ja nüt bezüglich Traffic, will mer döt (Luut Appleverkäufer) dr Traffic au nid chan reguliere. Zumindest wär de mi Netz trennt vom "Gastnetzwerk"... gits no anderi Grät wo das so eifach gaht wia bim Apple-Produkt (isch ja nid grad günstig)?

Du gahsch das Problem falsch a.

Dini Idee isch, de Traffic für einzelni Clients z begrenze was aber kein gueti Lösig isch.

Richtig wär em Gametraffic via QoS (Quality of Service) en fixi Bandbreiti z reserviere. Denn isch s Problem glöst.

Okay, das macht ja eigentlich au Sinn
Tönt aber rel. kompliziert - kenn mi da ehrlich gseit nid wirklich us. Nur scho bim QoS-Itrag vo Wikipedia schnalli nüm grad viel
Stell mir das rel. kompliziert vor, wenn z.B. 2 PS3 über s' gliche Netz online gönd. So wia i das verstande han, lauft das über d' Ports, nid?

Argl

Tönt schwierig, isch aber voll easy.



Das isch zum Bispil en Screenshot vo mim Linksys Router. Gisch eifach bi "Device Priority" d MAC adresse vo de PS3 oder vo de XBOX i, und die gewünschti Priorität.

Bi "Ethernet Port Priority" und bi "Application Priority" muesch nüt igeh.

Obacht, das Setting obe isch es WIRED QOS. Also das sind Grät wo direkt via Kabel an WLAN Router agschlosse sind und nöd für Grät wo via Wireless uf de Router zuegrifed.

Merci - das gseht in dr Tat recht easy us
Dumm isch nur, dass vo 7 Grät genau 1 per Kabel agschlosse wird Gits das für WLAN au so eifach

Momentan schwanki zwüschem Netgear WNR3500L und em Netgear WNDR3700... nur - d' PS3 het ja nur b/g und mini XBox mitem alte WLAN Adapter unterstütz Dualband imo au nid.. für das brucht's doch IEEE 802.11a oder IEEE 802.11n --- oder liggi da falsch?

Bezüglich "Gastnetzwerk" gits no anderi Grät wo das so liicht gaht wia bir Apple-Kiste?

Merci

blackraini hat geschrieben:Netgear WNR3500L

Dä hani. Isch fren. Ha Tomato druf ta.