Neus Logitech Flaggschiff: Astro A50 X

[Master(G)]

Chunt mit Basis-Station und chasch switche zwische diverse Konsole und PC uf Chnopfdruck.
Isch Kabellos und hett es 48kHz Mikrofon und Pro-G Graphene Audiotriiber.
choscht 399.-

Batterielaufziit wird aber nienets erwähnt... ich bsorg eus mal es Test-Muster und lueg mer das mal gnauer ah für eu....

Infos, Video und Bilder: https://www.thegnet.org/post/logitech-p ... stro-a50-x

[zeromeier]

400 stutz für es headset, verruckt

[Master(G)]

Ich han es Audeze Maxwell für Xbox/PC/PS5. Beschte Sound woni jeeee ghört han! unfassbar guete klang!
choscht aber au 358.- ... bescht Aschaffig woni sitt eme OLED TV gmacht han. Absoluti Chaufempfelig.

https://www.digitec.ch/de/s1/product/au ... t-24147449

hett en Batterielaufziit vo 80 Stund und 2 Stund Schnellladig. Mega.
(Xbox Version gaht auf für PS5. PS5 Version aber ned für Xbox. Wichtigi Info!)

[evo]

400 stutz für es headset, verruckt

Hani au dänkt. En 50er gibi us für sowas

[Master(G)]

früener händer hunderti wenn nöd tuusigi vo franke für en gueti stereoalaag oder es 5.1 oder 7.1 soundsystem usgäh.

ich au.

hütt spiel ich nur no mit headset. immer. da lohnt sich en aschaffig vome guete studioquali headset allemal.

ich ha i mim läbe dutzendi headsets teschtet. meischtens im priisrange zwische 50 und 150 stutz. die sind all OK, logisch, mängisch sogar guet (Logitech Pro X). aber äbe doch kei vergliich zume RICHTIGE headset. trust me. soundquali isch jenssiits besser! ich has ja au ned glaubt, bis ich mis audeze maxwell becho han. da ghörsch sache i spiel und film wo no nie ghört hesch. es isch unfassbar gsi für mich, hätti nie dänkt, dass es da so enormi underschied gitt

ich will also nie meh zrugg zume chlobige und viel tüürere soundsystem/soundbar/whatever.


vo dem her bini sehr gspannt ufs Astro A50 X. Ich hoff Logitech schickt mer eis.

[evo]

ich freu mich für dich dass du freud hesch
aber ne, ha nie tüüri stereoahlage kauft, läbe lang sound immer über pc und amigs chli mobile devices. t qualität vom sound isch für mi halt relativ näbesächlich, t komposition und de vibe sin für mi s entscheidende. spiel eh nur WOW über headset wägem schnure.

[Vyse]

früener händer hunderti wenn nöd tuusigi vo franke für en gueti stereoalaag oder es 5.1 oder 7.1 soundsystem usgäh.

Chamme au mit Chopfhörer mache
https://mezeaudio.com/products/meze-empyrean

[evo]

meineder isch de qualitätsahstiig vo 50.- zu 400.- glich gross wie bi 400.- zu 3000.-?

[Master(G)]

Chamme au mit Chopfhörer mache
https://mezeaudio.com/products/meze-empyrean

JESUS!!!

meineder isch de qualitätsahstiig vo 50.- zu 400.- glich gross wie bi 400.- zu 3000.-?

glaubi ehrlich gseid ned. isch de nur no es prestige objekt glaubs...

[Koop Kooper]

Has vorgänger modäl und bi sehr z fride. Wirdes de äuä chaufe aber ni für 400.-.