Ich reg mich grad uf über...

[thaeye]

hunde wollt ihr ewig leben, chli ufrege bruchts. chli lebe, durchschnitt gits scho gnueg (mach doch chli yoga zum dini mitti finde). und ohni ufrege und reklamiere chunsch i dem land zu nix me

[Jones]

Aber was hesch de effektiv zahlt und was füre hushalt?
Chömer scho mau vergliche...

[Buccaneer]

480.- im quartal
1 erwachsne
1 chind
Sehr grossi wohnig

Verwandti vo mier 4höpfigi familie ca 250

Mini eltere 188.-

Lol

Aber d prisr für strom i minere trottelgmeind sind glaubs di höggste im ganze kanton

[Buccaneer]

hunde wollt ihr ewig leben, chli ufrege bruchts. chli lebe, durchschnitt gits scho gnueg (mach doch chli yoga zum dini mitti finde). und ohni ufrege und reklamiere chunsch i dem land zu nix me

Ich find äbe das 99,% vo allem shit wo so passiert lohnt sich nid zum ufrege. Energievereschwändig.
Ich sött es Buech schriebe.
Was marc aurel bei mir gelernt hat.... odr so.

Aber ja, mängmisch hlopf i au uf e tisch u bi es bizz unfründlich. Aber nur üsserlich so als mittel zum zwäck. Gspürsch mi Röne?

[siralos]

480.- im quartal
1 erwachsne
1 chind
Sehr grossi wohnig

Verwandti vo mier 4höpfigi familie ca 250

Mini eltere 188.-

Lol

Aber d prisr für strom i minere trottelgmeind sind glaubs di höggste im ganze kanton

chriegsch änds jahr ou a rückverguetig wenn si zviil abgrächnet hei?

bi üs isches pro quartal ou öpe 3-400.- und dann ändi jahr wieder minus 1-200.- rückvergütig.

[Buccaneer]

Aso letscht jahr isch es no 360 gsi u ändd jahr hani no meh dorfe nachezahle. Ez 480 wäg "krise" obwohl die ja all fett gwünn gmacht hend... und nöggst jahr wirds denn ca 700 lol

[turntablism]

Krass
Ich zahle öppe 120.- im schnitt

[Buccaneer]

Irgendöppis lauft da chrum und ich hoffe mir findeds use.
Aber selbst wenn. Agno min strom wird ab morn richtig gmässe. Wie bring indas de strommöngis bi? Die wärded säge: mir erhöhed din pris ahand vo dem was das kahr gloffe isch. Das sind 480. Aso chunnt ez die erhöhig uf das druff. Das zahlsch denn es jahr lang. Aso zb 700 all 4 mönet akonto und wenn denn würkli viel weniger brucht hesch, chunnsch das ändi 2024 zurugg über. Oha...

Plus was isch ibdene rund 10 jahr woni ez massiv zviel zahlt han? Da läppered sich es paar tusig frünkli zäme

[Buccaneer]

Muss glaubs onlyfans afa mache

[turntablism]

Wart mal ab bis das klärt isch. Und uf jeddefall kei neui rechnig zahle bis denn.
Nachher luegsch mal wer das verschulde verursacht hät. Denn würdi das mal am mietetschutz mitteile und fröge ob da was zrugg zhole isch.

Chasch natürli au grad no mit awalt drohe...denn wird vilicht chli schneller und kompetenter ghandlet.

[siralos]

es chönti ou scho verjährt si....eventuel lö wie wich uf nes deal für eie pasr mönet/jahr ii und das isches den gsi.

wenns effektiv falsch isch gsi, unbedingt mit dim rächtsschutz oder mal dem beobachter hotline, mieterveband mal i kontakt setze und frage was du für möglichkeite hesch.

süsch mit awalt und medie drohe, dann chäme sii scho uf dir zueche.

[Buccaneer]

Wenns gmeindewärk sind, mach i dene füür underem arsch.
Wenns de vermieter verkakt hed nid. De red i mal mit ihm. De isch n liebe siech und eine vo de guete.

Aber ufrege tue mi nid überd situation..das isch shit happens und chan mer kläre.
Ufgredt ha mi nur über es telefonat u s mail vo dene inkompetänte beamte möngels. Die sind so nützlich wie en rägeschirm ibde sahara.

[Buccaneer]

Über was hend ihr eu so ufgregt i letschter zyt? Bim aug weiss is... lampedusa oder?

[fifi]

480 böck im quartal woot, das isch huere viel, zumindescht us minere sicht!

ich ha amigs so um die 150 zahlt gha,denn glüehbire geg LED's ersetzt, abegange uf um die 90.- das isch aber vor de priiserhöhige gsi.
80watt vs ~10watt macht halt scho was us, wenn d "main" lampene ustuschisch. mich häts wunder gno wie langs gaht dasi s'duo pack led birre (9.90) wieder drinn ha, das isch scho im erschte quartal meh als drinn gsi..

häsch den du so huere krassi verbrucher? plasma tv? x'cabs am laufe oder so? heizisch mit elekro-öfeli wo lang laufed? bachsch/staubsugisch jede tag 3h? check da mal! wenn nöd, den hängt wohl no was anders a dim zähler, würi mal tippe.

chasch ja mal typeschilder vo dine grät go aluege und all wattzahle notiere. denn machsch e schätzig wieviel stunde das jedes grät lauft pro tag oder wuche.
denn rechne WATT * STUNDE = kWh verbruch für jede verbucher. das multipliziersch mit dim tarif und den weisch was öbbe zämme cho sött in batzeli.

ja ha mal stromer glernt...

btw lueg mal öb plombe am zähler no ok sind, falls nöd -> manipulation... das gsesch als laie, als easy hiiwis. aber mech blos kei abdeckige ab, döt fitzts gruusig!!!

[Jones]

Happig...
Mir hei e 4.5 zi wohnig mit 120m2, 2 erwachsni u zahle ca 140 im quartal...

Wichtiger wär aber dr verbruch wiu prise ja eh nid glich si... Was hesch füre jahresverbruch gha uf dr abrechnig 2022?

[thaeye]

Über was hend ihr eu so ufgregt i letschter zyt? Bim aug weiss is... lampedusa oder?

ordo ab chaos, wiitermache git nix z gseh.

[calanda]

miar hend 5800.- strom im Jahr für 2x 4.5 zi wohnig und 2.5 zi wohnig bzw 520m2
döt isch wärmepumi und allgemein strom debi

[Vyse]

Computergenerierti Stimme in Videos.
Das macht mich so hässig, so fucking unglaublich hässig, ich verstah nöd, was es genau i mier triggered aber es entfacht es Wiissgluet innert Sekunde, chönnt grad dä Bildschirm zerschlah. Sältsam, wieso mich das so hässig macht, egal, wie qualitativ "guet" die Sprachuusgab isch.

[Buccaneer]

Aber die wäreded immer besser!
Aber ja, es närvt. Momentan isch ja Youtube volle mit AI generierte Videos. Skript, Video, Stimm... Katastroff. Und sie krieged no relativ viel klicks.

[thaeye]

neu muesch das als AI generiert bi google kennzeichne la , sust gits kein upload.

[Jones]

i reg mi grad über üses gebäude uf...
neubou mit lüftig (ke ahnig ob minergie aber fenster hei mer ja! ) im summer hei mer teilwies 70% füechtigkeit gha, so dass sich d'blätter ar wand chruglet hei...

itz isch aktuell uf 22-24%... chunnsch ine und merksch es grad i de ouge. insbesondere, da ig no chli ercheutet bi... und so söttsch dr ganz tag i monitor ineluege!

chrankheitskeime verteile sich massiv!! besser wenns so fucking troche isch! chani mis pult o ir sahara ufsteue gopfertamisiech!

[Buccaneer]

Oh das isch schön!
Isch bi üs au so. Im Summer 34 Grad im Büro, im Winter eher früsch... und alli chrank sich gägesitig am astecke

Ha mal innere Wohnig gwohnt mit so internem Belüftigsgedöns. Hani nid so guet gfunde...

Ich han mich ganz churz ufgregt:
MIni Firma hed gester verkünded, das mer i de erste Januar Wuche zue hend. Bravo. Viele Dank für die churzfristigi Akündigung. Hett mer das vorher gwüsst, het mer chönne Ferie plane/ bueche. Jetzt weiss i gar nid, öb sich so churzfristig no lohnt...

[Jones]

Temperatur isch kes thema. hei im summer agnähm chüehl gha...
aber 22% füechtigkei isch meh als grenzwertig... :typej:


also... uf dini chöschte stundetechnisch? ja denn dankeschön für das!

[Buccaneer]

Jup uf mini Chöste ferie/stundetechnisch. Nid so tragisch. Mer wüssts amigs gärn vorher.
Lustigi Bude das. Aber hie lauft gad einiges schief und d stimmig vo de Lüt isch ame Tüfpunkt. Aber mier gahts guet, well mich das alles nid so chratzt lol

[abyss]

Überall isch Tiefpunkt…chunnt ja gli dr Wintöör!