Ordner uf mehrere System synchronisiere

[Sephi]

Heya! Was gits da für gueti Programm? Wott mini Files zum Bispil ufem Computer spichere und se denn ufem Laptop ou grad ha, wenni s nöchschtmou ufs Internetz zuegriife!

Het öpper Erfahrig mit Dropbox? Isch das so öppis?
http://www.dropbox.com/

Sorry fallses scho sones Topic git!

[Shadow]

dropbox = bescht!

ich zahle sogar defür, wills eifach so problemlos funktioniert.... chasch ja tescht, isch gratis mit 2GB Speicherplatz.... 9.90$ choschts für 50GB Platz... nöd billig aber defür super und safe.

[ritschi]

wahr. für dropbox gits übrigens o iphone/android/ipad app. und chasch files wenn wosch ganz eifach für anderi lüüt frei gä.

finds aber viel z'tür.

[ritschi]

[Gurgelhals]

Ich bruch das da: http://www.cis.upenn.edu/~bcpierce/unison/download.html

[orphen]

ich cha o nur sägä: dropbox +1. Het für mi s'backupe komplett ersetzt da ig mini date uf 2 pc's und no uf dropbox ha. da müesst scho viel schief ga das i all mini date verlierer.

übrigens dropbox het gad nöii version usebracht. jetzt chasch selektiv synchronisiere

[Avenger]

dropbox = extrem geil und simpel

[blackraini]

super isches!

[Shadow]

übrigens dropbox het gad nöii version usebracht. jetzt chasch selektiv synchronisiere

[orphen]

finds aber viel z'tür.

warum de das? was fändsch de en faire priis?

[feeshlee]

scheduled task + robocopy: beides im windows integriert.

[Sephi]

Merci für d Tipps!!!

[Shadow]

finds aber viel z'tür.

warum de das? was fändsch de en faire priis?

Tbh 2.99$

[ritschi]

oder so 5$.
aber wenis ufs jahr ufe rächne isch es doch nid ganz so viel wies mi im erste momänt grad dünkt het.

[orphen]

also i würd sälbscht 300$ zahle für so ne service. scho nume diä zit wod sparsch mit dem hin und her schicke vo de date, backup wod nüm muesch mache (isch ja redundant uf mehrere pc's bzw. no uf ihrem server) und pc ufsetze und gad wieder alli date ha. da isch en franke pro tag nid zviel.

ja ich bin en dropbox fanboy!

[Astroboy]

I benutze Dropbox ou scho sitemne Zitli und finges fantastisch.

[meo]

dropbox isch ganz io aber no besser findi: http://www.getcloudapp.com/

[ritschi]

wie schnäll chöit dir ufelade? ha igstellt dass es upload nüt limitiert aber es ladet nur mit 125KB/s ufe

ok evtl wirds schneller wenns mal die 5000+ files indexiert het

aber isch sogar günstiger als i gmeint ja wenns grad für es jahr nimmsch. denn chosts nur 100$. denn isch zimlech fair.

[ritschi]

lulz sehr guet, wenns z'lang geit steit nid mal meh wieviel täg das es no geit sondern "a long long time.... grab a snickers" lulz

[Sephi]

Ich han jetz mini ganze Arbeitsdateie id Dropbox kopiert u bis jetz ischs würklech fantastisch. Hetme schomal vo negativerfahrige ghört, dasses öppis nid richtig synchronisiert oder Date sind verlore gange? Sött ja eigentlech kes Problem sii wenn me d Date jetz so ufem PC, eme Laptop und online het, oder?

Ich schaffe übrigens au direkt mit de Dokument wo ir Dropbox inne sind, d.h. spichere ständig, ändere züüx etc. Sött kes Problem sii, odr? Und was passiert wenni jetz dümmlecherwiis mal es Dokumänt ufem PC und ufem Laptop gliichzitig offe ha und beides in anderer Form spichere? Implodiert s Universum?

Dummi Froge vermuetlech, aber das Dropbox züüx isch bis jetz so guet dasses fasch nid cha wohr sii

[orphen]

Wend du immer diä offizielle updates installiersch, söt niä öppis verlore ga. es het mal so viel i mi ma erinnere e beta gha, wo date verlore gange si. aber ebe: BETA u nid e offizielle release. I selber ha no niä problem gha.

u süsch synchronisiere isch niä es problem gsi bi mir bis jetzt. ha daheim dr laptop u uf dr arbeit dr pc und es synchronisiert wunderbar hin und her sit chli me als 1 jahr.

spichere vo dateie wo ir dropbox dinne si funktioniert o super. praktischerwis duets dr gad diä ganz sach versioniere. also chasch z.B. uf d'version wod vor 1 stund mal gha hesch reverte. het mi scho 1 mal grettet!

was passiert wend uf 2 pc's dokument offe hesch cha dr nid beantworte. git wohl irgendwiä e konflikt und es wird die sehr wahrschinlich benachrichtige. aber das isch nur spekulation.

[Avenger]

Und was passiert wenni jetz dümmlecherwiis mal es Dokumänt ufem PC und ufem Laptop gliichzitig offe ha und beides in anderer Form spichere? Implodiert s Universum?

E gueti Frog, wär no interessant ds wüsse.

Edit: Dropbox hets gwüsst.

What happens if two people change the same file?

If two people or computers change the same file at the same time, the first person to finish uploading their new version will "win."

Dropbox won't attempt to merge the changes for you. Therefore, any changes made to the same file after it has been updated will also have their changes synced to all computers, but as a "conflicted copy" of the file.

Conflicting changes are saved to a separate copy instead of to the original file

The name of the new file will be the same as the old one but appended with "conflicted copy", the name of the person/computer responsible, and the date that the conflict occurred. This way, everyone's changes are preserved and nobody overwrites another person's hard work. If you find a conflicted file in your shared folder, you may want to discuss which changes to keep with your friend.

https://www.dropbox.com/help/36

[ritschi]

super isch, dass es o LAN sync macht wenns müglech isch.

[ritschi]

2GB si gratis, los gang go teste.

bechunnsch übrigens 250MB (woahwoah) meh wenn di über min Link registriersch, krass!

https://www.dropbox.com/referrals/NTE3M ... rc=global0

[Avenger]

Wenn mir grad bim Dropbox si, es git gratis Speicher. Uf http://www.dropbox.com/dropquest2011 goh, het mir grad es GB derzue geh.

Und wer die scheiss schwere Rätsel vo der Dropquest löst überchunt no einsch eis GB zuesätzlich. Wer nid d Nerve derzue het, do isch d Komplettlösig: http://blog.florenz.co.uk/web/dropbox-d ... lkthrough/ Mit dere isch es schaffbar i ca. 20 Minute.