The(G)Forum

+1A Inszenierig
+eifach nur herrlichi open world
+missione bisher au sehr guet
+simulationscharakter
+jage
+riiite
+best drunken szene vo ewigs

-überfrachteti stüürig (verschlimmbesserig und alles fast ohni logik ufbaut)
-lonewolf feeling chunt chli schwieriger daher will dich ja immer um die bandi "kümmere" muesch.
-verdammti chopfgeldjäger und buessesystem, bin pleite weg dem.
-tagesrythmus z churz (mal churz eis gesse i de bar am morge und den isch scho abig gsi)

1. legendär bär hani sis fell ufs pferd tue, han den en unfall gha mitere kutsche und den isch alles weg gsi. unfäll mit pferd au immer wieder schön azluege.

wer vo oi haet em doktor sis hinderzimmergschäft i dere 1 stadt usgraubt?

thaeye hat geschrieben: -verdammti chopfgeldjäger und buessesystem, bin pleite weg dem.

ja huere siech bi bi 300$ momentan... han kei stutz es wird immer schlimmer

thaeye hat geschrieben:wer vo oi haet em doktor sis hinderzimmergschäft i dere 1 stadt usgraubt?

ja, ich. warum? muesch eifach sauschnell sii, wills gsetz huere schnell da isch. tipp: shotgun und deadeye

ah, tschau. scho lang nümm da gsi. alles klar in sansibar ?

Master(G) hat geschrieben:

thaeye hat geschrieben:wer vo oi haet em doktor sis hinderzimmergschäft i dere 1 stadt usgraubt?

ja, ich. warum? muesch eifach sauschnell sii, wills gsetz huere schnell da isch. tipp: shotgun und deadeye

ja logisch. ig o. Raub. immer guet.

unfassbar super das spiel. bin jetzt im kapitel 4 und in st. denis acho... was ich bis anhin alles erlebt und gseh han übertrifft also alli erwartige bi wiitem. die gameplaymechanike. die unfassbar viele, chline details überall... ich bin hin und weg! killerspiel!

Master(G) hat geschrieben: die gameplaymechanike.

zB?

z.b. bim jage, muesch de "tapper-blick" aktiviere, de gsehsch dini usdünschtig und windrichtig, denn chasch dich mit anti-mensche-stink ischmiere, wo vorher selber us chrütli gmischt hesch (wo vorher selber gsammlet hesch). denn gäge dwindrichtig aschlieche, de spur folge (a la witcher 3) und denn mit de richtige waffe (eini vo 4 bim jage), de perfekti kill mache, ums perfekti fälli zbecho, wo denn chasch bruche, zum spezielle upgrades crafte.... wo nur mit perfekte fälli bechunsch.



das isch no eis biespiel wie tüüf so eifachi abläuf wie "jage" sind... anderi sind alli au so... es isch faszinierend!

bi 187 tierarte muesch rächt luege, dass mit de richtige usrüschtig und bewaffnig underwägs bisch. grösseri tier wie z.b. bäre chasch nämli no mit spezieller "bait" alocke...

sverhalte vo de tier isch rächt realistisch, fasziniert voll... herdetrieb inklusive!

es passieret die luschtigste sache uf de jagd... ha geschter de ganz tag im wald verbracht am jage... so super, was mer alles gseht... dänksch gar ned, wenn nur schnell dur en wald riitisch, wie viel da eigentlich los isch!

Ig ha wäsentlech me spass mit fist of the northstar, bi rdr2 warti ufne patch was d biudqualität uf dr pro verbesseret. Rdr2 wie scho gseit es guets game, aber nie und nimmer es 10i

stimmt, es isch keis 10ni. es isch es 12i!

ah ja: St. Denis... die grossi Stadt! krass, was da abgaht.. wenn 20-30 stund ide wälder und natur verbracht hesch und de zum erste mal i die stadt riitisch hauts die weg!

speziell au die random-encounters überall, da isch richtig läbe drin und alles isch extrem verwinklet und bis is chliiinschte detail usgarbeitet. es isch unmöglich das in wort zfasse, mer muess es selber erläbt ha.

theater, kino, fotografe, erfinder, doktore, high-society parties, italo-mafia, chinatown, religiösi fanatiker, sklave- und mänschehändler, zirkusfreaks, high-stakes poker turnier ufem schiff... es isch so viel los

gester de kkk gseh im wald wo es nois mitglied ufgnah haet, han den zuegluegt und am schluss de zeremoniemeiser id luft gsprengt. die chline sache wo meh selber usefinde muess, sind eifach genial. eifach mal amene gspröch zuelose, es git sovill z entdecke. meh muess sich aber umgwöhne vo dere ganze ubisoft abarbeiterei mit pünkt uf de mappe.

es isch TOTAL andersch als die ubisoft open-world-games, komplett! wahnsinnig guet!

die KKK-member hani scho 3x troffe, und immer isch was anders passiert!min kolleg hett de chef ide schwarze robe bim erste mal abknallt, schad, hett er was verpasst!

hett huere viel verschiedeni random-encounters, paar devo triffsch mehrmals und es sind immer anderi dialog. huere witzig!

selbscht im theater in st.denis... ich bin jetzt scho 3x is theater - es isch super! - und sind zwar immer die gliiche 4-5 performer, aber immer en anderi show-ilag! eifach anesitze und zueluege, und de chasch sogar no klatsche und sprüch chlopfe, rofl.. super.

crafting-system isch mega umfangriich, gfallt mer würkli.

ich gnüss es voll. lah mir megaviel ziit und luege alles ah. jetzt isch au klar, warums gameplay eher gemächlich isch und stürig so bitz "langsam", es isch absicht, so luegt mer alles viel gnauer ah und es lohnt sich!

es isch würkli so: am afang hani so dänkt.. hmm... mehhh.. weiss de ned.. und de wirds immer besser und besser und irgendwänn chasch nüme höre und stuunsch nur no.

und e bini so ide nacht dur en wald gschliche, uf de suechi nach em perfekte wildschwein für es upgrade und plötzlich ghöri so es jaule und schmatze und grumble... und de gsehni en dreckige, nackte mah, bluetverschmiert, uf allne viere, wo grad es reh frisst... en wolfsmensch! hane welle fange, bini anegschliche... er hett mich aber gseh und isch ab und devo. ich hine nache und plötzlich griift mich en riesige, wiise wolf ah!

ich bin de gstorbe... was für en moment! fantastisch!

gseht fantatisch us, top writing, top grafik, top inszinierig aber ig ha ke zit für sowas stüretsech wienes arschloch, dwäge si ewig.. i verstah aber wiemes super cha finge.. aber ig bi leider nid eine vo dene

das mit de stürig chani no verstah, isch würkli gwöhnigsbedürftig. mer gwöhnt sich zwar dra, aber es gitt immer wieder situatione, au nach 40 stund no, da söttsch öppis ufnäh und chasch ned, will er sich ned schön anestellt... de wechsli alligs in egosicht, de gahts viel besser!

aber dwäg findi ned wiit. wenn mal es araber ross hesch riitisch in windeseile vo a nach b, de isch sauschnell! und suscht gitts no schnellreise. vom camp zume ort oder vo ort zu ort via postkutsche. gaht 20 sekunde...

vo strawberry nach st. denis - also eimal vo links nach rächts dur die ganz charte - duured ufeme araber nöd mal 9 minute... weissi grad uswändig, willi da geschter es ränne ha müesse mache

95%... Hmm, ich weiss ja nid. Am Afang ganz sicher, aber nach 20 oder no meh Schtund nimmt für mich d Wertig wege de vile ärgerliche Scriptfehler und dem erwähnte Pseudorealismus doch merklich ab. 90% vo mir.

wie chamer bi somene Game nume umemötzle? Klar d Gameplaymechanik laht teilwiis ds wünsche übrig aber das isch no nie e Rockstar stärki gsi! Es isch es Meischterwärk so öppis het d Gamerwält no nie gseh!
Dialög und Grafik sind überwiegend i däm Game. Di chliine Sidequests mache zum Teil no meh Spass als d Mainstory da isch würklech alles mit viel Härzbluet gmacht worde!
D Pace id däm Game isch halt o mega langsam. Findi muetig das si entschiede hei dasme nid so eifach vo A-B "teleporte" cha.

Im Camp machts zB o Sinn dasme nid eifach düresprinte cha schüsch chäme gwüssi Dialög/Begägnige usw. gar nid ds Stand

Het öpper vo euch scho es schregs Ehepaar imne Hüüsli ahtroffe?Sooo geil gsi

Es gid halt eifach Kritikpünkt für mich, wo nachem erschte Hype so langsam zum Vorschin chömed. Für mich isches klar GOTY wil fantastisch, aber halt nid 95%. D Stürig hesch irgendwenn dinn, ja. Ich hoffe trotzdem dass es no arcadiger patcht wird oder irgendwenn zumindescht gwüssni Funktione chasch deaktiviere womi störed.

Was Detailverliebtheit und d Grafik betrifft gib ich 98%. Es isch pervers detailliert, alles!

Master(G) hat geschrieben:stimmt, es isch keis 10ni. es isch es 12i!

sidusson hat geschrieben:aber ig bi leider nid eine vo dene

Nume wüäus nid uf dr Switch isch, es isch z bestä game evahhhhhhhhhhhhh!!!!!

Zum glück nid fürd Switch...könnt i jetzt nid begriffe wenn sies würde uusebringe. Das isch es Game, wo me uff ere Power Konsole MUESS zocke. Klar, ich ha zwar die schlächtischti Version vo allne (will ich mir eifach weder e PS4 no e X wott kaufe), aber es isch scho en witte Sprung vo Teil 1. Leider ha ich no kei Möglichkeit gfunde emolle länger als 1std dra zsii. Bin eigentlich immer no am aafang und ha mich bim lettschte Zock tierisch gnärft kha, will i nid ha könne speichere
Aber scho ellei die ganzi Präsentation au wie s Game scho aafange tuet...die ganzi Stimmig...und de Schneesturm ich stuune nur. Es risst eim völlig mit und me wott irgendwie grad dört debii sii. Sorry, aber es 10i isch fascht untertriebe.

für mich top 10 all time, wäg de Atmo usw. aber ganz viel Kritikpünkt drin wo nöd müssted sii, wer das nöd gsed, isch blind.

nur will meh sich demit chan arangiere heisst das no lang nöd, dass es guet wär. Ich wert aber s'ganze Drumherum als höcher ii, drum passt die Wertig für mich. Wem flüssigs Gameplay wichtiger isch, zied sogar namal 10 Pünkt ab.

dilemma vo de hütige ziit, kritik wird grad als verriss definiert. dummi lüüt halt. kritiker haends nömm eifach.