Welles game häsch grad fertig gspielt?

[geosnow]

han grad the dig fertig gspielt/gyoutubed. hans mal bis id helfti gspielt und denn isches mit ztumm worde. hani halt uf youtube s spielt fertig glueged. isch gmüetlicher.

[LuiStyle]

Han gester Devils Third duregspielt. Isch en guete zock gsi, d'Story häd mir guet passt.

[Mastler(P)]

han grad the dig fertig gspielt/gyoutubed. hans mal bis id helfti gspielt und denn isches mit ztumm worde. hani halt uf youtube s spielt fertig glueged. isch gmüetlicher.

wird au no chli abgspaced zum schluss.

[Reinforced]

Zelda - Link's awakening

20 jahr oder so spoeter, aber besser als gar nie.

uf dütsch ir original version (nid dx) ? het ja en Bestäubigsscherz drin

[LuiStyle]

Han gester no dä letscht part vo Zelda Windwalker HD duregmacht.
D'rätsel sind mega eifach und dä Ganon eigentlich en witz.
Isch halt nüme s'gliche gfühl wie damals ufem Cube! Aber dä Sound isch immerno Weltklass

Zum glück hani Twilight Princess nonie durezockt und hoffe das mi meh packt.

[abyss]

Ja, d Dungeons si en Witz bim Windwaker. Aber macht halt Spass übers Meer z segle.

Dr Twilighter hett de anderi Rätsel das chader versichere. Has als zimli schwirigi Dungeons in Erinnerig.

[geosnow]

Chummme bim MM eifach nöd inne. Bi immerno dete im Dorf mit de Ziit vorgab.

[evo]

Chummme bim MM eifach nöd inne. Bi immerno dete im Dorf mit de Ziit vorgab.

Jez rissisch di zämme und stellsch t frog biz präziser. Me isch s ganz game dure immerwider im "dorf". Und zitforgab hets au immer. S isch in dim interässe dass es di widr packt weil zimli sicher s best spieli us dr n64/ps1 ära

[geosnow]

Chummme bim MM eifach nöd inne. Bi immerno dete im Dorf mit de Ziit vorgab.

Jez rissisch di zämme und stellsch t frog biz präziser. Me isch s ganz game dure immerwider im "dorf". Und zitforgab hets au immer. S isch in dim interässe dass es di widr packt weil zimli sicher s best spieli us dr n64/ps1 ära

weiss nöd. aber ich bi ztumm für das game.

[sadoanarcho]

die erste drü Täg sind nume de Prolog, nochane chasch d'Zit manipuliere und bisch freier und chasch alles nochhole wasd verpasst häsch. Han am Afang au Müe gha will i nüt han wele verpasse, aber ide erste drü Täg muesch nume 's Nötige erledige.

[geosnow]

so. han diä drü täg durre. gange mal in süde go luege, was lauft. eigentlich bini chli zmüed.

[evo]

mer darf nit dr fehler mache und s game eifach streight forward spiele. mach der künstlichi missionsziel. zb. jez machi e tämpel, und benutzisch die 3 tag komplett zum e tämpel beträte und denn durezmache, denn spuelsch zrugg und nimmsch der die nekschte 3 tag für näbequests löse und herzteil sammle usw. wenn eifach so druflos spielsch bisch plötzlich imne tämpel am dritte tag und t zit längt nüm zums fertig mache und denn kunt frust uf. es isch usserdäm no e spiel wo fast mehr content im optionale bereich het, sprich maske und härzteil sueche, t hauptstory sin ja nur 4 tämple.

[geosnow]

okay. immer zrugg spuele. chli komisch, aber ich machs.

[evo]

okay. immer zrugg spuele. chli komisch, aber ich machs.

Immer wenn öpis grosses vor hesch ämml. S git au e lieg wome t zit ka langsamer verstriiche lo

[rebornkid]

Sherlock Holmes / Crimes and Punishment (PS4)

So Games hani für Zwüschedure no gern. Schön gemütlich zocke, kei Stress.

[Reinforced]

Uncharted 4 (PS4)

ziit glah zum schätz sueche aber trotzdem echli churz gsi

[abyss]

Far Cry 4 (XOne) endlich... 55 Std und es paar verquetschti Minutens/100% . Hett mer also sehr guet pässlet. Ou z Setting isch genau mis Ding gsi. Le müsic öu.
Tiptop Ubisoft.

It's freumi ufs Doom. Bruche aber no en externi Festplatte. 5TB sött es zitli länge oder? Z Doom hett ja scho gäge 50 GB...

[Marco_in_motion]

Doom durezockt

[rebornkid]

Uncharted 4 (PS4)

Han sGame top gfunde. Für min Gschmack hettis nochli meh Schüsserei und schwereri Rätsel dörre ha. Aber sust eifach nur geil. Schad, wenns effektiv sletste gsi isch.

[hitparade]

Uncharted 4 (PS4)

Nachdem ich als Vorbereitig UC1-3 Remastered duregspielt han, hani UC4 in 19.5 Schtunde dure gha. Hät mi phasewiis a Last Of Us erinneret. Het teilwiis genau gliich usgseh. Susch ischs mega abwechsligsriich, me isch guet dur d'Story gführt worde. Trotzdem hani niä länger als 2 Schtund chöne spile (mit Usnahm vom letschte Teil, da hani 5 Schtund durezockt). Klar s'GOTY für mich bisher, aber a Tomb Raider 2013 und Rise Of The Tomb Raider chunnts niä ane.

[geosnow]

UC1-3 niä gspielt gah?

[damian]

ich han das da duregspielt. niemert weiss wieso. es isch 25 stund lang, und es passiert nüt.


Quelle

[Marco_in_motion]

Wieso zum Hänker tuesch du Dir das ah?
Ich weiss ja dass du di schrägste Games guet findsch ...aber irgendwänn isch doch d'Sympathiegränze errreicht oder?
Ich meine ...nur wills es Game isch, muesches ja nöd durespille oder?

[hitparade]

UC1-3 niä gspielt gah?

Nei, nur agfange und erscht das Jahr all durezockt.

[Ritter der Mark]

Uncharted 4 (PS4). Klar s'GOTY für mich bisher, aber a Tomb Raider 2013 und Rise Of The Tomb Raider chunnts niä ane.

Gsehni grad umgekehrt. Finda ds Schüssa, di ganz ufmachig, d Witz, ds "Gfühl" im Allgemeina etc. um klassa besser als bim Tomb Raider. Muass zwar säga, dassi ds neuschta TR nonid gspielt han, wils uf dr PS4 nonid usacho isch. Es wird aber minera Meinig na, sowieso nüd a minera Meinig ändera. TR isch schön zum Spiela, aber ds Uncharted fesslet mi um länga meh. Wenni as TR fertigspiela, denn isches würklich fertig, ds UC würkt dütlich na.