The(G)Forum

Über die nüechtern Würklichkeit und ihri Brutalität wüsse und sich drüber Gedanke mache, bringt schlussändlich nüüt bzw. genausowenig, wie em Flacherdler dBemüehig, die flach Erde zbewiise (jetzt mal unabhängig devo, ob sie flach isch oder nöd ) zum am Ändi feststelle, dass Form vo dä Erde absolut irrelevant fürs eigene Läbe und siin Wert isch.

Fallt mier immer dä Absatz vom Camus ii:
„Galilei, der eine schwerwiegende wissenschaftliche Wahrheit besaß, leugnete sie mit der größten Leichtigkeit ab, als sie sein Leben gefährdete. In gewissem Sinne tat er recht daran. Diese Wahrheit war den Scheiterhaufen nicht wert. Ob die Erde sich um die Sonne dreht oder die Sonne um die Erde – das ist im Grunde gleichgültig. Um es genau zu sagen: das ist eine nichtige Frage.“

Dä zentral Punkt isch miine Meinig nah, i däm dSträng vom Mastler und mier zämmelaufed: Zivilisation. Sie isch da (oder sött da si), zum sich sLäbe ahgnähmer mache. Es söll dä Wüsseschaft überlah si, dBeschaffeheit vo dä Würklichkeit festzstelle und Strategie und Technologieä abzleite, zum all die Gfahre im Zaum chönne halte und ebbe das ahgnähme Läbe ermögliche, demit, in letschte Konsequänz, jede siin eigene Traumtänzer chann werde.

Wänn sLäbe als Party gsehsch, dänn häsch gunne, will was hät dErchänntniss vo dä Nüechternheit zbüüte (au wänn sie wahr isch)? Nüüt!
Sie macht nur zum läbe unfähig (entwurzled aber nöd dä Läbenswille, dä isch perfider, will viel tüüfer verankert).

Desshalb bruuch ich das Gäld (oder besser gseiht, hätt ichs bruucht vor Dekade), will im Alltag, isch dBrutalität vo gwüsse Facette vo dä Würklichkeit immer no z starch spürbar.

villes wo mir mensche mached bringt schlussändlich nüüt. au ih dä wüsseschaffte. obwohl das au immer chli was mitm individuelle blickwinkel ztue hät. und jetzt? muss jedi tätigkeit handfesti ziel und nutze verfolge? sind mir denn roboter, wo stur abläuf durregöhnd, oder sind mir eifasch wahrnehmig wo jederziit konzentriert, freiglah, oder hi und hergrisse werde chan? mir händ, vorallem ih westliche natione wenigstens no eh mentali freiheit. naja, so lang mer sich nöd zfescht vo use ihrede laht wie mer zdänke und zhandle hät. gitt natülich au bi eus ihflüss wo das länke wänd. dmöglichkeit das zerkenne und sich devo zlöse hät aber jedä. du chasch jederziit "nei" säge, und soziali norme ablehne, oder umgah. du chasch dich und dini umwelt so gseh, wie du das für richtig haltisch und so, dini persönlichi realität wahrneh und läbe. all das lieht aber bi dir sälber. du entscheidisch zb. wie du zum schaffe stasch und wie du dini arbet verrichtisch und zwar ih jedem momänt vo dinere existänz. mer chönt säge, ih allne belange, bisch schlussändlich du dä wo dich glücklich, oder trurig macht. du bisch drehbuechschriebe, regisseur, kameramah und schauspiller ih eim. klar gitz amel budget, oder anderi problem, aber wenn dir din film nöd passt, denn muesch eifach mit dem wott häsch es beschte drus mache, oder besseri umständ schaffe. es chunt immer alles an usgangspunkt zrugg. und dä isch bi dim läbe, du. und us dem grund, händ dä rolli und ich so es problem damit, wenn lüht externi sache als problemquelle ahlueged für epis, was für eus ultimativ us dä lüht sälber chunt, bzw. vo deht us behobe werde chan und muess.

du bisch ja schliesslich au s einzige über das du volli kontrolle häsch.
zumindest ih dä theorie. gitt leider vill wo vo gwüssne aspekt vo sich selber teilkontrolliert werded.

Ob volli Kontrolle häsch isch sehr fraglich. Müsst me zerst extrem differenziere usw. das isch au es Thema, dadrüber händ sich dLüüt jahrtuusige dä Chopf drüber zerbroche, eifach säge, es säg so... nja. egal.

"zumindest ih dä theorie." mini nerve.

muesch der halt es unbewusste bewusst mache. denn gaht villes liechter. dis underbewusstsi stührt dich locker zu 90%, wenn nöd meh. trotzdem: über nüht häsch meh ihfluss, als über dich selber.

Ja das ist im Gefängnis auch so und trotzdem reicht dann der Selbsteinfluss nicht aus um den ausseren Einfluss zu übertreffen, die aussere Macht ist also stärker. Man sollte also vorallem wissen wie man das Aussere beeinflusst, das beeinflusst auch sich selber.

Ob man sich aber einfach freikaufen kann? Ich glaube man braucht nur ein bestimmtes Minimum an Ressourcen ehe es dann zu einem weiteren Gefängnis wird, wo Macht das Leben bestimmt. Den genau das ist Geld, es ist eine irrationale Anmaßung von Macht.

Mastler(P) hat geschrieben: ↑10 Feb 2022 18:17 dis underbewusstsi stührt dich locker zu 90%, wenn nöd meh.

drum liis au du dä Daniel Kahneman - Thinking fast and slow

wenns häsch, lehns mer us.

Anders Thema bzgl. Sozialkritik. Findsch guet, dass 20min jetzt uuf albanisch und türkisch git? Isch sicher uu integrationsfördernd, wänns weniger dä Landesprach uusgsetzt sind.

schissdreck wie immer

thaeye hat geschrieben: ↑11 Feb 2022 09:25 schissdreck wie immer

HIER SPRICHT MAN DEUTSCH!

Du kassiersch!

Mastler(P) hat geschrieben: ↑11 Feb 2022 08:46 wenns häsch, lehns mer us.

chaufs. s isch pädogisch so wertvoll, es wird dir au ih 20 jahr no erkenntnis büütä.

aight.



geile siech. das isch mal en politiker. was lauft mit denne scheiss eltere?

Behidnerti chönd no verdammt müähsam sii. Präsentiert wärded nur die liebe und herzige Siite. Sgaht aber au anderscht und wenn de so öppert nebt dir i de Schuel häsch gsehschs zmal anderscht.

guete punkt won ich nöd bedänkt han.

wie findsch so epis:

Dä cha mit sire Nase vögle!

Sackgesicht...

Mastler(P) hat geschrieben: ↑11 Feb 2022 13:52
wie findsch so epis:

Lazy monke

Wie defniersch dänn lazy und wänn mit däm fertig bisch, wür mi diini Beantwortig vo dä Folgefrag interessiere: Wieso genau isch grad dä Monke lazy und dä ander nöd? Und wieviel Panana hät dänn dä ander Monke? Foif, sächs? Es Warehuus voll mit dänne er chönnt e ganz Monke-Kolonie versorge aber sie für sich hortet, will ers eifach geil findet es Panane-Monopol zha? Und wänn sletschtere dä Fall isch: Hät er dänn all Panane sälber gsammlet?

Quelle

dä ander will jedä scheiss verkompliziere und usfüehre, als ob mer gwüssi sache nöd genau so akzeptiere und verstah chönt wies staht. ich gib dir sicher nöd x liecht abgänderti fallbiespiel, damit mir irgendwenn uf es für dich akzeptables ergäbnis chömed.

sind die banane no guet, also kei bruuni matschi sieche?

Mastler(P) hat geschrieben: ↑11 Feb 2022 17:03 dä ander will jedä scheiss verkompliziere und usfüehre, als ob mer gwüssi sache nöd genau so akzeptiere und verstah chönt wies staht. ich gib dir sicher nöd x liecht abgänderti fallbiespiel, damit mir irgendwenn uf es für dich akzeptables ergäbnis chömed.

Das isch ok, solang so eifachi Bispiel nöd uuf komplexi, würklichi Situatione ahwändisch.

kingcaid hat geschrieben: ↑11 Feb 2022 17:10 sind die banane no guet, also kei bruuni matschi sieche?

Vyse hat geschrieben: ↑11 Feb 2022 17:12 Das isch ok, solang so eifachi Bispiel nöd uuf komplexi, würklichi Situatione ahwändisch.

nie wür mir so epis ifalle. da schriebi zersch mind. 2 detailierti site, bevor ich so epis au nur wage.