[MegaDrive, Steam, Switch, NeoGeo, GBA] Demons of Asteborg

[m.o.terra kaesi]

cool! Asteborg esch es cools game.... ech finds eifach beschisse, wenns de bezöglich NEO GEO au eso usechond wie mit DEVTEAM Games: d'Lüüt johrelang warte loh, höchi priise ond dä nor extrem limitierti Ahzahl games so dass dä shit nochäne mit scalpers für 1000-2000 stutz of ebay landet.

[geosnow]

Also diä NGDEV games sind au ufwändig und vorfinanziert. ich ha mir jedes normal bstellt und au übercho. Würklich viel Geld verdiened diä drah nöd.

Chlini Rechnig. 500 Games wäred produziert a 500. Das git 250k. Herstellkosten sind 50k git en Ertrag vo 200k. Defür schaffed aber ca 3 Lüt für 1 Jahr. Das sind dänn 67k Lohn und kein Gwünn.

De Lohn isch ca hälfti oder en drittel vodem, wo so eine bi Google verdiene würd.

[m.o.terra kaesi]

Also diä NGDEV games sind au ufwändig und vorfinanziert. ich ha mir jedes normal bstellt und au übercho. Würklich viel Geld verdiened diä drah nöd.

Chlini Rechnig. 500 Games wäred produziert a 500. Das git 250k. Herstellkosten sind 50k git en Ertrag vo 200k. Defür schaffed aber ca 3 Lüt für 1 Jahr. Das sind dänn 67k Lohn und kein Gwünn.

De Lohn isch ca hälfti oder en drittel vodem, wo so eine bi Google verdiene würd.

aber wieso de bullshit so krass limitiert mache dass de of Ebay för 1-3k landet? macht kä Sinn! lockt nur Scalpers ah!
Wa glaubsch wie viel Lüüt händ vo dene Games kauft, nur damit sie nochäne es Gschäfft demit chönd mache?!
https://www.ebay.com/itm/225921024562?i ... R_aD_bfLYw



Sie hätted jo chöne 1000 oder 2000 lo produziere: win-win... meh gwönn ond all Lüüt wo eis wänd bechömids. (sie händ jo Erfahrigswert gha sit johre wie viels öppe loswärdid). Entweder händs de Gagg i de Hose gha amigs oder sie findets no geil, da ihre Shit dä "Kult-Wert" bechond. Wirtschaftlich händs of jedefall ned tänkt

[geosnow]

viellicht isch ihne das au eifach egal. und warum? wills sies chönd.

[mr.raw]

E GBA Demo khasch aabelade und uff alli gängige Emulatore druff zocke.

https://neofidstudios.itch.io/demons-of-asteborg-dx

[mr.raw]

Es isch eifach numme Grad miesse mitmache. Isch jo voll genial gmacht!