Starfield

[evo]

CA Velez Starsfield

[Bejita]

Diversität wird gross gschribe i däm Game. Es hut chum wisi Männer

super

de main cast sind 8 charaktere
Sara, wissi frau
Andreja, wissi frau
Sam, wisse Ma
Mattheo, wisse Ma
Walter, Wisse ma
Noel, schwarzi Frau
Barret, schwarze Ma
Vladimir, schwarze Ma

wissi Männer sind also die gröscht vertrettni gruppe, aber klar, white genocide

I ha nume gseh wie eine i derä grossä Stadt umä gloffe isch, u si aui hispanisch oder asiatisch gsi

[Bejita]

Paar Bewärtige si rächt mies. I gloube ohni die 10 Xbox Fanboy Magazine 90+ Wärtige würs Game irgendwo zwüsche 70-75% ligä. I gloubä Nintendo u Playstation chöme zämä nid uf so viu Fanboy Magazin... U das si de grosse Outlets kei Codes hei gä, oder speter, aber dennä Xbox Addict u wie si aui heissä scho, seit scho me aus gnue.

[The Sheep]

I ha nume gseh wie eine i derä grossä Stadt umä gloffe isch, u si aui hispanisch oder asiatisch gsi

dezue chunnt, dass im Charaktereditor sämtlichi Körper, egal ob mit oder ohni Pimmel sehr feminim gstaltet sind.

[The Sheep]

Ich hamers Game namol inezoge. Dasmol e günschtigeri Version
Nachdäm ichs mir schöntrunke han, um das ganze Wärbegwäsch unändlichi Freiheit, tusig Planete, 25 years in the making
zvergässe, hetsmer langsam afo Spass mache. Mer muesses halt eifach als Bethesdaspiel aluege womer sich zwüsche verschiedene Schauplätz hin und härportet. Klar, Questdialög und Animatione vo de NPCs wärde durch das nit besser. Aber so umereise und Jobs bi verschiedene Fraktione s'erledige het durchus sin Reiz. Gröschte Negativpunkt für mi isch aktuell das unsäglich schlächte und verbugte Userinterface, wo mi regelmässig zur Wissgluet bringt.

Bin jetzt zB grad in Akila und han en Job als Ranger agno. Da gits cooli Kill- und Rettigsufträg. Und die Stadt isch gross, verwinklet und sagehaft schön. Jedes Gebäude, jedi Gass, jede Winkel wirkt unikat. Nix copy/paste! Und sehr atmosphärisch. Aber da bereits wieder en Enttüschig: Akila isch nur eini vo 4 Städt im ganze Spiel!?? ich han dä Fläck völlig zuefellig gfunde in däm "riesige" Universum woni uf eigeni Fuscht bin umegfloge und eifach mol irgend ein Planet agwählt han... Da bini eigentlich dervo usgange dass es da bestimmt no es paar dutzend mehr git. Ganz schwach, Bethesda.

[Master(G)]

62 Std. gspielt. Level 29 bini jetzt.
Ich muess säge, dass die Fraktions-Quest geiler sind als vieli vode Main-Quests.
Ihr müend unbedingt de UC Vanguard Quest mache (isch so Starship-Troopers meets Alien). Gitt sogar en Motion-Tracker und Terrormorphs
Oder de Undercover Agent Quest vode Security, de wird mir no lang in Erinnerig bliibe, will er sones härt-brutals Endi hett.
Ich verlüre mich i dere Wält und gnüss es in volle Züg.
Aber ich verstahs, wenns eine langwiilig find. Mer muess en Hang zum Erkunde, Crafte, zum Sammle, zum (viel) Läse und Lose ha. Und mer muess sehr, SEHR viel selber usefinde. Es wird vieles schlächt bis gar ned erklärt. Und: Ballere isch nur en chliine Teil vode Experience.

Ich würd em Spiel solidi 8.5/10
Mängs isch super. Anders en Katastrofe.
Aber sGsamtbild isch stimmig und macht unglaublich süchtig.

Wenni de ganz Tag ame Spiel umestudier isch das eifach es guets Zügnis.

[The Sheep]

ja, es macht süchtig. Han au s'ganz Wuchenänd gspielt. Aber mi hets erscht packt woni mini ganze Asprüch um 15 Johr zruckversetzt han. Und dr Wändepunkt isch für mi Akila gseh, aber das schintmer bisher mehr en Usnahm zsi als e Stanbdard in däm Game. Zwei witeri vo dene vier: New Atlantis. Findi zwar schön designt, aber seelelos und strunzlangwilig, und Cydonia als Stadt zbezeichne isch eigentlich a Frächheit. Das isch e Kantine ime Bärgwärk. Mehr gsehni do nit.

Zum Glück gits Nexusmods. Damit hani die gröbschte Problem vom Game für mi fixe chönne.

Mini vorläufigi Wärtig: 7/10

[Master(G)]

Mars findi au geil. So richtig schön dräckig und abgfuckt. Und mer find geili illegali Upgrades und Quests dette. Stimmig!
Vo Neon hätti meh "Sex, Drugs und Rock n Roll" erwartet... als Sündepool wies bezeichnet wird. Hett was vo Cyberpunk dette, aber zwenig sexy...
Ha dänkt ich chauf minere in-game Frau (Sarah, ja ich hasi mittlerwiile ghürate, au wenn sie mir ab und zue ufe sack gaht LOL) es paar sexy Klamotte dette. Aber absiits vom eim (1) engaliegende Piece und eme Schulterfreie Mechanikerazug gitts absolut nix für Fraue. Das überrascht mi, will dFraue i dem Game doch überverträte sind. Gfühlt jede Quest-Giver isch en Frau Uf Paradiso hani en Bikini müesse chlaue.

Hesch recht, was Technik agaht isches ned ufem neuschte Level. Mich stört das aber ned wenns Gameplay stimmt. Und de Gameplay Loop hett mi voll im Griff. Ich wirde duurend side-tracked, überall hetts was! Schlimm, chume ned vorah ide Story. Ha jetzt glaub erst 8 Main-Quests gmacht.

Activities lahni (meischtens) ganz uss mittlerwiile, die sind mir zu repetitiv und Ressource sammle au. Gar kei Bock uf das. Zum Glück MUESS mer das ned mache...

[The Sheep]

Mini Empfählig für Mods:

Undelayed Menus. Entfärnt Verzögerige bim öffne vo Menus. e wahri Wohltat!
https://www.nexusmods.com/starfield/mods/404
Smooth Ship Reticle (120fps Smooth UI). Entfärnt 30fps Beschränkig vom HUD im Wältruum. Fights im Ruumschiff wärde smoother
https://www.nexusmods.com/starfield/mods/270
StarUI Inventory. Übersichtlicheri Menus zeige die Wärt a wo du willsch, platzsparend, und alles uf ei Blick. Customisierbar.
https://www.nexusmods.com/starfield/mods/773

[Master(G)]

ich bi uf de series x unterwägs, aber wasi ghört ha, wirds au dette mod-support gäh.
bi mal gspannt, wie das denn usgseht.

[Reinforced]

kes game für mal chli 30min zocke da mues mer sich scho zyyt derfür näh zum ihtouche.

btw han scho min spacesuit verlofe ufem erschte planet ? WTF

[Master(G)]

chline cheese beträffend space suit: ide lodge uf new atlantis, muesch is basement abe. dette hetts noimets en glasvitrine mit eme mark-1 space-suit womer mit tech level 3 im schlösser knacke chan öffne. drin isch eine vode beschte suits im spiel!

PS: mer chan dette en art "cheate" und sich de suit schnappe, ohni tür müesse zöffne. eifach ane chnünle und mit em cursor langsam und vorsichtig dur de schlitz bi de tüür luege, bis es das "mannequin" azeigt. denn chasch de helm, rucksack und suit eifach so mitnäh.

ich ha de sitt afang ah und selbscht nach über 60 std. no kein bessere suit gfunde. doch, vielleicht de mantis-suit, vo dere mantis-sidequest... aber de gfallt mer optisch überhaupt ned.

[The Sheep]

Ressource farme schint mer völlig überflüssig zsi. Mir händ gescht 2 Beryllium gfählt um e Missionscomputer zbaue für mis Huus. Also bini loszoge uf sone Randommond um Beryllium zfarme. Bin sicher e Viertelstund umegrennt um zwische Aluminiumvorkomme wo 10x zahlricher sind, zwei Berylliumbrocke zfinde. In der Stadt bim Händler hani später gseh, dassmer so guet wie alli Ressource womer brucht im Spiel chann chäuflich erwärbe. Die meischte zu lächerlich tiefe Prise. Beryllium choschtet weniger als 30 credits pro Stück! :typej:

Die meischte Sache womer chann chaufe sind miner Meinig nach viel zgünschtg. Rumschiff zB. Dassmer sis erschte Schiff für 60-70 Tusig bechunnt, ok. Aber denn sötti d^Scher viel witer usenand go. Es absoluts Luxusschiff wo es begehrenwärts Färnziel sötti si, hoschtet nur 400k. Uf mim Level (14) hani das in 3-4 Abig zäme. Oders eigete Huus. Vo de zwei Real Estates womer in Akila chann chaufe, choschtets türere grad mol 78K
Was channi sunscht no erreiche im Spiel?

[Master(G)]

stimmt, ressource sammle, grad au vo hand mit em scanner, isch so guet wie nichtig.
chaufe au alles bim händler wenni was bruch.
nach de UC Vanguard Quest bini jetzt Bürger vo New Atlantis. Sitther sind Priise grad nomal purzlet. En schöni Wohnig hetts fascht gratis obedruuf gäh.

ruumschiff hani bis jetzt no keis kauft. mer chunt via side-quests einigi schiff über. ich nutze immerno das mantis-schiff und ha das bitz umbaut (meh cargo und shielded, bessere reaktor und schild, meh benzintänk für längeri distanze im all.

bide ressource isch glaub nur das epic und legendary zeugs interessant. aber planete mit dem stuff gitts erst gäg de schluss wasi gseh han (oder im endgame bzw. new game plus).

hami jetzt mal uf de weg gmacht all die powers izsammle woni chan. mit dene powers machts grad nomal meh spass.

mis nöchschte ziel wär die ryujin fraktions-quest uf neon. ich liebe neon vom design här


ah ja: food produziere oder ässe findi au nichtig. die buffs vo 2-5 minute sind en witz i some spiel. das müesstest 2 stund oder 5 stund buffs si, denn würd sich sowas lohne. aber 2 minute? roffele...

[The Sheep]

Cargokapazität vom Schiff chamer erwitere? wie? ich han do nüt gfunde

[Master(G)]

jup. muesch im ship-builder eifach uf die leeri, blaui raster-flächi klicke, denn zeigts dir alli teili ah wod chasch chaufe.
du chasch am afang all teili für class-a schiff chaufe.
mit em entsprächende tech-skill für schiffsbau chasch denn später au b- und c-klass teili montiere.

[The Sheep]

ach so über de Skill. wie weight-lifting bim Charakter. Aber damit chasch ja maximal 50% mehr usehole

[Master(G)]

nei nei, du hesch da keis limit.
chasch ja z.b. es containerschiff bastle mit 20 cargo-containers...
muesch eifach luege, dass dini system gnueg saft händ und evtl. en grössere reaktor poschte.
ich han z.b. 4 laser, 2 highpowered guns und 3 missile pods. die suufet bitz viel strom
hani en c-reaktor brucht um die voll chöne znutze...

de mantis hett z.b. b-klass teili dran. die chasch au dupliziere und bruche wenn no kein b-skill im tech-tree hesch!

[The Sheep]

jau, de Shipbuilder isch wirklich saucool. Chame stundelang dra umebaschtle.

[Master(G)]

du seisch es, ich han scho STUNDE im shipbuilder verbracht.
und bim Enhance!

base-building hani hingäge no kei minute agluegt.

[Reinforced]

cha die mission "board uc vigilance" nid abschliesse. schiint en bug dsiii ?!

[Bejita]

cha die mission "board uc vigilance" nid abschliesse. schiint en bug dsiii ?!

Nid möglech, es isch z Bethesda Game mit dä wenigste Bugs

[The Sheep]

Also ich muess sage, für die technischi Mittelmässigkeit wo Starfield an Tag legt, isches immerhin guet optimiert. Han bisher nur sehr wenigi Bugs erläbt, und keine het mi dra ghinderet e quest abzschliesse. Meischtens sinds bi mir technischi bugs wo plötzlich uftauche, wo aber nachme Neustart wieder verschwunde sind.

[Master(G)]

euses review isch online:
https://www.thegnet.org/post/the-g-net-review-starfield

[zeromeier]

euses review isch online:
https://www.thegnet.org/post/the-g-net-review-starfield

Nur s Fazit gläse aber findi guet.