Xinobrax2 hat geschrieben:Google und Facebook hetid grundsätzlich eigentlich gnueg Werbechunde und Informatione über d User um i jedem Fall es passends Arrangement z finde. En Hersteller vo Survival Equipment heti zum Bispiel sicher keis Problem demit, wenn d Werbig vor Infowars & Co. gschaltet wird. So Tech-Gigante wend das aber us Prinzip nid, will si sich intern gern mal als Heilsbringer vo de Menschheit betrachted und die Haltig chan denn vo Dritte wiederum guet instrumentalisiert werde.
Das wänd nid nur so Tech-Giganta nid. Das hed no sältä je öper wella. Sigs us Ideologischa Gründ oder us Wirtschaftlicha...i würds no sympatisch finda, aber i bin au kei Wirtschafts-Gigant, und weiss drum z'wenig über wächselwürkiga vo so Sacha, plus i würds genau au us ideologischa Gründ sympatisch finda...s Einzig wasi säg isch, dass das bzgl. Media und denä ihrna Werbekunda alles andera als öpis neus isch. Es Magazin hed früaner au immer chöna luaga, das gwüssi Werbig villicht nid grad nebama unpassanda Artikel druckt wird...öfter denn aber eba au das gwüssi Artikel gar nid erscht druckt werdad, sigs weg da Werbekunda, oder wega da Leser, us Ideologischa oder Witschaftlicha Überlegiga...
Es gid eifach irgendwia halt keis Menscharecht uf Sponsoring...sowas müastmer staatlich Regla, in Form vomena Grundikomma z.B..
thaeye hat geschrieben:aha. neee es werdet nöd grad neui hatespeech gsetz implementiert (netzwerkdurchsetzungesetz etc), nei ich träum das nur. de xino seits richtig, google wär technisch i de lag werbig suuber uszpiele, aber sie waend ebe chli meh sii als nur werbeplattform, sie waend oder muend politik spiele. erziehigsuftrag halt.
Wider en typischä Aug...eifach mol alli Argument in en Shaker und denn s'erscht womer usaleert echli zynisch als Entgägnig bruuchä, egal vo was eigentlich d Reed gsi isch.
Diä Dütschä versueched scho sit weiss ich wia lang dem "gsetzfreia" Ruum irgendwia an offiziella Stempel ufzdrucka, und a bitzeli Recht und Ordnig durazsetza...hed sich als nidi so eifach erwiesa (bi de Musiklobby z.B. hendsas bi da grossa wia Youtube jo allerdings scho lang duragsetzt), villicht schaffendses a bitz mit dem Ding, oder au ni.
Wenn jetzt dia Dütsch Regierig Facebook und Google zwingt dem nochazkoh, und dia Forderiga durazsetza, denn isch das dia dütsch Regierig wo das will, nid Facebook oder Google, dia händ jo genau das eba nid gmacht gha, drum wänd dia dütscha das Gsetz...
Öb das jetzt a guati Sach isch oder ni, isch natürli a anderi Frog, aber wemers Scheisse find, weissmer doch wer dassmer kritisiere muas...do bruuchts nid irgendwelchi näbligi Feindbilder. I dem Fall ischas dia dütsch Regierig wo sonas Gsetz erloh hed...do chamer vo mir us durchus dagega sii. Das wäri denn allerdings wider a da dütscha Bevölkerig, öpis zändera.
thaeye hat geschrieben:s internet isch mehrströmig, das muess verhinderet werde. es dörf nur ein push kanal geh zur indoktrinierig vo de schöfli. wenn sie afanget sich uf verschiedeni weg z informiere, chönts ja nah kritisch werde. alli wo nöd uf mainstream sind, verbanne ! Hatespeech! git sicherlich spannendi diskussione i de zukunft wenn ali die glich meinig haend.
As isch immerno mehrströmig, Google, Facebook und Co. isch halt villicht eifach Mainstream. Das isch jo nid s ganza Internet.
Und wasmer nid dörf vergessa, es isch nid dia ganz welt d USA...es gid a huufa anderi Länder mit andera Gsetz. Wenn eim dia nid passed, muasmer d'Gsetz ändera, nid erstuunt sii wenn dia Länder versuachand ihri Gsetzmässigkeita au im Netz irgendwia durazsetza. Das isch eba au eis Problem a dem Thema.
thaeye hat geschrieben:d kultur bi google isch sehr speziell, die firma haet au es kulturproblem innerhalb vo de firma, zwenig diversität (und zwar gedanklich und nöd huutfarbemässig oder gendermässig). waend nöd liberal und nett und en roboter bisch, gheisch usem raster.
Kann guat si dass das so isch. I han jo au kei Interessa Google z verteidiga, I probiaras so wenig z bruucha wia möglich, und hätti absolut nüt gega Alternativa.
Und kann au guat sii dass dena Giganta irgendwenn ihri Grössi zum Verhängniss wird... es währi irgendwia wünschenswert, aber i weiss z wenig drüber, und villicht god das allna kli so.
Mindeschtens so viel Angsch macht miar aber Amazon...