Was spielsch grad retrigs?

[evo]

I find s kämpfe im xbc2 wirkt biz überlade. 45635 moves, combos, blades, attackene, elemänt, pipapo, aber eigentlich ischs scheiss egal was de machsch, solang di level halbwägs stimmt und du immer im guete timing drucksch gwünsch de kampf. Bi erst bi öppe 25h, filicht wirds spiel no chli konsequänter in dere hisicht. Sus findis no rächt guet bishär.

[geosnow]

Bi au scho bi es paar fights gstorbe.

[evo]

Aber wohl kum wil de falsch gspielt hesch oder falschi blades und usrüschtig gwählt hesch.

I find wenn si scho sone mmorpg ahstrich wähle denn könnte si au biz konsequänter bi dr umsetzig sih.

[hanf]

ICh bin grad bim Xenoblades Chronicles X uf em Wii U mich chli am fräge wie ich die gwünscht entdeckigsquete vo 15% erreiche söll wänn vieli teil vo dä insle mit monster vo level 1894694619 besiedlet sind vo mis team mit 1 schlag uslöscht. chan mer irgendwie nöd vorstelle wie ich i dem chline gebiet wo ich jetzt umelaufe mich so fest chan uflevle dass ich denn det ä chance het. und ich chan nonig mal handligsmissione mache will ich die 15% noni mit datesonde uskundschaftet han. Was hani vergesse?

[geosnow]

uf wii u hanis dumm gfunde. teil eis uf wii isch aber guet und teil zwei uf switch no besser

[evo]

und teil zwei uf switch no besser

Bishär gibeni 7,5 vo 10 mögliche spasspünkt. Het scho par sache wo biz störe

[geosnow]

ich gib es 8/10-

[turntablism]

shikigami no shiro III / Castle of Shikigami

[hanf]

uf wii u hanis dumm gfunde. teil eis uf wii isch aber guet und teil zwei uf switch no besser

ich find d'musig ebä so geil. bossfight und erkundigsmusig. huere guet.

[geosnow]

hehe, s spiel isch scho lässig. aber das mit em ufleveln isch am afang chli blöd, aber wenn die sidequests machsch, chunsch guet umme und erlebsch no meh.

[Marco_in_motion]

Quelle

Isch no ahgnähm schwer, muesch di no guet fokussiere, d'Stüürig isch geil und präzis.

[sadoanarcho]

jup, geils Game.

als Goof isch de ersti Boss scho schwierig gsi (gumpe und abeschüsse). Als Teenie hani's dänn mal imene fokussierte Effort duregspielt und bin stolz druf gsi

bin au grad am Gameboy game:

Gargoyle's Quest 7.5/10
Castlevania Adventure 7/10
Ikari no Yousai I & II je 6.5/10
Cave Noir 7.5/10

Castlevania isch zwar es biz langsam, aber mir gfallt d'Atmosphäre und 's häd es paar kniffligi Stelle. Ide spötere Loops wird jede Träffer praktisch tödlich und mer mues methodisch vorgah.

Cave Noire isch en reduzierte, arcade-mässige Dungeon-Crawler mit zuefallsgenerierte, churze, rundebasierte Levels. Grinde bringt nüt, mer startet immer wieder blutt. 's häd Konami-typisch hochi Production-Values und 's Gameplay isch recht ustariert.

[Buccaneer]

Mini Schwöster hed gfraged öb sie de Gamecube söll furt schmeiss oder öb ne zrugg wott... blödi Frag! Logisch wott ne zrugg.
Am Wuchenend mal wieder Star Wars Rogue Squadron 2 + 3 inehaue

[geosnow]

geil isch furt schmeisse. eusi gsellschaft isch doomed. schad für d goofe uf dere welt.

[mr.raw]

Mich hetts mit Kof98 packt. Völlig begeischteret bini. So begeischteret, dass i sogar d Movelischte ussdruckt ha.

[m.o.terra kaesi]

Yeah!
Sgiht mittlerwiile jo öppe 3 Versione vo kof98.
But only the original is real

[turntablism]

Quelle

[Reinforced]

1oicnBZSX6M[/yt]

de sound isch aber hert ar gränze was?

[turntablism]

Schochli. Grafisch aber nice.

[Mr. Heli]

Rogue Galaxy. Ursprünglich für PS2, als Download für PS4 au vorhande. Es JRPG mit Pirate im Weltruum

S Spiel gfallt mir bis jez (ca. 5h) sehr guet, au wenns recht knackig isch. Ich stirbe teils bi normale Gegner, bi Böss sowieso x mal. Meh mues immer viel Beleber und so zügs mit sich führe, Verteidigung chan meh nid upgrade, nume Waffe. Obwohl ich so frustrierendi Spiel eigentlich nid so gern han, gfallts mir recht guet. Grafisch ischs sicher eis vo de bessere RPGs wo uf de PS2 usecho sind. Wunderschöni cut scenes hets au. Kampfsystem wär sicherlich usbaufähig, git einigi sache wo mich dra störed. aber alles in allem bis jez es solides RPG.

[turntablism]

...gueti frag. wider mal konsole...glaub zersch mal mis lieblings spiel fürs snes "Pilot Wings"

[Mr. Heli]

isch de superboy s öpis? ha glese s bild isch eifach verzehrt gegenüber em original. wie liegt das ding so ide hand, gits ka chrämpf?

s rogue galaxy wird immer besser, schwierigkeitsstufe het abgnoh gegenüber em afang. chas jedem RPG fan empfehle, nume isch halt s kampfsystem beschisse (druf usgleit dass meh immer heile tuet mit items).

[turntablism]

Ich find en cool. Isch relativ liecht und passt guet i mini händ. S'bild chasch ischtelle uf 4:3 oder 16:9.
Chasch an tv aschlüsse. Han en für 110.- überchoo - da hani nöd vill z'meckere. Display isch au ok. Superufo gaht au und umschalte ntsc/pal...
Ha paar bildli uf mim blogspot ufegladde.

[evo]

Xenoblade 2 beändet, het mi chlei entüscht, gaukelt eim mehr vor als es schlussändlich isch. Grad s kampfsystem het mi entüscht, zersch dänkt me wooohuu isch ja mega komplex, leider würkt sich kei entscheidig wirklich fest uus im kampf. mehr schein als sein. Au t story hani rächt belanglos gfunde, kunt erst ganz am schluss chli in fahrt und zieht liichti paralelle zum serievater xenogears. Het glich no spass gmacht aber mehr als 7/10 kani do nit geh

Jez machi paper mario ufm 64

[turntablism]

geschter abä e rundi simCity snes