♥♥ sgrosse Chatze-Topic! ♥♥

[Marco_in_motion]

Gester hani no Gps für d'Chatz erworbe, mitteme Ersatzakku bisch schnäll mal übereme Lappe und allzu chlii isch das Teil ja au nöd und 30g schwer, giltet als de chlinnst und liechtist Sender .
Muesch bi Swisscom es Abo mache däfür, chosted 7.90.- / Mt. und leider sinds nöd so flexibel das mer das chan i d'Handyrächnig ihflüsse lah.
Ich tuen das Teil hüt mal aktiviere und luege wiä mis Tierli uf sin neue Fründ reagiert. Wänn Sie sich ihrem neue Schicksal partout nöd füege will, därfis zruggäh solang d'verpackig no däbii isch.
Hät öpper scho Erfahrige gmacht mit sowas?

[Master(G)]

ich bin total gäg halbänder, egal welli...

es isch 5i am Morge und d?Cleo isch JETZT grad wieder Heicho alles isch wieder guet

told ya!

[Skeletor]

Wichtig isch dchatz zchippe!

[thaeye]

Quelle

de knuddlsack

[Marco_in_motion]

Wichtig isch dchatz zchippe!

Wort, Ha Termin nächst Wuche.

[turntablism]

han en eprom-brenner für chip tuning

[Skeletor]

Wichtig isch dchatz zchippe!

Wort, Ha Termin nächst Wuche.

Sehr guet.

[Herr Rossi]

Warum leid mer eme Tier wo mer liebt es Halsband ah und tuet em e Chip ine. Isch das für s Tier vo Vorteil?

[turntablism]

wenn sie zum biespiel nümm umä isch und vercharred worde (sorry) - öpper findet sie und bringt sie zum arzt - denn wird dir als halter e meldig gmacht und du bisch nümm in ungewissenheit.
wär doch scheisse wenn dini chatz nümm umä isch und du weisch eifach nöd was passiert isch und hoffsch immer dass sie no füre chunnt.

susch gsehn ich kein vorteil

[Master(G)]

Warum leid mer eme Tier wo mer liebt es Halsband ah und tuet em e Chip ine. Isch das für s Tier vo Vorteil?

aso, e chip isch wichtig findi.

en wiitere vorteil: mer chan chatzetürli chaufe wo mit dem chip tüür öffnet
ich han so eis. und inere siedlig mit 734 chatze bisch denn rächt froh, dass nur di eiget chatz (oder chatze) ine chan...
usserdem isch de chip so gross wie es riischorn, da merkt dchatz nix devo...

[Herr Rossi]

Ja und isch das alles e Vorteil fürs Tier?

[turntablism]

Ja und isch das alles e Vorteil fürs Tier?

Ja

[Herr Rossi]

Oke

[Skeletor]

Was söll de nachteil si vomene chip fürs tier?

Wenn dis tier mal weglauft und vomene tierheim ufgnah wird, cha me dur de chip de halter usfindig mache.

De chip isch mega chli und stört dchatz Null. Warum sött me das nöd mache?

[thaeye]

chipe isch absolut ok, han mine zwar nöed, isch ja au scho chli älter jetzt aber evtl holis na nah. mine isch z.b en rechte streuner (isch ja scho mal agfahre worde und haet jetzt kein schwanz meh darum) und ich weiss gnau irgendswaen wär ich froh wenn ich en chipt haeti, will ich devoo usgah das er wie fast jede freigänger zu grosser sicherheit au mal übercharret wird oder was ähnlichs und den wott ich scho nöd immer im ungwüsse sii was jetzt mit ihm los isch. bim letschte mal haeter sich ja zum glück nah voll bluetend heigschleppt.

halsband leit er aber keis aa, kei chance. und ja es isch für mich aber so laufts halt.

[Herr Rossi]

Äbe, das dient ja alles nur de eigete Sicherheit bzw Gwüssheit. Ha bis vor 4 Jahr au usnahmslos immer Chatze beherbergt und irgendwie glehrt demit umgoh dass si halt phasewiis eifach ires Ding mached. S isch denn meh so wie e WG gsii.

[Master(G)]

isch denn meh so wie e WG gsii.

[Skeletor]

Ebe, was isch denn de nachteil für dchatz mitm chip?

[Skeletor]

wenn dini chatz agfahre wird, und vomene fremde zum tierarzt bracht wird und wieder gsund pflegt wird. wiä gfindsch dä bsitzer use?
wenn kein bsitzer gfindsch, was machsch mit dä chatz? tierheim? das wottsch als halter ja au nöd.

en chip isch da ja diä gschiedschti lösig. ich weiss gar nöd, wieso mä da muäss drüber rede.

[thaeye]

Äbe, das dient ja alles nur de eigete Sicherheit bzw Gwüssheit. Ha bis vor 4 Jahr au usnahmslos immer Chatze beherbergt und irgendwie glehrt demit umgoh dass si halt phasewiis eifach ires Ding mached. S isch denn meh so wie e WG gsii.

natürli isches hauptsächlich für de bsitzer, aber isch sicherlich besser meh chan die doch hüüfig überfahrte büsis einigermasse zuordne anstell eifach entsorge. isch sicher nix schlechts für allli.

meh chan au en wg ha und trotzdem bin ich de bsitzer vo de chatz und wott wüsse wenn was mit ihre passiert isch.

[Marco_in_motion]

Es isch zwar scho en rächte Chlotz aber sie nimmts voll easy, verhaltet sich als wär's immer so gsi.
Guet sie hät sich au sust niä gäge es Halsband gsträubt, isch e gmüetlichi.

[Marco_in_motion]

jetzt hani das Teil siit es paar Täg a de Chatz drah und han müese feststelle dass sie i de Nacht krassi Distanze zruggleit
hetti nöd dänkt dass sie so wiit gaht. Bin sie jetzt 4 x go uufspüüre und ich mues säge dass d'Ortig wrürklich sehr guet funktioniert.
im Notfall isch mir aber de Tracking-interwall vo 1h z'wenig. wämmer uf "Fulltracking" schalted, isch de Akku nach öpp2 3h dunne. wämmer en uf 1h hät, langet er komischerwiis öppe 5 Täg.
d'Konstruktion vo dem Teil isch sehr updatewürdig, wänn nöd sogar lächerlich. vo 4 Pins (Akku zu Grät) sind mer 5x ine und useschiebe scho 2 Pins abbroche. Funzt aber wiiterhin.
Schlussendlich wotti jetzt nümme druff verzichte, de wahnsinns Hit isches aber gliich nöd. Will für 250.- gsamthaft mit Abo und Ersatzakku erwarti eifach echli meh ...but then again, de Zweck erfüllts.

[Marco_in_motion]

Bini da de einzig Nigga wo sinere Chatz en Petpointer an Latz klöpft hät?
Obwohl d'Verarbeitig gliich stabil isch wiä es Joghurt i de Sunne, verhebet da shizzle... soooo schlimm isches also nöd.

[Master(G)]

Bini da de einzig Nigga wo sinere Chatz en Petpointer an Latz klöpft hät?

ja


ich persönlich bin gäg jeglichi bändeli am hals. findi unschön (und au gföhrlich, wenn sie verusse gaht).

findet eusi Lola übrigens au:

[Overdose]

sir will es prada halsband. die chad ders nume Ned sage.