Arcade Cabs

[damian]

Jeder kann nur einmal Tages-Mitglied sein.

[turntablism]

isch doch keis problem ? gasch mal go luege und denn machsch en jahresbiitrag

[mastercello]

isch das neu mit dä mitgliedschaft?

Jo, anschinend muess er das us gsetzliche Gründe so mache.
Verein und so...esch jo keis Problem.

[damian]

ach so... es gaht gar nöd ums gäld...
gits dänn defür bedienti fumoirs

[geosnow]

Hallo, meinsch er verdient da öpis drah?

[damian]

nei, aber etz macht er weniger verluscht

[mastercello]

Esch cool gsi...de meyerli, sadoanarcho, sin Brüeder, ech und no en andere registrierte gforum User (de Philipp) send gsi.
Wäg de Videogames mues mer aber ned go wemmer deheim es paar Sache hed.
Flipperuswahl esch aber sehr cool - e huufe us de 70/80/90 und aktuelli Stern Flipper (woni persönlech aber nöm so toll finde).

Han no paar Fötali gmacht, ladi den no ufe.

[sadoanarcho]

ja, isch super gsi, han no nie so Freud gha am Flippere, 's macht viel us wänn d'Chäschte so guet laufed und d'Uswahl so gross isch.
E chlini Entdeckig isch, dass d'Flipper us de Nünzger zwar spielerisch interessanter sind, aber Teils Chäschte us de Achzger vom Artwork und Thema her komplett inere andere Liga sind. De Black Knight 2000 häd mer am beschte gfalle.

[boergi]

de black knight 2k esch vum steve ritchie designt worde. aso de ufbou vum spöufäud, ned s'artwork.
sini flipper send augemein sehr flüssig ond schnäu zum spelä. händ mer fascht aui guet gfaue.

das di aute vom artwork här besser send esch ou klar. de space invaders zum bischpöu gseht geniau us. zum spelä eschs aber nüt för me..

[turntablism]

da namal für pinball freaks
http://killscreendaily.com/articles/art ... ssentials/" onclick="window.open(this.href);return false;

[mastercello]

Do paar Fotos vom Outlane Bsuech vom Donnschtig.

[m.o.terra kaesi]

ja, isch super gsi, han no nie so Freud gha am Flippere, 's macht viel us wänn d'Chäschte so guet laufed und d'Uswahl so gross isch.
E chlini Entdeckig isch, dass d'Flipper us de Nünzger zwar spielerisch interessanter sind, aber Teils Chäschte us de Achzger vom Artwork und Thema her komplett inere andere Liga sind. De Black Knight 2000 häd mer am beschte gfalle.

yep, dä BK2000 esch au eine vo däne, womer am beschte gfallt. guet gseid!

geili pics mastercello! macht grad loscht!

eschs jetzt eigentli eso, dass wenner jetzt nomol wördid wälle go 100 stutz müsstid zahle (mitgliedschaft)?

[geosnow]

de xenon häts im alpamare gah. isch glaubs eine vode erste mit rampe und röhre gxi.

[mastercello]

Er hed am Donnschtig kei Itritt verlangt, da er wohl nonig ganz fertig isch met ufstelle und irechte.
Mer chönd also nomol go för 10.--

Han aber dänkt es segi alles uf Freeplay igstellt, hed mi chli überrascht.
Aber paar Sache hed mer eifach chöne spiele und bi de Flipper send alli uf 5 Balls pro Credit igstellt.

[Zoran]

bin au scho 2 Mal gsi, isch super det.

[philsublime]

Sali zäme

Ech be de Typ wo am letschte Donnschtig ou em Outlane gsi esch. Esch ächt loschtig gsi, wäre gärn weder mou debi... Mer persönlech esch es zwar e chli luut gsi. D'Musig dörft för mi gschmack e bez liisliger si... Ond jo, e be ned es sehr aktivs forum-metgled. De Mastercello hed gmeint e söu mou öppis poste

[mastercello]

Sehr guet...
Welcome

[m.o.terra kaesi]

häds ned chli vom flair verlore met dem riise ruum jetzt?

[meyerli]

findes nöd, isch ja au guet gfüllt.

[geosnow]

chumme sicher s nächst mal.

[mastercello]

häds ned chli vom flair verlore met dem riise ruum jetzt?

Wie de meyerli scho gseid hed - gar ned, zudem wer er wohl no meh Sache ufstelle.
Grad bim Igang heds scho no chli Platz vör "meh".

[sam]

chli candys wär ganz nett

[turntablism]

di zwei ponys gsehnd no amächelig us,
gitts da nur zwee ponys und die tischli wo mer uf de fotos gseht oder no anderi videospiili ?

[mastercello]

Mer gsehd uf de Foto au no en Asteroids, es Cocktail met Arkanoid...
De heds no paar anderi Automate und älteri Racers, aber wie gseid wäg de Arcade Sache muess mer ned go (falls mer dehei paar Sache hed).

[sadoanarcho]

's gid no es paar mechanischi uralt-Automate im Outlane. De eint hämmer gspielt, isch en komplett mechanische Gun-Shooter vo Williams womer mues mideme Karabiner sich bewegendi Blech-Tier abschüsse, d'Umgabig isch psychidelisch beliechted. D'Mechanisch lied vertikal im Kabinett, mer gseht si überen Spiegel. 's Gwehr fühlt sich a wienen richtige Karabiner us Holz und Metall und gid sogar en liechte Rückstoss. Ziemli cool und faszinierend fürs Alter.

a säbem Abig hämmer no churz drüber gredt, wie die Multi-Screen-Automate vo Taito funktioniered:

http://page18.auctions.yahoo.co.jp/jp/a ... w112585311" onclick="window.open(this.href);return false;