Whisky

[resuscitation]

scho vielfach.

und wie isch d'Meinig zum Whisky? Sorry, dsa ich mich nöd dur all Siitene liese..
Git au no ä special edition vom Lagavulin. isch glaubs än 24-jährige, wo miteme Lagavulin blended wird, wo ime Cherry-Fass griift worde isch..

[Tatsujin]

es git glaubs na ziemli viel lagavulins und alter

de lagavulin 16yo isch natürli en super traupfen fürs sparsame bortmonee (also genau bescht für mich).

btw. grad na en coal ila 12yo zoge. het halt au nur de gha. isch aber au en sehr feine.

[resuscitation]

Mir gfallt vor allem dä extrem torfigi und rauchigi gschmack aber im Abgang isch er trotzdem sehr fiin. Nöd so, wie die meischte 12-jährige. Die empfind ich praktisch alli als rächt scharf im Abgang.

[Tatsujin]

wieder mal nacheme halbe jahr en laphroaig zoge. passt mer ebe scho unghüür.
ds erschte öffne vo de fläsche (de gruch wos sich unmittelbar verbreitet) und de erscht sip isch immer en sehr speziele momänt ^^

[resuscitation]

DAnke für dä Tipp.. muess ich mir mal genauer aaluege.

[Eazyjd]

de lagavulin 16yo isch natürli en super traupfen fürs sparsame bortmonee (also genau bescht für mich).

btw. grad na en coal ila 12yo zoge. het halt au nur de gha. isch aber au en sehr feine.

Wow, es whisky topic!

En Islay Fründ?
Wenn dir de lagavulin 16 und coal ila 12 (one of my less expensive favourites), denn probier mal en ARDBEG UIGEADAIL (http://www.ardbeg.com/shop/ardbeg-uigeadail.html" onclick="window.open(this.href);return false;).

BTW: Han mer ufem Whisky Schiff Luzern no de Signatory Caol Ila 29 (1982) gleistet. En sehr en feine Tropfe und Priis/Leistig exzellent.

[Tatsujin]

wow, was het dich de koschtet?

[Eazyjd]

wow, was het dich de koschtet?

Knapp 200 chf. Und jede franke wert. Git nur wenig so alti caol ila u d isch min johrgang

[Tatsujin]

sicher nen megen tropfen.

[abyss]

Signatoy Vintage hett eh es paar feini Whisky im Angebot.


Quelle

Whisky,git zviel guets. Aber schöns Hobby wenn au kostpielig.

[Eazyjd]

Jep, be Signatory Vintage chasch guet und schnell vell geld liege loh! De coal ila isch de no en günstigere... aber wie gseit, für min gschmack en super priis leistig. Han scho grösseri raritäte (mit entsprechend x fach grössere priise) chöne teste wo nid a deh ane cho sind.
Aber isch halt au krassi gschmackssach.

Het no öper en gheimtipp?

[abyss]

Isch scho chlei so, en tüüre Whisky mues nid besser si als en priislech normale. Isch halt ou immer chlei d Marketingposaune.

Sherry: Bowmore 15 Darkest und Benriach 12 Sherrywood findi sehr fein. Scho nume drann z "nosen" isch herrlich.
Eichig, rauchig, salzig: Bowmore 18 years

Mini favs momentan. Si au recht günstig. Springbank si glaub au recht fein. Mou dr 25 jährig degustiert.
Leider Rarität und fasch unbezahlbar. Aber hane dr Hammer gfunde.

Süsch gits no Irländischs. Connemara Turf Mór Peated. Au sehr fein und feurig.

Aber wie gseit, isch immer gmacksfrag. Mir si z.B. Ardbeg fasch zu rauchig. Und dr Octomore hett mer fasch d Schnurre verätzt...

Aja, und di Japanische si au edel.

[abyss]

Talisker Destillers Edition wär ou no öpis für mi bescheideni Sammlig.

[Eazyjd]

Bowmore Darkest isch mer fast scho zlangwiilig wurde. Han vermuetlich au scho zu oft gha.
Die junge Ardberg hingege gfalled mer bes hüt immer wieder. Ganz geil isch de Ardberg Aligator - aber kriegsch niergends mit zu halbwegs normale priise.

De Octomore isch scho en ziemlich grobe Hammer, ja. Isch mir au scho bez zu heftig.

Springbank gits natürlich au ganz geili. Han mol en Gordon MacPhail vo 1955 gha - wenni mich richtig erinnere. De 25 yo kenni jetzt nid, müesst mer aber wohl au mol degustiere.

[abyss]

Ha ou no en Ardbeg. Dr Galileo. Isch aber no sealed.
I ha im Fall dr 21 jährig gmeint vo Springbank, nid dr 25 jährig. Wäri fein, aber dr Priis...

http://www.whisky-raritaeten.com/joomla ... 3&vmcchk=1" onclick="window.open(this.href);return false;

Dr gröscht Längwiler woni kenne isch dr 12 j. Glenfiddich. Kei Gschmack, kei Abgang, nada. Det isch de grad gar nix...

[Eazyjd]

Du hesch no en galileo?
Hetti au no gern eine... han aber zspot devo erfahre, jetzt sind mer aber priise für de scho zhöch.

[turntablism]

shit, ich sött langsam weniger arcade mache und meh ins Lebenswasser investiere, chume langsam uf de gschmack vo Whisky, ha au e bescheideni Kollektion vo 4 stück wovoo zwei japanisch sind und scho bald halbe leer. jack , Johnny und co. wird ich wohl nümm so schnell chaufe.
de 17 jährig nikka pure malt passt mer rächt guet, und de bunnahabhain hani grad jetzt im glas..





will mer no es paar schöni gläser derzue chaufe
han grad nur tumblerglas zur Hand was ja anschiinend nöd zu jedem Whisky passt
wie trinked ihr eui säft ?

[abyss]

Scho toll so Whiskys, aber wege dem Arcade ufgeh?

http://www.thewhiskyshop.ch/pi/Whiskygl ... cairn.html" onclick="window.open(this.href);return false;

Ha öpis Ähnlechs. Findi Besser als Tumbler.

Min negscht.

[Tatsujin]

islay isch eh bescht.

[turntablism]

en kork vom whisky isch ja nöd gliich(dicht) wie von er wiifläsche, brucht eine vo eu söttig ? spricht da was dergäge ?

[Tatsujin]

ja, gseht ueberuus verschisse uus. de kaptn' kork isch guet gnueg. hebt ja jahre.

[Acid]

en kork vom whisky isch ja nöd gliich(dicht) wie von er wiifläsche, brucht eine vo eu söttig ? spricht da was dergäge ?

Wiä meinsch isch nid glich...

Also han jez nid unbedingt s Gfühl das Whisky Korkä einheitlich sind, und wiederum einheitlich andersch als serig vo Wii.



Gäg serig Stöpsel spricht, dasses höchschtwahrschindlich gruusigs Erdöl Züg isch. Zudem isch d Frog was demit willsch bewürkä. Wenn der wäg möglichä detailierte schwankigä i verschiedene Korksortä de Chopf zerbrichsch, bringdi so en Plastik stöpsel (wo wenner funktioniert eifach Luftdicht zuä macht, wener nid funktioniert direkte Luftdurchlas zuälohd). Diä sind doch egentlich eifach zum Choläsüüri imene Choläsüürä haltigä Getränk z bhaltä...

Es gid e so Vakuum Stöpsel für Wii. Wenn willsch de Ustuusch mit Suurstoff unterbindä müsstisch so ein neh.


Aber mol abgseh devo: En Wiski chund doch meischtens mit Fläschä, und diä chund i de Regel mit Wiederverwändbarem Deckel (öb jetzt korkä oder Schrubverschluss). Was diä ghobene amigs mached bi ihrem Huuswhisky, isch dassen inere Fläschä mit Glaspfropfä händ (so wiä bi Apothekergläser).

[turntablism]

in bezug uf dicht. en wii trinksch i de regel in es paar tag und es dunkt mi dass de zapfe vom wii fetter isch und meh dichtet als eine vom Whisky. en Whisky trinksch i de regel nöd in einer wuche (ussert bisch en alki), de alk vom Whisky chan verdampfe hani gläse
naja ich wird sichernöd so Plastik töggeli obedruff tue well ich denke au nöd dass en Whisky bi mir länger als sägmer mal zwei jahr hebt bi 4 fläsche. aber wenn e sammlig vo 20 fläsche hesch und alli offe sind.... was macheds in ere whiskybar ? isch dört immer de original zapfe druff bis flasche leer ?
egal, ich nimm jetzt grad no eine

[Acid]

Also inere Whiskybar isch ebä so en Fläschä denn scho au mol irgendwenn leer i de Regel. Ich glaub also scho dass do eifach d Fläschä so gno wird wiä si isch, mit Deckel und allem.

De Verschluss wird jo eigentlich au nid weniger Dicht durch dis öffnä, das isch nid wiä bimene Coki oder so. En Korkä isch en Korkä. Was sich allerdings ändert isch d Mängi a Luft wo i de Fläschä isch, will natürlich d Mängi Flüssigkeit abnimmt, für das brüüchtisch denn aber ebä so en Vakuum Stöpsel.

Und ebä, diä Glaspropfä sind relativ Dicht, wenn jetzt allerdings Whiski i sone Fläschä umleersch, chund nur scho bi dem Prozess jenschtes Suurstoff inä. Zudemm hesch nochher nüm d Originalfläschä.

Ich würd behauptä dasses klar en Prozess gid, de aber erschtens nid so tragisch isch, und zweitens halt au chli dezuä ghört. Und 20 Fläschä offä zha isch halt villicht au nid grad en Klugi Sach. Muesch halt ein mol fertig machä bevor en neuä afangsch.
Irgendso en Whisky feinschmöker isch au mol uf das Thema agsprochä wordä, und de het denn eifach gseit, sig halt scho chli so dasses a Gschmack abgid. Drum lader immer wenn d Fläschä en Drittel oder weniger hed Fründä i... so heiger de Whisky weg so langer no guet isch, und Fründä wo en gern händ.

[Mastler(P)]

originalverschluss - nüht anders bruchsch dänk.