Deus Ex Human Revolution DC für dä Wiiuuuuuu

[zwirrlibatz]

ich has Deus Ex 1 voreme guete Jahr zum erste mal gspielt.

Es stimmt, dass de Hauptdarsteller e Projektionsflächi isch, aber ich han sini Ifüerig, 's Träffe mit sim Brüeder etc. viel packender gfunde als z.B. die Szene mit de Tussi im Lift, die isch so grandios 08/15 dasses mer schleierhaft isch, wiemer das ernsthaft guet chan finde.

so richtig erkläre chanis nöd, dass mer 's Deus Ex uf Ahieb so guet gfalle häd und dass mi das da so abgstosse häd. En wichtige Teil vom Problem isch vielich (und vo de ganze Generation), dass de Abstraktionsgrad vode Darstellig früener imene bessere Verhältnis zude Interaktionsmöglichkeite gstande isch. Bim Human Revolution ischsmer so vorcho, dass d'Grafik zwar abartig detailliert isch (und durchus gekonnt in Szene gsetzt), aber dass mer im Verhältnis nüt demit häd chöne astelle, si isch nume Dekoration und Kulisse gsi womer dra verbi lauft.

Abgseh devo han ich persönlich Müeh demit, im grosse Stil uf realistisch würkendi Lüt z'schüsse, da isch mer de Abstraktionsgrad au entgäge cho.
Bim Deus Ex ischs allerdings scho ide erste Mission klar gsi, dass de Feind nöd eidütig isch und dasses vielich abracht isch, nöd eifach ali umz'bringe. 'S Gameplay häd dänn au gnueg Ruum botte für Alternative, ohni sehr strikt z'si, das heisst mer häd sich nacheme Fehler chöne fange ('s Terrain isch sehr witläufig) und das häd Luscht gmacht zum Experimentiere. Bi däm da isches eher Hit & Miss, nach es paar mal Sterbe und neu Lade häd mer dänn die funktionierendi Schliichroute gfunde. Teilswies ischs aber au eifach viel erfolgsversprächender gsi, eine nachem andere abe z'lah, will die änge Rüüm z'guet bewacht gsi sind; das häd mer dänn überhaupt nöd passt.

's häd für mich eifach nüt gä, wo d'Spielzit grächtfertiged hätti. Bim Original hingäge hani nur scho de Vorspann ca. 20 x glueged, wiener eifach so dicht und guet gmacht isch und mer nach jedem mal Spiele ächli me devo verstaht.

Bin nöd mit allem iiverstande aber verstah din Punkt jetz. Vorallem bi Abstraktion vs Interaktion gib ich dir sehr rächt, das gaht mir bi vielne andere Spieli (au) eso.

[zwirrlibatz]

im huss! und es macht scho wieder fröid. knackehert ischs aber. händs KI ufegschrüüblet?

[Mastler(P)]

ja. uf steam chaschs uuh billig ha wenns alte häsch unds dlc. aber ich chaufs glaub nöd nomal..