Seite 37 von 39

Re: Android Topic

Verfasst: 26 Dez 2016 10:31
von Herr Rossi
Gueti Zämefassig betreffend Lineage OS

http://www.zdnet.de/88285055/beliebte-a ... r-offline/" onclick="window.open(this.href);return false;

Re: Android Topic

Verfasst: 12 Mai 2017 09:00
von Jones
mis MI 6 isch verschickt! nacheme jahr budget phone mau wieder es flagship... :wixer:

Re: Android Topic

Verfasst: 12 Mai 2017 12:54
von Astroboy
I ha immer no mis OnePlus 3 und bi uhuere zfriede, obwohl dr Move mitm 3T so churz nach Release recht lame isch gsi vo OP. Ds tragische isch eigch nur, dass ig das Handy sit no nidmau emne Jahr ha und chürzlech grad denkt ha, dass ig eigch mau wieder Lust hätt ufnes Upgrade :typej:. Grad bi Smartphones bini es uhuere Opfer vom Upgradecycle-Wahnsinn. Aber solang ds Fairphone so fucking Bauklötz bout, wirdi uf nöis Züg vo OnePlus, Xiaomi etc. spienzle.

Re: Android Topic

Verfasst: 12 Mai 2017 15:46
von turntablism
Ich nimm immer s alte vo de frau wenn sie es neus hät.
Jetzt no s galaxy s4. Isch mer z blöd immer de neuscht grümpel z poschtä. Und irgends wie werded die föns au immer grösser was suckt.

Re: Android Topic

Verfasst: 12 Mai 2017 15:49
von Xinobrax2
Ich han au na s Galaxy S4...gsene ken Grund das z erseze solangs na lauft...

Re: Android Topic

Verfasst: 12 Mai 2017 16:17
von turntablism
Findi guet. Denn bini nöd de einzig natel knauseri

Re: Android Topic

Verfasst: 17 Mai 2017 21:26
von Xinobrax2

Re: Android Topic

Verfasst: 18 Mai 2017 10:05
von Herr Rossi
wer luegt sich freiwillig so öpis bis zum schluss ah? es wirkt uf mich chli wie en wrestlingmatch

Re: Android Topic

Verfasst: 10 Mai 2018 20:36
von Xinobrax2

Quelle

:fear:


Mal wieder e typischi I/O. Bizeli dritti Welt, bizeli behinderti....und Überwachig als Errungeschaft.

Re: Android Topic

Verfasst: 01 Sep 2018 16:26
von Xinobrax2
Het sich öpert vo euch es Pocophone F1 pstellt? Priis/Leischtig isch unschlagbar. En Snapdragon 845 unter CHF 400.-. Ich bins mir grad am überlege, aber wenn, denn warti glaubs sowieso na uf d armored Version...


Quelle

Re: Android Topic

Verfasst: 01 Sep 2018 16:29
von Jones
Bricht glese... Hätti kes mi6 würdis bsteue... :wixer:

Gesendet von meinem MI 6 mit Tapatalk

Re: Android Topic

Verfasst: 01 Sep 2018 16:38
von Xinobrax2
Es isch halt scho sehr super :sabber: De Kernel Source isch au scho duss...alles perfekt.


Quelle

Re: Android Topic

Verfasst: 01 Sep 2018 16:40
von Jones
ja okay das isch ja zackig... bim mi6 hani ewig gwartet mit chönne custom rom installiere... :oops:

Re: Android Topic

Verfasst: 01 Sep 2018 16:43
von Xinobrax2
Ja guet, bis di erschte Roms chömed wirds schona es paar Täg/Wuche dure. LineageOS het amel na nix...

...ich warte eifach mal. Ich bin ez scho sit einige Täg oni Smartphone will mis Galaxy S4 de Geist ufgeh het. Uf es paar Täg me oder weniger chunts ez au nüm druff a. Defür chani nachane Gamecube und PS2 spili emuliere :sabber:

Re: Android Topic

Verfasst: 01 Sep 2018 16:47
von Jones
wird sicher nid lang gah bis xda abgeit...
SD845, liquid cooling... scho krass für 300 dollar :shock:

vom s4 ufs f1! grad chli e performance boost! :groel: :groel:

Re: Android Topic

Verfasst: 01 Sep 2018 16:52
von Xinobrax2
Jap, längst überfällig :)

Usserdem isch das en "einmaligi" Glegeheit. Das Gschäftsmodell kenedmer ja langsam. E "noiji" Marke wird oni Gwünn in Markt pusht um Martateil z sichere und denach stiged d Priise mit jedem witere Modell immer chli me in Richtig iPhone. Isch ja nid so als würdi d Konkurrenz wege sowas d Priise nach abe korrigiere...

Re: Android Topic

Verfasst: 01 Sep 2018 16:54
von Jones
scho so. mi8 isch o nüm grad soooo e deal vergliche zu de vorgänger...

Re: Android Topic

Verfasst: 01 Sep 2018 16:56
von Jones
Xiaomi Pocophone F1: Keine HD-Streams von Netflix, Amazon und Co.

Denn das Pocophone F1 kann keine HD-Inhalte von populären Streaming-Diensten wie etwa Netflix oder Amazon Prime wiedergeben. Grund dafür ist das Fehlen des DRM-Kopierschutzes Widevine L1. Dieser Schutzmechanismus wird von den meisten Streaming-Services verwendet und sorgt unter anderem dafür, dass Medieninhalte nicht illegal kopiert werden können.
für di nid relevant gäu?

Re: Android Topic

Verfasst: 01 Sep 2018 16:59
von Xinobrax2
Nope, min Plex Server het me Content als Netflix :lol:

Aber joa, das hani au glese. Was für anderi ebefalls na chenti wichtig si: s unterstützt kei NFC. Abgseh vo dene beide Sache isches eigentlich ziemlich perfekt.

Re: Android Topic

Verfasst: 01 Sep 2018 17:00
von Jones
alles chame de haut offebar doch nid ha für dä pris... lol
nei ernsthaft... mir wärs sogar egal. luege nie übers phone so züg.

Re: Android Topic

Verfasst: 03 Sep 2018 17:35
von Xinobrax2
Ich hans pstellt :oops:

Re: Android Topic

Verfasst: 05 Sep 2018 09:22
von Astroboy
Sweet, gisch Bricht. Falls d'Leaks vom OnePlus 6T stimme und dr FP-Scanner schnäu gnue isch, chönnt ds mis nächste Handy werde.

Geil wär ize eifach, wes es ändlech mau es richtigs guets 5-Zoll-Smartphone gäb mit: Randlos/chliine Notch/Wasserdicht. Mitere 5-Zoll-Diagonale und de nöiie edge-to-edge-Displays wäre ds när ändlech wieder chliini, liechti Grätli. Stattdesse wärde die würk geile Flagships vo OnePlus und Konsorten immer grösser vom Screen här (logisch, hei ja ou weniger Rand).

Re: Android Topic

Verfasst: 05 Sep 2018 10:30
von Xinobrax2
Ich finds absolut top :!: Letztendlich chunts halt druff a wasd willsch...

Ich pack das Teil sowieso na ines rugged Case und chleb es Panzerglas obe druff, darum isch mir so Zügs wie "Plastik Case" ziemlich egal. Für mini Bedürfnis spareds genau a de richtige Ort.

PSP lauft iwandfrei und alles drunter sowieso. PS2 wird nahezu perfekt emuliert, tested mit FFX & Kingdom Hearts. Bim Gamecube lauft manches perfekt und manches ruckled zum teil na es biz, aber das kriegi mit de Istellige glaubs na ane. Mit anderne Wort, das Grät macht für mich genau das wases söll...Spili emuliere. Manchi werded jetzt denke "sowas bruch ich sowieso nid", aber da stellt sich mir denn au d Frag warum sonig Lüt überhaupt irgendwelchi High-End Hardware bruched. Zum Mails lese und WhatsApp texte langet au es alts Budget Phone...und die wones Phone als Statussymbol chaufed wend glaubs sowiewso nix unter 1'000.-, unabhängig vo de Qualität & Leistig...

S OS (MIUI) isch nid so mis. Es het viel Schrott vo Facebook, Microsoft & Xiaomi druff. Theoretisch chäntmer das alles via adb lösche, aber ich flash das Grät ines paar Täg sowieso na miteme LineageOS ROM, drum ischmer da grad ziemlich egal.

Re: Android Topic

Verfasst: 05 Sep 2018 15:40
von Jones
Ha gmeint sig nid viu bloat druf...?
Aber klar.. Lineage isch sicher ke schlächti wahl...

Gesendet von meinem MI 6 mit Tapatalk

Re: Android Topic

Verfasst: 05 Sep 2018 19:26
von Xinobrax2
Da ich schon länger keis Smartphone me kauft han weissi nid was gmesse a de hüttige Standards "viel" wär. So im grosse und ganze isch s MIUI ganz okay. Apps wie Facebook oder Microsoft Office werded vo de 08/15 User ja sowieso freiwillig installiert, daher weissi nid ob sich anderi überhaupt drüber würded ufrege. Für mich persönlich isch so Zügs halt Schrott. Elei scho bim Irichte frageds di 3247923 Sache vowege "isch okay wemer dir is Füdli lueged" und bla bla bla. Softwaresitig isch s agressive Sammle vo Date und pushe vo fremde Apps halt di einzig Möglichkeit um zuesätzlich Geld z verdiene und somit d Chöschte vom Grät z senke. Sowas ghört zu somene Gschäftsmodell mit dezue und seti au niemert überrasche.....aber ebe....für Bastler isch das letztendlich ziemlich egal will si sowieso was anders druff flashed...