Android Topic

[Xinobrax2]

Jump

Google het s VR Video Problem gfixt. 360° & 3D

[Xinobrax2]

K, alles in allem widermal s Übliche. Chli Apple as Bei pisse, chli Features vorstelle wo letzendlich bi ca. 5% vom Ökosystem achömed und chli PR mache mit Chind, 3. Welt und Behinderte. D Keynotes erinnered jedes Jahr chli me an Circle

I 2 Wuche isch d WWDC vo Apple. Mal luege was die dezue meined...

[Acid]

Ich han churz dri gluegt gha...präsentations Skills öpä 1/10. Nid alli müend frei uf de Bühni hi und her laufä und verzellä, wemers nid chan lieber es Podium denn muemer wenigschtens nid ständig de Text irgendwo vom Bodä abläsä und für s Publikum de Iidruck machä als sigmer eigentlich am Wegdämmere (oder isch das diä noischt Google Technologie wosem de Text uf diä halbgschlossnä Augälieder wirft).

Und luschtig isch wiä immer alli bi de Apple Events (woni zwar sälber au genau so verschisse find) usäposauned wiäs Züg als neu apriised wos scho gid bzw. wo anderi au mached... Bi Google nännedses dezuä herä eifach grad au no glich wiä bi de Konkurenz, wahrschindlich eifach dasses kei Missverständnis gid lol


Schono erstuunlich dass diä gröschtä und inovativschtä Unternähmä nid würklich i de Laag sind mol so en Event echli Würdevoll über d Bühni z bringä. Guet, lieht villicht chli i de Natur vo de Sach, gid jo au gnueg Holzchöpf wos sich gönd go aluege, und denn au no i de Spannigsleerschtä Augeblick irgendwiä wiä usem nüt usä afänd Klatschä.

[Xinobrax2]

Fairerwis muemer aber sege, das si de wohl ufwändigscht Video Countdown aller Ziite präsentiert hend. Si hend sogar en Countdown für de Countdown gha

Ich han grad 1 Tag vor de Präsentation widermal s Hörbuech vom Circle gloset. Das het wärend de Keynote denn nid grad selte für es unguets Gfühl gsorgt...De präsentiereds irgendwelche Shizzle als wärs d Erlösig vo de Menschheit und ich denk nur "sinder ez völlig dureknallt?". Google Now chan jederziit de Inhalt vom Bildschirm lese und Kontext dezue lifere. Ja danke. Bi de neue Fotos App isch d Cloud Pflicht und alles wird automatisch tagt und nach Persone sortiert. D App-Berechtigung wos jetzt ENDLICH igfüert hend gilt natürlich nid für d Google Apps. Die hend vo Afang a alli Berechtigunge :typej:

[Jones]

Häh? Auso ig ha neu foto App installiert und cloud sync abgstellt. Funzt trotzdem... aber die cha nix, wo e anderi App nid o chönnt... zudem isch sie lahm...
D besser grad snapseed oder irgend e anderi foto App...

Was meinsch mit de App Berechtigunge?

[Xinobrax2]

Ja guet, denn hesch eifacht en Liste mit Föteli...nid grad psunders umwerfend. De Vorteil isch ja eigentlich scho, dass d App de Inhalt vo de Föteli erkennt und ensprechendi Kategorie erstellt. Ds Zügs funktioniert denn aber nur via Cloud. Mir isches eigentlich egal...die 4 Föteli woni ufem Handy han chani au selber no sortiere. Mir gats bi de Kritik eher um s grosse Ganze....die paar millione Lüt wo iri Föteli jetzt zo Google schiebed unds teilwis nid mal wüssed...

D Berechtigunge hends so umgstellt, dass standardmässig mal alles deaktiviert isch. Sobald d App denn zum erste Mal Zuegriff uf öpis wot mueses de User bestätige. Also quasi so wie bi iOS oder Cyanogenmod. An sich e gueti Sach, aber schinbar gilted das nur für 3rd Party Apps. Bi Google zügs isch standardmässig mal alles aktiviert. Chasches denn aber über d Istellige go deaktiviere...

[Jones]

Ahso... ja sone sortierig bruchi eh nid. Nach datum macht mini normali foto app eh scho und gps tags hani usgschalte... alles andere isch imo überflüssig. Und all mini fotos muessi itz auso würklech nid ufelade... lol
Also... das mit dr Berechtigunge... das chunnt ersch mit Android M oder?

[Xinobrax2]

Jep, M only....mit anderne Wort Nexus, G4, S6 & Z4...und ev. no es paar anderi...mal luege obs das mit de Updates dasmal uf d Reihe krieged....

[Acid]

So, grad de Moment nomol nützä zum vo Farklin Huawei abzrotä.

Isch jo schön und guet wenns en ordentlichä Wecker hed wo effektiv isch, aber wenn das verdammtä Arschloch denn nid abstellä chasch und s ganzä huere Grät irgendwiä nüt me wil machä (inkl. nüm welä Usschaltä) wills irgenden Systemfehler hed isch zum Chotzä. Grad churz devor gsi das Teil muetwillig z zerstörä, bevoris zum Glück doch no us übercho han.

Au suscht heds immer wieder mol chli Problem mit de Oberflächi, allerdings diä meischtä bi witem nid mit so müäsahmä Folgä...nervig aber trotzdem.

Und Google Play chani nid deaktiviere, was lauft mit dem... oder isch dass e Android 5 Gschicht? Und sämmtlichi vorinstallierti Software lohd sich glaub nid deinstalliere.

Absolut kei Verlass uf das Teil, en riesä Bruch für das wases eigentlich sii will, bzw. au aprisä wird.

[Xinobrax2]

Drum lauft bi mir es Cyanogenmod Die Stock-Roms sind idR zimlich scheisse. Teilwis hends zwar es paar Extras wo vo de eigne Hardware gebruch mached aber uf so Schnick-Schnack chani guet verzichte.

Und grundsätzlich: Zwar gits sehr billigi Android Grät und die hend sicher au iri Berechtigung und en eigne Markt. Wer aber es Grät wot wo qualitativ miteme aktuelle iPhone verglichbar isch de zallt letztendlich au öpe glichvil wie für es iPhone. Usnahme bestätiged d Regle. S Asus Zenphone 2 gset z.B. na interessant us...

[Jones]

i ha sit 3 mönet es honor 6 und bi begeischtert!
best handy ever. 5 zoll, riese akku (über 3000mAh), schnelli 64bit cpu (ke benchmark killer aber im alltag schön smooth), genau die richtigi grätgrössi, gwicht, x zubehör erhältlech und und und...

und mir gfallt sogar d'oberflächi optisch sehr. het paar gueti sache derzue aber doch nid zu viel bloatware. und abstürz und hänger kenni gar nid!

[Xinobrax2]

2600mAh Akkus seted eh langsam mal abgschafft werde. Sit Jahre jammered d Lüt über d Akkulaufziit und trotzdem tüends jedes Mal wider di gliche Akkus dri. De schrubeds chli am OS um Strom z spare und rüered glichzitig na 10 noiji Apps druff wo de igsparti Strom wider verbruched :typej:

[Jones]

oder verboue screens mit über 500 ppi... :typej:

[Xinobrax2]

Apropos Screen und Akku....s neue Yota gset na interessant us...wär glaubs na was als Ersatzphone...


Quelle

[Jones]

so viu gäud wotti aber nid usgäh füres handy...

[Acid]

Drum lauft bi mir es Cyanogenmod Die Stock-Roms sind idR zimlich scheisse. Teilwis hends zwar es paar Extras wo vo de eigne Hardware gebruch mached aber uf so Schnick-Schnack chani guet verzichte.

Ja, würdi jetzt bi dem villicht au druf hauä, wenns mol eini gid... isch bi Huawei aber glaub chli so e Sach. Bim Sony hani ihres System gar nid so schlächt gfundä nacheme Zitli, und au d Apps wos gha händ für diä gröbschtä Sachä hani eigentlich no cool gfundä, paar Sachä heds zwar au gha wo nid hättet müese sii, aber alles in allem in Ordnig.

Das vom Huawei hani am Afang eigentlich rächt spannend gfundä, wills doch au rächt Simpel ghaltä isch. Aber ebä, hed irgendwiä eifach sini Mackä, und gwüssi, wiä das Hüt mitem Wecker sind scho bitz a de Gränzä. Bin eifach nid überzügt bis jetzt, vo derä ganzä Sach, und hätt halt erwartet dass würklich i de oberschte Klass mitspilled, und nid nur eifach so tüend als ob.



Yotaphone hani au in Erwägig zogä, find das en super Asatz. Allerdings isch für mich den KO Kriterium gsi dasses kein erwiterbarä Speicher hed, so viel ich weiss.

[Herr Rossi]

Sit Jahre jammered d Lüt über d Akkulaufziit und trotzdem tüends jedes Mal wider di gliche Akkus dri.

Scho so, jedoch cha mer statt jammere einisch im Jahr 20 Franke und 20 Minute inveschtiere und e nöie Akku inetue.
Gits würklech öper wo nid vom Morge bis Obig mitere Akkuladig über d Runde chund?

[Xinobrax2]

Ich han scho 3 Akkus....wo de erscht kaputt gange isch hani grad 2 Ersatz-Akkus pstellt. De erscht het sich eifach ufblase....zum Glück bimene S4 womer de Akku no chan wechsle. Klar chani jedi Nacht lade...aber ich mag mi halt no a Ziite erinnere, wo Handy-Akkus es paar Täg lang ghebet hend. S wär scho nid schlecht, wemer wider det hi würded cho...

[Xinobrax2]

Quelle

So wies usgset gits bi de App-Berechtigunge nume On und Off Bi Cyanogenmod git's no Ask...findi eigentlich praktischer...

[Jones]

Sit Jahre jammered d Lüt über d Akkulaufziit und trotzdem tüends jedes Mal wider di gliche Akkus dri.

Scho so, jedoch cha mer statt jammere einisch im Jahr 20 Franke und 20 Minute inveschtiere und e nöie Akku inetue.
Gits würklech öper wo nid vom Morge bis Obig mitere Akkuladig über d Runde chund?

ja bravo wenn fasch kes handy meh es backcover het wo chasch ufmache...
i chume guet übere tag und i würd mi scho als power user bezeichne.
ha oftmals 4-5h screen on time über 14-20h erstreckt wenni a charger muess (bzw mis handy )
ha aber scho einigi handys gha wo das schlächt müglech gsi isch o wenns süsch super geniali grät gsi si (z.b. nexus 4 isch immer knapp worde)

[Herr Rossi]

Sit Jahre jammered d Lüt über d Akkulaufziit und trotzdem tüends jedes Mal wider di gliche Akkus dri.

Scho so, jedoch cha mer statt jammere einisch im Jahr 20 Franke und 20 Minute inveschtiere und e nöie Akku inetue.
Gits würklech öper wo nid vom Morge bis Obig mitere Akkuladig über d Runde chund?

ja bravo wenn fasch kes handy meh es backcover het wo chasch ufmache...

Chasch jedes ufmache und wider zue oni Qualitätsibuesse

[Jones]

ja okay... i ha scho eher dr eifach wäg gmeint nid mit ufschrube und bastle...

[Herr Rossi]

Nix baschtle, alles fachmännisch

[Jones]

ha hüt wieder mau öpis neus zum spiele bstellt... 99 fränkli im google store. findi no easy...
wird de grad kodi/xbmc installiert und denn lösts mi media center PC ab...

[Jones]

hüt hanis becho bzw abgholt. DHL arschlöcher hei eifach e "kunde war nicht zuhause" zettel i briefchaschte gschmisse obwohls nid mau glüüte hei. wär nämlech deheim gsi am fritig... soupack!

isch auso no easy. android 5.1 louft super snappy. kodi/xbmc chasch mittlerwile normal übere playstore installiere ohni sideload. spracherkennig vor färnbedienig funzt 1A aber d'chnöpf mache eher chli e billige idruck.. emus hani no nid testet aber mit dere hardware sötte retro sache meh als easy loufe...
mi mediacenter-pc verstoubt bald..

1. fazit: worth the buck!