Android Topic

[blackraini]

scho so... d' DC merksch de am Afang wohl eh nur bim Abspiele vo Full-HD Material...

[Jones]

hmm... speedmässig bruchi nid meh als mis desire lieferet!
was interessierts mi, wenn es desire HD meh pünkt im benchmark test macht wenni vo däm im tägleche gebruch nix merke? LOL

aber e akku, wo o bi intensiver nutzig 2 täg oder gar 3 würd häbe, wär scho no easy, wenn mau ohni ladekabel ungerwägs bisch!

[O_O]

ich hammer e zwöite akku kauft wenni weiss dasi länger wäg bi dueni ne is portmonnais oder in rucksack.

[O_O]

au praktisch zum schnell ustusche wenn mer am obe het vergässe ufzlade.

[Jones]

bime iphone geit das nid mau! de muesch es 2. iphone mitnäh!

[ritschi]

bime iphone geit das nid mau! de muesch es 2. iphone mitnäh!

naja bi mir het bim iphone de akku defür länger als bim android.

android am morge vor steckdose gnoh und 3g und wlan nur igschalte wenn nötig - am nächste tag am abe hets agfange motze de akku isch läär.

die glichi ziit spanni bim iphone4 - nur det wlan und 3g immer la laufe (isch müehsamer zum usschalte als bim android) - und es het no 60% akku azeigt.

und isch nid eifach so eimalige test gsi, sondern d'regel.

wenn d'erreichbarkeit mal nid so wichtig isch luegi mal wie lang z'iphone würklech ushaltet wenis nid uflade. villech springts am schluss plötzlech schneller uf 0.

[Jones]

auso mis het bi intensiver nutzig (wlan/3g) e tag düre... meh nid!
wenni uf 2g schaute hets o 2 täg düre... aber mit 2g tuenis natürlech o weniger intensiv nutze wiu z'surfe denn aschisst!
aber mail, push etc geit guet mit 2g...

und die woni kenne, wo ihres iphone äbeso intensiv nütze, steckes o jede abe a... vo däm här isches öpä hans was heiri!

schlussändlech isches eifach eso, dass e 1300-1500 ma/h akku mit so smartphones eifach überforderet isch!

[Jones]

sit hüt mit android 2.3.1 ungerwägs ufem desire!

[Jones]

nid alli mitenand bitte!

[nascarbryant]

Androide sind scho super....
Vor 20 Johr bin ich aber davo usgange dass si im johr 2011 so usgsehnd...

[TypeJ]

wie sind die neue samsung phones?
nexus s und galaxy s2?

s'eint het en "neue" prozi und s'ander gad en dualcore

[blackraini]

i möcht lieber mal a Android Update für mis Galaxy :typej:

[TypeJ]

i verchauf mis desire hd und hol mer s'neue nexus s

[geosnow]

i möcht lieber mal a Android Update für mis Galaxy :typej:

chasch vergesse: bim i7000 händ nur eis update über die ganz lebensdur gmacht. Samsung bringt lieber es neus telifon use, als es alts z unterstütze.

Drum hanni au keis Android meh. Nach em BB bini bi Apple iphone4 glandet. Dete isch vieles sit em 1 verbessert worde und jetzt verhebts.

[O_O]

michi "niemeh samsung" blum.

[Skeletor]

i verchauf mis desire hd und hol mer s'neue nexus s

he nei... jetzt wächslisch scho wieder? und dänn wieder zu samsung?

[Avenger]

lol, der bluem isch unglaublich progressiv was technik betrifft. (ig wär scho ds fuul zum alli istellige und settings uf em neue gerät wieder azpasse )

Ig has Eifon 3GS sits isch usecho. bi no nie so z friede gsi mit eme Natel

[TypeJ]

michi "niemeh samsung" blum.

wahr, ich=schlimm

[TypeJ]

i verchauf mis desire hd und hol mer s'neue nexus s

he nei... jetzt wächslisch scho wieder? und dänn wieder zu samsung?

ich will eifach s'neuscht!

[TypeJ]

oder ich warte bis galaxy 2 verfüegbar isch?

[ritschi]

find das super, würd amigs am liebste o all paar mönet z'neuste chaufe. jede sött.

[geosnow]

warum nöd.

[blackraini]

i möcht lieber mal a Android Update für mis Galaxy :typej:

chasch vergesse: bim i7000 händ nur eis update über die ganz lebensdur gmacht. Samsung bringt lieber es neus telifon use, als es alts z unterstütze.

Drum hanni au keis Android meh. Nach em BB bini bi Apple iphone4 glandet. Dete isch vieles sit em 1 verbessert worde und jetzt verhebts.

Das isch leider so, ja --- höchstens selber ufespiele aber irgendwia wird mir das langsam z' blöd.

Evtl. probier is de mal miteme HTC wo OnLive abietet oder s' iPhone 5/6...

[TypeJ]

nexus s, huere super..d'super amoled teil choscht irgendwie en lappe meh als s'super lcd teil

[Uriel]

Das isch leider so, ja --- höchstens selber ufespiele aber irgendwia wird mir das langsam z' blöd.

Evtl. probier is de mal miteme HTC wo OnLive abietet oder s' iPhone 5/6...

Was meinsch du eignetlich genau mit OnLive? Der Cloud Gaming Service? Der chasch in Europa sowieso vergesse.