Jones hat geschrieben:
und was meinsch wie viu meh portemonnaies würde gstohle oder groubt wärde, wenn jede täter wüsst, dass ufgrund fählende chärtli alli lüt e huffä bargeld derbi hätte?
es git argument für beidi vorliebe. i finde bargeld eher müehsam...
i weiss nid wiu viu lüt du kennsch, wo bestohle worde si... aber neui charte / uswise chasch ja alles über d'versicherig näh...
Ja und d Versicherig nimmt s Gäld jo au eifach vo de Bäum und verteilts
Nei so Tüür isches jo au meischtens nid, eifach au Müähsam. Das zeigt jo au chli wiä guets üs god.
Natürlich, chönt scho sii dass meh klaut würdi. Obwohl ebä, weiss au nid wieso jetzt jedä diä ganz Zit mit hunderte vo Frankä müsst umäsekle.
Ich finds eifach en Unart vo denä Zahligsabüter, dassi am Chund suggeriered, dasses glichvil choschtet, egal öbmer mit Chartä zahlt oder mit Bargeld, was nur uf sehr churzi Sicht usä richtig isch. Mer gid d Lascht eifach am Ladä, und will de sie denn ikalkuliere mues wältztmers somit eifach uf alli Chäufer ab. Wenns bi jedem so wär, dass er diä Prozent grad sälber als Ufpris müsst zahlä, wenner mit Chartä zahlt, würded wohl viel meh Bar zahlä. Im Internet laufts jo amigs so, grad bi Lädä wo sehr knapp kalkuliered...
Isch chli ebä de typisch, nur 1 Stufä dänkä und mer merkt ständig dass d Lüt sich denn kei witeri Gedankä meh mached. Isch ebä au bi de Versicherigä so. Meischtens sinds denn au no diä Lüt wo serig wo Arbeitslosägäld bruuched oder IV Beziehnd als Sozialschmarotzer bezeichned
Aber zum Thema zrug: Natürlich chan ich mir au de eint oder ander Grund vorstellä, wieso öper mitem Chärtli zahlt. Isch eifach en Hiwiis druf gsi, dasses e individuelli Frog isch, und so wenig wiä du zahlä mit telephon im Moment Sinnvoll findsch, so wenig find ich s s Ständigä zahlä mit Chärtli Sinnvoll, trotzdem gits sehr viel Lüt wiä dich, wo das ebä durchus bevorzuged. Schlussendlich chanimer ebä genau so vorstellä dass viel Lüt gern mit ihrem Telephon zahled, falls sich das würklich duräsetz undmer denn a denä Terminals womer hüt mit Chärtli chan zahlä, au mitem Telephon zahlä chan. Grad diä Jungä wo scho sit ewig es I Phone händ, aber d Frog nacheme eigene Chärtli ersch grad ufchund. Diä fröged sich denn wieso sölleds sones Chärtli überhaupt bruchä, chönd jo alles mitem Phone zahlä, und das leggeds sowieso niä us de Händ.
D Chartä abüter händ sich gäg das jo aber au chli gwappnet (und als Offensivä uf Lüt wo wiä du chlini Beträg trotz allem no mit Bargäld zahled) und das Kontakt und Pinlosä zahlä igfüert. Öbmer überhaupt scho neumed so zahlä chan i de Schwiz weissi allerdings gar nid.
Ganz so simpel bini nid gstrickt, au wenns mengisch ev. chli so übere chunt da ine 
