Mini PC / chlinä Läptop / Tablet / ? als Multimedia Player?

[Acid]

Ich bin im Moment bi Uffüehrigä Ispilligä no miteme CD Player am machä...wenni Video mues ha mieti en DVD Player und mach DVDs. Bis jetzt fühlmi eigentlich no fascht am wohlschtä mit denä Grät, dänk aber villicht wärs halt doch mol öpis es bitzli mit de Zit zgo (au will gschidi CD und DVD Grät au nid eifacher zum findä werded, will do halt doch gwüssi Sachä vo Bedütig sind, wo für de Heimgebruch kei Rollä spilled).

Wüsst öper en gueti, sicheri und nid z Türi Lösig wo dem einigermassä wür Grächt werdä:

-Rächäleischtigsmässig söts jo chum es Thema si, i erschter Liniä wärs eifach do zum Film und Musig Dateiä abzspillä, mit entsprechende Program. Ebäso bim Speicher... es müend nid TBs voll vo archivierte Film druf Platz

-Aschlüs: je meh Möglichkeitä desto besser...all zu vil chamer do aber wahrschindlich jo nid erwartä. Dasmer Bild und Ton getrennt chan absuugä söt jo glaub Standard sii.

-möglichscht Grüschlos... öpis mit eme lütä Lüfter wo plötzlich istiigt oder so isch eigentlich unmöglich z bruchä.

-kei Usstiiger und sicheri Bedienig... Ein Grund werum i nonig uf Computer cho bin, isch eifach au willis schwierig find Vertrauä dri z fassä, dass de nid softwaresiitig plötzlich afangt spinnä. Au vo de mechanischä Bedienig her muess es e Sicherheit geh... wemer en Chnopf druckt, muss au öpis passiere... aber nur das wasmer welä hed. Pannä chanimer do eigentlich nid leischtä... (natürlich ischs niä ganz sicher... aber es söt halt möglichscht sicher si, wenn möglich söt d Wahrschindlichkeit dass öpis nid klappt ebä nid grösser sii als bimene ganz eifachä CD Player, mit ganz eifachä mechanischä Chnöpf. De chan au mol usstiigä, aber das Risiko isch halt relativ chli... (je länger er in Betrieb isch, desto grösser wirds aber lol))
Das isch eifach au wichtig, dass das Überzügt, willi suscht ständig fascht i d Hosä mach und mi duräzitere bises durägstandä isch.

-nid so Tüür wär super. Günschtig no besser...

Das wäred glaub diä wichtigschtä Pünkt. Wäg de Aschlüss und de sicherä Bedienig falled glaub Tablets oder suscht Sachä mit Touch Bedienig scho mol weg. Öper en Idee?

[Acid]

Merci. Das tönt nid schlecht. Muesimer mol gnäuer aluege, und luege wases für Apps gäbti. Wiä müessti do sueche, laufed alli Apps druf, wo eifach ufemene entsprechende Android laufed, oder gits do irgendwelichi Schrankä?

Wüsstisch evtl. grad so en Mediaplayer (will Cinch Usgäng wäred scho no toll...grad im Moment muesi z.B. wider en Röhrä-Fernseh bediene, woni nur SCART chan aschlüssä) womer au chönt per (mit Kabel verbundener) Tastatur bediene. Oder meinsch det isch denn Prinzipiell nur mit Fernbedienig möglich?

[Jones]

i ha grad folgendes bstellt vor 3 täg:

Raspberry Pi Ultimate Kit (Typ B, Rev. 2 - 512MB RAM)

- Rasperry Pi, Typ B, Rev 2, 512 MB RAM
- schwarzes Gehäuse
- 32GB Kingston SDHC Speicherkarte, Class 10
- Steckernetzteil 5.25V 1.5A (Speziell für den Pi entwickelt)
- ZyXEL WLAN-N USB-Stick (NWD-2205, 300Mbps)
- HDMI Kabel, 2m

alles zäme 150.--
xbmc druf und mediacenter isch fertig!

[Vyse]

Geilo, ich will au so eine.
Was würed iehr empfehle für eher chliini Ahsprüch und möglichscht billig?
Wür das Teil an Beamer hänke und glägentlich mal wälle en Film luege und Slideshows ablah.

[Vyse]

Mal gucken, was es taugt.

[Vyse]

10min in Betrieb, scho gschlisse. lol
Ha dMenüdarstellig irgendwo verändert, dänn wälle das Rückgängig mache bi uuf irgend en Reset-Iistellig cho und jez lauft gar nüüt meh. 100 Stutz für nüüt. läss.
Hard-Reset (dä Pin drucke während sPowerkabel iistöpslisch) funkioniert au nöd. Irgendwelchi Tips, ussert dä Scheiss in Chübel schmeisse?

[Vyse]

nevermind, lauft wieder. Shit müesse flashe.

[Vyse]

Krass wie beschränkt und chnorzig no immer so grundlegendi Funktione wie z.B. sNavigiere/Menüfüehrig sind. Miini Nerve, bis mal e Slideshow gstartet häsch und dänn gits nöd mal ein einzigi Iistelligsoption (Bildwächsel-Gschwindigkeit, Übergangseffäkt usw.).
Rächt en Müll. Muen morn mal luege, obs irgendwelchi Apps git, wo das besser härebringed.

[Uriel]

Krass wie beschränkt und chnorzig no immer so grundlegendi Funktione wie z.B. sNavigiere/Menüfüehrig sind. Miini Nerve, bis mal e Slideshow gstartet häsch und dänn gits nöd mal ein einzigi Iistelligsoption (Bildwächsel-Gschwindigkeit, Übergangseffäkt usw.).
Rächt en Müll. Muen morn mal luege, obs irgendwelchi Apps git, wo das besser härebringed.

das truurige isch, dass es sit gfühlte 12301293 Jahr Apple TV git, wo all das Züüg verdammt guet hene bringt.
Ich bin grosse OpenSource Fan. Aber all die Android -in Fernseh inedrugg Dinger? All für dr Müll.

[Vyse]

...und dä Öpfel-TV hätt' nöd mal meh koscht.
Naja, mal luege, wie sichs no härbüüge laht.

[Shadow]

apple tv ftw

[Jones]

Krass wie beschränkt und chnorzig no immer so grundlegendi Funktione wie z.B. sNavigiere/Menüfüehrig sind. Miini Nerve, bis mal e Slideshow gstartet häsch und dänn gits nöd mal ein einzigi Iistelligsoption (Bildwächsel-Gschwindigkeit, Übergangseffäkt usw.).
Rächt en Müll. Muen morn mal luege, obs irgendwelchi Apps git, wo das besser härebringed.

das truurige isch, dass es sit gfühlte 12301293 Jahr Apple TV git, wo all das Züüg verdammt guet hene bringt.
Ich bin grosse OpenSource Fan. Aber all die Android -in Fernseh inedrugg Dinger? All für dr Müll.

schlächte verglich findi. miteme android mini PC chasch derfür ca. 103810831 mau meh mache.
aber d'bedienig isch würklech idR nid das gelbe vom ei wie ig so gläse ha... da muessi dir absolut rächt gäh.
apple tv müsstisch eher mit googles chromecast vergliche. wenn scho denn scho. (und dä choschtet 35 dollar statt ca 100 wie e apple tv)

hützutags machsch eh alles ufem handy und denn per airplay ufe tv. de isch d'bedienig vo dene grätli eigentlech näbesach...

[Shadow]

apple tv 79.- im MM

[Jones]

apple tv 79.- im MM

okay... nid 100 aber immer no meh als dopplet so tür wie e chromecast oder e raspberry pi..

edit: isch aber temporäri aktion oder? im digitec und süsch überall ischer sogar über 100.--

[Vyse]

Krass wie beschränkt und chnorzig no immer so grundlegendi Funktione wie z.B. sNavigiere/Menüfüehrig sind. Miini Nerve, bis mal e Slideshow gstartet häsch und dänn gits nöd mal ein einzigi Iistelligsoption (Bildwächsel-Gschwindigkeit, Übergangseffäkt usw.).
Rächt en Müll. Muen morn mal luege, obs irgendwelchi Apps git, wo das besser härebringed.

das truurige isch, dass es sit gfühlte 12301293 Jahr Apple TV git, wo all das Züüg verdammt guet hene bringt.
Ich bin grosse OpenSource Fan. Aber all die Android -in Fernseh inedrugg Dinger? All für dr Müll.

schlächte verglich findi. miteme android mini PC chasch derfür ca. 103810831 mau meh mache.
aber d'bedienig isch würklech idR nid das gelbe vom ei wie ig so gläse ha... da muessi dir absolut rächt gäh.
apple tv müsstisch eher mit googles chromecast vergliche. wenn scho denn scho. (und dä choschtet 35 dollar statt ca 100 wie e apple tv)

hützutags machsch eh alles ufem handy und denn per airplay ufe tv. de isch d'bedienig vo dene grätli eigentlech näbesach...

Das mag scho si, aber teh fuck. (Guet, hätt mi sölle besser informiere und kei Tüftlergschmeus chaufe)
Ich will es Grät iistecke und es Chnöpfli drucke, demits lauft. Menüs söllet intuitiv si, dass ohni überlegge grad die Funktione chasch uusfüehre, wo vorhande sind usw.
Das sind dAhforderige gsi vor 20 Jahr und da drah hät sich no nüüt gänderet, aber dIT-Mongos bringets immer nonig bache. Ich han mit Turbo-Pascal e besseri Menüfüehrig programmiert als dä Schrott.

[Jones]

so ische... besser inforiere = the shit!
i ha o mit some andrid stick gliebäuglet. dual oder gar quadcore power und 1-2gb ram wär haut scho geil vergliche miteme raspberry pi (700 uf 1000 übertaktbar und 512ram) aber d'community isch mindestens eso wichtig wie power. gseh das ja bi jedem nexus phone woni choufe...

dass die dinger nid aständig chasch remote bedine isch tatsächlech e schwachi leischtig!
guet... meh muess o immer gseh, für was die dinger primär dänkt si und was eim si isatzzwäck isch. 80% oder no meh bruches zum media streame oder lokal media abspiele und denn isch die ganz ander menufüehrig nid esoooooooo wichtig. was natürlech nid heisst, dass sie nid trotzdem dörft guet gmacht wärde...

[Jones]

wasi gläse / gseh ha, isch z'primäre problem immer z'networking. wlan sig sehr unzueverlässig.. also besser es lankabel ahänke mittels usb-ethernet adapter.
im youtube videotest louft dis grät relativ flüssig hani z'gfüehl. und es git äxtra es gui wo optimiert isch für d'fernbedienig. hesch das mau aktiviert?
die normali android oberflächli isch klar uf touchscreen usgleit und nid uf remotes...

[Uriel]

apple tv müsstisch eher mit googles chromecast vergliche. wenn scho denn scho.

Warum söll me Apple TV und die Android Dinger nüd vergliiche dörfe?

Und warum isch dr Vergliich mitem Chromecast grechtfertigt? Nur will die dumm Press das ständig macht? Chan Chromecast Airplay? Nei. Es chan nur das wiedergee, wo du im Chrome Browser am laufe hesch. Das Ding isch absolut nutzlos.
Hesch di informiert, was in letschter Ziit mit dem Chromecast alles passiert isch? (resp. welli vo dene ach so wenige Funktione me jetzt nachträglich wieder usegno het?)
Da, lies mal.
Chromecast als billigi Apple TV oder Roku Alternative... guete Witz.

[Avenger]

Das mag scho si, aber teh fuck. (Guet, hätt mi sölle besser informiere und kei Tüftlergschmeus chaufe)
Ich will es Grät iistecke und es Chnöpfli drucke, demits lauft. Menüs söllet intuitiv si, dass ohni überlegge grad die Funktione chasch uusfüehre, wo vorhande sind usw.

Die Androis Sticks uf MK808-Basis hei mi ou interessiert, wär lustig gsi zum umebastle. Aber so wie du das beschriebsch isch es wohl nüt. Für di würd i dem Fall eher öppis wie en WDTV Live passe. Out of the box isch de recht guet (het jedes Videofile gfresse), und e aständigi Fernbedienig hets ou derbii. Defür han i kei Ahnig wie guet er mit Slideshows isch, das han ig nie usprobiert.

Und jetz gits neu d Chromecasts. Bi gspannt was d Entwickler mit dene kreativs astelle.

[Acid]

Tönt demfall alles doch nid grad so als wäred diä Dinger irgendwiä für mini Zweck geignet.

[Jones]

I hami scho informiert... Plex for android wird i de nächschte wuche d'airplay funktion vo chromecast ungerstütze. netflix gits o scho. aber logischerwies gits fürs apple airplay meh apps wiu's das o scho lenger git...

Apple tv isch derfür uf apple grätli beschränkt. e chromecast isch zu allem kompatibel.
und äbe zume drittel vom pris.
I wirdes gseh wenni mis grätli endi sptember da ha...

[LuiStyle]

^^ Ich wird mir eine kaufe wenni dänne bin! Mal luege was das taugt

[Jones]

I lah mers la bringe.
Für dä pris chame nix falsch mache! Z'grät an sich isch guet. Dr support muess no chli zuenäh aber soooo lang isches ja no nid dusse...