Stativ: aber weles?

[Shadow]

Ich han en Nikon SLR, Sony Digicam und en GoPro und hätt gern mal es gschiids Stativ.

i diä enger uswahl sind mal diä cho:
https://www.digitec.ch/ProdukteVergleic ... 7%2c168315" onclick="window.open(this.href);return false;

eigentlich hätt ich gern es Filmstativ, mit Istelligsmöglichkeit, aber au Arretieriegsmöglichkeit.... hätt öpper Erfahrige mit eim vu dene gmacht?

[Herr Rossi]

S Joby Gorillapod hani, isch aber für mini DSLR nid gäignet weni s 70-300er Objektiv druff ha. Für die kompakt Pana Cam isches super (Film) vilsitig awändbar.
Bruche au no es gschids Objektiv fürd DSLR. Frage mal de Kolleg bi Glägeheit, de hed es Cullmann. Weis nid weles.

[Acid]

Sind also nid grad alles Stativ wo sich genau für s glichä Eignet. Und vom Budget au nid grad alli im glichä.

Zudem hesch paar mit Chopf, und paar ohni (dass heisst det muesch no ein Chaufä, wenns einigemassä vernünftig willsch chönä bruchä.

Persöndlichi Erfahrigä hani vo dennä nur mitem billigä Manfrotto (das chasch Spüählä... grad no mitere Kompaktä bruchbar, mit de DSLR chasch vergässä nur scho will de Chopf Scheisse isch, aber nid en andere chasch druf tuä.) undem Gorillapod, de, wiä de Rossi seit, nid würklich DSLR geignet isch, au wener so heisst (au ohni 70-300 nid).

Was vili vo de billigä Stativ meischtens gmeinsam händ, isch halt diä, dassi eigentlich nur als Ständer was tauged. Sobald d Situation echli afordernd isch, es echli winded, oder sogar willsch Filmä mit chli Schwänkä oder so, hebschi i de Hand ruhiger.

[Supersonic]

Wennd es aaständigs Videostativ under 300 Franke suechsch isches s'Velbon DV-7000 by default. Git nüt vergliichbars i dem Priissegment. Mer bringt zimli schöni Schwenks demit ane, isch aber natürli trotzdem no nix vergliiche miteme professionelle Teil. Aber en sehr machbare Kompromis (ich han au eis)

[Shadow]

ja budget wär eigentlich max 200.- hehe... s'Velbon hani au scho agluegt, hani au no guet gfunde.... chaufe demfall halt es billigers

wott eis woni cha schwenks mache und glich arretiere, da wär es film stativ warsch. s'beschte oder?

[Acid]

wott eis woni cha schwenks mache und glich arretiere, da wär es film stativ warsch. s'beschte oder?

Do chunds eifach uf de Chopf druf a. Und für diä awändig isch en Videochopf amene Chugel oder amene üblichä 3 Wägchopf vorzziä...

[Shadow]

Empfiehlsch grad eine? Am beschte mit link, stativ ich = n00b

[Acid]

Was ich so uf em Radar han isch leider alles sehr viel z Tür. Sälber hani für Video au no kei gueti Usrüschtig binenand, weder billig no Tür, will bin bis jetzt in erschter Liniä im Photibereich unterwegs gsi, und han allä Cholä det inn.

Und es isch halt nid würklich guet möglich definitivi Empfehligä zgeh, wemer sälber nid demit gschafft hed. Ich han mir ebä es tüürs kauft, dassi nid eis nochem andere durä loh... (Und natürlich will au suscht besser gmacht isch). Dementsprechend bini scho sit Johrä immer mit em glichä unterwegs, und han nid mit allnä möglichä Erfahrig gsammlet. Chönt nid mol sägä wiä guet mis im Verglich würklich isch (guet, han grad letscht Wuchä das vo miner Schwe i de Hand gha, chönt glaub au es Velbon sii... mis isch glaub scho zimlich guet )

Drum isch am Sonic sin Hiwies natürlich eigentlich Gold wert, wenns no eifach zha wär. Grad im billigere Bereich, ischmer vo "guet für de Priis" ebä denn doch gli mol bi Unbruchbar, bi Video sowieso.



Diä do lischtets no als an Lager: http://www.pctop.ch/pInfos.aspx?CODE=C30C59" onclick="window.open(this.href);return false;

Oder denn setzischders zämä usem Chopf vo dem (wo aber au nur no de Digifuchs als Lieferbar agid: http://www.digifuchs.ch/index.php?advised_product=3314" onclick="window.open(this.href);return false; han gläsä dass de Chopf aber nid so stabil z arretriere isch, bzw. er sich relativ liecht lösä chan... villicht chan das de Sonic bestätigä oder dementiere) und denn villicht öpis i derä Richtig drunter: http://www.toppreise.ch/prod_121914.html" onclick="window.open(this.href);return false;.
Wenn doch es paar Frankä meh hesch, wär dass villicht au en Variantä als Chopf, hani au scho Empfehligä gläsä als Niederpriis Guetzli: http://www.toppreise.ch/prod_139712.html" onclick="window.open(this.href);return false;

Ich glaub i derä Richtig chöntis scho au öpis Bruuchbars geh... han zwar persönlich ebä nid so en guete Geischt für Manfrotto parat, lieht aber eifach a miner Entüschig bezüglich dem chlinä billigä Stativ. anderi verzelled durchus guets.
aber du merksch... ich möcht dänn nid gschuld sii, wenns doch chli gwaglet

(tuet mis aber übrigens au, wemmer sich gnueg müäh gid... abemere gwüssä Festigkeit hilft do denn eigentlich nur no Gwicht. Je nach Verwändig hört denn das aber schnäll mol uf praktisch zsi.)

[Shadow]

han jetzt mal paar Chugelchöpf agluegt... nimme glaub würklich de.

SIRUI K-30X Ballhead
http://www.facebook.com/l.php?u=http%3A ... =IAQHpnDg1" onclick="window.open(this.href);return false;

Plus irgend es Stativ
Cullmann Magnesit Stativ 525M inkl. Monopod + Panoramakopf

oder

Manfrotto Stativ Pro Schwarz 055XPROB

oder au Velbon Tripod - DV-7000

bin no chli im Klinsch

[Supersonic]

Hols Velbon, langed für s'allermeiste!

[mastercello]

Cullmann Magnesit Stativ 525M inkl. Monopod + Panoramakopf

Han au das und be zfriede demit (guets Priis/Leistigsverhältnis)
Was mer no fählt esch en guete Kugelkopf.

[Shadow]

Hols Velbon, langed für s'allermeiste!

scho gäll, mit eme guete Chugelchopf langets eh... ja bschtelli mal nach dä GN

[Supersonic]

Hols Velbon, langed für s'allermeiste!

scho gäll, mit eme guete Chugelchopf langets eh... ja bschtelli mal nach dä GN

Absolut, de Tripod selber isch sowieso mega, s'einzige Manko isch de Griff und d'Widerstandsiestellige aber mit es bitsli Geduld hett mer das guet im Griff.

[Shadow]

danke

[resuscitation]

Manfrotto. s'einzig wahre

[Acid]

Hesch wahrschindlich au scho einigi uspropiert :laulen: :dublen:

[resuscitation]

Hesch wahrschindlich au scho einigi uspropiert :laulen: :dublen:

stell Dir vor.. Ja ... aber frög mich jetzt nöd nach Marke.. sind eher so Billigprodukt gsi

[Shadow]

Mhm immer no unschlüssig Manfrotto staht aschinend au nöd über allem

[resuscitation]

Äs git wahrschiinlich au nöd das einzig Wahre.. äs muess für Dich stimme und dänn isch es wahrschiinlich egal, öb tüüri Marke oder Billigprodukt.. Für mich händ eifach äs paar Kriterie müesse erfüllt sie.. stabil, wackelresistänt, wächselbare Chopf, Schnällwächselplatte, Wasserwaag, höch gnueg und und und.. Manfrotto hät mir eifach am beschte zuegseit aber äs git ganz bestimmt no ganz anderi Marke, wo die gliiche Kriterie gliich erfüllet. für mich isch es eifach Manfrotto (ftw)

[LeviathanX]

Also ich mag mein Manfrotto 055XPROB.... groß, stabil und sehr flexibel... und für mich war das Querlegen der Mittelstange und totale Bodennähe ein zusätzliches Kaufargument...

sieht man auch hier ganz gut: http://www.stativfreak.de/GALERIES/3BEI ... /index.htm" onclick="window.open(this.href);return false;

Klick Dich auf der Seite mal um, vielleicht findest Du ja auch "Dein" Stativ

[Shadow]

Goil danke! Coole page