Chopfhörer - ehrlichs Marketing?

[Shadow]

gseh uf http://www.everbuying.com/product429453.html

was häsch Du für en Chopfhörer... sueche was neus.... evtl. AGK Q702? aber han angscht, dass wie beats sind... ok aber tüür.

AGK Q701 Verglich
http://www.head-fi.org/t/594927/akg-q70 ... son-review

ab ca. 230$ chunschs über... digitec 400.-

[Gurgelhals]

Beats sind dänk au kei Chopfhörer, sondern es Modeaccessoire

[Uriel]

En AGK Q702 chasch jetzt also definitiv nüd mit Beats vergliiche. Das sind Wälte. Beats sind, was dr Gurgelhals scho gseid het; es Modeaccessoire. Für dr Priis sinds zimli schlecht.

Persönlich bin ich de Sennheiser HD 25 verfalle. Mir passeds ganz guet, ich hans damals binere Digitec Aktion relativ günschtig becho

Edit: ah ja: über was für es Gräät wilsch denn musig lose?

[Shadow]

Edit: ah ja: über was für es Gräät wilsch denn musig lose?

iphone/ipad/PC

isch ja egal eigentlich... alli mp3 sind 320kbps oder .m4a/Flac

denke s'AGK Q702 wärs mal wert zum wage... nur guets glese bis jetzt...

das mit de Beats isch mir scho klar.... han d'Studio und Solo au mal gha und au super gfunde, dass sie für diä leischtig viel ztür sind isch mir damals scho klar gsi, aber will ich mich i dem Bereich nöd unbedingt so guet uskenne, bini au zfriede gsi

[geosnow]

en schiisdreck sinds.

[Shadow]

en schiisdreck sinds.

trololololol. mit was losisch denn du ?

[geosnow]

http://www.psbspeakers.com/products/hea ... Headphones

wenn im flüger bisch. hani aber selber nöd.

für de notfall hani so en schrott koss porta, wo mega hässlich isch.

[Shadow]

no geil..... ROOM FEEL.

muessi bim kolleg mal go probelose.

[TypeJ]

on ear hani sennheiser kauft, sind würklich recht super!
HD598

in ear hani klipsch, bescht woni je ghört han
leider ned ganz billig
x10i

aja beats: KARTOFFEL

[Uriel]

isch ja egal eigentlich... alli mp3 sind 320kbps oder .m4a/Flac

Isch nüd egal: je nach Chopfhörer lohnt sich e Aaschaffig vom ne portable Headphone Amp. Bim iPhone chasch dr interni Digital zu Analog Konverter umgaa. Zimli tolli Sach wo sich glii mal lohnt.

[Xinobrax2]

Zum Musig mache hani Reloop RHP-20...bin recht zfride demit. Ich bin allerdings en Noob und han no nie so richtig türi Chopfhörer kauft...

[evo]

i frog mi immer wider ab wellem grad mer dr priis bi so dinger no rechtfertige ka.

kolleg het die:

https://www.digitec.ch/?param=google&we ... 3god1AwAvA
no mit otoplastische ufsetz für 200.- wo genau uf sis ohr ahpasst worde sin.

i behaupte er würd kei unterschid merke bi halb so tüüre in ears, er beheuptet natürli s gegeteil

[Xinobrax2]

635.- für so Chnopfdinger? rofl xD

Mir isch uf all Fäll ufgfalle, dases bim Musig mache scho bizeli druff a chunt wasmer für Chopfhörer het. D Ergebnis töned denn au uf de Alag einiges besser...aber ich würd jetzt nie me als 200.- defür usgeh

[Avenger]

isch ja egal eigentlich... alli mp3 sind 320kbps oder .m4a/Flac

Isch nüd egal: je nach Chopfhörer lohnt sich e Aaschaffig vom ne portable Headphone Amp. Bim iPhone chasch dr interni Digital zu Analog Konverter umgaa. Zimli tolli Sach wo sich glii mal lohnt.

verzell! was wie wo? hesch grad vorschläg?

[boergi]

Isch nüd egal: je nach Chopfhörer lohnt sich e Aaschaffig vom ne portable Headphone Amp. Bim iPhone chasch dr interni Digital zu Analog Konverter umgaa. Zimli tolli Sach wo sich glii mal lohnt.

chas si das mis iphone5 en andere DA wandler het aus mi nöi ipod nano?
ergendwie tönt s'iphone besser met de gliche (originau) earphones..

[Uriel]

Isch nüd egal: je nach Chopfhörer lohnt sich e Aaschaffig vom ne portable Headphone Amp. Bim iPhone chasch dr interni Digital zu Analog Konverter umgaa. Zimli tolli Sach wo sich glii mal lohnt.

chas si das mis iphone5 en andere DA wandler het aus mi nöi ipod nano?
ergendwie tönt s'iphone besser met de gliche (originau) earphones..

Das chan sehr guet sii, mis iPhone tönt au anderst als min damalige iPod Classic. Ich forsch mal hüt Aabig es biz umme.

Ah ja: isch übrigens eine vo de Gründ, warum dr Lightning zu 30 Pin Dock vo Apple so tüür isch: jedes vo dene Dinger het zuesätzlich noch en DAC drin, wil dr 30 Pin Aaschluss analog isch und nüd digital.

@ Avenger Ich chan ja mis Setup hüt Aabig au no grad poste.

[boergi]

be aso rächt entüscht gsi woni ne s'erscht mou probiert ha.
sobaud öppis höchi bass pegu hett chames gar ned lose, überschlot grausam.

es het jo no diversi eq settings. wenn me die änderet tönts dütlech andersch, aber nie besser..

[Uriel]

be aso rächt entüscht gsi woni ne s'erscht mou probiert ha.
sobaud öppis höchi bass pegu hett chames gar ned lose, überschlot grausam.

es het jo no diversi eq settings. wenn me die änderet tönts dütlech andersch, aber nie besser..

Überschlaa söttet die Dinger eigentlich nüd? Was für Chopfhörer benutzisch?

Gemäss iFixit sind aber definitiv anderi DAC verbaut. bim iPhone 5 isches en Apple 338S1077 Cirrus audio codec, bim iPod Nano isches was anderes, ke ahnig was.

[boergi]

originau chopfhörer vum iphone5 hain dra. üsserlech glich we die wo bem ipod debi gsi send. i ned aso ah si send ou glich.

ergend en ischtöuig em eq hets wo aui pegu sött abe nä. tönt emer no glich nach überschlo. eifach liecht dämpft..

[Astroboy]

originau chopfhörer vum iphone5 hain dra. üsserlech glich we die wo bem ipod debi gsi send. i ned aso ah si send ou glich.

ergend en ischtöuig em eq hets wo aui pegu sött abe nä. tönt emer no glich nach überschlo. eifach liecht dämpft..

Das cha nid sii, me weiss ja, dass bim iPhone nur Top-Chopfhörer mitgliferet wärde!!!

[geosnow]

hey, alles vo apple isch top. sogar de intel chip isch im mac book besser als bim dell.

[thaeye]

ehrlichs marketing? hahahah

[feeshlee]

Sennheiser HD 518

guete sound (nöd superduper oder exzellänt oder grossartig oder fantastisch).
kabel kasch abzieh.
guete priis.

[Shadow]

ehrlichs marketing? hahahah

hui da gumpsch wieder hinderem hüsli füre wie wild hä?

[Shadow]

PS: bis jetzt hani eigentlich au nie meh als 200.- usgäh... au für beats studio nöd, kolleg hät paar gha zum teschte....

aber würd gern mal was richtigs ha.... AGK Q701 pässled mir no guet .... gits öppis wo meh für 230$ besser sound überchunt... ich lose eigentlich alles, hauptsächlich hiphop/house/trance.