Tablet/Notebook Hybrid

[Sephi]

Hellau mitenang. I bruche mou wider öiri unändlechi technischi Kompetänz bimene Thema wonimi no überhoupt nid uskenne. Bi mi jetz ersch so langsam am iiläse. Irgendwie hetsech i mim Chopf feschtgsetzt dassi gärn en Tablet/Notebook-Hybrid möcht, aso es Notebook woni der Screen jederzit cha usklinke und als Tablet bruche.

Mini Frog isch jetz grundsätzlech mou: Was isch so teh shit i däm Beriich? Irgendwelchi Favorite? Transformer Pad? Transformer Book? Surface Pro? iPad mit externer Lasertastatur? Hie mini grobe Kriterie:

- Der bessere Kompatibilität mit mine bishärige Arbeitsgrät hauber hanimer öppis windowsbasierts vorgstöut. Bi aber offe - weles Betriebssystem macht Sinn?

- S Internetz gedänkeni ungerwägs vom Natel us druf z Tethere, d.h. Bluetooth (nime ah isch mittlerwile ou standard?) isch es muss.

- Sörfe im Internetz sött müglech sii

- Solidi Akkuloufzit isch Pflicht.

- Mues ohni Problem chönne 1080p videos abspile (nime ah das erübriget sech wiu das alli hüttige Grät chöi?) damitis am Beamer cha aschliesse. Entsprächend wär HDMI-Aschluss vo Vorteil, nime nid ah dass bi söttige Grät no VGA verbout isch?

- Het öpper Erfahrige mitem Metro (heisst das no so?) vo Windows 8 gmacht? Isch das aus Tablet-Benutzeroberflächi gäbig?

- Gaming wär e nätte Bonus, mues aber nüt wiuds druffe loufe.

- Gits öppis wo gäge so Hybride spricht jetz im vergliich zumene reine Tablet bzw. eme reine Notebook?

Dir gseht, i ha würklech null Ahnig - bi um jede Tip und Hiwiis froh. Merci!

[Uriel]

Tablet/Hybride sind im Moment e sone Sach: vo de Idee her filicht da und det no witzig, hends doch einigi Schwächene: D Akkulaufziit isch gemäss allne Teschts wo ich kenn, miserabel (Unter 4 Stund). D Touch Implementierig ergit schnell ken Sinn me, will halt denn doch dr Grossteil vo de Programm nüd uf Touchiigabe korrekt reagiere chänd. Dademit wird die Touch Sach zum ne Gimmick.

Daher würd ich zur Ziit zu so öppisem we es Asus Zenpad oder sowas gliife. Es het e gueti Akkulaufziit, isch liecht und chlii (Macbook Air Style)

Falls dennoch willsch, chan ich dir mal 2-3 Touch Grääät usesueche, wo nüd komplett failed.

Im Ganze mues me säge, dass die Dinger überraschenderwiis Game tauglich sii chänd, allerdings het da die nächst Generation (wo ide nächste 2 Monat lanciert wird) leischtigsmässig en rechte Sprung. Die reini Recheleischtig interessiert eim ja eigentlich scho sit es paar Jahr nüm würklich, aber bi de integrierte Grafiklötereie macht Intel da und det no grossi Sprüng, was es abwarte lohnenswert macht. Ich schriib morn sust mee

[Sephi]

Tablet/Hybride sind im Moment e sone Sach: vo de Idee her filicht da und det no witzig, hends doch einigi Schwächene: D Akkulaufziit isch gemäss allne Teschts wo ich kenn, miserabel (Unter 4 Stund). D Touch Implementierig ergit schnell ken Sinn me, will halt denn doch dr Grossteil vo de Programm nüd uf Touchiigabe korrekt reagiere chänd. Dademit wird die Touch Sach zum ne Gimmick.

Daher würd ich zur Ziit zu so öppisem we es Asus Zenpad oder sowas gliife. Es het e gueti Akkulaufziit, isch liecht und chlii (Macbook Air Style)

Falls dennoch willsch, chan ich dir mal 2-3 Touch Grääät usesueche, wo nüd komplett failed.

Im Ganze mues me säge, dass die Dinger überraschenderwiis Game tauglich sii chänd, allerdings het da die nächst Generation (wo ide nächste 2 Monat lanciert wird) leischtigsmässig en rechte Sprung. Die reini Recheleischtig interessiert eim ja eigentlich scho sit es paar Jahr nüm würklich, aber bi de integrierte Grafiklötereie macht Intel da und det no grossi Sprüng, was es abwarte lohnenswert macht. Ich schriib morn sust mee

Danke afemou für dä erscht Idruck. Das mit de Programm wo nid korrekt uf Touch-Igabe reagiere isch interessant - was für Programm sind denn do devo primär betroffe? Ich nim ah primär Programm wome normalerwiis im Notebook-Modus würd bediene? I mues vilech no öppis zu mire vorgsehne Nutzig vo somene Grät säge: Im Notebook-Modus würdi vermuetlech gänzlech uf Touch-Igabe verzichte unds halt eifach wienes Notebook bruche - nime nid ah dass das es Problem sött si, oder? Es gohtmer primär drum dasis im Zug oder irgendwo ir Wohnig aus normale Laptop cha bruche. Der Tabletmodus brüchti primär zum surfe, Artikle läse, Videos und Serie luege (alles im Zug, zum Game hani deheime en Desktop-PC).

Würdsch dämfall säge es würd evtl. meh Sinn mache es ZenIrgendwas als Laptop und es dedizierts Tablet derzue z choufe?

Ahja, sött evtl. no erwähne: Ich würds bevorzuge wennme der Screen vom Tastaturteil chönnt trenne und separat als Tablet bruche, also nid eini vo dene klapplösige mit fix agmachtem Screen.

[Scarface]

https://www.digitec.ch/?param=toppreise&wert=259538" onclick="window.open(this.href);return false;

Asus transformer book hani bstellt im jan u warte immer no druuf

Chaufgrund:

Dock mit 500GB HD u zuesatz akku
128 GB SSD im tablet
Micro hdmi usgang
Win8
4GB ram
Aluminium ghüs
ASUS

We no chli masch warte chasch de mis usteschte

[Uriel]

Je mee ich über die Hybride lis, desto weniger gfalled mir die Dinger.
Au erwähnenswert: nahezu alli amerikanische Siitene findet, d Dell Modell heget churzi Akkulaufziite, die dütsche Tests behauptet wiederum, Akkulaufziite vo fascht 10 Stund (was exzellent wär aber anes Wunder grenze würd).

Reviews...

[Tatsujin]

meinige im internet sind wie arschlöcher, jede het eis und jede meint em andere siis stinkt meh.

[TypeJ]

Win8, willsch das würklich??
Werum will me es notebook chöne als tablet nutze? Das nid zwei grät umeliege hesch?

Zum worke chunschnja um es notebook oder en mac odermpc eh nid ume oder...also..
Und zum reine surferle und blödle isch es pad perfekt!

Lahn dfinger vome hybrid, kolleg het eine kauft und er seid genau das: weder fisch na vogel!

Chauf es macbook air, liecht, supersmall, schnell, geil!

[Shadow]

Oder no besser, es ipad

[damian]

churzi Akkulaufziite

wänn du en akku und es motherboard muesch in bildschirm iiboue felt halt eifach dä platz für en gnueg grosse akku. s'iPad hät zum biispiel extra energiesparendi prozessore wo fürs iOs uugleit isch, det gahts villicht, aber ich dänke dass das hybridprinzip us rein physikalische gründ ebä nöd so toll isch wies tönt... ich meine was brucht es laptop wo en tabletpc nöd brucht? es isch nur d'tastatur. dänn isch es iPad mit extrerner Tastatur s'bessere konzept...

[Shadow]

Isch ebe scho so

[Uriel]

Also, ich bin jetzt es biz schlauer worde. Die meischte Quellene, wo ich konsultiert han, ratet vo Tablet Hybride no ab. Wenn denn doch eis willsch, denn isch ds Surface Pro vo de Verarbeitig und allem nüd schlecht. Au das Asus Ding isch ok. Die meischte beklaged sich eifach, dass du alli non Metro Apps (also alles, was nüd im Microsoft Store isch) nüd vernünftig chasch mit Touch bediene.
Die meischte benutzed dr Hybrid letschlich we en Laptop und denn chasch u.U. en fairere Deal mache, wenn dr es guets Ultrabook holsch und mitemene Tablet kombiniersch (so hans ich gmacht). Dank Dropbox und Co. isch denn eh alles immer schön synchronisiert.

Im Allgemeine würd ich no warte, will in 2 Monat halt die neu Prozessorgeneration duss isch, wo vor allem wieder ade Grafikkomponente söll ummegschruubed worde sii. Stromiisparige sind bi de nächste Generation nüd ds erwarte.

Ebefalls ds bedänke isch Windows 8. Es isch genau denn ok, wenn all das neue Züüg gekonnt ignoriersch. Persönlich bereitet mir vor allem mini Netzwerchshares chopfzerbreche. Ich han i de WG, Windows XP und 7, Ubuntu Linux und Mac OS. Dr einzig mit dene Netzwerchshare Problem isch min Desktop PC mit Windows 8. Ich hans damals zu teschtzweck installiert. Nüd grad en glückliche Moment isch das gsi.

[Uriel]

Ok, ich han der Nami mal es paar Gräät usprobiert: Au d nüd Metro Apps lönd sich eigentlich nüd soo schlecht bediene, we ich ufgrund vo de Teschts befürchtet han. ABER: all die Wüschgestene funktioniered nur in 1/3 vo de Fäll (uf de HP Gräät) es isch unglaublich, wer macht sowas?! Die «Multitasking» Siiteleischte laht sich nur mit zimli viel Üebig aktiviere... naja. Ds Format (16:10) passt mir ebefalls überhaupt nüd.

Ich würd würklich es schlaus Ultrabook chaufe, plus no irgend es Tablet.

Falls jetzt doch willsch zueschloo? Mit dem Code hesch im offizielle HP Store 20% Rabatt:

MSPT_0613

Dr Code isch bis am 14 Juli gültig.

[Astroboy]

Mach Zenbook & Nexus 7 oder sowas (so ha's ig) ,
Hybrid isch no 1, 2 Generatione z'früeh.

[Sephi]

Auso merci viumau afe für die usfüehrlechi Recherche und die Tonne Infos. Wasi sicher no möcht mache bevori e definitivi Entscheidig fälle isch am Scarface si Transformer usprobiere. Irgendwie hani s Gfüehl solangi e Browser und en Youtube-App ha wo suber loufe würdemi die angere Touchscreen-Igabeschwirigkeite nid würklech störe, wiui vorussichtlech nur für Video + Browse der Tablet-Modus würd bruche. Hingergrund vor Hybrid-Idee isch gsi dassi sones Grät primär im Zug würd bruche und nid umsverrecke möcht 2 separati Grät mitschleppe. Then again, werum nid no 1, 2 Generatione abwarte.

Ultrabook + Tablet bhauteni definitiv im Chopf als müglechi Lösig. Was isch momentan so teh shit im Ultrabook-Beriich? Zenzüüx? Am Astroboy sis Nexus 7 tönt interessant - allerdings hani es iTelefon und würd bimene reine Tablet-Chauf wohl zugunschte vo App-Kompatibilität (Kanji-Üebigsprogramm etc.) zumene iPad tendiere. Da gohts mer wie gseit rein um Kompatibilität, verfüege über kenerlei Platform-Fundamentalismus.

[TypeJ]

mac book pro retina isch s'ultimativ!

[Scarface]

Quelle