Seite 1 von 1

Bildschirm repariere

Verfasst: 07 Jun 2018 19:25
von Xinobrax2
Min Main-Screen het de Geist ufgeh und ez hani nur na 3 Bildschirm wienen ganz normale Mensch und das gat gar nid. S isch en Philips BDM4056UC, also en LCD mit LED Hintergrundbelüchtig. Wegrüere chunt nid in Frag solang sich da no öpis mache lat.

De Sound lauft na und weni mit de Taschelampe druff lüchte gseni daser theoretisch na es Bild heti. Ich schlüsse mal drus, dass d Hintergrundbelüchtig im Arsch isch. Bevori das Ding ez aber na ganz usenand nime würds mi mal interessiere, ob öpert vo euch Erfahrig mit sonige Reparature het.

Het da jede Hersteller sini eigne LEDs oder spielt da nid sone Rolle woni mir en Ersaz poste?
Ich vermuete mal dases LED Strips sind, aber chamers trotzem au einzeln erseze?
Muesi die LED zwingend erseze oder chani de Chreislauf im Notfall au eifach oni d LED schlüsse?

Elektronik uf dere Ebeni isch nid so mis Ding. Ev. sind mini Frage dumm.

Merci

Re: Bildschirm repariere

Verfasst: 08 Jun 2018 14:12
von Herr Rossi
Ide allermeiste Fäll isch im Stürchreis oder site Schpisig vo de Hindergrundbelüchtig defekt. Isch wemmer Ziit hed recht easy zum repariere, im Summer machi das aber eher ungern. Bring ne mal verbi.

Re: Bildschirm repariere

Verfasst: 08 Jun 2018 14:52
von Xinobrax2
Das Ding isch biz z gross zum umeschleppe :lol:

Am liebste würdi da aber sowieso selber repariere und denn grad no was debi lerne. Du würdsch also devo usgah, dass d LED selber na funktioniered und was mit de Stromversorgig nüm lauft? Ich chenti de Screen ja eifach mal usenand neh und d Leitige teste. Wo pstellsch du amigs d Ersazteil?

Re: Bildschirm repariere

Verfasst: 09 Jun 2018 07:00
von Herr Rossi
Ich nime die defekte Teili amigs use und gange zum Conrad. Ide Filiale in Emmebrugg isch e Typ wo praktisch jedes Teil kennt und s cha bsorge. Ich bschtell aber au sehr vil in China, wenns nid pressiert. Grad für Handy Ersatzteil super, da bis 90% günstiger

Re: Bildschirm repariere

Verfasst: 09 Jun 2018 08:25
von Xinobrax2
Super, merci. Ich organisiere ez zersch mal es Voltmeter und de luegi mir das mal chli genauer a :)

Re: Bildschirm repariere

Verfasst: 29 Jun 2018 20:08
von Xinobrax2
Multimeter isch acho, d Boards hani tested, funktioniered iwandfrei....und 5 LEDs sind kaputt :x

Warum mached die s Uswechsle vo de LEDs überhaupt so ver****t umständlich? Okay, isch en rhetorischi Frag, aber die Bildschrm chäntmer doch echt so baue, dasmer die Dinger eifach uf de Rücksite chenti ineschrube :typej:

Re: Bildschirm repariere

Verfasst: 01 Jul 2018 11:13
von Xinobrax2
Wo pstell ich am gschidschte sonig LED Strips (LBM400P0901-AW-2 )? Ich finde zwar einigi Shops, aber die sind alli entweder in Osteuropa oder in China. Bi de Shops in Osteuropa sind d LEDs tür und s Porto niedrig...und in China sind d LEDs günstig und s Porto höch :x

Re: Bildschirm repariere

Verfasst: 23 Aug 2018 20:56
von Xinobrax2
Hüt sind d LEDs endlich acho. Screen lauf wieder 8-)

Re: Bildschirm repariere

Verfasst: 19 Sep 2018 17:47
von Marco_in_motion
So guet :-)