The(G)Forum

Ich han e alti xbox mit paar files wie mp3, film und musigvideos, wo ich gern wür uf min alte xp laptop übere kopiere. Han no es crossover kabel.
Ich ha das scho lang nüm gmacht aber ich mag mi no a flashfxp erinnere....chasch mit dem programm doch au files vo de box zrugg uf de pc zieh..oder ?
Oder wie chan i das am schnellste und eifachste mache ?

Also wenn das Teil crackt isch und en FTP Server druff lauft chasch si au eifach ganz normal as Netzwerk ahenke (oni Crossover) und denn via FTP Client (FlashFXP, Filezilla) druff zuegriffe. Standard Username & Passwort wär xbox.

Okay. Denn wirdi dad morn mal probiere.

moved to tech-forum....

has churz probiert isch aber uf ahieb nöd gange. mues denn in aller rueh am abig nomal probiere evtl. mit me andere laptop oder sogar pc.
falls ichs nöd schaff, chönnti doch eifach d`harddisk useschruube, und am ne andere pc uslese bzw. d files kopiere ? irgendwo het min brüeder sogar no e harddiskkopiergrät, susch probieri das.
ich bin ebbe chli en hirsch wenns um pc, netzwerk usw. gaht...

Um Missverständniss uszschlüsse: Wenns oni Crossover Kabel machsch müend di beide Grät über en Router verbunde werde. Hesch da gmacht? Falls ja, kriegt d XBox e IP? Falls ja, chasch die IP vom Laptop us pinge? Falls nid, isch de Laptop i de gliche IP Range?

Ich han jetzt scho sit einige Jahr nix me mitere XBox gmacht, aber weni mi richtig erinnere het die es eignigs Dateisystem womer amene PC nid so oni witeres chan uslese wemer d Platte direkt ahenkt. Möglich wärs wohl trotzdem mit de entsprechende Tools/Triber, aber das wär wohl na umständlicher als via FTP.

ich han es crossover und es normals kabel, en ethernet switch hani au no - wenn mit router das ding meinsch ?
en laptop mit windoof7 und no en pc mit xp isch au no ume. ich han jetzt ziit .......
ähm... ip adresse vo xbox und vo pc mues di gliich si ?

192.168.1.1 und 192.168.1.1 ?
oder
192.168.1.1 und 192.168.1.2 ?

Ufff.....also ne, miteme Switch wärs nomal was anders. S praktisch am Router wär de DHCP gsi wo automatisch d Netzwerkistellige verteilt....aber es gat au manuell.


Demfall oni Router und mit Crossover.

1. Laptop direkt mit de XBox verbinde mitem Crossover Kabel.
2. Netzwerkistellige am Laptop apasse

IP: 192.168.0.5
Subnet: 255.255.255.0

3. Netzwerkistellige bi de XBox apasse

IP: 192.168.0.6
Subnet: 255.255.255.0
DNS: 192.168.0.5

Aschlüssend vom Laptop us miteme FTP Tool mit 192.168.0.6 verbinde. Benutzername & Passwort: xbox


Also unterschiedlichi IPs verwende aber s gliche Subnet. S chan si dass es XP d Netzwerkistellige nid so oni witeres übernimt. Ev. muesch s Interface deaktiviere und wieder aktiviere demit di neu IP übernoh wird...und susch eifach de Laptop neu starte nachdem d Istellige apasst hesch. D XBox muesch vilicht au neu starte...

Edit: Gateway useneh...

Es gaht, geil, mässi.
Irgendswie isch es am kabel glägge. Han denn es anders kabel probiert und jetzt gahts